ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

13 փետրվարի 2017 թվականի

թիվ 21

քաղ. Մոսկվա

«Տրանսպորտային միջոցի անձնագրի (տրանսպորտային միջոցի ամրաշրջանակի անձնագրի) և ինքնագնաց մեքենայի ու տեխնիկայի այլ տեսակների անձնագրի միասնական ձևերի ներդրման ու էլեկտրոնային անձնագրերի համակարգերի կազմակերպման մասին» 2014 թվականի օգոստոսի 15-ի համաձայնագրի 3-րդ հոդվածի առաջին պարբերությանը և 4-րդ հոդվածի երկրորդ պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի՝ 2015 թվականի սեպտեմբերի 1-ի թիվ 112 որոշմամբ հաստատված՝ Եվրասիական տնտեսական միության անդամ պետությունների լիազորված մարմինների (կազմակերպությունների) և տրանսպորտային միջոցների (տրանսպորտային միջոցների ամրաշրջանակների), ինքնագնաց մեքենաների և տեխնիկայի այլ տեսակների անձնագրերի (էլեկտրոնային անձնագրերի) ձևակերպում իրականացնող՝ տրանսպորտային միջոցներ (տրանսպորտային միջոցների ամրաշրջանակներ), ինքնագնաց մեքենաներ և տեխնիկայի այլ տեսակներ արտադրող կազմակերպությունների միասնական ռեեստրի ձևավորման և վարման կարգում կատարել հետևյալ փոփոխությունները.

ա) 5-րդ կետի «բ» ենթակետը լրացնել հետևյալ բովանդակությամբ պարբերությամբ՝

«այն կազմակերպությունների լրիվ անվանումները, որոնք իրականացնում են արտադրող կազմակերպության արտադրանքի հավաքման արտադրություն և այդ արտադրող կազմակերպության կողմից լիազորված են դրանց կողմից հավաքված արտադրանքի էլեկտրոնային անձնագրերի ձևակերպման համար (այսուհետ՝ հավաքման գործարաններ), գտնվելու վայրերը (իրավաբանական անձանց հասցեները), փաստացի հասցեները, հեռախոսահամարները, էլեկտրոնային փոստի հասցեները, այդ կազմակերպությունների ղեկավարների ազգանունները, անունները, հայրանունները (առկայության դեպքում).».

բ) 7-րդ կետի «ա» ենթակետի հինգերորդ պարբերությունը շարադրել հետևյալ խմբագրությամբ՝

տրանսպորտային միջոցների, տրանսպորտային միջոցների ամրաշրջանակների էլեկտրոնային անձնագրերն ստորագրելու համար լիազորված՝ արտադրող կազմակերպության պաշտոնատար անձի (պաշտոնատար անձանց) և (կամ) հավաքման գործարանի կողմից հավաքված արտադրանքի էլեկտրոնային անձնագրերի ձևակերպման համար՝ այդ արտադրող կազմակերպության կողմից լիազորված հավաքման գործարանի պաշտոնատար անձի (պաշտոնատար անձանց) մոտ էլեկտրոնային թվային ստորագրության առկայությունը՝ արտադրող կազմակերպությունների և (կամ) նշված էլեկտրոնային անձնագրերի ձևակերպումն իրականացնող՝ դրանց հավաքման գործարանների համար.»։

2. Եվրասիական տնտեսական հանձնաժողովի կոլեգիայի՝ 2015 թվականի սեպտեմբերի 22-ի թիվ 122 որոշմամբ հաստատված՝ Տրանսպորտային միջոցների էլեկտրոնային անձնագրերի (տրանսպորտային միջոցների ամրաշրջանակների էլեկտրոնային անձնագրերի) և ինքնագնաց մեքենաների ու տեխնիկայի այլ տեսակների էլեկտրոնային անձնագրերի համակարգերի աշխատանքի կարգում կատարել հետևյալ փոփոխությունները՝

ա) 4–րդ կետի «բ» ենթակետը շարադրել հետևյալ խմբագրությամբ՝

«բ) Եվրասիական տնտեսական միության անդամ պետությունների լիազորված մարմինների (կազմակերպությունների) և տրանսպորտային միջոցների (տրանսպորտային միջոցների ամրաշրջանակների), ինքնագնաց մեքենաների և տեխնիկայի այլ տեսակների անձնագրերի (էլեկտրոնային անձնագրերի) ձևակերպում իրականացնող՝ տրանսպորտային միջոցներ (տրանսպորտային միջոցների ամրաշրջանակներ), ինքնագնաց մեքենաներ և տեխնիկայի այլ տեսակներ արտադրող կազմակերպությունների միասնական ռեեստրում (այսուհետ՝ միասնական ռեեստր) ներառված՝ տրանսպորտային միջոցներ (ամրաշրջանակներ, մեքենաներ) արտադրող կազմակերպությունները, այդ թվում՝ արտադրող կազմակերպության արտադրանքի հավաքման արտադրություն իրականացնող և այդ կազմակերպությունների կողմից հավաքված արտադրանքի էլեկտրոնային անձնագրերի ձևակերպման համար՝ այդ արտադրող կազմակերպության կողմից լիազորված կազմակերպությունները, որոնց վերաբերյալ տեղեկություններն արտադրող կազմակերպության կողմից մուտքագրվում են միասնական ռեեստր՝ որպես հավաքված արտադրանքի էլեկտրոնային անձնագրերի ձևակերպման համար լիազորված կազմակերպությունների վերաբերյալ տեղեկություններ (այսուհետ՝ արտադրող կազմակերպություններ).».

բ) նշված կարգի թիվ 3 հավելվածի 5-րդ կետը լրացնել հետևյալ բովանդակությամբ 11-րդ ենթակետով՝

«11) հավաքման գործարանը և դրա հասցեն։».

գ) նշված կարգի թիվ 7 հավելվածի 6-րդ կետը լրացնել հետևյալ բովանդակությամբ 13-րդ ենթակետով՝

«13) «հավաքման գործարանը և դրա հասցեն» դաշտում՝ արտադրող կազմակերպության արտադրանքի հավաքման արտադրություն իրականացնող և այդ կազմակերպության կողմից հավաքված արտադրանքի էլեկտրոնային անձնագրերի ձևակերպման համար՝ այդ արտադրող կազմակերպության լիազորված կազմակերպության (այսուհետ՝ հավաքման գործարան) լրիվ անվանումը, դրա գտնվելու վայրը (իրավաբանական անձի հասցեն) և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբեր են)՝ իրավաբանական անձի և արտադրանքն արտադրող դրա մասնաճյուղերի համար, կամ ազգանունը, անունը և հայրանունը (առկայության դեպքում), բնակության վայրը և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբեր են)՝ որպես անհատ ձեռնարկատեր գրանցված ֆիզիկական անձի համար։ Այն դեպքում, երբ արտադրողն անդրազգային ընկերություն է, որն ունի մի քանի հավաքման գործարաններ, այդ թվում՝ տարբեր երկրներում գտնվող, նշվում է այն կազմակերպության անվանումը, որը տվյալ տրանսպորտային միջոցի հավաքման գործարանն է։»։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի կոլեգիայի նախագահ`

Տ. Սարգսյան