ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

17 սեպտեմբերի 1997 թ. N 444

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՏՆՏԵՍԱԿԱՆ ՎԱՐՉՈՒԹՅՈՒՆՈՒՄ ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐԻ ՄԱՍԻՆ

Հայաստանի Հանրապետության կառավարության աշխատակազմի տնտեսական վարչության ենթակայության պետական ձեռնարկությունների կառավարման արդյունավետության բարձրացման նպատակով.

1. Միաձուլել Հայաստանի Հանրապետության կառավարության աշխատակազմի տնտեսական վարչության «Հրազդան-2» հասարակական սննդի միավորումը, «Հրազդան-3» պետական ձեռնարկությունը և առևտրի ու հասարակական սննդի «Հրազդան» միավորումը` «Հրազդան-2» հասարակական սննդի միավորման:

2. Հայաստանի Հանրապետության կառավարության 1993 թվականի մարտի 8-ի «Հայաստանի Հանրապետության կառավարության գործերի կառավարչության կառուցվածքի մասին» N 85 որոշման մեջ կատարել հետևյալ փոփոխությունը.

որոշմամբ հաստատված 2-րդ հավելվածի ցանկը (Հայաստանի Հանրապետության կառավարության 1995 թվականի մարտի 14-ի N 135 որոշման խմբագրությամբ) շարադրել հետևյալ բովանդակությամբ.

«Հրազդան-1» հյուրանոցային տնտեսություն

«Հրազդան-2» հասարակական սննդի միավորում

«Հրազդան-4» առողջապահության կենտրոն

Արզականի ամառանոցային տնտեսություն

Ծաղկաձորի ամառանոցային տնտեսություն

Գերատեսչական տների շահագործման տնտեսություն

Ավտոտրանսպորտային տնտեսություն

Շինվերանորոգման ձեռնարկություն

Նախագծանախահաշվային ձեռնարկություն

3. Ուժը կորցրած ճանաչել Հայաստանի Հանրապետության կառավարության 1993 թվականի սեպտեմբերի 29-ի «Հայաստանի Հանրապետության կառավարության 1993 թվականի մարտի 8-ի N 85 որոշման մեջ լրացում կատարելու մասին» N 496 որոշումը:

Հայաստանի Հանրապետության վարչապետ