ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 հուլիսի 2021 թվականի N 1116-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԿՈՂՄԻՑ ՄԱՍՆԱՎՈՐ ՊԱՀՆՈՐԴԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՌԻՍԿԻ ՎՐԱ ՀԻՄՆՎԱԾ ՍՏՈՒԳՈՒՄՆԵՐԻ ՄԵԹՈԴԱԲԱՆՈՒԹՅՈՒՆՆ ՈՒ ՌԻՍԿԱՅՆՈՒԹՅՈՒՆԸ ՈՐՈՇՈՂ ՉԱՓԱՆԻՇՆԵՐԻ ԸՆԴՀԱՆՈՒՐ ՆԿԱՐԱԳԻՐԸ ԵՎ ՍՏՈՒԳՈՒՄՆԵՐԻ ՍՏՈՒԳԱԹԵՐԹԸ ՀԱՍՏԱՏԵԼՈՒ ՄԱՍԻՆ

«Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքի 2.1-ին հոդվածի 2րդ մասին և 3-րդ հոդվածի 1.1-ին մասին համապատասխան` Հայաստանի Հանրապետության կառավարությունը որոշում է.

1. Հաստատել`

1) Հայաստանի Հանրապետության ոստիկանության կողմից մասնավոր պահնորդական կազմակերպությունների ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը՝ համաձայն N 1 հավելվածի.

2) Հայաստանի Հանրապետության ոստիկանության կողմից մասնավոր պահնորդական կազմակերպությունների գործունեության ստուգումների ստուգաթերթը՝ համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետի պաշտոնակատար	Ն. Փաշինյան
Երևան

08.07.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2021 թվականի հուլիսի 8-ի N 1116-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԿՈՂՄԻՑ ՄԱՍՆԱՎՈՐ ՊԱՀՆՈՐԴԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՌԻՍԿԻ ՎՐԱ ՀԻՄՆՎԱԾ ՍՏՈՒԳՈՒՄՆԵՐԻ ՄԵԹՈԴԱԲԱՆՈՒԹՅՈՒՆԸ ԵՎ ՌԻՍԿԱՅՆՈՒԹՅՈՒՆԸ ՈՐՈՇՈՂ ՉԱՓԱՆԻՇՆԵՐԻ ԸՆԴՀԱՆՈՒՐ ՆԿԱՐԱԳԻՐԸ

1. Սույն կարգով սահմանվում է մասնավոր պահնորդական և թիկնապահական ծառայությունների նկատմամբ Հայաստանի Հանրապետության ոստիկանության (այսուհետ՝ ոստիկանություն) կողմից ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը:

2. Սույն մեթոդաբանության իմաստով՝ ռիսկը տնտեսավարող սուբյեկտի գործունեության արդյունքում մարդու կյանքին, առողջությանը, պետության, իրավաբանական և ֆիզիկական անձանց գույքային շահերին վնաս հասցնելու հավանականությունն է` հաշվի առնելով այդ վնասի ծանրության աստիճանը:

3. Ռիսկայնության գնահատման մեթոդաբանությունը և ռիսկայնության չափանիշները ոստիկանությանը հնարավորություն կտան`

1) վերլուծելու և դասակարգելու վերահսկվող կազմակերպությունները՝ ըստ դրանց ռիսկայնության գործոնների.

2) ձևավորելու վերահսկվող կազմակերպությունների տվյալների բազա.

3) որոշելու ստուգումների առավել օպտիմալ պարբերականությունը:

4. Մասնավոր պահնորդական կազմակերպությունների գործունեության ընթացքում մատուցվող ծառայությունների՝ «Մասնավոր պահնորդական գործունեության մասին» ՀՀ օրենքով, «Զենքի մասին» ՀՀ օրենքով, այլ օրենքներով և իրավական ակտերով սահմանված պահանջներին անհամապատասխան կազմակերպելու ռիսկայնությունը որոշող առավելագույն չափանիշը 5 միավորն է:

Ռիսկային չափանիշներն են ՝

1) առանց պատվիրատուի հետ կնքված գրավոր պայմանագրի՝ թիկնապահական և պահնորդական ծառայություններ մատուցելը 3 միավոր.

2) թիկնապահական և պահնորդական ծառայությունների մատուցման մասին կնքված պայմանագիրը, դրա կատարման հետ կապված տեղեկություններ պարունակող փաստաթղթերը և նյութերը հինգ տարի ժամկետով չպահպանելը - 4 միավոր.

3) կազմակերպության կողմից միասնական համազգեստի և տարբերանշանի նկարագիրը չհաստատելը - 1 միավոր.

4) թիկնապահական և պահնորդական գործունեություն իրականացնող կազմակերպության ղեկավարները, թիկնապահները և պահնորդները պաշտոններ են զբաղեցնում կամ աշխատում են այն պաշտպանվող անձանց մոտ կամ պահպանվող օբյեկտներում, որոնց հետ թիկնապահական կամ պահնորդական գործունեություն իրականացնող կազմակերպությունը կնքել է ծառայություններ մատուցելու պայմանագիր - 4 միավոր.

5) միասնական համազգեստի և տարբերանշանների անհամապատասխանությունն օրենքի պահանջներին և կազմակերպության աշխատողների կողմից այն կրելու կարգը խախտելը 2 միավոր.

6) կազմակերպության տրանսպորտային միջոցներն օրենքով սահմանված պահանջներին անհամապատասխան շահագործելը - 2 միավոր.

7) արձանագրված իրավախախտումների և ձեռնարկված միջոցառումների վերաբերյալ փաստաթղթերը հինգ տարի ժամկետով չպահելը - 3 միավոր.

8) առանց ոստիկանության կողմից տրված որակավորման ստուգման վկայականի՝ կազմակերպությունում պահնորդներ (թիկնապահներ) պահելը - 5 միավոր.

9) կազմակերպությունում աշխատող պահնորդների ու թիկնապահների՝ երեք տարին մեկ անգամ պարտադիր վերապատրաստում չանցնելը - 2 միավոր.

10) կազմակերպությունում աշխատող պահնորդների ու թիկնապահների՝ ֆիզիկական ուժի, հատուկ միջոցների և հրազենի գործադրման անհրաժեշտություն առաջացնող իրադրություններում գործելու պիտանելիությունը որոշող ստուգումներ չանցնելը - 3 միավոր.

11) առանց աշխատանքային պայմանագրի՝ կազմակերպությունում պահնորդներ (թիկնապահներ) պահելը - 5 միավոր.

12) կազմակերպությունում աշխատող պահնորդներին (թիկնապահներին) չապահովագրելը - 4 միավոր.

13) որակավորում ունեցող մասնագետների (թիկնապահ, պահնորդ) փոփոխության դեպքերում ոստիկանությանը սահմանված ժամկետում չտեղեկացնելը - 2 միավոր.

14) կազմակերպության կողմից օրենքով սահմանված կարգի խախտումներով զենքի ձեռքբերումը - 5 միավոր.

15) օրենքով սահմանված՝ զենքի պահման պայմանների խախտում - 5 միավոր.

16) կազմակերպության կողմից տրված զենքը պահնորդներին (թիկնապահներին) ամրակցելու մասին և նրանց կողմից սահմանված կարգով զենք կրելու մասին հրամանի բացակայության դեպքում - 5 միավոր.

17) արձանագրված իրավախախտման կամ իրավախախտումը կանխելու կամ իրավախախտին վնասազերծելու ընթացքում ֆիզիկական ուժ, հատուկ միջոցներ կամ զենք գործադրելիս քաղաքացու կյանքին, առողջությանը կամ գույքին վնաս հասցնելու դեպքում թիկնապահի կամ պահնորդի կողմից իրավապահ մարմիններին անհապաղ չտեղեկացնելը - 5:

5. Մասնավոր պահնորդական կազմակերպության գործունեության ռիսկն ունի առավելագույնը 60 միավոր ընդհանուր կշիռ:

6. Ըստ ռիսկայնության աստիճանը որոշող չափանիշների գնահատման` վերահսկվող կազմակերպությունները դասակարգվում են հետևյալ երեք խմբերի՝

1) բարձր ռիսկային.

2) միջին ռիսկային.

3) ցածր ռիսկային:

7. Ռիսկային խմբերն ըստ միավորների (կշռի) հանրագումարի դասակարգվում են՝

8. Ստուգումների հաճախականությունը որոշվում է ըստ ռիսկայնության խմբերի՝

1) ցածր ռիսկայնության խմբում ընդգրկված կազմակերպություններում` յուրաքանչյուր 5 տարին 1 անգամ.

2) միջին ռիսկայնության խմբում ընդգրկված կազմակերպություններում` յուրաքանչյուր 3 տարին 1 անգամ.

3) բարձր ռիսկայնության խմբում ընդգրկված կազմակերպություններում՝ տարեկան 1 անգամ:

Հայաստանի Հանրապետության վարչապետի աշխատակազմի ղեկավար

Ա. Հարությունյան

08.07.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 2 ՀՀ կառավարության 2021 թվականի հուլիսի 8-ի N 1116-Ն որոշման

Ս Տ ՈՒ Գ Ա Թ Ե Ր Թ  N__________

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԿՈՂՄԻՑ ՄԱՍՆԱՎՈՐ ՊԱՀՆՈՐԴԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՍՏՈՒԳՈՒՄՆԵՐԻ

Ստուգման սկիզբը   20  թ. ____________ _____            (տարեթիվը, ամիսը, ամսաթիվը)

Ստուգման ավարտը   20  թ. ____________ _____          (տարեթիվը, ամիսը, ամսաթիվը)

 

Ստուգման հիմքը ____________________________________________________________

Ստուգման ենթակա հարցերի շրջանակը՝ համաձայն ձևի հարցաշարի

Տնտեսական գործունեության տեսակի դասակարգչի ծածկագիրը ____________________

Տնտեսավարող սուբյեկտի՝

անվանումը __________________________________________________________________

գտնվելու վայրը ______________________________________________________________

լիցենզիան տալու ամսաթիվը «      » ___________ 20   թ.

լիցենզիայի համարը N ________________

այլ կոնտակտային տվյալներ __________________________________________________

ՀՎՀՀ-ի ծածկագիրը՝ _________________________________________________________

Ստուգումն իրականացնող պաշտոնատար անձինք`

1. _________________________________________________________________________

(պաշտոնը)

(ծառայողական վկայականի համարը)

________________________________________________________________ (ազգանունը, անունը, հայրանունը)

______________________________________ (ստորագրությունը)

2. _________________________________________________________________________

(պաշտոնը)

(ծառայողական վկայականի համարը)

________________________________________________________________ (ազգանունը, անունը, հայրանունը)

______________________________________ (ստորագրությունը)

3. _________________________________________________________________________

(պաշտոնը)

(ծառայողական վկայականի համարը)

________________________________________________________________ (ազգանունը, անունը, հայրանունը)

______________________________________ (ստորագրությունը)

Տնտեսավարող սուբյեկտի ղեկավար՝

________________________________________________________________ (ազգանունը, անունը, հայրանունը)

______________________________________ (ստորագրությունը)

Հ Ա Ր Ց Ա Շ Ա Ր

ՄԱՍՆԱՎՈՐ ՊԱՀՆՈՐԴԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ

ԳՈՐԾՈՒՆԵՈՒԹՅԱՆ ՍՏՈՒԳՄԱՆ

NN ը/կ	Հարցը	Այո	Ոչ	Կշիռը	Մեկնա- բանու- թյուններ	Հարցի համար հիմք հանդիսացող իրավական նորմը
1.	Արդյո՞ք ծառայությունները մատուցվում են կազմակերպության և պատվիրատուի միջև սահմանված կարգով կնքված գրավոր պայմանագրի համաձայն:			3		«Մասնավոր պահնորդական գործունեության մասին» օրենքի 9-րդ հոդվածի 1-ին մաս
2.	Արդյո՞ք կազմակերպությունը հինգ տարի ժամկետով պահպանում է թիկնապահական և պահնորդական ծառայությունների մատուցման մասին կնքված պայմանագրերը, դրանց կատարման հետ կապված տեղեկություններ պարունակող փաստաթղթերը և նյութերը:			4		«Մասնավոր պահնորդական գործունեության մասին» ՀՀ օրենքի 9-րդ հոդվածի 2-րդ մաս
3.	Կազմակերպության կողմից հաստատվե՞լ է արդյոք միասնական համազգեստի և տարբերանշանի նկարագիրը:			1		«Մասնավոր պահնորդական գործունեության մասին» ՀՀ օրենքի 7-րդ հոդվածի 6-րդ մաս
4.	Արդյո՞ք թիկնապահական և պահնորդական գործունեություն իրականացնող կազմակերպության ղեկավարները, թիկնապահները և պահնորդները պաշտոններ չեն զբաղեցնում կամ աշխատում այն պաշտպանվող անձանց մոտ կամ պահպանվող օբյեկտներում, որոնց հետ թիկնապահական կամ պահնորդական գործունեություն իրականացնող կազմակերպությունը կնքել է ծառայություններ մատուցելու պայմանագիր			4		«Մասնավոր պահնորդական գործունեության մասին» ՀՀ օրենքի 7-րդ հոդվածի 7-րդ մաս
5.	Արդյո՞ք միասնական համազգեստը և տարբերանշանները համապատասխանում են օրենքի պահանջներին, և կազմակերպության աշխատողներն այն կրում են սահմանված կարգով:			2		«Մասնավոր պահնորդական գործունեության մասին» ՀՀ օրենքի 7-րդ հոդվածի 6-րդ մաս, 11-րդ հոդվածի 1-ին մաս 6-րդ ենթակետ, 14-րդ հոդված
6.	Արդյո՞ք կազմակերպությունը տրանսպորտային միջոցները շահագործում է օրենքով սահմանված պահանջներին համապատասխան:			2		«Մասնավոր պահնորդական գործունեության մասին» ՀՀ օրենքի 14-րդ հոդված
7.	Արձանագրված իրավախախտման և ձեռնարկված միջոցառումների վերաբերյալ կազմակերպությունում փաստաթղթեր կազմվում ե՞ն, թե ոչ, և արդյո՞ք դրանք պահվում են հինգ տարի ժամկետով:			3		«Մասնավոր պահնորդական գործունեության մասին» ՀՀ օրենքի 10-րդ հոդվածի 3-րդ մաս
8.	Արդյո՞ք կազմակերպությունում աշխատող բոլոր պահնորդներն ու թիկնապահներն ունեն ոստիկանության կողմից տրված որակավորման ստուգման վկայականներ:			5		«Մասնավոր պահնորդական գործունեության մասին» ՀՀ օրենքի 12-րդ հոդվածի 3-րդ մաս
9.	Արդյո՞ք կազմակերպությունում աշխատող բոլոր պահնորդներն ու թիկնապահները երեք տարին մեկ անգամ անցել են պարտադիր վերապատրաստում:			2		«Մասնավոր պահնորդական գործունեության մասին» ՀՀ օրենքի 22-րդ հոդվածի 3-րդ մաս
10.	Արդյո՞ք կազմակերպությունում աշխատող բոլոր պահնորդներն ու թիկնապահները պարբերաբար անցել են ֆիզիկական ուժի, հատուկ միջոցների և հրազենի գործադրման անհրաժեշտություն առաջացնող իրադրություններում գործելու պիտանելիությունը որոշող ստուգումներ:			3		«Մասնավոր պահնորդական գործունեության մասին» ՀՀ օրենքի 18-րդ հոդվածի 2-րդ մաս
11.	Կազմակերպությունում աշխատող բոլոր պահնորդների ու թիկնապահների հետ կնքա՞ծ են աշխատանքային պայմանագրեր, թե ոչ:			5		«Մասնավոր պահնորդական գործունեության մասին» ՀՀ օրենքի 12-րդ հոդվածի 1-ին մաս
12.	Կազմակերպությունում աշխատող պահնորդները (թիկնապահները) ապահովագրվա՞ծ են, թե ոչ:			4		«Մասնավոր պահնորդական գործունեության մասին» ՀՀ օրենքի 25-րդ հոդված
13.	Որակավորում ունեցող մասնագետների փոփոխության դեպքերում ոստիկանությանը սահմանված ժամկետում տեղեկացվե՞լ է, թե ոչ:			2		ՀՀ կառավարության 30.08.12 թ. N 1152-Ն որոշման 12-րդ կետ
14.	Կազմակերպության կողմից օգտագործվող զենքը օրենքով սահմանված կարգո՞վ է ձեռք բերվել, թե ոչ:			5		«Զենքի մասին» ՀՀ օրենքի 12-րդ հոդված
15.	Կազմակերպության զենքն արդյո՞ք պահվում է օրենքով սահմանված պահանջներին համապատասխան, թե ոչ:			5		«Զենքի մասին» ՀՀ օրենքի 22-րդ հոդված
16.	Առկա՞ է արդյոք կազմակերպության հրամանը՝ զենքը պահնորդներին (թիկնապահներին) ամրակցելու մասին և նրանց կողմից զենքը կրվո՞ւմ է սահմանված կարգով, թե ոչ:			5		«Զենքի մասին» ՀՀ օրենքի 12-րդ հոդված, ՀՀ կառավարության 26.10.99 թ. N 673 որոշման 11 գլուխ
17.	Թիկնապահի կամ պահնորդի կողմից իրավապահ մարմիններին անհապաղ տեղյակ պահվե՞լ է արձանագրված իրավախախտման կամ իրավախախտումը կանխելու կամ իրավախախտին վնասազերծելու ընթացքում ֆիզիկական ուժ, հատուկ միջոցներ կամ զենք գործադրելիս քաղաքացու կյանքին, առողջությանը կամ գույքին վնաս հասցնելու դեպքում:			5		«Մասնավոր պահնորդական գործունեության մասին» ՀՀ օրենքի 10-րդ հոդվածի 1-ին մաս

Ընդհանուր կշիռը՝ 60 միավոր

1.	«Այո» - այո, առկա է, համապատասխանում է, բավարարում է, կատարվել է, նշվում է հարցում ներառված պահանջների կեսից ավելիի դրական պատասխանի դեպքում (չի կշռավորվում)	V
2.	«Ոչ» - ոչ, առկա չէ, չի համապատասխանում, չի բավարարում, չի կատարվել, նշվում է հարցում ներառված պահանջների կեսի և կեսից ավելիի բացասական պատասխանի դեպքում (կշռավորվում է)		V
3.	«Կշիռ» - ռիսկի միավոր

Հայաստանի Հանրապետության վարչապետի աշխատակազմի ղեկավար

Ա. Հարությունյան

08.07.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 9 հուլիսի 2021 թվական: