Basic information
Number
N 72
Type
Որոշում
Act type
Հիմնական ակտ (05.03.2001-մինչ օրս)
Status
Գործում է
Source
ՀՀՊՏ 2001.02.23/5(137) Հոդ.124
Enactment organisation
ՀՀ վարչապետ
Enactment date
31.01.2001
Signing organisation
ՀՀ վարչապետ
Signing date
31.01.2001
Effective date
05.03.2001

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

 

Ո Ր Ո Շ ՈՒ Մ

 

31 հունվարի 2001 թվականի N 72
քաղ. Երևան

 

ՊԵՏԱԿԱՆ ԿԱՌԱՎԱՐՄԱՆ ՄԱՐՄԻՆՆԵՐՈՒՄ ԱՇԽԱՏԱՎԱՐՁԻ ՎՃԱՐՄԱՆ ԺԱՄԿԵՏՆԵՐԻ ՄԱՍԻՆ

 

Հայաստանի Հանրապետության պետական կառավարման մարմիններում, դրանց ենթակա պետական հիմնարկներում աշխատավարձի կանոնավոր վճարումն ապահովելու, վճարման ժամկետները կանոնակարգելու նպատակով և հիմք ընդունելով Հայաստանի Հանրապետության աշխատանքային օրենսգրքի 103-րդ հոդվածի երրորդ մասը`

1. Սահմանել, որ պետական կառավարման մարմիններում, դրանց ենթակա պետական հիմնարկներում, բացառությամբ Հայաստանի Հանրապետության պաշտպանության նախարարության, Հայաստանի Հանրապետության ազգային անվտանգության նախարարության և Հայաստանի Հանրապետության ներքին գործերի նախարարության, աշխատավարձը վճարվում է յուրաքանչյուր ամիսը մեկ անգամ` ոչ ուշ, քան հաջորդ ամսվա 6-րդ բանկային օրը: Բյուջետային հիմնարկներում դեկտեմբեր ամսվա աշխատավարձը վճարվում է ոչ ուշ, քան դեկտեմբեր ամսվա վերջին աշխատանքային օրը:

2. Հայաստանի Հանրապետության պաշտպանության նախարարությունում, Հայաստանի Հանրապետության ազգային անվտանգության նախարարությունում և Հայաստանի Հանրապետության ներքին գործերի նախարարությունում աշխատավարձը վճարվում է ոչ ուշ, քան յուրաքանչյուր ամսվա վերջին աշխատանքային օրը:

 

Հայաստանի Հանրապետության
վարչապետ

 Ա. Մարգարյան