1.

Ծրագրի նպատակը

Արցախի Հանրապետության Մարտակերտի շրջանի Առաջաձոր և Վաղուհաս համայնքների դպրոցների աշակերտների ուսումնադաստիարակչական աշխատանքներում ընտանիքին համակողմանի օգնություն ցուցաբերելու, դասապատրաստումներին աջակցելու, ինքնուրույն սովորելու կարողությունները, ստեղծագործական ունակությունները զարգացնելու, կրթական հավասար հնարավորություններ ապահովելու և մանկավարժական համապարփակ մոտեցման միջոցով աշակերտների ու նրանց ընտանիքի զբաղվածության և այլ կարիքներին արդյունավետ աջակցելու նպատակով, դպրոցներում երկարօրյա

ենթակառուցվածքների ստեղծում:

2.

Ծրագրի բարեգործական

որակման նպատակը

ՀՀ օրենսդրությամբ սահմանված կարգով օգտվել հարկերի, տուրքերի և այլ պարտադիր վճարների արտոնություններից:

3.

Բարեգործը

«Հայաստան» համահայկական հիմնադրամ (ՀՀ, ք․Երևան, Բաղրամյան 26/1, ՀՎՀՀ՝ 02507456)։

4.

Ծրագիրը կատարողը

«Մասնակցային դպրոց» կրթական հիմնադրամ (ՀՀ, ք․Երևան, Բուզանդ 1, 31, ՀՎՀՀ՝ 02834897)։

5.

Ծրագրի իրականացման

վայրը և բնագավառը

Արցախի Հանրապետության Մարտակերտի շրջանի Առաջաձոր և Վաղուհաս համայնքներ՝ կրթության բնագավառ։

6.

Ծրագրի բյուջեն

27,596,700 դրամ

7.

Բարեգործություն

ստացողը

Արցախի Հանրապետության Մարտակերտի շրջանի Առաջաձոր և Վաղուհաս համայնքների դպրոցներ:

8.

Ծրագրի իրականացման

տևողությունը

27 ապրիլի 2022 թ. - 31 հուլիսի 2022 թ.

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

1. Յուրաքանչյուր դպրոցում վերանորոգվելու և արդիականացվելու են (կահավորվելու են) 2-ական դասասենյակ՝ տարրական և միջին դպրոցների համար 27 ապրիլի 2022 թ. - 31 հուլիսի 2022 թ. ընկած ժամանակահատվածում, 15,178,185 դրամ գումարի չափով:

2. Յուրաքանչյուր դպրոցում կառուցվելու է ճաշարան, խոհանոց և պահեստ՝ տաք սնունդ տրամադրելու համար՝ 27 ապրիլի 2022 թ. - 31 հուլիսի 2022 թ. ընկած ժամանակահատվածում, 12,418,515 դրամ գումարի չափով:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Շինարարական նյութերի ձեռքբերում՝ 10,825,020 դրամի չափով (հարկային արտոնություններ չեն ակնկալվում)։

2. Շինարարական աշխատանքների իրականացում՝ 7,216,680 դրամի չափով (հարկային արտոնություններ չեն ակնկալվում)։

3. Կահույքի և ուսումնական սարքավորումների ձեռքբերում՝ 5,300,000 դրամ (հարկային արտոնություններ ակնկալվում են)։

4. Ճաշարանային սարքավորումների և պարագաների ձեռքբերում՝ 4,255,000 դրամի չափով (հարկային արտոնություններ ակնկալվում են)։

11.

Ծրագրի իրականացման հետ կապված կազմակերպական ծախսերը

Սույն ծրագրով կազմակերպական ծախսեր չեն նախատեսվում։

12.

Համագործակցությունը պետական կառավարման, 

տեղական ինքնակառա-
վարման մարմինների, այլ կազմակերպությունների հետ

Ծրագրի իրականացման ընթացքին ակտիվորեն ներգրավված են Արցախի Հանրապետության կրթության, գիտության, մշակույթի և սպորտի նախարարությունը, Արցախի Հանրապետության տարածքային կառավարման և ենթակառուցվածքների նախարարությունը, Արցախի Հանրապետության քաղաքաշինության նախարարությունը, «Հայաստան» համահայկական հիմնադրամը և Մարտակերտի շրջանի Առաջաձոր և Վաղուհաս գյուղերի համայնքապետարանները:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Արդյունավետության նկատմամբ վերահսկողությունն իրականացվելու է Արցախի Հանրապետության կրթության, գիտության, մշակույթի և սպորտի նախարարության, Արցախի Հանրապետության տարածքային կառավարման և ենթակառուցվածքների նախարարության, Արցախի Հանրապետության քաղաքաշինության նախարարության և «Հայաստան» համահայկական հիմնադրամի կողմից, ինչպես նաև ՀՀ կառավարության 2003 թ. հունվարի 16-ի N 66-ն որոշմամբ հաստատված` բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով

հաշվետվություններ կներկայացվեն բարեգործության ոլորտը համակարգող լիազորված մարմնին։