ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Պաղպաղակի արտադրության գծի կազմի մեջ մտնող սարքավորումները, որոնք բաղկացած են պաղպաղակի համար էքստրուդերից և փայտիկը ներխփող սարքավորումից, գոլորշեցուցիչով հագեցված (առանց սառնարանային կայանքի)՝ պաղպաղակի մխեցման համար արագ սառեցնող թունելից, պաղպաղակի ջնարակման և փաթեթավորման ավտոմատի՝ հաջորդական գործողություններ կատարող համակարգից, մատակարարվում են պաղպաղակի արտադրության գծի կազմի մեջ մտնող մնացած տեխնոլոգիական սարքավորումներից առանձին, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան՝ դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8438 90 000 0 ենթադիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: