Գլխավոր տեղեկություն
Համար
N 127-Ա
Տիպ
Որոշում
Ակտի տիպ
Հիմնական ակտ (26.02.2022-մինչ օրս)
Կարգավիճակ
Գործում է
Սկզբնաղբյուր
Հրապարակվել է միասնական կայքում
Ընդունող մարմին
ՀՀ փոխվարչապետ
Ընդունման ամսաթիվ
25.02.2022
Ստորագրող մարմին
ՀՀ փոխվարչապետ
Ստորագրման ամսաթիվ
25.02.2022
Ուժի մեջ մտնելու ամսաթիվ
26.02.2022

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

 

Ո Ր Ո Շ ՈՒ Մ

 

N 127-Ա

 

«ՍՕՍ-ՄԱՆԿԱԿԱՆ ԳՅՈՒՂԵՐ» ՀԱՅԿԱԿԱՆ ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՏԱՎՈՒՇԻ ՄԱՐԶ, ԻՋԵՎԱՆ ՔԱՂԱՔՈՒՄ ԿՅԱՆՔԻ ԴԺՎԱՐԻՆ ԻՐԱՎԻՃԱԿՈՒՄ ՀԱՅՏՆՎԱԾ ԵՐԵԽԱՆԵՐԻ ԵՐԿԱՐԱԺԱՄԿԵՏ ԵՎ ԿԱՐՃԱԺԱՄԿԵՏ ԸՆՏԱՆԵԿԱՆ ՏԻՊԻ ԽՆԱՄՔ ԵՎ ԴԱՍՏԻԱՐԱԿՈՒԹՅՈՒՆ» ԾՐԱԳՐԻ ՄԱՍԻՆ

 

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «ՍՕՍ-մանկական գյուղեր» հայկական բարեգործական հիմնադրամի կողմից (քաղ. Երևան, Հրաչյա Քոչարի 8 շենք, 18,19 բնակարան, ՀՎՀՀ` 03517269) իրականացվող` 350,970,204 դրամ ընդհանուր արժողությամբ «Տավուշի մարզ, Իջևան քաղաքում կյանքի դժվարին իրավիճակում հայտնված երեխաների երկարաժամկետ և կարճաժամկետ ընտանեկան տիպի խնամք և դաստիարակություն» ծրագիրը՝ համաձայն հավելվածի:

2. Սահմանել, որ «ՍՕՍ-մանկական գյուղեր» հայկական բարեգործական հիմնադրամի կողմից կնքված` ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն.

1) «Հայաստանի էլեկտրական ցանցեր» ՓԲԸ-ի «Աղստև» մասնաճյուղի հետ (ՀՎՀՀ՝ 01520882) 2009 թվականի հուլիսի 31-ին կնքված՝ N 015817 պայմանագրում նշված գործարքը, որով նախատեսվում է 2022 թվականի հունվարի 15-ից մինչև դեկտեմբերի 31-ն ընկած ժամանակահատվածում էլեկտրաէներգիայի մատակարարում` 2,304,000 դրամի չափով, առանց ավելացված արժեքի հարկի.

2) «Գազպրոմ Արմենիա» ՓԲԸ-ի հետ (ՀՎՀՀ՝ 00046317) 2013 թվականի սեպտեմբերի 12-ին կնքված՝ N 09108137520 պայմանագրում նշված գործարքը, որով նախատեսվում է 2022 թվականի հունվարի 15-ից մինչև դեկտեմբերի 31-ն ընկած ժամանակահատվածում բնական գազի մատակարարում` 8,761,000 դրամի չափով, առանց ավելացված արժեքի հարկի.

3) «Վեոլիա Ջուր» ՓԲԸ-ի հետ (ՀՎՀՀ՝ 02655115) 2017 թվականի փետրվարի 13-ին կնքված՝ N 520099949 պայմանագրում նշված գործարքը, որով նախատեսվում է 2022 թվականի հունվարի 15-ից մինչև դեկտեմբերի 31-ն ընկած ժամանակահատվածում ջրամատակարարման և ջրահեռացման ծառայությունների մատուցում` 2,328,000 դրամի չափով, առանց ավելացված արժեքի հարկի.

4) «Ֆլեշ» ՍՊԸ-ի հետ (ՀՎՀՀ` 01808789) 2021 թվականի դեկտեմբերի 10-ին կնքված՝ N 10/12/21-3 պայմանագրում նշված գործարքը, որով նախատեսվում է 2022 թվականի հունվարի 17-ից մինչև դեկտեմբերի 31-ն ընկած ժամանակահատվածում վառելիքի մատակարարում` 5,300,000 դրամի չափով, առանց ավելացված արժեքի հարկի.

5) «Յուքոմ» ՍՊԸ-ի հետ (ՀՎՀՀ՝ 00024873) 2012 թվականի փետրվարի 1-ին կնքված N 021/01/02/2012 պայմանագրում նշված գործարքը, որով նախատեսվում է 2022 թվականի հունվարի 15-ից մինչև դեկտեմբերի 31-ն ընկած ժամանակահատվածում էլեկտրոնային հաղորդակցության ծառայությունների մատուցում` 638,004 դրամի չափով, առանց ավելացված արժեքի հարկի :

3. «ՍՕՍ-մանկական գյուղեր» հայկական բարեգործական հիմնադրամին` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում`

նշված ծրագրի շրջանակներում կազմակերպության կողմից կատարած աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

 

Հայաստանի Հանրապետության
փոխվարչապետ

 Հ. Մաթևոսյան

 

Երևան

 

25.02.2022

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

 

Հավելված

ՀՀ փոխվարչապետի

N 127-Ա որոշման

 

Ծ Ր Ա Գ Ի Ր

 

«Տավուշի մարզ, Իջևան քաղաքում կյանքի դժվարին իրավիճակում հայտնված երեխաների երկարաժամկետ և կարճաժամկետ ընտանեկան տիպի խնամք և դաստիարակություն»

1.

Ծրագրի նպատակը

● Իրականացնել մինչև 18 տարեկան կյանքի դժվարին իրավիճակում հայտնված երեխաների երկարաժամկետ և կարճաժամկետ ընտանեկան տիպի խնամք և դաստիարակություն,

● Մինչև 18 տարեկան կյանքի դժվարին իրավիճակում հայտնված երեխաների համար ձևավորել հոգատար և ապահով ընտանեկան միջավայր, որը կապահովի նրանց ներդաշնակ զարգացումը և հետագա ինտեգրումը.

«ՍՕՍ-մանկական գյուղեր» հայկական բարեգործական հիմնադրամն կյանքի դժվարին իրավիճակում հայտնված երեխաների համար ապահովում է ընտանեկան տիպի խնամք: Երեխաները դառնում են ՍՕՍ ընտանիքի անդամ և ապրում են ՍՕՍ ընտանեկան տներում, ընդ որում յուրաքանչյուր ընտանեկան տանը ապրում, խնամվում և դաստիարակվում են միջինը մինչև յոթ երեխա: Յուրաքանչյուր ընտանեկան տուն ներառում է չորս ննջասենյակ, հյուրասենյակ, խոհանոց և ճաշասենյակ, չորս սանհանգույց` համապատասխան լվացարաններով և զուգարաններով, մեկ տնտեսական սենյակ և խորդանոց: Յուրաքանչյուր ՍՕՍ ընտանիք ղեկավարվում է ՍՕՍ ծնողի կողմից, որն ապրում և աշխատում է այդ տանը:

2.

Ծրագրի բարեգործական

որակման նպատակը

Սահմանված կարգով օգտվել Հայաստանի Հանրապետության հարկերի, տուրքերի, պարտադիր վճարների օրենքներով նախատեսվող արտոնություններից:

3.

Բարեգործը

ՍՕՍ մանկական գյուղեր Միջազգային կազմակերպություն (Հերման Գմայների փողոց 51 A-6020 Իննսբրուկ, Ավստրիա)

4.

Ծրագրի կատարողը

«ՍՕՍ-մանկական գյուղեր» հայկական բարեգործական հիմնադրամ (ՀՎՀՀ` 03517269, . Երևան, Հ. Քոչարի 8, բն. 18-19):

5.

Ծրագրի իրականացման վայրը և բնագավառը

ՀՀ, Տավուշի Մարզ, ք. Իջևան, Երևանյան 10

«ՍՕՍ-Մանկական Գյուղեր» հայկական բարեգործական հիմնադրամի «Իջևան» մասնաճյուղը (այսուհետ`մասնաճյուղ) գտնվում է Տավուշի մարզի Իջևան խոշորացված համայնքի կողմից անհատույց օգտագործման համար հանձնված շուրջ 1.2 հեկտար ընդհանուր հողատարածքի վրա: Այն բաղկացած է 14 ընտանեկան տներից, վարչատնտեսական և ուսումնական շինություններից: Վերոնշյալ բոլոր շենքներն ու շինությունները, ինչպես նաև դրանցում օգտագործվող գույքը կազմակերպության սեփականությունն են և հիմնականում ձեռք են բերվել ՍՕՍ Մանկական Գյուղեր Միջազգային կազմակերպությունը (Հերման Գմայների փողոց 51 A-6020 Իննսբրուկ, Ավստրիա) կողմից հատկացված միջոցներով:

Ծրագիրն առնչվում է սոցիալական բնագավառին:

6.

Ծրագրի բյուջեն

Ծրագրի ընդհանուր բյուջեն կազմում է՝ 350,970,204 դրամ:

7.

Բարեգործություն ստացողը

Ծրագրի շահառուներ են հանդիսանում կյանքի դժվարին իրավիճակում հայտնված մինչև 18 տարեկան շուրջ 70 երեխա, որոնք «ՍՕՍ-Մանկական Գյուղեր» հայկական բարեգործական հիմնադրամի մասնաճյուղ ուղղորդվում են Աշխատանքի և սոցիալական հարցերի նախարարության կողմից տրված ուղեգրի, (Հայաստանի Հանրապետության կառավարության 2015 թվականի սեպտեմբերի 25-ի «Երեխաների, տարեց և (կամ) հաշմանդամություն ունեցող անձանց խնամքի տրամադրման կարգը և պայմանները սահմանելու, տարեց և (կամ) հաշմանդամություն ունեցող անձանց խնամքի տրամադրումը մերժելու հիմք հանդիսացող հիվանդությունների ցանկը հաստատելու և Հայաստանի Հանրապետության կառավարության մի շարք որոշումներ ուժը կորցրած ճանաչելու մասին» N 1112-Ն որոշման), խնամակալության և հոգաբարձության մարմինների կողմից ներկայացված գրությունների (որոշումների), ինչպես նաև ծնողների (օրինական ներկայացուցիչների) դիմումների հիման վրա:

8.

Ծրագրի իրականացման

տևողությունը

Ծրագիրը իրականացվելու է 2022 թվականի հունվարի 15-ից մինչև 2022 թվականի դեկտեմբերի 31-ը:

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

1. Շուրջ 70 երեխաների շարունակական խնամքի և դաստիարակության անընդմեջ իրականացում ՍՕՍ ընտանիքի շրջանակներում` 69,872,470 դրամ:

1.1. սնունդ` 32,230,800 դրամ,

1.2. լվացող նյութեր և հիգիենայի պարագաներ`3,316,920 դրամ,

1.3. հագուստ և կոշիկ` 13,192,100 դրամ,

1.4. դպրոցական ծախսեր` 5,510,660 դրամ,

1.5. գրպանի գումար` 2,449,990 դրամ,

1.6. այլ ընտանեկան ծախսեր`11,580,180 դրամ,

1.7 աջակցություն կենսաբանական ընտանիքին (հագուստ, հիգիենայի պարագաներ, դեղորայք, սնունդ)` 1,591,820 դրամ,

2. Կրթադաստիարակչական ծրագրերի, մարզամշակութային միջոցառումների և ամառային հանգստի կազմակերպում` 30,395,280 դրամ

2.1. Նախասիրությունների խմբակների, ինչպես նաև մինչև հիմնադրամի կողմից իրականացվող ծրագրի մեջ ներգրավվելը հանրակրթական դպրոցներ չհաճախած կամ թերհաճախած երեխաների համար հատուկ դասընթացների և առանձնահատուկ ընդունակություններ ունեցող երեխաների արտադասարանային պարապմունքների կազմակերպում, ուսումնական հաստատություններում վճարովի հոսքերում սովորողների ուսման վարձեր (մասնագետների վարձավճար, անհրաժեշտ պարագաների և նյութերի ձեռքբերում)` 1,672,000 դրամ,

2.2. Մարզամշակութային միջոցառումներ, մարզական խաղեր, օլիմպիադաներ, մրցաշարեր, համերգներ, թատերական և կրկեսային ներկայացումներ, էքսկուրսիաներ, մանկական դիսկոտեկներ, ազգային ավանդական և միջազգային տոնական միջոցառումներ 6,783,400 դրամ,

2.3. Շուրջ 70 երեխաների ամառային հանգստի կազմակերպում ճամբարային և առողջարանային համալիրներում` 21,939,880 դրամ;

3. Շուրջտարյա առաջնային առողջության պահպանում և հոգեբանական աջակցություն երեխաներին` 2,332,500 ՀՀ դրամ:

3.1. Երեխաների համար դեղորայք, բժշկական օժանդակ սարքավորումներ, բժշկական հետազոտությունների, թերապևտիկ և վիրաբուժական ծախսեր` 600,000 դրամ

3.2. Հոգեբանական աջակցություն երեխաներին` 1,732,500 դրամ:

4. Կոմունալ ծառայություններ (ծրագրային ծախսեր)` կազմում է 13,493,000 դրամ,

4.1. էլեկտրաէներգիայի վարձավճար` 2,304,000 դրամ,

4.2. ջրամատակարարման վարձավճար` 2,328,000 դրամ,

4.3. գազամատակարարման վարձավճար` 8,761,000 դրամ,

4.4. աղբահանություն վարձավճար` 100,000 դրամ,

5. Գույքի և անհրաժեշտ տեխնիկայի (սառնարանների, գազօջախների, փոշեկուլների, լվացքի մեքենաների, համակարգիչների և համակարգչային այլ տեխնիկայի, կահույքի) ձեռքբերում և վերանորոգում, այդ թվում մանկական գյուղի տարածքի և շինությունների վերանորոգում և արդիականացում` 27,340,000 դրամ:

6. Ծրագրի մասնագիտական անձնակազմի (սաների հետ անմիջականորեն աշխատող անձնակազմի) աշխատավարձեր և բժշկական ապահովագրություն (ՍՕՍ-մայր դաստիարակ, դաստիարակի օգնականի, մանկավարժական անձնակազմի, դպրոցական ավտոբուսի վարորդի)` կազմում է 127,517,940 դրամ:

7. Տրանսպորտային միջոցների (տրանսպորտային միջոցները բացառապես օգտագործվում են շահառուների առաջնային կարիքների համար) նորոգում, տեխնիկական սպասարկում, շահագործում և վառելանյութ` 9,319,350 դրամ

8. Տրանսպորտային այլ ծախսեր (տաքսի և բեռնափոխադրումների ծառայություններ (բացառապես օգտագործվում է տնայցերի և այլ ծրագրային նպատակներով))` 798,000 դրամ Կազմակերպական ծախսերը կազմում է 69,901,664 դրամ․

1․ Աշխատակազմի աշխատավարձ, դրան հավասարեցված վճարումներ և բժշկական ապահովագրություն` 61,560,934 դրամ,

2.Դասընթացներ, սեմինարների կազմակերպում աշխատակիցների համար` 1,500,000 դրամ,

3. Սուպերվիզիաների (հոգեբանական աջակցության) կազմակերպում մայրիկների համար` 924,000 դրամ,

4․ Հեռահաղորդակցություն և գրասենյակային պարագաներ` 1,472,000 դրամ,

5. Տեղեկատվական նյութեր, ֆիլմեր, նկարներ, բրոշյուրներ` 1,080,000 դրամ,

6. Հանդիպումների, միջոցառումների կազմակերպման համար անհրաժեշտ նյութեր, հյուրասիրություն` 962,000 դրամ,

7. Տրանսպորտային ծախսեր (կազմակերպական ծախս)` 460,000 դրամ,

8. Բժշկական նյութեր, դեղորայք, օժանդակ պարագաներ (ՍՕՍ-մայր դաստիարակ, դաստիարակի օգնական և աշխատող անձնակազմի համար)` 750,000 դրամ,

9. Այլ կազմակերպական ծախսեր (բանկային, փոստային ծախսեր և այլ չնախատեսված ծախսեր )` 1,192,730 ՀՀ դրամ,

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Շահառուների համար սննդի ձեռքբերում` 32,230,800 դրամ,

2. Շահառուների համար լվացող նյութերի և հիգիենայի պարագաների ձեռքբերում` 3,316,920 դրամ,

3. Շահառուների համար հագուստի, կոշիկի և այլ առաջնային անհրաժեշտության պարագաների ձեռքբերում`13,192,100 դրամ,

4. Դպրոցական պարագաների (գրենական պիտույքներ և դպրոցական պայուսակ), դասագրքերի ձեռքբերման ծախսեր` 5,510,660 դրամ,

5. Աջակցություն շահառուների կենսաբանական ընտանիքին (հագուստի, կոշիկի, հիգիենայի պարագաների, դեղորայքի, սննդի ձեռքբերում)` 1,591,820 դրամ,

6. Շուրջ 70 երեխաների համար ճամբարային և առողջարանային համալիրներում ամառային հանգստի կազմակերպման նպատակով ծառայությունների ձեռքբերում` 21,939,880 դրամ,

7. Երեխաների համար դեղորայքի, բժշկական օժանդակ սարքավորումների ձեռքբերում` 600,000 դրամ

8. Կոմունալ ծառայությունների ձեռքբերում (ծրագրային ծախսեր)` 13,493,000 դրամ,

8.1. էլեկտրաէներգիայի վարձավճար` 2,304,000 դրամ,

8.2. ջրամատակարարման վարձավճար` 2,328,000 դրամ,

8.3. գազամատակարարման վարձավճար` 8,761,000 դրամ,

8.4. աղբահանություն վարձավճար` 100,000 դրամ

9. Գույքի և անհրաժեշտ տեխնիկայի (սառնարանների, գազօջախների, փոշեկուլների, լվացքի մեքենաների, համակարգիչների և համակարգչային այլ տեխնիկայի, կահույքի) ձեռքբերում և վերանորոգում, այդ թվում մանկական գյուղի տարածքի և շինությունների վերանորոգում և արդիականացում` 27,340,000 դրամ:

10. Տրանսպորտային միջոցների (տրանսպորտային միջոցները բացառապես օգտագործվում են երեխաների կարիքների համար) նորոգման, տեխնիկական

սպասարկման, շահագործման ծառայությունների և վառելանյութի ձեռքբերում` 9,319,350 դրամ,

11. Տրանսպորտային ծառայությունների (տաքսի և բեռնափոխադրումներ) ձեռքբերում (բացառապես օգտագործվում է տնայցերի և այլ ծրագրային նպատակներով)` 798,000 դրամ, Կազմակերպական ծախսերը (ազատման ենթակա)

1. Թրեյնինգների/դասընթացների կազմակերպման նպատակով ծառայությունների ձեռքբերում ` 1,500,000 դրամ

2․ Հեռահաղորդակցության ծառայության ձեռքբերում (հեռախոսի և ինտերնետի վարձավճար)` 972,000 դրամ

3. Տեղեկատվական նյութերի, նկարներ, բրոշյուրներ տպման և ֆիլմերի նկարահանման ծառայությունների ձեռքբերում ` 1,080,000 դրամ,

4. Հանդիպումների, միջոցառումների և դրանց ընթացքում հյուրասիրությունների կազմակերպման համար անհրաժեշտ նյութերի, պարագաների, սննդի ձեռքբերում` 962,000 դրամ:

5. Տրանսպորտային ծառայությունների ձեռքբերում (կազմակերպական ծախս), (օգտագործվում է կազմակերպական նպատակներով)` 460,000 դրամ,

6. Բժշկական նյութերի, դեղորայքի, օժանդակ պարագաների ձեռքբերում (ՍՕՍ մայրիկի, մորաքրոջ և աշխատող անձնակազմի համար)` 750,000 դրամ:

7. Գրասենյակային պարագաների ձեռքբերում՝ 500,000 դրամ

11.

Ծրագրի իրականացման հետ կապված կազմակերպական ծախսերը

Կազմակերպական ծախսերը կազմում է 69,901,664 դրամ, որը կազմում է բյուջեի 19.9 տոկոսը:

1․ Աշխատակազմի աշխատավարձ, դրան հավասարեցված վճարումներ և բժշկական ապահովագրություն`61,560,934 դրամ,

2.Դասընթացներ, սեմինարների կազմակերպում աշխատակիցների համար` 1,500,000 դրամ,

3. Սուպերվիզիաների (հոգեբանական աջակցության) կազմակերպում մայրիկների համար` 924,000 դրամ,

4․ Հեռահաղորդակցություն և գրասենյակային պարագաներ` 1,472,000 դրամ,

5. Տեղեկատվական նյութեր, ֆիլմեր, նկարներ, բրոշյուրներ` 1,080,000 դրամ,

6. Հանդիպումների, միջոցառումների կազմակերպման համար անհրաժեշտ նյութեր, հյուրասիրություն`962,000 դրամ,

7. Տրանսպորտային ծախսեր (կազմակերպական ծախս)` 460,000 դրամ,

8. Բժշկական նյութեր, դեղորայք, օժանդակ պարագաներ (ՍՕՍ-մայր դաստիարակ, դաստիարակի օգնական և աշխատող անձնակազմի համար)` 750,000 դրամ,

9. Այլ կազմակերպական ծախսեր (բանկային, փոստային ծախսեր և այլ չնախատեսված ծախսեր )` 1,192,730 դրամ,

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Ծրագրի իրականացման ընթացքում կազմակերպությունը համագործակցելու է ՀՀ աշխատանքի և սոցիալական հարցերի նախարարության, ՀՀ կրթության, գիտության, մշակույթի և սպորտի նախարարության, ՀՀ առողջապահության նախարարության, ՀՀ ոստիկանության, ինչպես նաև Տավուշի մարզպետարանի, տեղական ինքնակառավարման մարմինների, միասնական սոցիալական ծառայության, երեխաների պաշտպանության հարցերով զբաղվող տեղական և միջազգային հասարակական կազմակերպությունների

լայն շրջանակների հետ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Հայաստանի Հանրապետության Կառավարության 2003 թվականի հունվարի 16-ի համար 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվի տեղեկություններ:

Հայաստանի Հանրապետության
փոխվարչապետ

 Հ. Մաթևոսյան

25.02.2022

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ