ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 1089-Ա

«ՎԱՐԴԱՆՅԱՆ ԸՆՏԱՆԻՔ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՔԱՂՑՐԱՎԵՆԻՔԻ ՆՎԻՐԱԲԵՐՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Վարդանյան ընտանիք» բարեգործական հիմնադրամի կողմից իրականացվող` 13,454,000 դրամ արժողությամբ «Քաղցրավենիքի նվիրաբերում» ծրագիրը՝ համաձայն հավելվածի:

2. Սահմանել, որ «Վարդանյան ընտանիք» բարեգործական հիմնադրամի (ՀՎՀՀ՝ 02269952) կողմից «Գրանդ քենդի» ՍՊԸ-ի հետ (ՀՎՀՀ` 02226764) 2021 թվականի հոկտեմբերի 14-ին կնքված՝ N ԳՔ-091/2021 պայմանագրում նշված գործարքը, որով նախատեսվում է քաղցրավենիքի ձեռքբերում՝ 13,096,893 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. «Վարդանյան ընտանիք» բարեգործական հիմնադրամին` նշված ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Հ. Մաթևոսյան
Երևան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 1089-Ա որոշման

Ծ Ր Ա Գ Ի Ր

«ՔԱՂՑՐԱՎԵՆԻՔԻ ՆՎԻՐԱԲԵՐՈՒՄ»

1.	Ծրագրի նպատակը	Պետական մանկատների երեխաներին, պետական հատուկ հանրակրթական ուսումնական հաստատությունների երեխաներին, բարեգործական կազմակերպություններին/մանկատներ/ և ցերեկային խնամքի հաստատությունների խնամքի և հոգածության տակ գտնվող երեխաներին Ամանորի կապակցությամբ քաղցրավենիքի տոպրակների նվիրաբերում:
2.	Ծրագրի բարեգործական որակման նպատակը	Ակնկալվում է ծրագրի շրջանակներում օգտվել ՀՀ հարկերի, տուրքերի և պարտադիր վճարների գծով օրենքով սահմանված արտոնություններից:
3.	Բարեգործը	«Վարդանյան ընտանիք» բարեգործական հիմնադրամ (ՀՀ, քաղ. Երևան 0061, Հրանտ Վարդանյան փողոց 6, ՀՎՀՀ՝ 02269952)
4.	Ծրագիրը կատարողը	«Վարդանյան ընտանիք» բարեգործական հիմնադրամ (ՀՀ, քաղ. Երևան 0061, Հրանտ Վարդանյան փողոց 6, ՀՎՀՀ՝ 02269952)
5.	Ծրագրի իրականացման վայրը և բնագավառը	Սույն ծրագրին կից ներկայացվող աղյուսակով նախատեսված պետական մանկատների, պետական հատուկ հանրակրթական ուսումնական հաստատությունների, բարեգործական կազմակերպությունների/մանկատներ/, ցերեկային խնամքի հաստատությունների խնամքի և հոգածության տակ գտնվող երեխաներ/սոցիալական բնագավառ:
6.	Ծրագրի բյուջեն	13 454 000 /տասներեք միլիոն չորս հարյուր հիսունչորս հազար/ ՀՀ դրամ
7.	Բարեգործություն ստացողը	Սույն ծրագրին կից ներկայացվող աղյուսակով նախատեսված պետական մանկատների, պետական հատուկ հանրակրթական ուսումնական հաստատությունների, բարեգործական կազմակերպությունների/մանկատներ/, ցերեկային խնամքի հաստատությունների խնամքի և հոգածության տակ գտնվող երեխաներ: Ընտրությունը կատարվել է բարեգործական հիմնադրամի ընտրությամբ:
8.	Ծրագրի իրականացման տևողությունը	2021 թվականի դեկտեմբերի 20-ից մինչև դեկտեմբերի 31-ը ներառյալ:
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ամանորի կապակցությամբ նախատեսվում է սույն ծրագրին կից ներկայացված աղյուսակով նախատեսված պետական մանկատների, պետական հատուկ հանրակրթական ուսումնական հաստատությունների, բարեգործական կազմակերպությունների/մանկատներ/ և ցերեկային խնամքի հաստատությունների խնամքի և հոգածության ներքո գտնող 1922 երեխաներին նվիրել “Գրանդ Քենդի” ՍՊ ընկերության կողմից արտադրված քաղցրավենիքի տոպրակներ ընդհանուր առմամբ 13 454 000 /տասներեք միլիոն չորս հարյուր հիսունչորս հազար/ ՀՀ դրամ ընդհանուր արժեքով: Միջոցառումը նախատեսվում է իրականացնել 2021 թվականի դեկտեմբերի 20-ից մինչև դեկտեմբերի 31-ը ներառող ժամանակահատվածում:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Տվյալ ծրագրի շրջանակներում նախատեսվում է թվով 1922 հատ քաղցրավենիքի տոպրակի ձեռքբերում հայկական “Գրանդ Քենդի” ՍՊ ընկերությունից, 13 454 000 /տասներեք միլիոն չորս հարյուր հիսունչորս հազար/ ՀՀ դրամ ընդհանուր արժեքով:
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Չի նախատեսվում:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Ծրագրի արդյունավետության նկատմամբ վերահսկողությունն իրականացվելու է «Վարդանյան ընտանիք» բարեգործական հիմնադրամի հոգաբարձուների խորհրդի կողմից; Հայաստանի Հանրապետության Կառավարության 2003 թ.-ի հունվարի 16-ի N 66-Ն որոշմամբ հաստատված «Բարեգործական ծրագրերը բարեգործական որակելու և գրանցելու կարգի» 25-րդ կետով սահմանված կարգով հաշվետվությունների ներկայացում լիազորված մարմնին:

Աղյուսակ

«Վարդանյան ընտանիք» բարեգործական

 հիմնադրամի կողմից նախատեսվող

«Քաղցրավենիքի նվիրաբերում» ծրագրի

«08» հոկտեմբերի, 2021 թ.

Նվիրաբերությունը ստացող երեխաների խնամքի կենտրոններ

Պետական մանկատները
NN ը/կ	Անվանումը	Հասցեն	Երեխաների քանակը
1.	Երևանի ՛՛Մանկան տուն՛՛ ՊՈԱԿ	Ք. Երևան, Ար. Արմենակյանի փողոց 119	42
2.	Երևանի ‘’Մարի Իզմիրլյանի անվան մանկատուն’’ ՊՈԱԿ	Ք. Երևան, Մ. Յաղուբյան նրբ. 13, 59 դպրոցի հարևանությամբ Մանումենտ Գեյն շտաբ (նախկին Արմեն Տիգրանյանի) փողոց 13	100
3.	Գյումրիի "Երեխաների տուն" ՊՈԱԿ	Ք. Գյումրի, Թամանյանի փողոց 17	100
4.	“Գավառի մանկատուն” ՊՈԱԿ	Գավառ, Օգոստոսի 23-ի փողոց 106	60
5.	“Խարբերդի մասնագիտացված մանկատուն” ՊՈԱԿ	ՀՀ Արարատի մարզ, գյուղ Նոր-Խարբերդ, Բաղրամյան 58	237
	Ընդամենը՝ 539 երեխա
	ՀՀ Պետական հատուկ հանրակրթական ուսումնական հաստատությունները

N	Անվանումը	Հասցեն	Երեխաների քանակը
1.	Երևանի մտավոր թերզարգացում ունեցող երեխաների 11 հատուկ (օժանդակ) դպրոց	Ք. Երևան, Նուբարաշեն 6փ., շ.1	82
2.	Երևանի տեսողության խանգարումներ ունեցող երեխաների N14 հատուկ դպրոց	Ք. Երևան, Մամիկոնյանց 31	65
3.	Երևանի տեսողության խանգարումներ ունեցող երեխաների հատուկ կրթահամալիր 15	Ք. Երևան, Նորքի այգիներ 193	119
4.	Երևանի հենաշարժողական համակարգի խախտումներ ունեցող երեխաների N17 հատուկ դպրոց	Ք. Երևան, Մոլդովական 41	95/այդ թվում 6 Արցախցի երեխա/
5.	Հանրապետական N1 հատուկ կրթահամալիր	Ք. Երևան, Վարդաշեն 6, 68/2	43
6.	Հանրապետական N2 հատուկ կրթահամալիր	Ք. Երևան, Րաֆֆու 113	75
7.	Կապանի N3 հատուկ կրթահամալիր	Ք. Կապան, Սպանդարյան 4	93
	Ընդամենը՝ 572 երեխա
	Բարեգործական կազմակերպությունները/մանկատները/
N	Անվանումը	Հասցեն	Երեխաների քանակը
1.	"SOS մանկական գյուղեր" - մանկատուն "Կոտայք" մասնաճյուղ	ՀՀ Կոտայքի մարզ, ք.Աբովյան, Հերման Գմայների փ. 1	63
2.	"SOS մանկական գյուղեր" - մանկատուն "Իջևան" մասնաճյուղ	ՀՀ Տավուշի մարզ, ք. Իջևան, Երևանյան փ. 1	67
3.	Սպիտակի միսիոներների բարեգործական կազմակերպության հայկական մասնաճյուղի մանկատուն	ՀՀ Լոռու մարզ ք. Սպիտակ, Իտալական թաղամաս	5
4.	Սպիտակի միսիոներների բարեգործական կազմակերպության հայկական մասնաճյուղի Երևանի մանկատուն	ք. Երևան, Նորք Մարաշ 7-րդ փողոց, 37 տուն	18
5.	՛՛Նագաշյան մանուկների տուն՛՛	ք. Երևան, Ահարոնյան 2/2	22
6.	Տիրամայր Հայաստանի կուսաստան կենտրոն	Ք. Գյումրի, Չարենցի փողոց 6	37
	Ընդամենը՝ 212 երեխա
	ՀՀ Աշխատանքի և սոցիալական հարցերի նախարարության ենթակայության սոցիալական հոգածության ցերեկային խնամքի հաստատություններ և աջակցության կենտրոնները
N	Անվանումը	Հասցեն	Երեխաների քանակը
1.	«Շիրակի մարզի երեխայի և ընտանիքի աջակցության կենտրոն» ՊՈԱԿ	ՀՀ Շիրակի մարզ, ք. Գյումրի, Տերյան 6գ	139
2.	«Երևանի աջափնյակ վարչական շրջանի երեխաների աջակցության կենտրոն» ՊՈԱԿ	ՀՀ, ք․ Երևան, Աջափնյակ վ/շ Մարգարյան 35	100
3.	«Լոռու մարզի երեխայի և ընտանիքի աջակցության կենտրոն» ՊՈԱԿ	ՀՀ Լոռու մարզ, ք. Վանաձոր, Տարոն 4, Մեքենաշինության թաղամաս, ՄՆՇ-23	100
4.	«Սյունիքի մարզի երեխայի և ընտանիքի աջակցության կենտրոն» ՊՈԱԿ	ՀՀ Սյունիքի մարզ, ք.Կապան, Բաղաբերդ 27	145
5.	«Երևանի «Զատիկ» երեխաների աջակցության կենտրոն» ՊՈԱԿ	ՀՀ, ք. Երևան, Զաքարիա Սարկավագի փողոց, 142/2	25
6.	«Երեխայի և ընտանիքի աջակցության կենտրոն» ՊՈԱԿ	ՀՀ, ք. Երևան, Նուբարաշեն, Չնքուշի 14	90
	Ընդամենը՝ 599 երեխա
	Քաղցրավենիքի տոպրակներ ստացող երեխաների ընդհանուր քանակը՝ 1922 երեխա

Հայաստանի Հանրապետության փոխվարչապետ

Հ. Մաթևոսյան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ