ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

5 մայիսի 2011 թվականի N 670-Ն

ԿԵՆՍԱԹՈՇԱԿ ՎՃԱՐԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Պետական կենսաթոշակների մասին» Հայաստանի Հանրապետության օրենքի 33-րդ հոդվածի 9-րդ և 35-րդ հոդվածի 2-րդ մասերը, «Հայրենական մեծ պատերազմի վետերանների մասին» Հայաստանի Հանրապետության օրենքի 4-րդ հոդվածի 5-րդ, «Հայաստանի Հանրապետության պետական պարգևների և պատվավոր կոչումների մասին» Հայաստանի Հանրապետության օրենքի 45-րդ հոդվածի 3-րդ մասերը, «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 70-րդ, «Պետական նպաստների մասին» Հայաստանի Հանրապետության օրենքի 6-րդ և 35-րդ հոդվածներն ու 1994 թվականի ապրիլի 15-ին Անկախ պետությունների համագործակցության մասնակից պետությունների կառավարությունների կնքած «Հայրենական մեծ պատերազմի մասնակիցների և հաշմանդամների, այլ պետությունների տարածքներում մարտական գործողությունների մասնակիցների, զոհված զինծառայողների ընտանիքների արտոնությունների և երաշխիքների փոխադարձ ճանաչման մասին» համաձայնագիրը՝ Հայաստանի Հանրապետության կառավարությունը որոշում է.

(նախաբանը խմբ. 01.10.15 N 1130-Ն, փոփ. 10.12.20 N 2024-Ն)

1. Հաստատել՝

1) կենսաթոշակ վճարելու կարգը` համաձայն N 1 հավելվածի.

2) (ենթակետն ուժը կորցրել է 10.12.20 N 2024-Ն)

3) լիազոր մարմնի և վճարահաշվարկային կազմակերպության միջև կնքվող` կենսաթոշակները կանխիկ եղանակով վճարելու ծառայությունների մատուցման պայմանագրի օրինակելի ձևը` համաձայն N 3 հավելվածի:

4) կենսաթոշակներն Ազգային օպերատորի կողմից անկանխիկ եղանակով վճարման ծառայությունների մատուցման պայմանագրի օրինակելի ձևը` համաձայն N 4 հավելվածի:

(1-ին կետը փոփ. 10.12.20 N 2024-Ն, լրաց. 10.06.21 N 972-Ն)

(10.06.21 N 972-Ն որոշումն ունի անցումային դրույթ)

2. Սահմանել, որ՝

1) «Պետական կենսաթոշակների մասին» Հայաստանի Հանրապետության օրենքի 35-րդ հոդվածի 2-րդ մասով սահմանված` կենսաթոշակների վճարման ծառայությունների մատուցման պայմանագիր կնքող լիազոր մարմինը Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայությունն է.

2) սույն որոշմամբ սահմանված կարգով վճարվում են նաև լիազոր մարմնի կողմից՝ Հայաստանի Հանրապետության օրենսդրության համաձայն նշանակվող` պատվովճարի, ամենամսյա պարգևավճարի, ծերության նպաստի, հաշմանդամության նպաստի, կերակրողին կորցնելու դեպքում նպաստի և սոցիալական ապահովության այլ ծրագրերով նախատեսված դրամական վճարների գումարները.

3) Հայաստանի Հանրապետության պաշտպանության նախարարության, Հայաստանի Հանրապետության արդարադատության նախարարության, Հայաստանի Հանրապետության արտակարգ իրավիճակների նախարարության Հայաստանի փրկարար ծառայության, Հայաստանի Հանրապետության կառավարությանն առընթեր Հայաստանի Հանրապետության ոստիկանության, Հայաստանի Հանրապետության կառավարությանն առընթեր ազգային անվտանգության ծառայության (այսուհետ` համապատասխան մարմիններ) համակարգերի կենսաթոշակառուների կենսաթոշակը մինչև սույն որոշումն ուժի մեջ մտնելը գործող ընթացակարգերով կարող է վճարվել մինչև 2012 թվականի հուլիսի 1‑ը.

4) (ենթակետն ուժը կորցրել է 07.09.17 N 1135-Ն)

5) ոչ ուշ, քան սկսած 2012 թվականի հուլիսի 1-ից՝ համապատասխան մարմինների համակարգերի կենսաթոշակառուների (բացառությամբ սույն կետի 4-րդ ենթակետում նշված կենսաթոշակառուների) կենսաթոշակը վճարվում է անկանխիկ եղանակով՝ «ՎՏԲ-Հայաստան» բանկի միջոցով` մինչև կենսաթոշակն ստանալու եղանակը, բանկը կամ կազմակերպությունն ընտրելու կամ փոխելու համար կենսաթոշակառուի կողմից դիմում ներկայացնելը.

6) (ենթակետն ուժը կորցրել է 07.09.17 N 1135-Ն)

7) կենսաթոշակը կանխիկ եղանակով վճարող կազմակերպության համապատասխան աշխատողը մինչև 2019 թվականի փետրվարի 1-ը կենսաթոշակի գումարը կենսաթոշակ ստացող անձին է տրամադրում նաև այն դեպքում, երբ, որպես սույն որոշման N 1 հավելվածի 21-րդ կետում և N 3 հավելվածի 2.3.3-րդ կետում նշված` անձը հաստատող փաստաթուղթ, ներկայացվել է վճարման ցուցակում ներառված` Հայաստանի Հանրապետության կառավարության 1998 թվականի դեկտեմբերի 25-ի N 821 որոշմամբ սահմանված անձնագիր, որի վավերականության ժամկետը լրացած է.

8) 2020 թվականի հուլիսի 1-ից՝

ա. կենսաթոշակներն անկանխիկ եղանակով վճարվում են Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայության հետ սոցիալական ապահովության հաշվի պայմանագիր կնքած բանկերի միջոցով՝ Հայաստանի Հանրապետության կառավարության 2020 թվականի մարտի 12-ի N 284-Ն որոշմամբ սահմանված կարգով,

բ. միանվագ դրամական վճարները վճարվում են Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայության հետ միանվագ դրամական վճարների հաշվի պայմանագիր կնքած բանկերի միջոցով՝ Հայաստանի Հանրապետության կառավարության 2020 թվականի մարտի 12-ի N 287-Ն որոշմամբ սահմանված կարգով.

9) կենսաթոշակները և միանվագ դրամական վճարներն անկանխիկ եղանակով վճարվում են նաև Հայաստանի Հանրապետության փոստային կապի ազգային օպերատորի կողմից։

(2-րդ կետը փոփ. 23.02.12 N 184-Ն, 29.05.14 N 555-Ն, լրաց. 02.06.16 N 571-Ն, փոփ. 07.09.17 N 1135-Ն, 12.04.18 N 431-Ն, փոփ., լրաց. 10.12.20 N 2024-Ն, փոփ. 25.03.21 N 396-Ն, լրաց. 08.04.21 N 509-Ն)

3. Հայաստանի Հանրապետության աշխատանքի և սոցիալական հարցերի նախարարին` ապահովել լիազոր մարմնի հետ կենսաթոշակների վճարման ծառայությունների մատուցման պայմանագիր կնքած բանկերի և վճարահաշվարկային կազմակերպությունների վերաբերյալ տեղեկատվությունը Հայաստանի Հանրապետության աշխատանքի և սոցիալական հարցերի նախարարության կայքէջում հրապարակելը:

4. Հայաստանի Հանրապետության աշխատանքի և սոցիալական հարցերի նախարարին, Հայաստանի Հանրապետության արդարադատության նախարարին, Հայաստանի Հանրապետության արտակարգ իրավիճակների նախարարին, Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին, Հայաստանի Հանրապետության կառավարությանն առընթեր ազգային անվտանգության ծառայության պետին` ձեռնարկել միջոցներ՝ կենսաթոշակառուների (այդ թվում` զինվորական կենսաթոշակ ստացող) հաշվառման միասնական տեղեկատվական համակարգի հիման վրա կենսաթոշակը սույն որոշմամբ սահմանված կարգով վճարելն ապահովելու համար:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

6. Հայաստանի Հանրապետության աշխատանքի և սոցիալական հարցերի նախարարին՝ Հայաստանի Հանրապետության կառավարության 2011 թվականի մայիսի 5-ի «Կենսաթոշակ վճարելու կարգը հաստատելու մասին» N 670-Ն որոշման N 4 հավելվածով հաստատված՝ կենսաթոշակներն Ազգային օպերատորի կողմից անկանխիկ եղանակով վճարման ծառայությունների մատուցման պայմանագրի գործողության ժամկետ սահմանել մինչև 2021 թվականի հոկտեմբերի 1-ը:

(6-րդ կետը լրաց. 10.06.21 N 972-Ն)

(10.06.21 N 972-Ն որոշումն ունի անցումային դրույթ)

1. Սույն կարգով կարգավորվում են Հայաստանի Հանրապետության օրենքով սահմանված կենսաթոշակը, պատվովճարը, ամենամսյա պարգևավճարը, ծերության նպաստը, հաշմանդամության նպաստը, կերակրողին կորցնելու դեպքում նպաստը, վնասի փոխհատուցման գումարները (այսուհետ՝ կենսաթոշակ), կենսաթոշակ ստանալու իրավունքը դադարեցնելու դեպքում վճարման ենթակա` չվճարված կենսաթոշակի գումարը, կենսաթոշակ ստանալու իրավունք ունեցող անձի մահվան դեպքում տրվող թաղման նպաստի գումարները (այսուհետ` միանվագ դրամական վճարներ) վճարելուն առնչվող հարաբերությունները, եթե Հայաստանի Հանրապետության օրենսդրությամբ այլ բան նախատեսված չէ:

(1-ին կետը խմբ. 01.10.15 N 1130-Ն, խմբ. 17.08.17 N 992-Ն, փոփ., լրաց. 10.12.20 N 2024-Ն)

2. Սույն կարգում կիրառվող հասկացություններն ունեն հետևյալ իմաստները՝

1) կենսաթոշակի գումար` ըստ վճարման ցուցակների կենսաթոշակ ստացող անձին վճարվող գումար.

2) կենսաթոշակառու` անձ, ում կենսաթոշակ է նշանակվել, կամ անչափահաս կամ խնամակալության տակ գտնվող կենսաթոշակառուի օրինական ներկայացուցիչ` ծնող, որդեգրող, խնամակալ.

3) կենսաթոշակ ստացող անձ՝ կենսաթոշակառու կամ կենսաթոշակը լիազորագրով ստանալու իրավունք ունեցող անձ.

3.1) միանվագ դրամական վճարի գումար` ըստ վճարման ցուցակների միանվագ դրամական վճար ստացող անձին վճարվող գումար.

3.2) միանվագ դրամական վճար ստացող անձ` անձ, ում նշանակվել կամ օրենքով սահմանված կարգով վճարվում է միանվագ դրամական վճար.

4) վճարման ցուցակ` կենսաթոշակ (այդ թվում՝ չվճարված կենսաթոշակի գումար) կամ միանվագ դրամական վճար ստացող անձանց տվյալների և նրանց վճարման ենթակա գումարներին վերաբերող տվյալների ամբողջություն, որի հիման վրա վճարվում են կենսաթոշակները (կենսաթոշակների վճարման ցուցակ ներառվում են այն կենսաթոշակառուների տվյալները, ում կենսաթոշակ վճարելն օրենքով սահմանված կարգով դադարեցված չէ) կամ միանվագ դրամական վճարները.

5) կենսաթոշակ նշանակող ստորաբաժանում` Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայության (այսուհետ` ծառայություն) տարածքային ստորաբաժանումներ, ինչպես նաև` Հայաստանի Հանրապետության պաշտպանության նախարարության, Հայաստանի Հանրապետության արդարադատության նախարարության, Հայաստանի Հանրապետության արտակարգ իրավիճակների նախարարության Հայաստանի փրկարար ծառայության, Հայաստանի Հանրապետության կառավարությանն առընթեր Հայաստանի Հանրապետության ոստիկանության, Հայաստանի Հանրապետության կառավարությանն առընթեր ազգային անվտանգության ծառայության (այսուհետ՝ համապատասխան մարմին)` կենսաթոշակ նշանակող ստորաբաժանումներ.

6) բանկ` ծառայության հետ սոցիալական ապահովության հաշվի պայմանագիր կամ միանվագ դրամական վճարների հաշվի պայմանագիր կնքած բանկ.

7) կազմակերպություն` ծառայության հետ կենսաթոշակների վճարման ծառայությունների մատուցման պայմանագիր կնքած` կենսաթոշակները կանխիկ եղանակով վճարող վճարահաշվարկային կազմակերպություն.

8) սոցիալական ապահովության հաշիվ` Հայաստանի Հանրապետության քաղաքացիական օրենսգրքի 928.9-րդ հոդվածի 1-ին մասով սահմանված կարգով բանկում բացված հատուկ բանկային հաշիվ.

9) միանվագ դրամական վճարների հաշիվ` Հայաստանի Հանրապետության քաղաքացիական օրենսգրքի 928.8-րդ հոդվածի 1-ին մասով սահմանված կարգով բանկում բացված հատուկ բանկային հաշիվ.

10) ազգային օպերատոր՝ Հայաստանի Հանրապետության փոստային կապի ազգային օպերատոր․

11) հաշվարկային հաշիվ՝ Հայաստանի Հանրապետության կենտրոնական բանկի իրավական ակտերով սահմանված պահանջների համաձայն կենսաթոշակառուի անվամբ ազգային օպերատորի մոտ բացված էլեկտրոնային փողի հաշվառման հաշիվ, որը կիրառվում է ազգային օպերատորի միջոցով կենսաթոշակը կամ միանվագ դրամական վճարն անկանխիկ եղանակով վճարելու համար:

(2-րդ կետը լրաց. 23.02.12 N 184-Ն, փոփ. 17.08.17 N 992-Ն, փոփ., լրաց., խմբ. 10.12.20 N 2024-Ն, փոփ. 25.03.21 N 396-Ն, լրաց. 08.04.21 N 509-Ն)

3. Միանվագ դրամական վճարները վճարվում են անկանխիկ եղանակով` բանկի կամ Ազգային օպերատորի միջոցով (բացառությամբ այն դեպքի, երբ չվճարված կենսաթոշակի գումարը վճարվում է 14 տարեկան և դրանից բարձր տարիքի անչափահաս երեխային): Բանկի կամ Ազգային օպերատորի անվանումը ներառվում է միանվագ դրամական վճար վճարելու համար ներկայացված համապատասխան դիմումում (բանկի կամ Ազգային օպերատորի ընտրության առանձին դիմում չի ներկայացվում):

(3-րդ կետը լրաց. 01.10.15 N 1130-Ն, խմբ. 10.12.20 N 2024-Ն, լրաց. 08.04.21 N 509-Ն)

4. Կենսաթոշակ նշանակելու, կենսաթոշակ վճարելը վերսկսելու և կենսաթոշակ ստանալու իրավունքը վերականգնելու համար դիմելու դեպքում կենսաթոշակի վճարման եղանակը ներառվում է համապատասխան դիմումում (կենսաթոշակը վճարելու եղանակի ընտրության առանձին դիմում չի ներկայացվում)։ Կենսաթոշակառուն իրավունք ունի ցանկացած ժամանակ դիմելու կենսաթոշակ նշանակող ստորաբաժանում` կենսաթոշակն ստանալու եղանակը կամ բանկը, կամ կազմակերպությունը փոխելու համար։ Կենսաթոշակն անկանխիկ եղանակով՝ Ազգային օպերատորի միջոցով ստանալու համար կենսաթոշակառուն (անչափահասի կամ խնամակալության տակ գտնվող կենսաթոշակառուի դեպքում նրա օրինական ներկայացուցիչը) Ազգային օպերատորի հետ կնքում է Էլեկտրոնային փողի հաշվառման հաշվի բացման և համալրման պայմանագիր: Կենսաթոշակառուի պահանջով նրան տրամադրվում է Էլեկտրոնային փողի հաշվառման հաշվի բացման և համալրման պայմանագիր կնքելը հավաստող տեղեկանք՝ կենսաթոշակ նշանակող ստորաբաժանմանը ներկայացնելու համար: Տեղեկանքում նշվում են կենսաթոշակառուի անունը, ազգանունը, անձը հաստատող փաստաթուղթը, Էլեկտրոնային փողի հաշվառման հաշվի բացման և համալրման պայմանագիրը կնքելու օրը, ամիսը, տարին:

(4-րդ կետը լրաց. 01.10.15 N 1130-Ն, խմբ. 10.12.20 N 2024-Ն, փոփ. 10.06.21 N 972-Ն)

(10.06.21 N 972-Ն որոշումն ունի անցումային դրույթ)

5. Սույն կարգի 4-րդ կետում նշված դեպքերում դիմումը ներկայացնելուն նախորդող ժամանակահատվածի չվճարված կենսաթոշակի գումարները վճարվում են դիմումում նշված եղանակով (բանկի կամ կազմակերպության միջոցով):

(5-րդ կետը փոփ. 10.12.20 N 2024-Ն)

6. Դիմումում ներառվում են՝

1) կենսաթոշակառուի անունը, ազգանունը, հայրանունը.

2) անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքի համարը.

3) կենսաթոշակն ստանալու եղանակը, կենսաթոշակն անկանխիկ եղանակով ստանալու համար դիմելու դեպքում` նաև բանկի կամ Ազգային օպերատորի անվանումը, որտեղից կենսաթոշակառուն ցանկանում է ստանալ կենսաթոշակը, իսկ կենսաթոշակը կանխիկ եղանակով ստանալու համար դիմելու դեպքում` նաև կազմակերպության անվանումը.

4) նշում այն մասին, որ դիմողը տեղեկացված է բանկ (եթե կենսաթոշակը ստանում է բանկի միջոցով) կամ ազգային օպերատորին (եթե կենսաթոշակն ստանում է ազգային օպերատորի միջոցով) ներկայանալու և բանկի կամ ազգային օպերատորի հետ համապատասխան բանկային հաշվի կամ հաշվարկային հաշվի պայմանագիր կնքելու անհրաժեշտության, ինչպես նաև տարեկան մեկ անգամ` ոչ ուշ, քան վերջին անգամ բանկ կամ ազգային օպերատոր ներկայանալու ամսվան հաջորդող 12-րդ ամսվա վերջին աշխատանքային օրը, իր՝ Հայաստանի Հանրապետությունում լինելը բանկին կամ ազգային օպերատորին հավաստելու պարտավորության մասին (կենսաթոշակի գումարն անկանխիկ եղանակով վճարվելու դեպքում):

(6-րդ կետը լրաց., փոփ. 10.12.20 N 2024-Ն, լրաց., խմբ. 08.04.21 N 509-Ն )

6.1. (կետն ուժը կորցրել է 10.12.20 N 2024-Ն)

6.2. Սույն կարգի 6-րդ կետում նշված դիմումին կից ներկայացվում է նաև սույն կարգի 4-րդ կետում նշված տեղեկանքը, եթե այդ դիմումով կենսաթոշակառուն կենսաթոշակն անկանխիկ եղանակով ցանկանում է ստանալ Ազգային օպերատորի միջոցով:

(6.2-րդ կետը լրաց. 10.06.21 N 972-Ն)

(10.06.21 N 972-Ն որոշումն ունի անցումային դրույթ)

7. Կենսաթոշակ նշանակող ստորաբաժանումը կենսաթոշակառուի կենսաթոշակը վճարելու եղանակին (բանկին, ազգային օպերատորին կամ կազմակերպությանը) վերաբերող տեղեկատվությունը մուտքագրում է պետական կենսաթոշակային համակարգի տվյալների շտեմարան (այսուհետ` շտեմարան):

(7-րդ կետը լրաց. 08.04.21 N 509-Ն)

8. Տվյալ ամսվա կենսաթոշակը դիմումում նշված եղանակով (բանկի, ազգային օպերատորի կամ կազմակերպության միջոցով) վճարվում է, եթե դիմումը կենսաթոշակ նշանակող ստորաբաժանում է ներկայացվել մինչև տվյալ ամսվան նախորդող ամսվա վերջին աշխատանքային օրը (եթե կենսաթոշակառուի տվյալներում անճշտություններ չկան):

(8-րդ կետը փոփ. 29.08.13 N 973-Ն, լրաց. 08.04.21 N 509-Ն)

8.1. Ծառայությունը, հիմք ընդունելով շտեմարան մուտքագրված տվյալները (շտեմարանում կատարված փոփոխությունները), յուրաքանչյուր ամսվա առաջին աշխատանքային օրը (բացառությամբ սույն կարգի 44-րդ կետում նշված դեպքի) շտեմարանի համապատասխան ծրագրային գործիքի միջոցով ձևավորում է համապատասխան մարմնի համակարգի վճարման նախնական ցուցակը (այսուհետ՝ նախնական ցուցակ)՝ էլեկտրոնային տարբերակով։ Նախնական ցուցակը պահպանվում է շտեմարանում և հասանելի է համապատասխան մարմնին՝ դիտելու հնարավորությամբ։

(8.1-ին կետը լրաց. 07.09.17 N 1135-Ն, 10.12.20 N 2024-Ն)

8.2. Նախնական ցուցակում ներառվում են հետևյալ տվյալները՝

1) վճարման եղանակը.

2) կենսաթոշակն անկանխիկ եղանակով վճարելու դեպքում՝ բանկի կամ ազգային օպերատորի անվանումը և կենսաթոշակի գործի համարը.

3) կենսաթոշակառուի անունը, ազգանունը (հայրանունը), անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքի համարը, առկայության դեպքում` կենսաթոշակառուի փոխարեն կենսաթոշակն ստանալու՝ օրենքով այդ իրավունքն ունեցող անձի անունը, ազգանունը (հայրանունը), անձը հաստատող փաստաթղթի տեսակը, սերիան և համարը.

4) կենսաթոշակառուին վճարման ենթակա կենսաթոշակի գումարը (այդ թվում` տվյալ ամսվան նախորդող ժամանակահատվածի համար)` ըստ ժամանակահատվածի և տեսակների.

5) կենսաթոշակառուին վճարման ենթակա ընդհանուր գումարը.

6) միանվագ դրամական վճարի գումարների վճարման դեպքում այդ գումարն ստացող անձի անունը, ազգանունը (առկայության դեպքում` նաև հայրանունը), անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքի համարը, բանկի (եթե միանվագ դրամական վճարի գումարը պետք է վճարվի բանկի միջոցով) կամ ազգային օպերատորի (եթե միանվագ դրամական վճարի գումարը պետք է վճարվի ազգային օպերատորի միջոցով) անվանումը և անձին վճարման ենթակա գումարները` ըստ տեսակների:

(8.2-րդ կետը լրաց. 07.09.17 N 1135-Ն, փոփ., լրաց. 10.12.20 N 2024-Ն, լրաց. 08.04.21 N 509-Ն)

8.3. Համապատասխան մարմինն ուսումնասիրում է նախնական ցուցակը և, անհամապատասխանությունների (անճշտությունների) բացակայության դեպքում, շտեմարանի համապատասխան ծրագրային գործիքի միջոցով հաստատում է նախնական ցուցակը, ձևավորում է (տպում է) անհրաժեշտ ֆինանսական միջոցների հայտ-պահանջագիրը և կնքած հայտ-պահանջագիրը ներկայացնում է ծառայություն։ Նախնական ցուցակում առկա անհամապատասխանությունները (անճշտությունները) ճշտում է համապատասխան մարմինը՝ շտեմարանում անհրաժեշտ փոփոխություններ կատարելու միջոցով, որից հետո ձևավորվում է նոր նախնական ցուցակ։

(8.3-րդ կետը  լրաց. 07.09.17 N 1135-Ն)

8.4.Անհրաժեշտ ֆինանսական միջոցների հայտ-պահանջագիրը ներառում է՝

1) տարեթիվը և ամիսը.

2) վճարման ցուցակում կենսաթոշակառուների թիվը, վճարվող զինվորական կենսաթոշակի գումարը՝ ըստ վճարման եղանակի, բանկերի կամ ազգային օպերատորի (այդ թվում՝ տվյալ ամսվա համար վճարվող գումարը տարանջատելով անցած ժամանակահատվածի համար վճարվող գումարներից).

3) վճարման ցուցակում պարգևավճար ստանալու իրավունք ունեցող անձանց թիվը, վճարվող պարգևավճարի գումարը՝ ըստ վճարման եղանակի, բանկերի կամ ազգային օպերատորի (այդ թվում՝ տարանջատելով այն պարգևավճարի գումարը, որը վճարվում է զինվորական կենսաթոշակ ստանալու իրավունք չունեցող անձանց, իսկ տվյալ ամսվա համար վճարվող գումարը տարանջատելով անցած ժամանակահատվածի համար վճարվող գումարներից).

4) վճարման ցուցակում միանվագ դրամական վճար ստացող անձանց թիվը, այդ անձանց վճարվող գումարը՝ ըստ տեսակների և բանկերի (եթե միանվագ դրամական վճարի գումարը պետք է վճարվի բանկի միջոցով) կամ ազգային օպերատորի (եթե միանվագ դրամական վճարի գումարը պետք է վճարվի ազգային օպերատորի միջոցով):

(8.4-րդ կետը լրաց. 07.09.17 N 1135-Ն, խմբ. 10.12.20 N 2024-Ն, լրաց. 08.04.21 N 509-Ն)

8.5.Համապատասխան մարմնի համակարգի կենսաթոշակների և միանվագ դրամական վճարների վճարման արդյունքների մասին տեղեկատվությունը շտեմարան է մուտքագրում ծառայությունը։ Համապատասխան մարմնի համակարգի կենսաթոշակառուի կողմից «Պետական կենսաթոշակների մասին» Հայաստանի Հանրապետության օրենքի 35-րդ հոդվածի 6-րդ մասով սահմանված կարգով հայտարարություն ստորագրելու (բանկ կամ ազգային օպերատորին ներկայանալու կամ Հայաստանի Հանրապետությունում լինելը բանկի կամ ազգային օպերատորի կողմից հաստատվելու) վերաբերյալ տեղեկատվությունը բանկից կամ ազգային օպերատորից ստանում և շտեմարանում այդ տեղեկատվության կիրառությունն ապահովում է ծառայությունը:

(8.5-րդ կետը լրաց. 07.09.17 N 1135-Ն, 10.12.20 N 2024-Ն,  փոփ. լրաց. 08.04.21 N 509-Ն)

II. ԿԵՆՍԱԹՈՇԱԿԸ ԵՎ ՄԻԱՆՎԱԳ ԴՐԱՄԱԿԱՆ ՎՃԱՐՆ ԱՆԿԱՆԽԻԿ ԵՂԱՆԱԿՈՎ ՎՃԱՐԵԼԸ
(վերնագիրը խմբ. 10.12.20 N 2024-Ն)
(գլուխը խմբ. 10.12.20 N 2024-Ն)

9. Կենսաթոշակն անկանխիկ եղանակով վճարելը կենսաթոշակի գումարը կենսաթոշակառուի անվամբ բանկում բացված սոցիալական ապահովության հաշվին կամ ազգային օպերատորի մոտ բացված հաշվարկային հաշվին փոխանցելն է: Միանվագ դրամական վճարն անկանխիկ եղանակով վճարելը միանվագ դրամական վճարի գումարն ստացող անձի անվամբ բանկում բացված միանվագ դրամական վճարների հաշվին կամ ազգային օպերատորի մոտ բացված հաշվարկային հաշվին փոխանցելն է:

(9-րդ կետը լրաց. 08.04.21 N 509-Ն)

10. Կենսաթոշակի և միանվագ դրամական վճարի գումարները, համապատասխանաբար, սոցիալական ապահովության հաշվին կամ միանվագ դրամական վճարների հաշվին կամ ազգային օպերատորի մոտ բացված հաշվարկային հաշվին փոխանցվում են գանձապետարանի միջոցով:

(10-րդ կետը լրաց. 08.04.21 N 509-Ն)

11. Կենսաթոշակը և միանվագ դրամական վճարն անկանխիկ եղանակով վճարելուն առնչվող հարաբերությունները կարգավորվում են Հայաստանի Հանրապետության քաղաքացիական օրենսգրքով, «Գանձապետական համակարգի մասին» Հայաստանի Հանրապետության օրենքով, սույն կարգով և այլ նորմատիվ իրավական ակտերով, ինչպես նաև սոցիալական ապահովության հաշվի և միանվագ դրամական վճարների հաշվի պայմանագրերով (այսուհետ` պայմանագիր), իսկ սոցիալական ապահովության հաշվի սպասարկմանն առնչվող հարաբերությունները` կենսաթոշակառուի ու բանկի միջև կնքված` բանկային հաշվի պայմանագրով, ինչպես նաև կենսաթոշակներն ազգային օպերատորի միջոցով անկանխիկ եղանակով վճարելու ծառայությունների մատուցման պայմանագրով: Բանկը բանկային հաշվի պայմանագիր կնքելու համար կենսաթոշակառուից պահանջվող փաստաթղթերի ցանկը տեղադրում է բանկի պաշտոնական կայքում:

(11-րդ կետը լրաց. 08.04.21 N 509-Ն)

12. Ծառայությունը, հիմք ընդունելով շտեմարանում առկա տվյալները (այդ թվում` կենսաթոշակը վճարելու եղանակը, կենսաթոշակի գործի համարը և բանկի կամ ազգային օպերատորի անվանումը, «Պետական կենսաթոշակների մասին» Հայաստանի Հանրապետության օրենքի 35-րդ հոդվածի 6-րդ մասով սահմանված կարգով Հայաստանի Հանրապետությունում լինելու մասին հայտարարությունը նախորդ ամսվա ընթացքում ստորագրած (բանկ կամ ազգային օպերատոր ներկայացած կամ Հայաստանի Հանրապետությունում լինելը բանկի կամ ազգային օպերատոր կողմից հաստատված) անձանց վերաբերող տվյալները), ձևավորում է էլեկտրոնային վճարման ցուցակը:

(12-րդ կետը լրաց. 08.04.21 N 509-Ն)

13. Համապատասխան մարմնի համակարգի կենսաթոշակների անկանխիկ եղանակով էլեկտրոնային վճարման ցուցակը ձևավորվում է առանձին՝ հիմք ընդունելով սույն կարգի 8.3-րդ կետում նշված կարգով հաստատված նախնական ցուցակը:

14. Սույն կարգով և պայմանագրով սահմանված ժամկետներում ու կարգով ծառայությունը բանկին, ազգային օպերատորին է տրամադրում էլեկտրոնային վճարման ցուցակը և, գանձապետարանի միջոցով, ապահովում է վճարման ենթակա գումարի փոխանցումը բանկին կամ ազգային օպերատորին, որոնք ապահովում են կենսաթոշակի գումարի փոխանցումը կենսաթոշակառուի բանկային հաշվին կամ հաշվարկային հաշվին:

(14-րդ կետը խմբ. 08.04.21 N 509-Ն)

15. Համապատասխան մարմնի համակարգի կենսաթոշակառուների էլեկտրոնային վճարման ցուցակը բանկին կամ ազգային օպերատորին է տրամադրվում, և վճարման ենթակա գումարը բանկին կամ ազգային օպերատորին է փոխանցվում սույն կարգի 8.3-րդ կետում նշված՝ ծառայություն ներկայացված հայտ-պահանջագրի հիման վրա։

(15-րդ կետը խմբ. 08.04.21 N 509-Ն)

16. Ծառայությունը և բանկը տեղեկատվությունը փոխանակում են էլեկտրոնային եղանակով` Հայաստանի Հանրապետության կենտրոնական բանկի կողմից սահմանված միջոցներով (CBANet միջբանկային համակարգչային ցանցի միջոցով):

16.1. Եթե «Պետական կենսաթոշակների մասին» օրենքի 55-րդ հոդվածի 12-րդ մասում նշված՝ կենսաթոշակի վճարման եղանակը փոխելու, կենսաթոշակ վճարելը վերսկսելու, կենսաթոշակը վերահաշվարկելու, կենսաթոշակի տեսակը փոխելու, կենսաթոշակ ստանալու իրավունքը վերականգնելու դիմումը չի ներկայացվում մինչև նույն հոդվածով սահմանված՝ կենսաթոշակի վճարումը կանխիկ եղանակով շարունակելու ժամկետները, ապա վճարումը շարունակվում է անկանխիկ եղանակով։ Այս դեպքում դիմում չներկայացրած կենսաթոշակառուի համար, «Պետական կենսաթոշակների մասին» օրենքի 35-րդ հոդվածի 1-ին մասի հաշվառմամբ, կենսաթոշակն անկանխիկ եղանակով վճարող կազմակերպության (բանկի կամ ազգային օպերատորի) ընտրությունը ծրագրային մոդուլի միջոցով կատարում է ծառայությունը՝

1) Երևան, Գյումրի և Վանաձոր քաղաքներում` 2021 թվականի հուլիս ամսվա կենսաթոշակի վճարման ցուցակ ձևավորելիս․

2) այլ քաղաքներում (բացառությամբ սույն կետի 1-ին կետում նշված քաղաքների)` 2022 թվականի հունվար ամսվա կենսաթոշակի վճարման ցուցակ ձևավորելիս.

3) 1000 և ավելի բնակիչ ունեցող գյուղերում` 2023 թվականի հունվար ամսվա կենսաթոշակի վճարման ցուցակ ձևավորելիս.

4) մինչև 1000 բնակիչ ունեցող գյուղերում` 2024 թվականի հունվար ամսվա կենսաթոշակի վճարման ցուցակ ձևավորելիս:

(16.1-ին կետը լրաց. 08.04.21 N 509-Ն)

16.2․ Սույն կարգի 16.1-ին կետում նշված ամսվա վճարման ցուցակ ձևավորելիս կենսաթոշակը համապատասխան բնակավայրում հաշվառված՝ կանխիկ եղանակով ստացող անձանց համար անկանխիկ եղանակով վճարող կազմակերպությունը (բանկը կամ ազգային օպերատորը) ծրագրային մոդուլի կիրառմամբ պատահականության սկզբունքով ընտրվում է՝ հաշվի առնելով այդ ամսվա կենսաթոշակի վճարման ցուցակում ներառման ենթակա՝ տվյալ բնակավայրում անկանխիկ եղանակով կենսաթոշակ ստացող անձանց թվի համամասնություններն ըստ վճարող կազմակերպությունների։

(16.2-րդ կետը լրաց. 08.04.21 N 509-Ն)

16.3․ Սույն կարգի 16.2-րդ կետում նշված ամսվա վճարման ցուցակում ընդգրկվում են սույն կետում սահմանված կարգով ընտրված վճարող կազմակերպությունները։ Վճարման ցուցակը վճարող կազմակերպություն ուղարկելուց հետո՝ 3 աշխատանքային օրվա ընթացքում սոցիալական ապահովության ծառայությունն ընտրված վճարող կազմակերպության մասին տեղեկացնում է կենսաթոշակ ստացող անձին՝ հետադարձ կապի բջջային հեռախոսահամարին կամ էլեկտրոնային փոստի հասցեին էլեկտրոնային (առկայության դեպքում) հաղորդագրություն ուղարկելու միջոցով։

(16.3-րդ կետը լրաց. 08.04.21 N 509-Ն)

16.4. «Պետական կենսաթոշակների մասին» օրենքի 55-րդ հոդվածով սահմանված՝ կենսաթոշակի վճարումը կանխիկ եղանակով շարունակելու ժամկետները լրանալուց հետո բժշկասոցիալական փորձաքննություն իրականացնող իրավասու պետական մարմնից ստացված` անձի հաշմանդամությունը հաստատող տեղեկանքի հիման վրա, առանց կենսաթոշակառուի գրավոր դիմումի կենսաթոշակ վճարելը վերսկսելու դեպքում, եթե մինչև կենսաթոշակի վճարումը դադարեցնելը՝

1) կենսաթոշակը վճարվել է անկանխիկ եղանակով, ապա վճարող կազմակերպությունը չի փոխվում.

2) կենսաթոշակը վճարվել է կանխիկ եղանակով, ապա կենսաթոշակի վճարումը շարունակվում է անկանխիկ եղանակով՝ Ազգային օպերատորի միջոցով։

(16.4-րդ կետը լրաց. 10.06.21 N 972-Ն)

(10.06.21 N 972-Ն որոշումն ունի անցումային դրույթ)

17. Կենսաթոշակը կանխիկ եղանակով վճարելուն առնչվող հարաբերությունները կարգավորվում են կենսաթոշակների վճարման ծառայություններ մատուցելու մասին ծառայության և կազմակերպության միջև կնքված պայմանագրով (այսուհետ` հիմնական պայմանագիր), իսկ կենսաթոշակի գումարը կենսաթոշակառուին տրամադրելու պայմաններն ու կարգը` սույն կարգով և իրավական այլ ակտերով:

18. Ծառայությունը, հիմք ընդունելով շտեմարանում առկա տվյալները (այդ թվում` կենսաթոշակը վճարելու եղանակին և վճարող կազմակերպությանը վերաբերող), ձևավորում է տվյալ ամսվա վճարման ցուցակը և տպագրում է վճարման ցուցակի թղթային տարբերակը: Համապատասխան մարմնի համակարգի կենսաթոշակների կանխիկ եղանակով վճարման ցուցակը տպագրվում է առանձին՝ հիմք ընդունելով հաստատված նախնական ցուցակը:

(18-րդ կետը լրաց. 07.09.17 N 1135-Ն)

19. Ծառայությունը սույն կարգով և հիմնական պայմանագրով սահմանված ժամկետներում ու կարգով կազմակերպությանն է տրամադրում վճարման ցուցակի թղթային և էլեկտրոնային տարբերակներն ու ապահովում է վճարման ենթակա գումարը կազմակերպությանը փոխանցելը: Համապատասխան մարմնի համակարգի կանխիկ եղանակով վճարման ցուցակի թղթային տարբերակը տպագրվում է, տրամադրվում է վճարող կազմակերպությանը և վճարման ենթակա գումարը բանկին փոխանցվում է սույն կարգի 8.3-րդ կետում նշված՝ ծառայություն ներկայացված հայտ-պահանջագրի հիման վրա:

(19-րդ կետը փոփ. 23.02.12 N 184-Ն, լրաց. 07.09.17 N 1135-Ն)

20. Կազմակերպությունը կենսաթոշակը կանխիկ եղանակով վճարում է Հայաստանի Հանրապետությունում կենսաթոշակառուի բնակության վայրի հասցեում կամ կազմակերպության գրասենյակում` կենսաթոշակի գումարը կենսաթոշակ ստացող անձին տրամադրելու միջոցով:

21. Կենսաթոշակ ստացող անձը կենսաթոշակի գումարն ստանալու համար կազմակերպության համապատասխան աշխատողին է ներկայացնում իր անձը հաստատող փաստաթուղթը:

22. Կազմակերպության համապատասխան աշխատողը համադրում է կենսաթոշակ ստացող անձի ներկայացրած փաստաթղթի և վճարման ցուցակի տվյալները:

23. Անհամապատասխանություններ չլինելու դեպքում կազմակերպության աշխատողը կենսաթոշակ ստացող անձին է տրամադրում կենսաթոշակի գումարը:

24. Կենսաթոշակ ստացող անձն ստորագրում է կենսաթոշակների վճարման ցուցակում:

25. Կազմակերպությունը տվյալ ամսվա կենսաթոշակը վճարում է մինչև տվյալ ամսվա 20-ը և հիմնական պայմանագրով սահմանված կարգով, վճարման ցուցակի հիման վրա, կենսաթոշակների վճարման վերաբերյալ անձնավորված տեղեկատվություն է տրամադրում ծառայությանը` թղթային և էլեկտրոնային տարբերակով: Ծառայությունը և կազմակերպությունը տեղեկատվություն են փոխանակում փոխհամաձայնեցված կարգով:

(25-րդ կետը խմբ. 23.02.12 N 184-Ն)

26. Կազմակերպության մատուցած ծառայությունների համար վճարումը կատարվում է հիմնական պայմանագրով սահմանված կարգով:

27. Կենսաթոշակը կանխիկ եղանակով կարող է վճարվել «Պետական կենսաթոշակների մասին» Հայաստանի Հանրապետության օրենքի 35-րդ հոդվածի 9-րդ մասով սահմանված լիազորագրով:

28. Կենսաթոշակը լիազորագրի հիման վրա վճարելու համար անձը դիմում է ծառայության կենսաթոշակ նշանակող ցանկացած ստորաբաժանում` ներկայացնելով լիազորագիրը: Եթե կենսաթոշակը նշանակել է համապատասխան մարմինը, ապա լիազորագիրը կարող է ներկայացվել նաև համապատասխան մարմնի կենսաթոշակ նշանակող ստորաբաժանում:

(28-րդ կետը խմբ. 10.12.20 N 2024-Ն)

29. Կենսաթոշակ նշանակող ստորաբաժանման մասնագետը տեսաներածում է (սկանավորում է) լիազորագրի բնօրինակը, էլեկտրոնային լուսապատճենը մուտքագրում է շտեմարան և վերադարձնում բնօրինակը:

(29-րդ կետը խմբ. 10.12.20 N 2024-Ն)

30. Կենսաթոշակ նշանակող ստորաբաժանման մասնագետը շտեմարան է մուտքագրում լիազորված անձի տվյալները, որոնք, կենսաթոշակառուի տվյալների հետ միասին արտացոլվում են վճարման ցուցակում` որպես կենսաթոշակն ստանալու իրավունք ունեցող անձ:

(վերնագիրը փոփ. 10.12.20 N 2024-Ն)

31. Միանվագ դրամական վճարի գումարն ստանալու համար անձը (այսուհետ` շահառու) դիմումը և անհրաժեշտ փաստաթղթերը ներկայացնում է ծառայության կենսաթոշակ նշանակող ցանկացած ստորաբաժանում։ Եթե կենսաթոշակը նշանակել է համապատասխան մարմինը, ապա շահառուն դիմումը և անհրաժեշտ փաստաթղթերը կարող է ներկայացնել նաև համապատասխան մարմնի կենսաթոշակ նշանակող ստորաբաժանում։

(31-րդ կետը փոփ. 17.08.17 N 992-Ն, 10.12.20 N 2024-Ն)

32. Դիմումում շահառուն նշում է նաև այն բանկի անվանումը, որի միջոցով ցանկանում է ստանալ վճարման ենթակա գումարները: Եթե դիմումը միանվագ դրամական վճարի գումարն անկանխիկ եղանակով վճարելու մասին է, ապա դրանում նշում է նաև, որ ինքը տեղեկացված է, որ միանվագ դրամական վճարի բանկային հաշիվ բացելու համար անհրաժեշտ տվյալները բանկին փոխանցելու ամսվանից հաշված՝ 12 ամսվա ընթացքում, այդ գումարը մասնակի կամ ամբողջությամբ ստանալու պահանջ բանկին չներկայացնելու դեպքում դադարում է միանվագ դրամական վճարն ստանալու իրավունքը, և այդ գումարը վերադարձվում է Հայաստանի Հանրապետության պետական բյուջե:

(32-րդ կետը խմբ. 10.12.20 N 2024-Ն)

33. Դիմումը հաշվառվում է դիմումների հաշվառման մատյանում և շտեմարանի էլեկտրոնային մատյանում:

34. Կենսաթոշակ նշանակող ստորաբաժանումը ընդունում է որոշում միանվագ դրամական վճարի գումարը շահառուին վճարելու կամ վճարելը մերժելու կամ վճարելու ժամկետը հետաձգելու վերաբերյալ:

(34-րդ կետը փոփ. 10.12.20 N 2024-Ն)

35. Կենսաթոշակ նշանակող ստորաբաժանումը մերժում է միանվագ դրամական վճարի գումարը շահառուին վճարելը, եթե շահառուն չի ներկայացրել Հայաստանի Հանրապետության օրենսդրությամբ սահմանված փաստաթղթերը:

(35-րդ կետը փոփ. 10.12.20 N 2024-Ն)

36. Կենսաթոշակ նշանակող ստորաբաժանումը հետաձգում է միանվագ դրամական վճարի գումարը շահառուին վճարելու ժամկետը, եթե, շտեմարանի տվյալների համաձայն, առկա է կենսաթոշակառուի մահվան ամսվան հաջորդող ամիսների համար վճարված կենսաթոշակի գումար:

(36-րդ կետը փոփ. 10.12.20 N 2024-Ն)

37. Սույն կարգի 36-րդ կետով սահմանված` կենսաթոշակառուի մահվան ամսվան հաջորդող ամիսների կենսաթոշակի գումարը կանխիկ եղանակով վճարված լինելու դեպքում՝ կենսաթոշակ նշանակող ստորաբաժանման ղեկավարը, շահառուի դիմելու օրվան հաջորդող օրվանից ոչ ուշ, ծառայության անունից Հայաստանի Հանրապետության քրեական դատավարության օրենսգրքով սահմանված կարգով հաղորդում է ներկայացնում հանցագործության մասին:

38. Սույն կարգի 36-րդ կետով սահմանված` կենսաթոշակառուի մահվան ամսվան հաջորդող ամիսների կենսաթոշակի գումարն անկանխիկ եղանակով վճարված լինելու դեպքում` կենսաթոշակ նշանակող ստորաբաժանումը դրա մասին տեղեկացնում է ծառայությանը` ներկայացնելով մահացած կենսաթոշակառուի անունը, ազգանունը (հայրանունը), անձը հաստատող փաստաթղթի տեսակը, սերիան ու համարը, հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքի համարը, կենսաթոշակի գործի համարը:

(38-րդ կետը լրաց., փոփ. 10.12.20 N 2024-Ն)

39. Ծառայությունը պայմանագրով սահմանված կարգով և ժամկետներում բանկին տեղեկացնում է կենսաթոշակառուի մահվան մասին և ներկայացնում է գումարը հետ փոխանցելու մասին կարգադրություն (պահանջ):

(39-րդ կետը փոփ. 10.12.20 N 2024-Ն)

40. Եթե 39-րդ կետում նշված կարգադրության (պահանջի) հիման վրա, պայմանագրով սահմանված` կենսաթոշակառուի բանկային հաշվին բավարար միջոցների բացակայության դեպքում, կենսաթոշակառուի մահվան ամսվան հաջորդող ամիսների համար վճարված կենսաթոշակի գումարն ամբողջությամբ Հայաստանի Հանրապետության պետական բյուջե չի փոխանցվում, ծառայությունը Հայաստանի Հանրապետության քրեական դատավարության օրենսգրքով սահմանված կարգով հաղորդում է ներկայացնում հանցագործության մասին:

(40-րդ կետը փոփ. 10.12.20 N 2024-Ն)

41. Ծառայությունը կենսաթոշակ նշանակող ստորաբաժանմանը տեղեկացնում է վճարման պահանջագրի հիման վրա կենսաթոշակառուի մահվան ամսվան հաջորդող ամիսների համար վճարված կենսաթոշակի գումարը Հայաստանի Հանրապետության պետական բյուջե փոխանցելու կամ հանցագործության մասին հաղորդում ներկայացնելու վերաբերյալ:

42. Սույն կարգի 36-րդ կետով սահմանված դեպքում՝ միանվագ դրամական վճարի գումարը շահառուին վճարվում է կենսաթոշակառուի մահվան ամսվան հաջորդող ամիսների համար վճարված կենսաթոշակի գումարը Հայաստանի Հանրապետության պետական բյուջե վերականգնելուց կամ քրեական գործով վարույթը կասեցնելու մասին որոշում ընդունվելուց հետո:

(42-րդ կետը փոփ. 10.12.20 N 2024-Ն)

43. (կետն ուժը կորցրել է 10.12.20 N 2024-Ն)

44. Միանվագ դրամական վճարի գումարը բանկի միջոցով ստանալու դեպքում` այդ գումարները վճարվում են (բանկին են փոխանցվում) դիմելու օրվան հաջորդող 5-րդ աշխատանքային օրվանից ոչ ուշ:

(44-րդ կետը փոփ. 10.12.20 N 2024-Ն)

45. Սույն կարգի 36-րդ կետով սահմանված դեպքում՝ սույն կարգի 44-րդ կետով սահմանված ժամկետը հաշվարկվում է կենսաթոշակառուի մահվան ամսվան հաջորդող ամիսների համար վճարված կենսաթոշակի գումարը Հայաստանի Հանրապետության պետական բյուջե վերականգնելը կամ քրեական գործով վարույթը կասեցնելը հաստատող տեղեկատվությունն ստանալու օրվանից:

(45-րդ կետը փոփ. 10.12.20 N 2024-Ն)

46. Շահառուի անվամբ միանվագ դրամական վճարի հաշիվ բացելու համար անհրաժեշտ տվյալները բանկին փոխանցելուց հետո Հայաստանի Հանրապետության քաղաքացիական օրենսգրքի 928.8-րդ հոդվածի 3-րդ մասով սահմանված պահանջը (բանկային հաշվին առկա միջոցները դուրս գրելու կարգադրությունը) բանկին կարող է ներկայացնել շահառուն կամ այլ անձ (բանկային հաշվին առկա միջոցները կարող են վճարվել նաև այլ անձի), ով բանկ է ներկայացնում շահառուի տված՝ նոտարական կարգով վավերացրած կամ դրան հավասարեցված՝ շահառուի անվամբ բացված միանվագ դրամական վճարի հաշվին առկա միջոցները մասնակի կամ ամբողջությամբ դուրս գրելու (բանկային հաշվին առկա միջոցները վճարելու) պահանջը բանկին լիազորված անձի կողմից ներկայացվելու վերաբերյալ լիազորագիրը։

(46-րդ կետը լրաց. 10.12.20 N 2024-Ն)

(հավելվածը լրաց., փոփ., խմբ. 23.02.12 N 184-Ն, փոփ. 29.08.13 N 973-Ն, խմբ., լրաց. 01.10.15 N 1130-Ն, լրաց. 20.01.16 N 76-Ն, խմբ., փոփ. 17.08.17 N 992-Ն, լրաց. 07.09.17 N 1135-Ն, փոփ., լրաց., խմբ. 10.12.20 N 2024-Ն, փոփ. 25.03.21 N 396-Ն, լրաց., խմբ., փոփ. 08.04.21 N 509-Ն, փոփ., լրաց. 10.06.21 N 972-Ն)

(հավելվածն ուժը կորցրել է 10.12.20 N 2024-Ն)

Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայությունը (այսուհետ` պատվիրատու), ի դեմս ծառայության պետ __________________ -ի, ով գործում է Հայաստանի Հանրապետության կառավարության 2007 թվականի դեկտեմբերի 27-ի N 1531-Ն որոշմամբ հաստատված ծառայության կանոնադրության հիման վրա, և _________________ վճարահաշվարկային կազմակերպությունը` ի դեմս _________________-ի, ով գործում է իր կանոնադրության հիման վրա (այսուհետ` կատարող), կնքեցին սույն պայմանագիրը հետևյալի մասին:

(նախաբանը փոփ. 10.12.20 N 2024-Ն, 25.03.21 N 396-Ն)

1. Պայմանագրի առարկան և այլ պայմաններ

1.1. Սույն պայմանագրում կիրառվող հասկացություններն ունեն հետևյալ իմաստները՝

1.1.1. կենսաթոշակ` ծառայության միջոցով վճարվող` կենսաթոշակի, պատվովճարի, ամենամսյա պարգևավճարի, ծերության նպաստի, հաշմանդամության նպաստի, կերակրողին կորցնելու դեպքում նպաստի և սոցիալական ապահովության այլ ծրագրերով նախատեսված դրամական վճարների գումար (այդ թվում` կենսաթոշակառուի մահվան դեպքում տրվող թաղման նպաստի և կենսաթոշակառուի մահվան պատճառով չստացված կենսաթոշակի գումար).

(1.1.1-ին կետը փոփ. 29.05.14 N 555-Ն)

1.1.2. կենսաթոշակառու` անձ, ում կենսաթոշակը վճարվում է կանխիկ եղանակով` կենսաթոշակի գումարն անձամբ նրան կամ նրա փոխարեն կենսաթոշակն ստանալու՝ օրենքով այդ իրավունքն ունեցող անձին տրամադրելու միջոցով:

 1.2. Կատարողը սույն պայմանագրով պարտավորվում է իր բանկային հաշվին մուտքագրված կենսաթոշակի գումարները, ըստ պատվիրատուի ներկայացրած` սույն պայմանագրի N 1 հավելվածով սահմանված տվյալների (այսուհետ` վճարման ցուցակ)` մինչև տվյալ ամսվա 20-ը տրամադրել կենսաթոշակառուին կամ նրա փոխարեն կենսաթոշակն ստանալու՝ օրենքով այդ իրավունքն ունեցող անձին:

Վճարման ցուցակում արտացոլվում են նաև կենսաթոշակառուի փոխարեն կենսաթոշակն ստանալու՝ օրենքով այդ իրավունքն ունեցող անձի տվյալները:

1.3. Կատարողը սույն պայմանագրի 1.2-րդ կետով սահմանված ծառայությունը մատուցում է կենսաթոշակառուի բնակության վայրի հասցեում կամ իր սպասարկման գրասենյակում:

Կատարողը ծառայությունը մատուցում է իր սպասարկման գրասենյակում, եթե կենսաթոշակառուն կատարողին ներկայացրել է դիմում կենսաթոշակը կատարողի սպասարկման գրասենյակում ստանալու մասին, կամ կենսաթոշակառուն (նրա փոխարեն կենսաթոշակն ստանալու՝ օրենքով այդ իրավունքն ունեցող անձը) կենսաթոշակն ստանալու համար այցելել է կատարողի սպասարկման գրասենյակ:

Կատարողի (նրա աշխատողի) գործողությունների կամ անգործության հետևանքով պետությանը կամ այլ անձանց պատճառած նյութական վնասը լրիվ ծավալով ենթակա է հատուցման:

1.4. Կատարողը սույն պայմանագրով սահմանված ծառայությունը մատուցում է անվճար:

1.5. Կողմերը սույն պայմանագրի կատարման համար անհրաժեշտ տեղեկատվութունը փոխանակում են փոխհամաձայնեցված կարգով:

1.6. Սույն պայմանագրով նախատեսված ծառայությունը Կատարողի կողմից մատուցված է համարվում նախորդ ամսվա ընթացքում կենսաթոշակների վճարման արդյունքների մասին սույն պայմանագրի N 2 հավելվածով սահմանված տեղեկատվություն պարունակող փոխադարձ հաշվարկների ակտի (այսուհետ` փոխադարձ հաշվարկների ակտ) հաստատման պահից:

2.1. Կատարողն իրավունք ունի՝

2.1.1. սույն պայմանագրով սահմանված կարգով լուծելու պայմանագիրը.

2.1.2. Հայաստանի Հանրապետության օրենսդրությամբ սահմանված կարգով բողոքարկելու պատվիրատուի գործողությունները և (կամ) անգործությունը.

2.1.3. սույն պայմանագրով սահմանված կարգով ստանալու ծառայությունների մատուցման միջնորդավճարի գումարը:

2.2. Պատվիրատուն իրավունք ունի՝

2.2.1. սույն պայմանագրով սահմանված կարգով լուծելու պայմանագիրը.

2.2.2. ցանկացած ժամանակ ստուգելու կատարողի մատուցած ծառայությունների ընթացքը և որակը` առանց միջամտելու կատարողի գործողություններին.

2.2.3. կատարողից պահանջելու` անհապաղ վերացնել հայտնաբերված թերությունները.

2.2.4. Հայաստանի Հանրապետության օրենսդրությամբ սահմանված կարգով բողոքարկելու կատարողի գործողությունները և (կամ) անգործությունը:

2.3. Կատարողը պարտավոր է՝

2.3.1. տվյալ ամսվա կենսաթոշակի գումարն իր հաշվի համարին մուտքագրվելու և վճարման ցուցակն ստանալու օրվան հաջորդող աշխատանքային օրվանից սկսած` կենսաթոշակի վճարման կարգի համաձայն ապահովել ծառայության մատուցումն իր սպասարկման գրասենյակում.

2.3.2. կենսաթոշակը կենսաթոշակառուին տրամադրելու նպատակով կենսաթոշակառուի բնակության վայրի հասցե այցելել առնվազն 2 անգամ (եթե առաջին այցելության արդյունքում հնարավոր չի եղել կենսաթոշակը տրամադրել կենսաթոշակառուին).

(2.3.2-րդ կետը խմբ. 01.10.15 N 1130-Ն)

2.3.3. կենսաթոշակը տրամադրել բացառապես վճարման ցուցակում ներառված` կենսաթոշակառուին կամ նրա փոխարեն կենսաթոշակն ստանալու՝ օրենքով այդ իրավունքն ունեցող անձին` անձը հաստատող փաստաթղթի հիման վրա.

2.3.4. կենսաթոշակի վճարումը դադարեցնելու օրվան հաջորդող երրորդ աշխատանքային օրվանից ոչ ուշ պատվիրատուին տրամադրել նախորդ ամսվա կենսաթոշակների վճարման արդյունքների մասին տեղեկատվությունը, իսկ հինգերորդ աշխատանքային օրվանից ոչ ուշ` փոխադարձ հաշվարկների ակտը և Հայաստանի Հանրապետության պետական բյուջե փոխանցել իր բանկային հաշվին փոխանցված, սակայն կենսաթոշակառուին կամ նրա փոխարեն կենսաթոշակն ստանալու՝ օրենքով այդ իրավունքն ունեցող անձին չտրամադրված կենսաթոշակների գումարը.

2.3.5. պատվիրատուի պահանջով տրամադրել անձնավորված տեղեկատվություն կենսաթոշակը կենսաթոշակառուին կամ նրա փոխարեն կենսաթոշակն ստանալու՝ օրենքով այդ իրավունքն ունեցող անձին տրամադրելու մասին:

2.4. Պատվիրատուն պարտավոր է`

2.4.1. տվյալ ամսվա վճարման ցուցակը կատարողին տրամադրելու օրվան հաջորդող աշխատանքային օրվանից ոչ ուշ կատարողի հաշվին փոխանցել վճարման ենթակա գումարը` ըստ պատվիրատուի և կատարողի փոխադարձ համաձայնությամբ սահմանված համամասնությունների.

2.4.2. փոխադարձ հաշվարկների ակտը հաստատելու օրվան հաջորդող աշխատանքային օրվա ընթացքում կատարողին փոխանցել սույն պայմանագրով սահմանված ծառայությունների միջնորդավճարի գումարը:

Սույն պայմանագրով նախատեսված ծառայությունների համար պատվիրատուն կատարողին վճարում է կենսաթոշակառուներին տրամադրված կենսաթոշակի գումարի մեկ տոկոսի չափով միջնորդավճար:

Սույն պայմանագրի կապակցությամբ վեճեր և տարաձայնություններ առաջանալու դեպքում դրանք լուծվում են տասնհինգ օրվա ընթացքում` բանակցությունների միջոցով, իսկ բանակցությունների միջոցով համաձայնություն ձեռք չբերվելու դեպքում` Հայաստանի Հանրապետության օրենսդրությամբ սահմանված կարգով:

5.1. Սույն պայմանագրում փոփոխություններ և լրացումներ կատարվում են կողմերի փոխադարձ համաձայնությամբ և Հայաստանի Հանրապետության օրենսդրությամբ սահմանված կարգով` լրացուցիչ համաձայնագրեր կնքելու միջոցով, որոնք կհանդիսանան սույն պայմանագրի անբաժանելի մասը:

5.2. Սույն պայմանագիրը կազմված է հավասարազոր իրավաբանական ուժ ունեցող երկու օրինակից։ Յուրաքանչյուր կողմին տրվում է պայմանագրի մեկական օրինակ։

5.3. Սույն պայմանագիրը լուծվում է կողմերի փոխադարձ համաձայնությամբ կամ պայմանագրի կատարումից միակողմանիորեն հրաժարվելու դեպքում: Պայմանագրի լուծման վերաբերյալ առաջարկությունը մի կողմը մյուս կողմին ներկայացնում է պայմանագրի լուծման նախատեսվող ժամկետից առնվազն երկու ամիս առաջ:

Պայմանագիրը լուծելու վերաբերյալ առաջարկությունը ներկայացնող կողմը պարտավոր է պայմանագիրը լուծելու մասին պատշաճ կարգով ծանուցել կենսաթոշակառուին՝ պայմանագրի լուծման նախատեսվող ժամկետից առնվազն մեկ ամիս առաջ:

Սույն պայմանագիրը լուծվում է պայմանագրով ստանձնած պարտավորությունները ոչ պատշաճ կատարելու հետևանքով պատճառած վնասները լրիվ հատուցելու պայմանով:

5.4. Սույն պայմանագիրն իրավաբանական ուժ է ստանում կնքման պահից և գործում է անորոշ ժամկետով:

1. Վճարահաշվարկային կազմակերպության անվանումը

2. Կենսաթոշակառուի անունը, ազգանունը (հայրանունը), անձը հաստատող փաստաթղթի սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքի համարը, առկայության դեպքում` կենսաթոշակառուի փոխարեն կենսաթոշակն ստանալու՝ օրենքով այդ իրավունքն ունեցող անձի անունը, ազգանունը (հայրանունը), անձը հաստատող փաստաթղթի սերիան և համարը

(2-րդ կետը փոփ. 10.12.20 N 2024-Ն)

3. Վճարման ենթակա կենսաթոշակի գումարը (այդ թվում` տվյալ ամսվան նախորդող ժամանակահատվածի համար)` ըստ ժամանակահատվածի և տեսակների

4. Վճարման ենթակա ընդհանուր գումարը

(հավելվածը փոփ. 10.12.20 N 2024-Ն)

1. Ամիսը, որի ընթացքում իրականացվել են կենսաթոշակների վճարումները

2. Կենսաթոշակ ստացած անձանց թիվը` ըստ տեսակների

3. Վճարված կենսաթոշակի գումարը` ըստ տեսակների

4. Մատուցված ծառայությունների միջնորդավճարի գումարը

5. Կողմերի վավերապայմանները, կնիքները և լիազորված անձանց անունները, ազգանուններն ու ստորագրությունները

6. Փոխադարձ հաշվարկների ակտը կնքելու օրը, ամիսը, տարեթիվը

(հավելվածը փոփ. 29.05.14 N 555-Ն, խմբ. 01.10.15 N 1130-Ն, փոփ. 10.12.20 N 2024-Ն, 25.03.21 N 396-Ն)

Հավելված N 4 ՀՀ կառավարության 2011 թվականի մայիսի 5-ի N 670-Ն որոշման

Օ Ր Ի Ն Ա Կ Ե Լ Ի   Ձ Ե Վ

ԿԵՆՍԱԹՈՇԱԿՆԵՐՆ ԱԶԳԱՅԻՆ ՕՊԵՐԱՏՈՐԻ ԿՈՂՄԻՑ ԱՆԿԱՆԽԻԿ ԵՂԱՆԱԿՈՎ ՎՃԱՐՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՊԱՅՄԱՆԱԳՐԻ

քաղ. Երևան

______  _____________20 թ.

Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայությունը (այսուհետ` պատվիրատու), ի դեմս ծառայության պետ -ի, ով գործում է Աշխատանքի և սոցիալական հարցերի նախարարի 2021 թվականի մարտի 17-ի թիվ 37-Լ հրամանով հաստատված ծառայության կանոնադրության հիման վրա, և _____________ Հայաստանի Հանրապետության փոստային կապի ազգային օպերատոր «Հայփոստ» ՓԲԸ-ն` ի դեմս __________________________ -ի, ով գործում է իր կանոնադրության հիման վրա (այսուհետ` կատարող) կնքեցին սույն պայմանագիրը հետևյալի մասին:

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն պայմանագրում կիրառվող հասկացություններն ունեն հետևյալ իմաստները՝

1) կենսաթոշակ` կենսաթոշակառուին վճարվող` կենսաթոշակի, ծերության նպաստի, հաշմանդամության նպաստի, կերակրողին կորցնելու դեպքում նպաստի, պարգևավճարի, պատվովճարի, աշխատողների աշխատանքային պարտականությունների կատարման հետ կապված խեղման, մասնագիտական հիվանդության և առողջության այլ վնասման հետևանքով պատճառված վնասի փոխհատուցման գումարներ,

2) կենսաթոշակառու` անձ կամ նրա օրինական ներկայացուցիչ՝ ծնող, որդեգրող կամ խնամակալ, ում վճարվում է կենսաթոշակ,

3) Էլեկտրոնային փողի հաշվառման հաշիվ՝ Հայաստանի Հանրապետության կենտրոնական բանկի իրավական ակտերով սահմանված պահանջների համաձայն կենսաթոշակառուի անվամբ կատարողի մոտ բացված Էլեկտրոնային փողի հաշվառման հաշիվ, որը կիրառվում է կատարողի միջոցով կենսաթոշակն անկանխիկ եղանակով վճարելու համար,

4) անձը հաստատող փաստաթուղթ՝

ա. Հայաստանի Հանրապետության քաղաքացիների համար` Հայաստանի Հանրապետության քաղաքացու անձնագիր կամ Հայաստանի Հանրապետության քաղաքացու նույնականացման քարտ,

բ. օտարերկրյա քաղաքացիների և քաղաքացիություն չունեցող անձանց համար` օրենքով կամ միջազգային պայմանագրով սահմանված` Հայաստանի Հանրապետությունում բնակվելու իրավունքը (կացության կարգավիճակը) հաստատող փաստաթուղթ,

գ. փախստականի կարգավիճակ ունեցող անձի համար` կոնվենցիոն ճամփորդական փաստաթուղթ:

2. Պատվիրատուն կատարողին է տրամադրում սույն պայմանագրի N 1 ձևում նշված տեղեկատվությունը (այսուհետ` վճարման ցուցակ), իսկ կատարողը համապատասխան դրամական միջոցներն ընդունելու օրվան հաջորդող աշխատանքային օրվանից ոչ ուշ, հանրային ծառայությունների համարանիշով կամ հանրային ծառայությունների համարանիշ չստանալու մասին տեղեկանքով նույնականացնում է կենսաթոշակառուին և կենսաթոշակի գումարը մուտքագրում նրա անվամբ բացված Էլեկտրոնային փողի հաշվառման այդ հաշվին:

3. Կողմերն անվերապահորեն ընդունում են, որ՝

1) կենսաթոշակառուին իր Էլեկտրոնային փողի հաշվառման հաշվին առկա միջոցները մարում է՝ կանխիկ կամ անկանխիկ եղանակով վճարելու միջոցով կամ կենսաթոշակառուն իրականացնում է Էլեկտրոնային փողով վճարում.

2) «Պետական կենսաթոշակների մասին» օրենքի 35-րդ հոդվածի 6-րդ մասով սահմանված պահանջը (ոչ ուշ, քան վերջին անգամ կատարողին ներկայանալու ամսվան հաջորդող 12-րդ ամսվա վերջին աշխատանքային օրը, անձամբ կատարողին ներկայանալու միջոցով, Հայաստանի Հանրապետությունում լինելը հավաստելը) համարվում է կենսաթոշակառուի կողմից կատարված, եթե նա, անձամբ կատարողին ներկայանալով, հայտարարություն է ստորագրել Հայաստանի Հանրապետությունում լինելու մասին կամ նույնականացվել է և ստորագրել որևէ այլ փաստաթուղթ կամ կենսաթոշակառուի` Հայաստանի Հանրապետությունում լինելը հավաստել է կատարողը։ Կենսաթոշակի գումարն անկանխիկ եղանակով վճարելու համար դիմած կենսաթոշակառուի՝ վերջին անգամ կատարողին ներկայանալու ամիսը հաշվարկվում է նրա տվյալները վճարման ցուցակով պատվիրատուի կողմից կատարողին փոխանցելու ամսվանից սկսած.

3) կատարողը, փոստային առաքմամբ կամ տվյալների առկայության դեպքում՝ կենսաթոշակառուի գրավոր տրամադրած՝ բջջային հեռախոսահամարին կամ էլեկտրոնային փոստի հասցեին էլեկտրոնային հաղորդագրություն ուղարկելու միջոցով (նշվածից իր համար նախընտրելի միջոցով), կենսաթոշակառուին պարտադիր տեղեկացնում է անձամբ կատարողին ներկայանալու միջոցով կամ սույն պայմանագրի 4-րդ կետով սահմանված կարգով Հայաստանի Հանրապետությունում լինելը հավաստելու անհրաժեշտության մասին:

4. Կենսաթոշակառուի` Հայաստանի Հանրապետությունում լինելը կատարողի կողմից կարող է հաստատվել նաև առանց նրա՝ կատարողին ներկայանալու, եթե կենսաթոշակառուի` Հայաստանի Հանրապետությունում լինելը կատարողը հաստատել է՝

1) կատարողի աշխատակցի՝ Հայաստանի Հանրապետությունում կենսաթոշակառուի գտնվելու վայր այցելությամբ.

2) իր ներքին ընթացակարգերին համապատասխան՝ տեղեկատվատեխնիկական միջոցների կիրառմամբ (հաստատելով կենսաթոշակառուի՝ Հայաստանի Հանրապետությունում լինելը):

5. Սույն պայմանագրի 4-րդ կետում նշված՝ կենսաթոշակառուի` Հայաստանի Հանրապետությունում լինելը հաստատելու հետ կապված հարաբերությունները կարգավորվում են կենսաթոշակառուի և կատարողի միջև կնքված Էլեկտրոնային փողի թողարկման և սպասարկման պայմանագրով:

6. Էլեկտրոնային փողի հաշվառման հաշվին մուտքագրվում է բացառապես կենսաթոշակի գումարը (Էլեկտրոնային փողի հաշվառման հաշիվը համալրվում է բացառապես պատվիրատուի կողմից՝ կենսաթոշակի գումարով):

7. Կենսաթոշակառուին վճարվող՝ սույն պայմանագրի 1-ին կետի 1-ին ենթակետում նշված՝ կենսաթոշակ համարվող բոլոր վճարների գումարները կատարողը մուտքագրում է կենսաթոշակառուի անվամբ բացված նույն Էլեկտրոնային փողի հաշվառման հաշվին:

8. Կենսաթոշակառուի Էլեկտրոնային փողի հաշվառման հաշվին մուտքագրված կենսաթոշակի գումարները տնօրինելուն առնչվող հարաբերությունները, այդ թվում` Էլեկտրոնային փողի հաշվառման հաշվի սպասարկմանն առնչվող, կարգավորվում են կենսաթոշակառուի և կատարողի միջև կնքված Էլեկտրոնային փողի թողարկման և սպասարկման պայմանագրով:

9. Սույն պայմանագրի ձևերով նախատեսված տեղեկատվությունը և սույն պայմանագրի կատարման համար անհրաժեշտ փաստաթղթերը (տեղեկատվությունները) պատվիրատուի և կատարողի միջև փոխանակվում են Հայաստանի Հանրապետության կառավարության 2019 թվականի դեկտեմբերի 19-ի N 1849-Ն որոշմամբ սահմանված կարգով՝ էլեկտրոնային եղանակով կամ Հայաստանի Հանրապետության կենտրոնական բանկի կողմից սահմանված միջոցներով (CBANet միջհամակարգչային ցանցի միջոցով):

10. Սույն պայմանագրով նախատեսված ծառայությունը կատարողի կողմից պատվիրատուին մատուցված է համարվում նախորդ ամսվա ընթացքում վճարման արդյունքների մասին սույն պայմանագրի N 2 ձևով սահմանված տեղեկատվությունը պարունակող փոխադարձ հաշվարկների ակտի հաստատման պահից:

II. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

11. Կողմերն իրավունք ունեն՝

1) սույն պայմանագրով սահմանված կարգով դադարեցնելու պայմանագրի գործողությունը.

2) օրենքով սահմանված կարգով բողոքարկել մյուս կողմի գործողությունները և (կամ) անգործությունը.

3) իրականացնել օրենքներով, այլ իրավական ակտերով, սույն պայմանագրով նախատեսված այլ իրավունքներ:

12. Կատարողը պարտավոր է՝

1) համաձայն վճարման ցուցակի, հաշվի առնելով նաև սույն պայմանագրի 6-րդ կետի պահանջը՝ կենսաթոշակի գումարը մուտքագրել կենսաթոշակառուի Էլեկտրոնային փողի հաշվառման հաշվին դրամական միջոցների ընդունման օրվան հաջորդող աշխատանքային օրվանից ոչ ուշ, եթե ավելի կարճ ժամկետներ նախատեսված չեն օրենքով կամ այլ նորմատիվ իրավական ակտերով.

2) պատվիրատուի՝ սույն պայմանագրի N 3 ձևով սահմանված տեղեկատվությունը պարունակող կարգադրության (պահանջի) հիման վրա, այն ստանալու օրվան հաջորդող աշխատանքային օրվանից ոչ ուշ, դրանում նշված գումարի չափով, առանց կենսաթոշակառուի համաձայնության, նրա Էլեկտրոնային փողի հաշվառման հաշվից հետ գանձել միջոցները (բավարար միջոցներ չլինելու դեպքում` Էլեկտրոնային փողի հաշվառման հաշվում առկա հասանելի մնացորդի չափով) և ոչ ուշ, քան հաջորդ աշխատանքային օրը փոխանցել Հայաստանի Հանրապետության պետական բյուջե` միաժամանակ ապահովելով սույն պայմանագրի N 4 ձևով սահմանված տեղեկատվությունը պատվիրատուին ներկայացնելը: Կատարողը պատասխանատվություն չի կրում Էլեկտրոնային փողի հաշվառման հաշիվ մուտքագրված` Հայաստանի Հանրապետության օրենսդրության խախտմամբ (սխալ) վճարված այն գումարների համար, որոնք կենսաթոշակառուն (օգտագործողը) մարել է (Էլեկտրոնային փողի հաշվառման հաշվից ելքագրվել են)՝ մինչև պատվիրատուից սույն ենթակետում նշված կարգադրությունը (պահանջը) ստանալու օրվան հաջորդող աշխատանքային օրը.

3) մինչև յուրաքանչյուր ամսվա վերջին աշխատանքային օրը պատվիրատուին տրամադրել սույն պայմանագրի N 5 ձևով սահմանված տվյալները («Պետական կենսաթոշակների մասին» օրենքի 35-րդ հոդվածի 6-րդ մասով սահմանված պահանջը չկատարած կենսաթոշակառուների վերաբերյալ).

4) մինչև յուրաքանչյուր ամսվա վերջին աշխատանքային օրը պատվիրատուին տրամադրել սույն պայմանագրի N 6 ձևով սահմանված տվյալները («Պետական կենսաթոշակների մասին» օրենքի 35-րդ հոդվածի 6-րդ մասով սահմանված պահանջը կատարած կենսաթոշակառուների վերաբերյալ).

5) էլեկտրոնային եղանակով կամ կենսաթոշակառուի` կատարողին անձամբ ներկայացրած պահանջի դեպքում անվճար տրամադրել նրա Էլեկտրոնային փողի հաշվառման հաշվին մուտքագրված և մարված կենսաթոշակների գումարների մասին տեղեկատվություն (քաղվածք)` առնվազն յուրաքանչյուր ամիսը մեկ անգամ, կենսաթոշակառուի նախընտրած եղանակով՝ թղթային տարբերակով (տրամադրում է առձեռն կամ փոստային առաքմամբ) կամ էլեկտրոնային եղանակով (ուղարկում է դիմումում նշված էլեկտրոնային փոստի հասցեով կամ հեռախոսահամարին).

6) կենսաթոշակառուի անվամբ Էլեկտրոնային փողի հաշվառման հաշիվը բացել և սպասարկել, ծառայությունները կենսաթոշակառուին մատուցել անվճար (առանց միջնորդավճարների).

7) կենսաթոշակառուին սպասարկել նաև այն դեպքում, երբ նա ներկայացնում է վճարման ցուցակում նշված` անձը հաստատող փաստաթղթից տարբեր այլ` անձը հաստատող վավերական փաստաթուղթ, եթե դրանով կատարողը կարողանում է նույնականացնել կենսաթոշակառուին:

13. Պատվիրատուն պարտավոր է`

1) տվյալ ամսվա վճարման ցուցակը կատարողին տրամադրելու օրվան հաջորդող աշխատանքային օրվանից ոչ ուշ կատարողի բանկային հաշվին փոխանցել վճարման ենթակա ամբողջ գումարը.

2) սույն պայմանագրով սահմանված դեպքերում կատարողին ներկայացնել սահմանված ձևի կարգադրություն.

3) կենսաթոշակառուի մահվան մասին տեղեկատվություն ստանալու օրվան հաջորդող աշխատանքային օրվանից ոչ ուշ կատարողի հետ համաձայնեցված կարգով արգելափակել կենսաթոշակի գումարի վճարումը.

4) «Փոստային կապի մասին» Հայաստանի Հանրապետության օրենքով սահմանված կարգով ապահովել սույն պայմանագրի շրջանակներում իրեն հայտնի դարձած` գաղտնիք համարվող տեղեկատվության գաղտնիությունը:

III. ՊԱՅՄԱՆԱԳՐԻ ԳԻՆԸ

14. Սույն պայմանագրով նախատեսված ծառայությունների համար պատվիրատուն կատարողին վճարում է կենսաթոշակառուներին տրամադրված կենսաթոշակի գումարի մեկ տոկոսի չափով միջնորդավճար:

15. Կատարողը կենսաթոշակառուի անվամբ Էլեկտրոնային փողի հաշվառման հաշիվ բացելու և սպասարկելու, ծառայությունների մատուցման համար ծառայությունների վարձավճար չի գանձում:

IV. ԵԶՐԱՓԱԿԻՉ ԴՐՈՒՅԹՆԵՐ

16. Սույն պայմանագրում փոփոխություններ և լրացումներ կատարվում են կողմերի փոխադարձ համաձայնությամբ և Հայաստանի Հանրապետության օրենսդրությամբ սահմանված կարգով` լրացուցիչ համաձայնագրեր կնքելու միջոցով, որոնք կհանդիսանան սույն պայմանագրի անբաժանելի մասը:

17. Սույն պայմանագիրը կազմված է հավասարազոր իրավաբանական ուժ ունեցող երկու օրինակից։ Յուրաքանչյուր կողմին տրվում է պայմանագրի մեկ օրինակ։

18. Սույն պայմանագիրը լուծվում է կողմերի փոխադարձ համաձայնությամբ կամ պայմանագրի կատարումից միակողմանի հրաժարվելու դեպքում: Պայմանագիրը լուծելու վերաբերյալ առաջարկությունը մի կողմը մյուս կողմին ներկայացնում է պայմանագրի լուծման նախատեսվող ժամկետից առնվազն երկու ամիս առաջ:

19. Պայմանագիրը լուծելու վերաբերյալ առաջարկություն ներկայացնող կողմը պարտավոր է պայմանագիրը լուծելու մասին կենսաթոշակառուին պատշաճ կարգով ծանուցել պայմանագրի լուծման նախատեսվող ժամկետից առնվազն մեկ ամիս առաջ: Սույն պայմանագրի իմաստով պատշաճ կարգով ծանուցում է համարվում պայմանագիրը լուծելու մասին դիմումում նշված` հեռախոսահամարին հաղորդագրություն կամ էլեկտրոնային փոստի հասցեով տեղեկատվություն ուղարկելը կամ կենսաթոշակառուի բնակության վայրի հասցեով ծանուցելը:

20. Սույն պայմանագիրը լուծվում է լուծման օրվա դրությամբ պայմանագրով ստանձնած պարտավորությունները կողմերի կողմից պատշաճ կատարելու, ինչպես նաև չկատարելու կամ ոչ պատշաճ կատարելու հետևանքով պատճառված վնասները լրիվ հատուցելու պայմանով:

21. Սույն պայմանագիրն իրավաբանական ուժ է ստանում այն կնքելու օրը, իսկ սույն պայմանագրի 22-րդ կետում նշված դեպքում` այդ կետում նշված համաձայնագրով նախատեսված` սույն պայմանագիրը կատարելու համար անհրաժեշտ ծրագրային ապահովումը ներդնելու օրը և գործում է մինչև ____________ 20 ______ թվականը:

22. Ըստ անհրաժեշտության` սույն պայմանագիրը կատարելու համար անհրաժեշտ ծրագրային ապահովումը մշակվում և ներդրվում է Հայաստանի Հանրապետության օրենսդրությամբ սահմանված կարգով կնքված` սույն պայմանագրի անբաժանելի մասը կազմող լրացուցիչ համաձայնագրի համաձայն` սույն պայմանագիրը կնքելու ամսվան հաջորդող 3-րդ ամսվանից ոչ ուշ:

V. ԿՈՂՄԵՐԻ ԳՏՆՎԵԼՈՒ ՎԱՅՐԸ, ՎԱՎԵՐԱՊԱՅՄԱՆՆԵՐԸ ԵՎ ՍՏՈՐԱԳՐՈՒԹՅՈՒՆՆԵՐԸ

ՀՀ աշխատանքի և սոցիալական հարցերի նախարարության միասնական սոցիալական ծառայություն _________________________________   _________________________________    Գտնվելու վայրը` ՀՀ, քաղ. Երևան, Նալբանդյան 13   Գտնվելու վայրը`————————   Հեռ.` ———————————        Հեռ.` ———————————              Էլ. փոստ` —————————                    Էլ. փոստ` ———————————              ՀՎՀՀ` ———————————— (համապատասխան լիազորություններով օժտված անձի պաշտոնը)            ________________________________ (անունը, ազգանունը)               ________________________________ (անունը, ազգանունը)           ________________________________ (ստորագրությունը)             ________________________________ (ստորագրությունը)

Ձև N 1

Ազգային օպերատորի կողմից

անկանխիկ եղանակով

կենսաթոշակների վճարման

ծառայությունների մատուցման

պայմանագրի

Ց Ա Ն Կ

ՎՃԱՐՄԱՆ ՑՈՒՑԱԿ ՆԵՐԱՌՎՈՂ ՏՎՅԱԼՆԵՐԻ, ՈՐՈՆՔ ՊԱՏՎԻՐԱՏՈՒՆ ՏՐԱՄԱԴՐՈՒՄ Է ԿԱՏԱՐՈՂԻՆ

1. Կատարողի անվանումը (ծածկագիրը).

2. Կենսաթոշակառուի անունը, ազգանունը, առկայության դեպքում` հայրանունը.

3. Կենսաթոշակառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.

4. Կենսաթոշակի գործի համարը, կենսաթոշակի տեսակը և վճարման ենթակա գումարի չափը.

5. Կենսաթոշակառուի էլեկտրոնային փոստի հասցեն և հեռախոսահամարը (առկայության դեպքում):

Ձև N 2

Ազգային օպերատորի կողմից

անկանխիկ եղանակով

կենսաթոշակների վճարման

ծառայությունների մատուցման

պայմանագրի

Ց Ա Ն Կ

ԿԵՆՍԱԹՈՇԱԿԻ ՎՃԱՐՈՒՄՆԵՐԻՆ ՎԵՐԱԲԵՐՈՂ` ՓՈԽԱԴԱՐՁ ՀԱՇՎԱՐԿՆԵՐԻ ԱԿՏ ՆԵՐԱՌՎՈՂ ՏՎՅԱԼՆԵՐԻ, ՈՐՈՆՔ ԿԱՏԱՐՈՂԸ ՏՐԱՄԱԴՐՈՒՄ Է ՊԱՏՎԻՐԱՏՈՒԻՆ

1. Կատարողի անվանումը (ծածկագիրը).

2. Հաշվետու ամսվա տարեթիվը և ամիսը, որին վերաբերում է փոխադարձ հաշվարկների ակտը.

3. Հաշվետու ամսվա վճարման ցուցակներում ներառված կենսաթոշակառուների ընդհանուր թիվը.

4. Հաշվետու ամսվա վճարման ցուցակների հիման վրա վճարման ենթակա (կատարողին փոխանցված) կենսաթոշակների ընդհանուր գումարը.

5. Կենսաթոշակների գործերի թիվը, որոնց Էլեկտրոնային փողի հաշվառման հաշիվներից կենսաթոշակների գումարները Էլեկտրոնային փողի հաշվառման հաշվետու ամսվա ընթացքում, պատվիրատուի համապատասխան կարգադրության հիման վրա, կատարողը վերադարձրել է Հայաստանի Հանրապետության պետական բյուջե (ըստ գանձապետական հաշիվների).

6. Պատվիրատուի կարգադրության հիման վրա հաշվետու ամսվա ընթացքում կատարողի կողմից Հայաստանի Հանրապետության պետական բյուջե վերադարձված կենսաթոշակների գումարների հանրագումարը․

7. Հաշվետու ամսվա ընթացքում կատարողին փոխանցված կենսաթոշակների և Հայաստանի Հանրապետության պետական բյուջե, ըստ գանձապետական հաշիվների, վերադարձված գումարների տարբերությունը:

Ձև N 3

Ազգային օպերատորի կողմից

անկանխիկ եղանակով

կենսաթոշակների վճարման

ծառայությունների մատուցման

պայմանագրի

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵ ՎԵՐԱԴԱՐՁՄԱՆ ԵՆԹԱԿԱ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԴՐՈՒԹՅԱՆ ԽԱԽՏՄԱՄԲ (ՍԽԱԼ) ՎՃԱՐՎԱԾ ԿԵՆՍԱԹՈՇԱԿԻ ԳՈՒՄԱՐՆԵՐԻ ԵՎ ԿԵՆՍԱԹՈՇԱԿԱՌՈՒՆԵՐԻ ՏՎՅԱԼՆԵՐԻ, ՈՐՈՆՔ ՊԱՏՎԻՐԱՏՈՒՆ ՏՐԱՄԱԴՐՈՒՄ Է ԿԱՏԱՐՈՂԻՆ

1. Կատարողի անվանումը (ծածկագիրը).

2. Կենսաթոշակառուի անունը, ազգանունը, առկայության դեպքում` հայրանունը.

3. Կենսաթոշակառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.

4. Կենսաթոշակի գործի համարը, կենսաթոշակի տեսակը և վճարման ենթակա գումարի չափը.

5. Հայաստանի Հանրապետության օրենսդրության խախտմամբ (սխալ) վճարված կենսաթոշակի տեսակը.

6. Հայաստանի Հանրապետության օրենսդրության խախտմամբ (սխալ) վճարված (վճարման ցուցակով փոխանցված) կենսաթոշակի` վերադարձման ենթակա գումարի չափը.

7. Գանձապետական հաշիվը, որին պետք է փոխանցել (վերադարձնել) Հայաստանի Հանրապետության օրենսդրության խախտմամբ (սխալ) վճարված գումարը:

Ձև N 4

Ազգային օպերատորի կողմից

անկանխիկ եղանակով

կենսաթոշակների վճարման

ծառայությունների մատուցման

պայմանագրի

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵ ՎԵՐԱԴԱՐՁՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԴՐՈՒԹՅԱՆ ԽԱԽՏՄԱՄԲ (ՍԽԱԼ) ՎՃԱՐՎԱԾ ԿԵՆՍԱԹՈՇԱԿԻ ԳՈՒՄԱՐՆԵՐԻ ԵՎ ԿԵՆՍԱԹՈՇԱԿԱՌՈՒՆԵՐԻ ՏՎՅԱԼՆԵՐԻ, ՈՐՈՆՔ ԿԱՏԱՐՈՂԸ ՏՐԱՄԱԴՐՈՒՄ Է ՊԱՏՎԻՐԱՏՈՒԻՆ

1. Կատարողի անվանումը (ծածկագիրը).

2. Կենսաթոշակառուի անունը, ազգանունը, առկայության դեպքում` հայրանունը.

3. Կենսաթոշակառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.

4. Հայաստանի Հանրապետության օրենսդրության խախտմամբ (սխալ) վճարված և Հայաստանի Հանրապետության պետական բյուջե վերադարձման ենթակա՝ կենսաթոշակի գործի համարը, կենսաթոշակի տեսակը և վճարման ենթակա գումարի չափը.

5. Հայաստանի Հանրապետության պետական բյուջե փաստացի փոխանցված (վերադարձված)՝ Հայաստանի Հանրապետության օրենսդրության խախտմամբ (սխալ) վճարված կենսաթոշակի գումարի չափը.

6. Գանձապետական հաշիվը, որին փոխանցվել է Հայաստանի Հանրապետության օրենսդրության խախտմամբ (սխալ) վճարված կենսաթոշակի գումարը.

7. Հայաստանի Հանրապետության օրենսդրության խախտմամբ (սխալ) վճարված կենսաթոշակի գումարը Հայաստանի Հանրապետության պետական բյուջե վերադարձնելու օրը, ամիսը, տարեթիվը:

Ձև N 5

Ազգային օպերատորի կողմից

անկանխիկ եղանակով

կենսաթոշակների վճարման

ծառայությունների մատուցման

պայմանագրի

Ց Ա Ն Կ

«ՊԵՏԱԿԱՆ ԿԵՆՍԱԹՈՇԱԿՆԵՐԻ ՄԱՍԻՆ» ՕՐԵՆՔԻ 35-ՐԴ ՀՈԴՎԱԾԻ 6-ՐԴ ՄԱՍՈՎ ՍԱՀՄԱՆՎԱԾ ՊԱՀԱՆՋԸ ՏՎՅԱԼ ԱՄՍՎԱ ԸՆԹԱՑՔՈՒՄ ՉԿԱՏԱՐԱԾ ԿԵՆՍԱԹՈՇԱԿԱՌՈՒՆԵՐԻ ՏՎՅԱԼՆԵՐԻ, ՈՐՈՆՔ ԿԱՏԱՐՈՂԸ ՏՐԱՄԱԴՐՈՒՄ Է ՊԱՏՎԻՐԱՏՈՒԻՆ

1. Կատարողի անվանումը (ծածկագիրը).

2. Կենսաթոշակառուի անունը, ազգանունը, առկայության դեպքում` հայրանունը.

3. Կենսաթոշակառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.

4. Կենսաթոշակի գործի համարը.

5. Վերջին անգամ կատարող ներկայանալու (Էլեկտրոնային փողի հաշվառման հաշիվ բացելու համար կենսաթոշակառուի տվյալներն ստանալու) օրը, ամիսը, տարեթիվը, ստորագրած փաստաթղթի անվանումը:

Ձև N 6

Ազգային օպերատորի կողմից

անկանխիկ եղանակով

կենսաթոշակների վճարման

ծառայությունների մատուցման

պայմանագրի

Ց Ա Ն Կ

«ՊԵՏԱԿԱՆ ԿԵՆՍԱԹՈՇԱԿՆԵՐԻ ՄԱՍԻՆ» ՕՐԵՆՔԻ 35-ՐԴ ՀՈԴՎԱԾԻ 6-ՐԴ ՄԱՍՈՎ ՍԱՀՄԱՆՎԱԾ ՊԱՀԱՆՋԸ ՏՎՅԱԼ ԱՄՍՎԱ ԸՆԹԱՑՔՈՒՄ ԿԱՏԱՐԱԾ ԿԵՆՍԱԹՈՇԱԿԱՌՈՒՆԵՐԻ ՏՎՅԱԼՆԵՐԻ, ՈՐՈՆՔ ԿԱՏԱՐՈՂԸ ՏՐԱՄԱԴՐՈՒՄ Է ՊԱՏՎԻՐԱՏՈՒԻՆ

1. Կատարողի անվանումը (ծածկագիրը).

2. Կենսաթոշակառուի անունը, ազգանունը, առկայության դեպքում` հայրանունը.

3. Կենսաթոշակառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.

4. Կենսաթոշակի գործի համարը.

5. Կատարողին ներկայանալու օրը, ամիսը, տարեթիվը, ստորագրած փաստաթղթի անվանումը կամ նշում կենսաթոշակառուի՝ Հայաստանի Հանրապետությունում լինելը կատարողի կողմից տեղեկատվատեխնիկական միջոցների կիրառմամբ կամ կատարողի աշխատակցի՝ Հայաստանի Հանրապետությունում կենսաթոշակառուի գտնվելու վայր այցելելու միջոցով հաստատելու վերաբերյալ:

  (հավելվածը լրաց. 10.06.21 N 972-Ն)

(10.06.21 N 972-Ն որոշումն ունի անցումային դրույթ)