ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 1014-Ա

«ՏԻՐԱՄԱՅՐ ՀԱՅԱՍՏԱՆԻ ԿՈՒՍԱՍՏԱՆ» ԲԱՐԵԳՈՐԾԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԳՅՈՒՄՐԻ ԵՐԻՏԱՍԱՐԴԱԿԱՆ ԿԵՆՏՐՈՆ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Տիրամայր Հայաստանի կուսաստան» բարեգործական կազմակերպության կողմից իրականացվող` 650,000,000 դրամ ընդհանուր արժողությամբ «Գյումրի երիտասարդական կենտրոն» ծրագիրը՝ համաձայն հավելվածի:

2. «Տիրամայր Հայաստանի կուսաստան» բարեգործական կազմակերպությանը` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Հ. Մաթևոսյան
Երևան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

 

Հավելված ՀՀ փոխվարչապետի N 1014-Ա որոշման

«ԳՅՈՒՄՐԻ ԵՐԻՏԱՍԱՐԴԱԿԱՆ ԿԵՆՏՐՈՆ»

ԾՐԱԳԻՐ

1	Ծրագրի նպատակը	Յուրաքանչյուր տարի Տիրամայր Հայաստանի կուսաստանի ծնողազուրկ, անտուն սաներից առնվազն 7-8 հոգի ընդունվում են Գյումրու տարբեր ԲՈՒՀ-եր և մասնագիտացված ուսումնարաններ: Սակայն նրանց մեծ մասը սովորելու ընթացքում ապրելու տեղ չունի, իսկ կուսաստանում նրանք այլևս չեն կարող մնալ, քանի որ այնտեղ ապրում և դաստիարակվում են 3-18 տարեկան միակողմանի և երկկողմանի ծնողազուրկ երեխաներ և նպատակահարմար չէ հասուն երիտասարդների և մանկահասակ երեխաների նույն տեղում ապրելն ու սովորելը։ Բացի այդ, կուսաստանում պարզապես տեղ չկա նրանց համար: Ծրագրով նախատեսվում է կուսաստանի սաների, Հայաստանի Շիրակի և Լոռու մարզերի, ինչպես նաև Վրաստանի հայաբնակ գյուղերի անապահով ընտանիքների լավ սովորող մինչև 40 ուսանողի համար ստեղծել մի երիտասարդական կենտրոն, ուր նրանք անվճար կապրեն ուսումնառության ընթացքում: Նրանք կստանան օրական 3 անգամյա անվճար սնունդ, կօգտվեն անվճար ինտերնետից, կոմունալ բոլոր հարմարություններից (էլեկտրականություն, ջեռուցում, ջուր, գազ): Անհրաժեշտության դեպքում Կենտրոնի սոցիոլոգը նրանց կմատուցի սոցիալական ծառայություններ: Նախատեսվում է հետագայում կենտրոնը դարձնել Գյումրու Անի թաղամասի համայնքահեն կենտրոն, քանի որ մոտ 25 հազար բնակչություն ունեցող թաղամասը չունի այդպիսին:
2	Ծրագրի բարեգործական որակման նպատակը	Ծրագրի շրջանակներում օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից:
3	Բարեգործը	«ՔՆԵՎԱ Նյու Յորք» բարեգործական կազմակերպություն (1011 First Avenue New York, N.Y. 10022-4195, USA) – 150 միլիոն դրամ «Օվղը Դ՛Օրիան» բարեգործական կազմակերպություն (3 avenue de la Gare, 35600 Redon, France) – 150 միլիոն դրամ «Ռենովաբիս» բարեգործական կազմակերպություն (E.V.2/Domberg 273, Deutschland) – 150 միլիոն դրամ «Քարիդադ» Ասոցիացիա (3 avenue de la Gare,35600 Redon, France) – 100 միլիոն դրամ «Կիրխ ին Նոթ» բարեգործական կազմակերպություն (Lorenzonistraշe 62 81545 Munich, Germany) – 100 միլիոն դրամ
4	Ծրագիրը կատարողը	Տիրամայր Հայաստանի կուսաստանե բարեգործական կազմակերպության (հասցե` Գյումրի, Ե. Չարենցի 6, ՀՎՀՀ 05513266):
5	Ծրագրի իրականացման վայրը և բնագավառը	Ծրագիրն իրականացվելու է քաղաք Գյումրի, Ե․Չարենցի 6/1 տուն հասցեում: Բնագավառը՝ սոցիալական և կրթական:
6	Ծրագրի բյուջեն	Ծրագրի բյուջեն է 650,000,000 դրամ:
7	Բարեգործություն ստացողը	Ամեն տարի ծրագրից կօգտվեն կուսաստանի սաները, Հայաստանի Շիրակի և Լոռու մարզերի, ինչպես նաև Վրաստանի հայաբնակ գյուղերի անապահով ընտանիքների 18-25 տարեկան մինչև 40 երիտասարդներ:
8	Ծրագրի իրականացման տևողությունը	2022 թվականի հունվարի 1-ից մինչև 2024 թվականի մարտի 31-ը։
9	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	● 2022 թ. հունվար – 2024 թ. մարտ՝ կենտրոնի շենքի կառուցում – 606,000,000 դրամ ● 2024 թ. հունվար-մարտ՝ կենտրոնի շենքին անհրաժեշտ կենցաղային և տեխնիկական սարքավորումների ձեռք բերում և տեղադրում – 22,000,000 դրամ ● 2024թ. հունվար-մարտ՝ կենտրոնի շենքի կահավորում – 22,000,000 դրամ
10	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Այս ծրագրի շրջանակներում ծախսվում է՝ ● Կենտրոնի շենքի շինարարական աշխատանքների համար՝ 606,000,000 դրամ ● անհրաժեշտ սարքավորումների ձեռք բերման և տեղադրման համար՝ 22,000,000 դրամ: ● կահույքի ձեռք բերման համար՝ 22,000,000 դրամ
11	Ծրագրի իրականացման հետ կապված կազմակերպական ծախսերը	Ծրագրի իրականացման հետ կապված ծախսեր այս ծրագրում չեն նախատեսված, քանի որ կազմակերպությունը վարչական և կազմակերպական ծախսերի համար ունի առանձին ֆինանսավորում:
12	Համագործակցությունը պետական կառավարման, տեղական ինքնակառավար- ման և այլ մարմինների հետ	Ծրագրի իրականացման ընթացքում կազմակերպությունը համագործակցում է ՀՀ աշխատանքի և սոցիալական հարցերի նախարարության, Միասնական սոցիալական կենտրոնի, Շիրակի մարզպետարանի, ինչպես նաև` Գյումրու քաղաքապետարանի հետ:
13	Ծրագրի արդյունավետության նկատմամբ վերահսկողության մեխանիզմների նկարագրությունը	Հիմնական վերահսկողությունը կիրականացվի ֆինանսավորող բարերարների կողմից: Այդ նպատակով նրանք կներգրավեն ներքին խորհրդատուների, տեղական և միջազգային աուդիտորների: Ինչպես նաև՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

(հավելվածը փոփ. 24.06.22 N 456-Ա)

Հայաստանի Հանրապետության փոխվարչապետ

Հ. Մաթևոսյան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ