ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

8 օգոստոսի 2019 թվականի

թիվ 115

քաղ. Չոլպոն-Աթա

«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2011 թվականի դեկտեմբերի 9-ի թիվ 880 որոշմամբ ընդունված՝ «Սննդամթերքի անվտանգության մասին» Մաքսային միության տեխնիկական կանոնակարգում (ՄՄ ՏԿ 021/2011) կատարել փոփոխություններ՝ հավելվածի համաձայն։

2. Սույն որոշումն ուժի մեջ է մտնում դրա պաշտոնական հրապարակման օրվանից 180 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

ՀԱՎԵԼՎԱԾ Եվրասիական տնտեսական հանձնաժողովի խորհրդի 2019 թվականի օգոստոսի 8-ի թիվ 115 որոշման

1. 7-րդ հոդվածում՝

ա) 2-րդ և 4-րդ մասերից «, 5» թիվը հանել.

բ) 5-րդ մասը լրացնել հետևյալ բովանդակությամբ պարբերություններով՝

«Սննդամթերքի արտադրության (պատրաստման) համար նախատեսված կենդանական ծագման չվերամշակված պարենային (սննդային) հումքը պետք է ստացված լինի մթերատու կենդանիներից, ջրային կենսապաշարների և ակվակուլտուրայի օբյեկտների որսից ու սույն տեխնիկական կանոնակարգի 30-րդ հոդվածին համապատասխան՝ անասնաբուժասանիտարական փորձաքննության արդյունքներով պետք է ճանաչված լինի պիտանի սննդի մեջ օգտագործելու համար։

Սննդամթերքի շրջանառության ու արտադրության (պատրաստման) համար չի թույլատրվում կենդանական ծագման այն չվերամշակված պարենային (սննդային) հումքը, որը՝

զգայորոշման ցուցանիշներին չի համապատասխանում.

պարունակում է պահածոյացման միջոցներ.

մշակվում է ներկանյութերով և բուրավետիչներով, իոնացնող ճառագայթմամբ (թռչնի, ճագարի և ձիու միս) կամ ուլտրամանուշակագույն ճառագայթներով.

ներքին օրգանների մնացորդներով մսեղիքից ստացված սպանդային միսն ու մթերքը, հյուսվածքներում արյունազեղումներով, չհեռացրած թարախակույտերով, բոռերի և այլ միջատների թրթուրներով, կրծողների կողմից վնասված և (կամ) կոնտամինացված, մեխանիկական խառնուրդներով, ինչպես նաև մսին ոչ բնորոշ գույնով, հոտով, համով (ձկան, դեղամիջոցների, խոտաբույսերի և այլն) միս, ինչպես նաև՝

պաղեցված միսը, թռչնամիսը, որի ջերմաստիճանը չափման ցանկացած կետում +4 °С-ից բարձր է.

սառեցված միսը (բացի ճագարի մսից), որի ջերմաստիճանը չափման ցանկացած կետում -8 °С-ից բարձր է, սառեցված թռչնամիսը և ճագարի միսը, որի ջերմաստիճանը չափման ցանկացած կետում -12 °С-ից բարձր է (մսի պահպանման ջերմաստիճանը պետք է լինի -18 °С-ից ոչ բարձր).

պահպանման ընթացքում ապասառեցման ենթարկված սառեցված միսը և թռչնամիսը.

իմիդազոլների խմբի (մետրոնիդազոլ, դիմետրիդազոլ, ռոնիդազոլ, կլոտրիմազոլ, ամինիտրիզոլ, տինիդազոլ) և (կամ) նիտրոֆուրանների և դրանց մետաբոլիտների (ներառյալ՝ ֆուրազոլիդոնը և ֆուրացիլինը) խմբի անասնաբուժական դեղամիջոցները, դապսոն, կոլխիցին, ամինազին և դրանց անալոգները և (կամ) Եվրասիական տնտեսական միության (այսուհետ՝ Միություն) մարմինների ակտերով սահմանված և մեղուների մշակման համար կիրառվող այնպիսի այլ պատրաստուկներ պարունակող (որոշման մեթոդով հայտնաբերման սահմանը գերազանցող) բնական մեղրը և մեղվաբուծական մթերքը, որոնց մնացորդային քանակությունների առկայություն չի թույլատրվում, ինչպես նաև կումաֆոս (100 մկգ/կգ-ից ավելի) և ամիտրազ (200 մկգ/կգ-ից ավելի) պատրաստուկները։

Խոշոր և մանր եղջերավոր անասունների սպանդից ստացված՝ կենդանական ծագման չվերամշակված պարենային (սննդային) հումքը պետք է ստացված լինի կենդանիներից, որոնք որոճող կենդանիների սպիտակուցներ պարունակող՝ կենդանական ծագման կեր չեն ստացել՝ բացի Կենդանիների առողջության համաշխարհային կազմակերպության Ցամաքային կենդանիների առողջության օրենսգրքով առաջարկվող նյութերի։

Փակ ջրամատակարարման կայանքներում աճեցված ակվակուլտուրայի օբյեկտները պետք է անհրաժեշտ գերապահում անցնեն։

Երկփեղկ կակղամորթները, փշամորթները, թաղանթավորները և ծովային փորոտանիները բաշխման-մաքրման կենտրոններում պետք է անցնեն անհրաժեշտ պահորակում։»։

2. [փոփոխությունը վերաբերվում է միայն ռուսերենին]

3. 13-րդ հոդվածի 3-րդ մասը շարադրել հետևյալ խմբագրությամբ՝

«З. Անասնաբուժական դեղապատրաստուկների (բնական և սինթետիկ էստրոգեն, հորմոնալ նյութերի, թիրեոստատիկ պատրաստուկների (կենդանիների աճի խթանիչների), հակաբիոտիկների և այլ անասնաբուժական դեղապատրաստուկների) ազդեցությանը ենթարկված մթերատու կենդանիներից ստացված՝ չվերամշակված պարենային (սննդային) հումքի ստացման ժամանակ պետք է պահպանվեն կենդանիների օրգանիզմից այդ պատրաստուկների դուրսբերման՝ անասնաբուժական դեղապատրաստուկների կիրառման հրահանգներով սահմանված ժամկետները (հաշվի առնելով առավելագույն երկար ժամկետը դրանց համատեղ կիրառման դեպքում)։»։

4. 19-րդ հոդվածում՝

ա) 3-րդ մասի առաջին պարբերությունը շարադրել հետևյալ խմբագրությամբ՝

«З. Սննդային նպատակներով օգտագործման համար թույլատրվում է այն մթերատու կենդանիների սպանդը, որոնց առողջական վիճակն անասնաբուժասանիտարական միջոցների կիրառման ոլորտում, Միության անդամ պետության օրենսդրությանը, ինչպես նաև Միության իրավունքի մաս կազմող միջազգային պայմանագրերին և ակտերին համապատասխան, թույլ է տալիս դրանց սպանդային մթերքներն օգտագործել սննդային նպատակներով։».

բ) 5-րդ մասի երկրորդ պարբերությունը լրացնել «և տարբեր նյութերով թունավորումների» բառերով.

գ) 6-րդ մասում «անասնահամաճարակային բարենպաստ տնտեսություններից (արտադրական օբյեկտներից) առողջ մթերատու կենդանիներից» բառերը փոխարինել «մթերատու կենդանիներից, որոնց առողջական վիճակն անասնաբուժասանիտարական միջոցների կիրառման ոլորտում, Միության անդամ պետության օրենսդրությանը, ինչպես նաև Միության իրավունքի մաս կազմող միջազգային պայմանագրերին և ակտերին համապատասխան, թույլ է տալիս այդ հումքն օգտագործել սննդային նպատակներով» բառերով.

դ) 7-րդ մասն ուժը կորցրած ճանաչել։

5. 32-րդ հոդվածի «դ» կետից «(արդյունագործության ոչ ձկնային օբյեկտներ)» բառերը հանել։

6. 36-րդ հոդվածում՝

ա) 2-րդ մասի 1-ին կետում «35-րդ հոդվածի» բառերը փոխարինել «33-րդ հոդվածի» բառերով.

բ) 3-րդ մասի երկրորդ նախադասության մեջ «33-րդ հոդվածի» բառերը փոխարինել «35-րդ հոդվածի» բառերով։

7. 39-րդ հոդվածի առաջին պարբերությունից «(կամ)» բառը հանել։

8. Նշված տեխնիկական կանոնակարգի թիվ 2 հավելվածի 1-ին աղյուսակում՝

ա) 1.3 բաժնի անվանումը շարադրել հետևյալ խմբագրությամբ՝

«1.3. Ալրաղացաձավարային արտադրատեսակներ և հացաբուլկեղեն».

բ) 1.6 բաժնի անվանումը շարադրել հետևյալ խմբագրությամբ՝

«1.6. Ճարպային մթերքներ».

գ) 1.10 և 1.13 բաժինները հանել։

9. Նշված տեխնիկական կանոնակարգի թիվ 3 հավելվածում՝

ա) 4-րդ բաժինը շարադրել հետևյալ խմբագրությամբ՝

բ) 6-րդ բաժնում՝

անվանումը լրացնել «, թեյ, սուրճ» բառերով.

«ՀՔՑՀ (α-, β-, γ- իզոմերներ)» դիրքը լրացնել հետևյալ բովանդակությամբ տողով՝

«

0,2 Թեյ

»:

«ԴԴՏ և դրա մետաբոլիտները*» դիրքը լրացնել հետևյալ բովանդակությամբ տողով՝

«

0,2 Թեյ

»:

գ) 7-րդ բաժնում՝

անվանումը շարադրել հետևյալ խմբագրությամբ՝

«7. Ճարպայուղային արտադրանք, ճարպային մթերքներ».

«ՀՔՑՀ (α-, β-, γ- իզոմերներ)» դիրքում՝

երրորդ սյունակից «Սերմեր՝ սոյայի, բամբակենու,» բառերը հանել.

հանել հետևյալ տողերը՝

«

0,4 Սերմեր՝ վուշի, մանանեխի, կանճրակի       0,5 Սերմեր՝ արևածաղկի, գետնանուշի, եգիպտացորենի

»:

«ԴԴՏ և դրա մետաբոլիտները» դիրքից հանել հետևյալ տողերը՝

«

0,05 Սերմեր՝ սոյայի, բամբակենու, եգիպտացորենի       0,1 Սերմեր՝ վուշի, մանանեխի, կանճրակի       0,15 Սերմեր՝ արևածաղկի, գետնանուշի

»:

դ) 9-րդ բաժինը «յոդ» դիրքից հետո լրացնել հետևյալ բովանդակությամբ դիրքով՝

«

քրոմ 10 Դոնդողանյութ, շարակցահյուսվածքային սպիտակուցների խտանյութեր

»:

ե) «Հավելվածներ՝ բոլոր բաժինների համար»

բաժնում 1-ին կետը շարադրել հետևյալ խմբագրությամբ՝

«1. Հակաբիոտիկներ՝

2-րդ կետը լրացնել հետևյալ բովանդակությամբ նախադասությամբ՝ «Դիօքսինների թույլատրելի մակարդակը չի նորմավորվում 1 %-ից պակաս ճարպ պարունակող մթերքներում։».

զ) «Մանկական սննդի մթերքներ» աղյուսակի «Լևոմիցետին» դիրքում՝

«Լևոմիցետին» բառը փոխարինել «Լևոմիցետին (քլորամֆենիկոլ)» բառերով.

երկրորդ սյունակում տեքստի մեջ «0,01» թվերը փոխարինել «0,0003» թվերով։

10. Նշված տեխնիկական կանոնակարգի թիվ 4 հավելվածի 15-րդ դիրքից «սննդային հացաբույսեր,» բառերը հանել։

11. Նշված տեխնիկական կանոնակարգի թիվ 5 հավելվածն ուժը կորցրած ճանաչել։

12. Նշված տեխնիկական կանոնակարգի թիվ 7 հավելվածի 1.1 բաժնում՝

ա) 279-րդ դիրքը շարադրել հետևյալ խմբագրությամբ՝

___________________________

բ) լրացնել հետևյալ բովանդակությամբ դիրքեր՝

Պաշտոնական հրապարակման օրը՝ 7 հունիսի 2022 թվական: