ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

«Եվրասիական տնտեսական միության շրջանակներում տեղեկատվական հաղորդակցական տեխնոլոգիաների և տեղեկատվական փոխգործակցության մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 3 հավելված) 30-րդ կետին համապատասխան և ղեկավարվելով Եվրասիական տնտեսական հանձնաժողովի կոլեգիայի 2016 թվականի դեկտեմբերի 19-ի թիվ 169 որոշմամբ՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝ «Եվրասիական տնտեսական միության անդամ պետությունների միջև էլեկտրոնային տեղեկատվական փոխգործակցության իրագործման ապահովում՝ երրորդ երկրների հետ մաքսային տեղեկատվության փոխանակման նպատակով» ընդհանուր գործընթացի իրագործման կանոնները։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

ՀԱՍՏԱՏՎԱԾ ԵՆ Եվրասիական տնտեսական հանձնաժողովի կոլեգիայի 2018 թվականի դեկտեմբերի 18-ի թիվ 207 որոշմամբ

I. Ընդհանուր դրույթներ

1. Սույն կանոնները մշակվել են Եվրասիական տնտեսական միության (այսուհետ՝ Միություն) իրավունքի մաս կազմող հետևյալ միջազգային պայմանագրերին և ակտերին համապատասխան՝

«Եվրասիական տնտեսական միության մասին» 2014 թվականի մայիսի 29-ի պայմանագիր (այսուհետ՝ Միության մասին պայմանագիր).

«Եվրասիական տնտեսական միության մաքսային օրենսգրքի մասին» 2017 թվականի ապրիլի 11-ի պայմանագիր (այսուհետ՝ Միության մաքսային օրենսգիրք).

Եվրասիական տնտեսական հանձնաժողովի կոլեգիայի 2014 թվականի նոյեմբերի 6-ի «Ընդհանուր գործընթացներն արտաքին և փոխադարձ առևտրի ինտեգրված տեղեկատվական համակարգի միջոցներով իրագործելիս տեղեկատվական փոխգործակցությունը կանոնակարգող տեխնոլոգիական փաստաթղթերի մասին» թիվ 200 որոշում.

Եվրասիական տնտեսական հանձնաժողովի կոլեգիայի 2015 թվականի հունվարի 27-ի «Արտաքին և փոխադարձ առևտրի ինտեգրված տեղեկատվական համակարգում տվյալների էլեկտրոնային փոխանակման կանոնները հաստատելու մասին» թիվ 5 որոշում.

Եվրասիական տնտեսական հանձնաժողովի կոլեգիայի 2015 թվականի ապրիլի 14-ի «Եվրասիական տնտեսական միության շրջանակներում ընդհանուր գործընթացների ցանկի և Եվրասիական տնտեսական հանձնաժողովի կոլեգիայի 2014 թվականի օգոստոսի 19-ի թիվ 132 որոշման մեջ փոփոխություն կատարելու մասին» թիվ 29 որոշում.

Եվրասիական տնտեսական հանձնաժողովի կոլեգիայի 2015 թվականի հունիսի 9-ի «Եվրասիական տնտեսական միության շրջանակներում ընդհանուր գործընթացների վերլուծության, օպտիմալացման, ներդաշնակեցման և նկարագրության մեթոդիկայի մասին» թիվ 63 որոշում.

Եվրասիական տնտեսական հանձնաժողովի կոլեգիայի 2016 թվականի դեկտեմբերի 19-ի «Եվրասիական տնտեսական միության շրջանակներում ընդհանուր գործընթացների իրագործման կարգը հաստատելու մասին» թիվ 169 որոշում.

երրորդ պետությունների, դրանց ինտեգրացիոն միավորումների և միջազգային կազմակերպությունների հետ կնքված միջազգային պայմանագրեր, որոնցով նախատեսվում է Միության անդամ պետությունների էլեկտրոնային տեղեկատվական փոխգործակցություն՝ մաքսային տեղեկատվության փոխանակման նպատակներով (այսուհետ համապատասխանաբար՝ երրորդ կողմի հետ միջազգային պայմանագրեր, անդամ պետություններ)։

2. Սույն կանոնները հիմք են հանդիսանում «Եվրասիական տնտեսական միության անդամ պետությունների միջև էլեկտրոնային տեղեկատվական փոխգործակցության իրագործման ապահովում՝ երրորդ երկրների հետ մաքսային տեղեկատվության փոխանակման նպատակով» ընդհանուր գործընթացի (այսուհետ՝ ընդհանուր գործընթաց) իրագործման կազմակերպատեխնիկական ապահովման աշխատանքների տեխնոլոգիական նախագծում և պլանավորում կատարելու համար։

3. Ընդհանուր գործընթացի իրագործումը նախատեսված է Եվրասիական տնտեսական հանձնաժողովի կոլեգիայի 2015 թվականի ապրիլի 14-ի թիվ 29 որոշմամբ հաստատված՝ Եվրասիական տնտեսական միության շրջանակներում ընդհանուր գործընթացների ցանկի 761-րդ կետով։

4. Սույն կանոնների նպատակներով օգտագործվում են հասկացություններ, որոնք ունեն հետևյալ իմաստը՝

«մաքսային տեղեկատվության տվյալների բազա»՝ մաքսային մարմինների տեղեկատվական համակարգի շրջանակներում ազգային մակարդակում ստեղծվող տվյալների բազա, որը պարունակում է կառուցվածքավորված և մանրամասնեցված տեղեկություններ մաքսային փաստաթղթերից.

«տեխնիկական պայմաններ»՝ փաստաթուղթ, որի մշակումը նախատեսված է երրորդ կողմի հետ միջազգային պայմանագրի իրագործման շրջանակներում, և որով սահմանվում են էլեկտրոնային հաղորդագրությունների տեխնիկական պահանջները, այդ թվում՝ ծառայությունների կազմը, տվյալների կառուցվածքը, օգտագործվող տեղեկագրքերի և դասակարգիչների կազմն ու բովանդակությունը, ինչպես նաև տեղեկատվության էլեկտրոնային փոխանակման կարգն ու կանոնակարգն այդ փոխանակման մասնակիցների միջև.

«տեխնոլոգիական փաստաթղթեր»՝ փաստաթղթեր, որոնք ընդգրկված են Եվրասիական տնտեսական հանձնաժողովի կոլեգիայի 2014 թվականի նոյեմբերի 6-ի թիվ 200 որոշման 1-ին կետով նախատեսված՝ ընդհանուր գործընթացն իրագործելիս տեղեկատվական փոխգործակցությունը կանոնակարգող տեխնոլոգիական փաստաթղթերի տիպային ցանկում.

«երրորդ երկիր»՝ Միության անդամ չհանդիսացող պետություն կամ անդամ պետությունների հետ մաքսային տեղեկատվության փոխանակում նախատեսող՝ Միության միջազգային պայմանագրի կողմ հանդիսացող այդպիսի պետությունների միջազգային ինտեգրացիոն միավորում.

«անդամ պետության կենտրոնական մաքսային մարմին»՝ անդամ պետության՝ մաքսային գործի ոլորտում լիազորված պետական մարմին։

Սույն կանոններում օգտագործվող մյուս հասկացությունները կիրառվում են Միության մասին պայմանագրով, Միության մաքսային օրենսգրքով և Միության ինտեգրված տեղեկատվական համակարգի (այսուհետ՝ ինտեգրված համակարգ) ստեղծման ու զարգացման հարցերով Միության մարմինների ակտերով սահմանված իմաստներով:

II. Նպատակները և խնդիրները

5. Ընդհանուր գործընթացի իրագործման նպատակները մաքսային գործառնությունների կատարման, ապրանքների բացթողման արագացման և մաքսային օրենսդրության խախտումների և մաքսային կարգավորման ոլորտում նորմատիվ իրավական ակտերի խախտումների կանխման դյուրացումն է։

6. Սույն կանոններին համապատասխան ընդհանուր գործընթացի իրագործման նպատակներին հասնելու համար անհրաժեշտ է լուծել հետևյալ խնդիրները.

ա) ապահովել անդամ պետությունների տարածքներից երրորդ երկրի տարածք արտահանվող և երրորդ երկրի տարածքից անդամ պետությունների տարածքներ արտահանվող ապրանքների մասով մաքսային տեղեկատվության էլեկտրոնային փոխանակումն ինտեգրված տեղեկատվական համակարգի ազգային հատվածների և արտաքին համակարգերի հետ փոխգործակցություն ապահովող՝ Եվրասիական տնտեսական հանձնաժողովի (այսուհետ՝ Հանձնաժողով) ինտեգրացիոն հատվածի բաղադրիչների միջև ընկած մասում.

բ) մաքսային տեղեկատվության էլեկտրոնային փոխանակման շրջանակներում ապահովել անդամ պետության կենտրոնական մաքսային մարմնի կողմից հետևյալ տեղեկատվության փոխանցումը (ստացումը)՝

տեղեկություններ մաքսային տեղեկատվության տվյալների բազայից.

մաքսային տեղեկատվության տվյալների բազայից ավելի վաղ ներկայացված տեղեկությունների փոփոխման մասին.

մաքսային տեղեկատվության տվյալների բազայից ավելի վաղ ներկայացված տեղեկությունների չեղարկման մասին։

III. Տեղեկատվական փոխգործակցության մասնակիցները

7. Ընդհանուր գործընթացի մասնակիցներն են՝

ա) անդամ պետությունների՝ հետևյալ դերերում հանդես եկող կենտրոնական մաքսային մարմինները՝

ուղարկող մաքսային մարմին.

ստացող մաքսային մարմին.

բ) տեղեկատվական փոխգործակցության իրագործմանը, ինչպես նաև Հանձնաժողովի ինտեգրացիոն հատվածի անխափան գործունեությանն ուղղված աշխատանքների ընդհանուր համակարգումն ապահովող Հանձնաժողովը (այսուհետ՝ համակարգող)։

8. Անդամ պետությունների կենտրոնական մաքսային մարմինների և երրորդ երկրի կենտրոնական մաքսային մարմինների միջև էլեկտրոնային տեղեկատվական փոխգործակցությունն իրականացվում է ինտեգրված համակարգի ինտեգրացիոն հարթակի կազմի մեջ մտնող և Հանձնաժողովի ինտեգրացիոն հատվածի շրջանակներում գործող արտաքին համակարգերի հետ փոխգործակցության ենթահամակարգի կողմից տրամադրվող ծառայությունների օգտագործմամբ (այսուհետ՝ արտաքին անցուղի)։

9. Ընդհանուր գործընթացի իրագործման շրջանակներում անդամ պետությունների կենտրոնական մաքսային մարմիններն ապահովում են՝

ա) մաքսային տեղեկատվության տվյալների բազայից տեղեկությունների ձևավորումը և ներկայացումը Հանձնաժողովի ինտեգրացիոն հատված (այսուհետ՝ տեղեկություններ ապրանքների հայտարարագրերից).

բ) ապրանքների հայտարարագրերից՝ ավելի վաղ ներկայացված տեղեկությունների փոփոխությունների ձևավորումը և ներկայացումը Հանձնաժողովի ինտեգրացիոն հատված.

գ) ապրանքների հայտարարագրերից՝ ավելի վաղ ներկայացված տեղեկությունների չեղարկման մասին տեղեկատվության ձևավորումը և ներկայացումը Հանձնաժողովի ինտեգրացիոն հատված.

դ) երրորդ երկրի կենտրոնական մաքսային մարմնում ապրանքների հայտարարագրերից տեղեկությունների, այդ թվում՝ ապրանքների հայտարարագրերից տեղեկությունների փոփոխությունների և ապրանքների հայտարարագրերից՝ ուղարկող մաքսային մարմնի կողմից ավելի վաղ ներկայացված տեղեկությունների չեղարկման վերաբերյալ տեղեկատվության մշակման արդյունքների մասին ծանուցումների ստացումը Հանձնաժողովի ինտեգրացիոն հատվածից և մշակումը.

ե) երրորդ երկրի կենտրոնական մաքսային մարմնի կողմից ներկայացված՝ ապրանքների հայտարարագրերից տեղեկությունների ստացումը Հանձնաժողովի ինտեգրացիոն հատվածից և մշակումը.

զ) երրորդ երկրի կենտրոնական մաքսային մարմնի կողմից ավելի վաղ ներկայացված՝ ապրանքների հայտարարագրերից տեղեկությունների փոփոխությունների ստացումը Հանձնաժողովի ինտեգրացիոն հատվածից և մշակումը.

է) երրորդ երկրի կենտրոնական մաքսային մարմնի կողմից ավելի վաղ ներկայացված՝ ապրանքների հայտարարագրերից տեղեկությունների չեղարկման մասին տեղեկատվության ստացումը Հանձնաժողովի ինտեգրացիոն հատվածից և մշակումը.

ը) ստացող մաքսային մարմնում երրորդ երկրի կենտրոնական մաքսային մարմնի կողմից ներկայացված՝ ապրանքների հայտարարագրերից տեղեկությունների, այդ թվում՝ ապրանքների հայտարարագրերից տեղեկությունների փոփոխությունների և ապրանքների հայտարարագրերից՝ ավելի վաղ ներկայացված տեղեկությունների չեղարկման վերաբերյալ տեղեկատվության մշակման արդյունքների մասին ծանուցումների ձևավորումը և ուղարկումը Հանձնաժողովի ինտեգրացիոն հատված։

10. Ընդհանուր գործընթացի իրագործման շրջանակներում համակարգողն ավտոմատ ռեժիմում ապահովում է՝

ա) ապրանքների հայտարարագրերից տեղեկությունների ստացումը ուղարկող մաքսային մարմնից և ուղարկումը երրորդ երկրի կենտրոնական մաքսային մարմին.

բ) ապրանքների հայտարարագրերից՝ ավելի վաղ ներկայացված տեղեկությունների փոփոխությունների ստացումը ուղարկող մաքսային մարմնից և ուղարկումը երրորդ երկրի կենտրոնական մաքսային մարմին.

գ) ապրանքների հայտարարագրերից՝ ավելի վաղ ներկայացված տեղեկությունների չեղարկման մասին տեղեկատվության ստացումը ուղարկող մաքսային մարմնից և ուղարկումը երրորդ երկրի կենտրոնական մաքսային մարմին.

դ) Հանձնաժողովի ինտեգրացիոն հատվածում ստացված՝ երրորդ երկրի կենտրոնական մաքսային մարմնում ապրանքների հայտարարագրերից տեղեկությունների, այդ թվում՝ ապրանքների հայտարարագրերից տեղեկությունների փոփոխությունների և ապրանքների հայտարարագրերից տեղեկությունների չեղարկման մասին տեղեկատվության մշակման արդյունքների վերաբերյալ ծանուցումների ուղարկումը ուղարկող մաքսային մարմին.

ե) երրորդ երկրի կենտրոնական մաքսային մարմնից Հանձնաժողովի ինտեգրացիոն հատված ստացված՝ ապրանքների հայտարարագրերից տեղեկությունների ուղարկումը ստացող մաքսային մարմին.

զ) երրորդ երկրի կենտրոնական մաքսային մարմնից Հանձնաժողովի ինտեգրացիոն հատված ստացված՝ ապրանքների հայտարարագրերից տեղեկությունների փոփոխությունների ուղարկումը ստացող մաքսային մարմին.

է) երրորդ երկրի կենտրոնական մաքսային մարմնից Հանձնաժողովի ինտեգրացիոն հատված ստացված՝ ապրանքների հայտարարագրերից՝ ավելի վաղ ներկայացված տեղեկությունների չեղարկման մասին տեղեկատվության ուղարկումը ստացող մաքսային մարմին.

ը) ստացող մաքսային մարմնում երրորդ երկրի կենտրոնական մաքսային մարմնից ստացված՝ ապրանքների հայտարարագրերից տեղեկությունների, այդ թվում՝ ապրանքների հայտարարագրերից տեղեկությունների փոփոխությունների և ապրանքների հայտարարագրերից՝ ավելի վաղ ներկայացված տեղեկությունների չեղարկման մասին տեղեկատվության մշակման արդյունքների վերաբերյալ ծանուցումների ստացումը և ուղարկումը երրորդ երկրի կենտրոնական մաքսային մարմին։

11. Մաքսային տեղեկատվության տվյալների բազայից Հանձնաժողովի ինտեգրացիոն հատված տեղեկությունների ներկայացումը կատարվում է ուղարկող մաքսային մարմնի կողմից այնպիսի ապրանքների մասին տեղեկություններ պարունակող հայտարարագրերի մասով, որոնք ձևակերպվել են «արտահանում» մաքսային ընթացակարգով, և որոնց նշանակման երկիրը երրորդ երկիրն է։

12. Հանձնաժողովի ինտեգրացիոն հատված ապրանքների հայտարարագրերից տեղեկությունների ներկայացումն ապահովվում է արտահանվող ապրանքների բացթողումից ոչ ուշ, քան 4 ժամ հետո, եթե համապատասխան տեխնիկական պայմաններով այլ սահմանափակումներ սահմանված չեն։

13. Ապրանքների հայտարարագրից փոփոխված տեղեկությունները Հանձնաժողովի ինտեգրացիոն հատված ներկայացվում են ուղարկող մաքսային մարմնի կողմից ապրանքների այն հայտարարագրերի մասով, որոնցից տեղեկություններն ավելի վաղ ներկայացվել են երրորդ երկրի կենտրոնական մաքսային մարմին, և որոնց տեղեկությունների մեջ հետագայում փոփոխություններ են կատարվել։ Հանձնաժողովի ինտեգրացիոն հատված ապրանքների հայտարարագրից փոփոխված տեղեկությունների ներկայացումն ապահովվում է ապրանքների հայտարարագրում փոփոխություններ կատարելուց ոչ ուշ, քան 4 ժամ հետո, եթե համապատասխան տեխնիկական պայմաններով այլ սահմանափակումներ սահմանված չեն։

14. Ապրանքների հայտարարագրից տեղեկությունների չեղարկման մասին տեղեկատվությունը Հանձնաժողովի ինտեգրացիոն հատված ներկայացվում է ուղարկող մաքսային մարմնի կողմից ապրանքների այն հայտարարագրերի մասով, որոնցից տեղեկություններն ավելի վաղ ներկայացվել են երրորդ երկրի կենտրոնական մաքսային մարմին, և որոնց մասով մաքսային մարմնի կողմից թույլատրվել է բացթողումից հետո հետ կանչումը։ Հանձնաժողովի ինտեգրացիոն հատված ապրանքների հայտարարագրից տեղեկությունների չեղարկման մասին տեղեկատվության ներկայացումն ապահովվում է ապրանքների հայտարարագիրը հետ կանչելուց ոչ ուշ, քան 4 ժամ հետո, եթե համապատասխան տեխնիկական պայմաններով այլ սահմանափակումներ սահմանված չեն։

15. Երրորդ երկրի կենտրոնական մաքսային մարմնի կողմից ներկայացված՝ ապրանքների հայտարարագրերից տեղեկությունների, այդ թվում՝ ապրանքների հայտարարագրերից տեղեկությունների փոփոխությունների և ապրանքների հայտարարագրերից տեղեկությունների չեղարկման մասին տեղեկատվության ընդունումն ու մշակումն ապահովվում են ուղարկող մաքսային մարմնի կողմից նշված տեղեկությունները Հանձնաժողովի ինտեգրացիոն հատվածից ստանալուց ոչ ուշ, քան 15 րոպե հետո, եթե այլ սահմանափակումներ սահմանված չեն համապատասխան տեխնիկական պայմաններով։

16. Երրորդ երկրի կենտրոնական մաքսային մարմնում ապրանքների հայտարարագրերից տեղեկությունների, այդ թվում՝ ապրանքների հայտարարագրերից տեղեկությունների փոփոխությունների և ապրանքների հայտարարագրերից տեղեկությունների չեղարկման մասին տեղեկատվության մշակման արդյունքների վերաբերյալ ծանուցումների ընդունումն ու մշակումն ապահովվում են ուղարկող մաքսային մարմնի կողմից նշված ծանուցումները Հանձնաժողովի ինտեգրացիոն հատվածից ստանալուց ոչ ուշ, քան 15 րոպե հետո, եթե այլ սահմանափակումներ սահմանված չեն համապատասխան տեխնիկական պայմաններով։

17. Երրորդ երկրի կենտրոնական մաքսային մարմնում ապրանքների հայտարարագրերից տեղեկությունների, այդ թվում՝ ապրանքների հայտարարագրերից տեղեկությունների փոփոխությունների և ապրանքների հայտարարագրերից տեղեկությունների չեղարկման մասին տեղեկատվության մշակման արդյունքների վերաբերյալ ծանուցումների ընդունումն ու մշակումն ապահովվում են ուղարկող մաքսային մարմնի կողմից նշված ծանուցումները Հանձնաժողովի ինտեգրացիոն հատվածից ստանալուց ոչ ուշ, քան 15 րոպե հետո, եթե այլ սահմանափակումներ սահմանված չեն համապատասխան տեխնիկական պայմաններով։

18. Ընդհանուր գործընթացն իրագործելիս տեղեկատվական փոխգործակցությունն իրականացվում է ըստ ֆունկցիոնալ սխեմայի՝ թիվ 1 հավելվածի համաձայն։

IV. Տեղեկատվական ռեսուրսները և ծառայությունները

19. Անդամ պետությունների կենտրոնական մաքսային մարմիններն ապահովում են մաքսային տեղեկատվության տվյալների բազաների, ինչպես նաև երրորդ երկրների կենտրոնական մաքսային մարմինների կողմից ներկայացված՝ ապրանքների հայտարարագրերից տեղեկություններ պարունակող տեղեկատվական ռեսուրսների ձևավորումը և վարումը մաքսային մարմինների տեղեկատվական համակարգերի շրջանակներում։

20. Ընդհանուր գործընթացի իրագործման շրջանակներում չի նախատեսվում ընդհանուր տեղեկատվական ռեսուրսների ձևավորում։

21. Էլեկտրոնային տեղեկատվական փոխգործակցություն իրագործելիս օգտագործվող՝ մաքսային տեղեկատվության տվյալների բազայից տեղեկությունների կազմը սահմանվում է երրորդ կողմի հետ Միության միջազգային պայմանագրով կամ համապատասխան տեխնիկական պայմաններով։

22. Էլեկտրոնային տեղեկատվական փոխգործակցություն իրագործելու համար օգտագործվող՝ էլեկտրոնային փաստաթղթերի (էլեկտրոնային տեսքով տեղեկությունների) կառուցվածքներին և դրանց լրացման կանոններին ներկայացվող պահանջները սահմանվում են համապատասխան տեխնիկական պայմաններում՝ հաշվի առնելով տվյալների էլեկտրոնային փոխանակման ոլորտում միջազգային ստանդարտներով և համընդհանուր ճանաչում ունեցող նախաձեռնություններով, նախևառաջ Համաշխարհային մաքսային կազմակերպության տվյալների մոդելով, սահմանված հանձնարարականները։

23. Էլեկտրոնային տեղեկատվական փոխգործակցություն իրագործելու համար օգտագործվող՝ էլեկտրոնային փաստաթղթերի (էլեկտրոնային տեսքով տեղեկությունների) կառուցվածքների տեխնիկական սխեմաները մշակվում են Համաշխարհային մաքսային կազմակերպության Տվյալների մոդելի բազային տեղեկատվական փաթեթների կառուցվածքների XML-սխեմաների հիման վրա՝ հետևելով Համաշխարհային մաքսային կազմակերպության համապատասխան կանոններին և հանձնարարականներին և հաշվի առնելով էլեկտրոնային տեղեկատվական փոխգործակցություն իրագործելիս օգտագործվող՝ մաքսային տեղեկատվության տվյալների բազայից տեղեկությունների կազմը, ու տեխնիկական պայմանների անբաժան մասն են կազմում։

24. Ընդհանուր գործընթացի իրագործման նպատակների համար ապահովվում են՝

ա) Հանձնաժողովի ինտեգրված համակարգի ինտեգրացիոն հատվածի շրջանակներում՝ սույն կանոնների 9-րդ կետով սահմանված՝ համակարգողի գործառույթների իրագործումն ապահովող էլեկտրոնային ծառայությունների իրագործումը, լրամշակումը, կարգաբերումը և (կամ) կիրառումը.

բ) ինտեգրված համակարգի ազգային հատվածներում անդամ պետությունների մաքսային մարմինների տեղեկատվական համակարգերի շրջանակներում՝ սույն կանոնների 8-րդ կետով սահմանված՝ անդամ պետությունների մաքսային մարմինների գործառույթների իրագործումն ապահովող էլեկտրոնային ծառայությունների իրագործումը, լրամշակումը, կարգաբերումը և (կամ) կիրառումը։

V. Տեղեկատվական փոխգործակցության առանձնահատկությունները

25. Ընդհանուր գործընթացի մասնակիցների տեղեկատվական փոխգործակցությունն իրականացվում է կանոնավոր կերպով՝ սույն կանոնների 12-17-րդ կետերով սահմանված պահանջներին համապատասխան՝ ինտեգրված համակարգի ինտեգրացիոն հարթակի օգտագործմամբ՝ հաշվի առնելով այդ փոխգործակցությունը կանոնակարգող տեխնոլոգիական փաստաթղթերի պահանջները։

26. Ընդհանուր գործընթացի մասնակիցների տեղեկատվական փոխգործակցության իրագործման առանձնահատկությունները, Տվյալների էլեկտրոնային փոխանակման կանոններին համապատասխան, սահմանվում են թիվ 2 հավելվածի համաձայն։

27. Փոխգործակցության գործընթացում օգտագործվող տեքստային տեղեկատվության ներկայացման լեզվի պահանջները սահմանվում են երրորդ կողմի հետ Միության միջազգային պայմանագրով կամ համապատասխան տեխնիկական պայմաններով։

VI. Տեղեկատվական անվտանգության ապահովման սկզբունքները

28. Ընդհանուր գործընթացի շրջանակներում էլեկտրոնային տեղեկատվական փոխգործակցություն իրագործելիս օգտագործվող՝ մաքսային տեղեկատվության տվյալների բազայից տեղեկությունները դիտվում են որպես գաղտնի տեղեկատվություն։ Նշված տեղեկությունների գաղտնիության ապահովմանը ներկայացվող ընդհանուր պահանջները սահմանվում են երրորդ կողմի հետ Միության միջազգային պայմանագրով։

29. Անդամ պետության տեղեկատվական տարածքի ներսում տեղեկատվություն փոխանցելիս տեղեկությունների փոխանցման անվտանգությունը պետք է ապահովվի անդամ պետության օրենսդրությանը և անդամ պետության տեղեկատվական անվտանգության ապահովմանը ներկայացվող տեխնիկական պահանջներին համապատասխան։

30. Ինտեգրված համակարգի ինտեգրացիոն հարթակի շրջանակներում տեղեկատվություն փոխանցելիս անվտանգությունը պետք է ապահովվի ինտեգրված համակարգի տեղեկատվական անվտանգության ենթահամակարգի միջոցներով։

31. Ընդհանուր գործընթացի իրագործման և տեղեկատվական փոխգործակցության իրականացման ժամանակ չի ենթադրվում էլեկտրոնային ստորագրության (էլեկտրոնային-թվային ստորագրության) կիրառում։

VII. Ընդհանուր գործընթացի իրագործմանն ուղղված միջոցառումները

32. Ընդհանուր գործընթացի իրագործման նպատակներով, Հանձնաժողովը, սույն կանոններին համապատասխան և հաշվի առնելով տեխնիկական պայմանները, իրականացնում է տեխնոլոգիական փաստաթղթերի մշակում, ինչպես նաև ինտեգրված համակարգի ենթահամակարգերի լրամշակում և (կամ) կարգաբերում՝ տեխնոլոգիական փաստաթղթերի և համապատասխան տեխնիկական պայմանների պահանջներին համապատասխան։

33. Անդամ պետությունների մաքսային մարմիններն ապահովում են ազգային տեղեկատվական համակարգերի մշակումը (լրամշակումը)՝ տեխնոլոգիական փաստաթղթերի և համապատասխան տեխնիկական պայմանների պահանջները կատարելու նպատակով։

34. Անդամ պետությունների մաքսային մարմինները Հանձնաժողովի համակարգմամբ ապահովում են ընդհանուր գործընթացին միանալու և գործողության մեջ դնելու ընթացակարգի կատարումը՝ հաշվի առնելով տեխնոլոգիական փաստաթղթերի դրույթները։

35. Ընդհանուր գործընթացին միանալու և այն գործողության մեջ դնելու միջոցառումների կատարման ժամկետները սահմանվում են երրորդ կողմի հետ Միության միջազգային պայմանագրին համապատասխան անդամ պետությունների կենտրոնական մաքսային մարմինների և երրորդ երկրների կենտրոնական մաքսային մարմինների միջև մաքսային տեղեկատվության էլեկտրոնային տեղեկատվական փոխանակման իրագործման պլաններում։

36. Հանձնաժողովն իրականացնում է մաքսային տեղեկատվության էլեկտրոնային տեղեկատվական փոխանակման իրագործման հսկողությունն ու մոնիթորինգը։

ՀԱՎԵԼՎԱԾ ԹԻՎ 1 «Եվրասիական տնտեսական միության անդամ պետությունների միջև էլեկտրոնային տեղեկատվական փոխգործակցության իրագործման ապահովում՝ երրորդ երկրների հետ մաքսային տեղեկատվության փոխանակման նպատակով» ընդհանուր գործընթացի իրագործման կանոնների

ՀԱՎԵԼՎԱԾ ԹԻՎ 2 «Եվրասիական տնտեսական միության անդամ պետությունների միջև էլեկտրոնային տեղեկատվական փոխգործակցության իրագործման ապահովում՝ երրորդ երկրների հետ մաքսային տեղեկատվության փոխանակման նպատակով» ընդհանուր գործընթացի իրագործման կանոնների

1. SOAP-ծրարի վերնագրերի բլոկի լրացման կանոնները պետք է համապատասխանեն Եվրասիական տնտեսական հանձնաժողովի կոլեգիայի 2015 թվականի հունվարի 27-ի թիվ 5 որոշմամբ հաստատված՝ Արտաքին և փոխադարձ առևտրի ինտեգրված տեղեկատվական համակարգում տվյալների էլեկտրոնային փոխանակման կանոններին՝ հաշվի առնելով այն, որ հատվածների նույնականացուցիչները պետք է լրացվեն աղյուսակում բերված ցանկին համապատասխան։

Աղյուսակ

Ինտեգրված համակարգի հատվածների նույնացուցիչների ցանկը

2. SOAP-ծրարի վերնագրերի բլոկի լրացման օրինակը բերված է ստորև՝

<?xml version-'1.0" encoding="UTF-8"?>

<soap: Envelope xmlns:soap="http://www.w3.org/2003/05/soap-envelope"

xmlns:wsa-'http://www.w3.org/2005/08/addressing" xmlns:int="urn:EEC:Interaction:vl.0"> <soap:Header>

<wsa:To>EAEU://VN/CP/P.EE.02/P.EE.02.ACT.001</wsa:To> <wsa:ReplyTo>

<wsa:Address>EAEU://RU/CP/P.EE.02/P.EE.02.ACT.002</wsa:Address>

</wsa:ReplyTo> <wsa:Action>int://CP/P.EE.02/1.0.0/P.EE.02.PRC.001/P.EE.02.TRN.002/

P.EE.02.MSG.001 </wsa: Action>

<wsa:MessageID>um:uuid:eaddf37f-70db-45ee-9a08- 542d2c5589c3</wsa:MessageID>

<int:ProcedureID>um:uuid:f8a30dda-8443-4ef9-a367-c36fa39eelfl/ um:uuid:9273bfae-5269-4e0c-83f0-8ce8b7cd75f6</int:ProcedureID>

<int:ConversationID>um:uuid:f8a30dda-8443-4ef9-a367-

</soap:Header> <soap:Body>

</soap:Header> <soap:Body>

<!-- կիրառական մակարդակի տվյալներ, որոնց կառուցվածքը սահմանված է տեղեկատվական փոխգործակցությունը կանոնակարգող տեխնոլոգիական փաստաթղթերով-->

</soap:Body>

</soap:Envelope>

Պաշտոնական հրապարակման օրը՝ 22 հունիսի 2022 թվական: