ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 1031-Ա

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով`

1. «Ապակյա և պլաստիկ թափոնների կայուն կառավարման համակարգի զարգացում» ծրագրի (այսուհետ՝ ծրագիր) շրջանակներում կայանալիք ուսուցողական այցին մասնակցելու համար 2021 թվականի սեպտեմբերի 22-25-ը Լիտվայի Հանրապետություն (Վիլնյուս) գործուղել պատվիրակություն՝ համաձայն հավելվածի:

2. Աննա Մազմանյանի, Լուսինե Ավետիսյանի, Սոնա Հայրապետյանի և Մհեր Շահինյանի՝ Լիտվայի Հանրապետություն գործուղման օրապահիկի ծախսերը կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Գորիկ Ավետիսյանի գործուղման օրապահիկի ծախսերը կատարվելու են Երևանի քաղաքապետարանի միջոցների հաշվին:

4. Ընդունել ի գիտություն, որ պատվիրակության անդամների գործուղման ճանապարհածախսը և գիշերավարձի հետ կապված ծախսերը կատարվելու են ծրագրի միջոցների հաշվին:

5. Հայաստանի Հանրապետության շրջակա միջավայրի նախարարին՝ ապահովել գործուղումից վերադառնալուց հետո եռօրյա ժամկետում Աննա Մազմանյանի` Լիտվայի Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:

Հայաստանի Հանրապետության փոխվարչապետ	Ս. ՊԱՊԻԿՅԱՆ
Երևան

17.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ վարչապետի N 1031-Ա որոշման

Աննա Մազմանյան		- ՀՀ շրջակա միջավայրի նախարարի տեղակալ   (պատվիրակության ղեկավար)
Լուսինե Ավետիսյան		- ՀՀ շրջակա միջավայրի ռազմավարական քաղաքականության   վարչության պետ
Սոնա Հայրապետյան		- ՀՀ տարածքային կառավարման և ենթակառուցվածքների   նախարարության կոշտ թափոնների կառավարման բաժնի   գլխավոր մասնագետ
Գորիկ Ավետիսյան		- Երևանի քաղաքապետարանի բնապահպանության   վարչության գլխավոր մասնագետ-էկոլոգ (համաձայնությամբ)
Մհեր Շահինյան		- ՀՀ էկոնոմիկայի նախարարության արդյունաբերության   զարգացման վարչության գլխավոր մասնագետի պաշտոնակատար

Հայաստանի Հանրապետության վարչապետի աշխատակազմի ղեկավար

Ա. Հարությունյան

17.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ