ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 966-Ա

«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՋՐԱՏԱՔԱՑՈՒՑԻՉ ՀԱՄԱԿԱՐԳԵՐԻ ՏԵՂԱԴՐՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Հայաստան» համահայկական հիմնադրամի կողմից իրականացվող՝ 64,807,260 դրամ ընդհանուր արժողությամբ «Ջրատաքացուցիչ համակարգերի տեղադրում» ծրագիրը՝ համաձայն հավելվածի:

2. Սահմանել, որ «Հայաստան» համահայկական հիմնադրամի կողմից (ՀՎՀՀ՝ 02507456) կնքված, ստորև նշված պայմանագրերում նախատեսված գործարքները անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն՝

1) «Ֆրիներջի» ՍՊԸ-ի հետ (ՀՎՀՀ՝ 07620452) 2021 թվականի հոկտեմբերի 20-ին կնքված N ՀՀ/ԱԹՋ-04/21 պայմանագրում նշված գործարքը, որով նախատեսվում է Սյունիքի մարզի Կապան խոշորացված համայնքի Դավիթ Բեկ բնակավայրում 109 առանձնատներում ջրատաքացուցիչ համակարգերի տեղադրում՝ 43,630,120 դրամի չափով, առանց ավելացված արժեքի հարկի.

2) Ֆրիներջի» ՍՊԸ-ի հետ (ՀՎՀՀ՝ 07620452) 2021 թվականի հոկտեմբերի 20-ին N ՀՀ/ԱԹՋ-03/21 պայմանագրում նշված գործարքը, որով նախատեսվում է Սյունիքի մարզի Գորիս խոշորացված համայնքի Շուռնուխ բնակավայրում 19 առանձնատներում ջրատաքացուցիչ համակարգերի տեղադրում՝ 6,258,300 դրամի չափով, առանց ավելացված արժեքի հարկի.

3) «Սոլարա» ՍՊԸ-ի հետ (ՀՎՀՀ՝ 02810309) 2021 թվականի հոկտեմբերի 20-ին կնքված N ՀՀ/ԱԹՋ-06/21 պայմանագրում նշված գործարքը, որով նախատեսվում է Սյունիքի մարզի Տեղ խոշորացված համայնքի Արավուս բնակավայրում 34 առանձնատներում ջրատաքացուցիչ համակարգերի տեղադրում՝ 14,918,840 դրամի չափով, առանց ավելացված արժեքի հարկի:

3. «Հայաստան» համահայկական հիմնադրամին` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Հ. Մաթևոսյան
Երևան

10.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 966-Ա որոշման

«ՋՐԱՏԱՔԱՑՈՒՑԻՉ ՀԱՄԱԿԱՐԳԵՐԻ ՏԵՂԱԴՐՈՒՄ»

ԾՐԱԳԻՐ

1.	Ծրագրի նպատակը	Ծրագրի նպատակն է տեղադրել արևային ոչ ճնշումային թերմոսիֆոնային ջրատաքացուցիչ համակարգեր Հայաստանի Հանրապետության Սյունիքի մարզի Կապան խոշորացված համայնքի Դավիթ Բեկ բնակավայրում բնակիչների՝ բոլոր 109 առանձնատների տանիքներին, Հայաստանի Հանրապետության Սյունիքի մարզի Գորիսի խոշորացված համայնքի Շուռնուխ բնակավայրում բնակիչների՝ բոլոր 19 առանձնատների տանիքներին և Հայաստանի Հանրապետության Սյունիքի մարզի Տեղ խոշորացված համայնքի Արավուս բնակավայրում բնակիչների՝ բոլոր 34 առանձնատների տանիքներին:
2.	Ծրագրի բարեգործական որակման նպատակը	Օրենքով սահմանված կարգով օգտվել հարկային արտոնություններից
3.	Բարեգործը	«Հայաստան» համահայկական հիմնադրամ (ՀՀ, քաղաք Երևան, Բաղրամյան պողոտա 26/1, ՀՎՀՀ՝02507456)
4.	Ծրագիրը կատարողը	«Հայաստան» համահայկական հիմնադրամ (ՀՀ, քաղաք Երևան, Բաղրամյան պողոտա 26/1, ՀՎՀՀ՝02507456)
5.	Ծրագրի իրականացման վայրը և բնագավառը	Հայաստանի Հանրապետության Սյունիքի մարզի Կապան խոշորացված համայնքի Դավիթ Բեկ բնակավայր, Հայաստանի Հանրապետության Սյունիքի մարզի Գորիսի խոշորացված համայնքի Շուռնուխ բնակավայր և Հայաստանի Հանրապետության Սյունիքի մարզի Տեղ խոշորացված համայնքի Արավուս բնակավայր, բնագավառը՝ սոցիալական
6.	Ծրագրի բյուջեն	Ծրագրի ընդհանուր բյուջեն կազմում է 64,807,260 դրամ, որից՝ Հայաստանի Հանրապետության Սյունիքի մարզի Կապան խոշորացված համայնքի Դավիթ Բեկ բնակավայր՝ 43,630,120 դրամ, Հայաստանի Հանրապետության Սյունիքի մարզի Գորիսի խոշորացված համայնքի Շուռնուխ բնակավայր՝ 6,258,300 դրամ և Հայաստանի Հանրապետության Սյունիքի մարզի Տեղ խոշորացված համայնքի Արավուս բնակավայր՝ 14,918,840 դրամ
7.	Բարեգործություն ստացողը	Հայաստանի Հանրապետության Սյունիքի մարզի Կապան խոշորացված համայնքի Դավիթ Բեկ բնակավայրի բնակիչներ, Հայաստանի Հանրապետության Սյունիքի մարզի Գորիսի խոշորացված համայնքի Շուռնուխ բնակավայրի բնակիչներ և Հայաստանի Հանրապետության Սյունիքի մարզի Տեղ խոշորացված համայնքի Արավուս բնակավայրի բնակիչներ
8.	Ծրագրի իրականացման տևողությունը	Ծրագիրը նախատեսվում է իրականացնել 2021 թ. նոյեմբերի 25-ից մինչև 2022 թ. ապրիլի 15-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ծրագրի իրականացման ժամկետում նախատեսվում է տեղադրել արևային ոչ ճնշումային թերմոսիֆոնային ջրատաքացուցիչ համակարգեր Հայաստանի Հանրապետության Սյունիքի մարզի Կապան խոշորացված համայնքի Դավիթ Բեկ բնակավայրում բնակիչների՝ բոլոր 109 առանձնատների տանիքներին, Հայաստանի Հանրապետության Սյունիքի մարզի Գորիսի խոշորացված համայնքի Շուռնուխ բնակավայրում բնակիչների՝ բոլոր 19 առանձնատների տանիքներին և Հայաստանի Հանրապետության Սյունիքի մարզի Տեղ խոշորացված համայնքի Արավուս բնակավայրում բնակիչների՝ բոլոր 34 առանձնատների տանիքներին։ Արժեքը կազմում է 64,807,260 դրամ։ Ծրագիրը նախատեսվում է իրականացնել 2021 թ. նոյեմբերի 25-ից մինչև 2022 թ. ապրիլի 15-ը:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Հայաստանի Հանրապետության Սյունիքի մարզի Կապան խոշորացված համայնքի Դավիթ Բեկ բնակավայր՝ 43,630,120 դրամ, Հայաստանի Հանրապետության Սյունիքի մարզի Գորիսի խոշորացված համայնքի Շուռնուխ բնակավայր՝ 6,258,300 դրամ և Հայաստանի Հանրապետության Սյունիքի մարզի Տեղ խոշորացված համայնքի Արավուս բնակավայր՝ 14,918,840 դրամ բնակիչների առանձնատների տանիքներին արևային ոչ ճնշումային թերմոսիֆոնային ջրատաքացուցիչ համակարգերի տեղադրում
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր չեն նախատեսվում
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Համագործակցություն չի նախատեսվում
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

(հավելվածը փոփ. 28.02.22 N 136-Ա)

Հայաստանի Հանրապետության փոխվարչապետ

Հ. Մաթևոսյան

10.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ