Գլխավոր տեղեկություն
Համար
N 758-Ն
Տիպ
Որոշում
Ակտի տիպ
Հիմնական ակտ (15.05.2021-մինչ օրս)
Կարգավիճակ
Գործում է
Սկզբնաղբյուր
Միասնական կայք 2021.05.03-2021.05.16 Պաշտոնական հրապարակման օրը 14.05.2021
Ընդունող մարմին
ՀՀ կառավարություն
Ընդունման ամսաթիվ
13.05.2021
Ստորագրող մարմին
Վարչապետի պաշտոնակատար
Ստորագրման ամսաթիվ
13.05.2021
Ուժի մեջ մտնելու ամսաթիվ
15.05.2021

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

13 մայիսի 2021 թվականի N 758-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ԱՊՐԻԼԻ 4-Ի N 374-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1․ Հայաստանի Հանրապետության կառավարության 2019 թվականի ապրիլի 4-ի «Աշխատանքների փորձարարական կազմակերպման ծրագրերը կազմելու, աշխատանքները կազմակերպելու առանձնահատկությունները, արդյունքների գնահատման ինստիտուցիոնալ ցուցիչները և աշխատանքների գնահատման ու ամփոփման կարգը սահմանելու մասին» N 374-Ն որոշման 1-ին կետով սահմանված հավելվածում կատարել հետևյալ լրացումները և փոփոխությունները՝

1) հավելվածի 6-րդ կետում՝

ա․ «աշխատավարձի հաշվարկման և» բառերից հետո լրացնել «պարգևատրման, այդ թվում՝» բառերով,

բ․ լրացնել հետևյալ բովանդակությամբ նոր նախադասությամբ.

«Ընդ որում, ծրագիրը նոր ստեղծվող կառուցվածքային ստորաբաժանման կողմից իրականացվելու դեպքում, տվյալ ստորաբաժանման քաղաքացիական ծառայողները կարող են պարգևատրվել միայն ծրագրով նախատեսված օպտիմալացված միջոցներից։».

2) հավելվածի 11-րդ կետի 8-րդ ենթակետը շարադրել հետևյալ խմբագրությամբ.

«8) ծրագիրը նոր ստեղծված կառուցվածքային ստորաբաժանման (ստորաբաժանումների) կողմից իրականացվելու դեպքում՝ քաղաքացիական ծառայողների հիմնական աշխատավարձի չափը․».

3) հավելվածի 20-րդ կետում «հիմք ընդունելով 19-րդ կետով սահմանված ցուցիչները» բառերը փոխարինել «հիմք ընդունելով արդյունքային ցուցիչները, որոնց սահմանման պայմանները նկարագրված են 19-րդ կետում» բառերով.

4) հավելվածի 24-րդ կետից հանել «, իսկ պարգևատրումը կատարվում է միայն ծրագրով նախատեսված օպտիմալացված միջոցներից, և այլ աղբյուրներից պարգևատրում չի նախատեսվում, եթե այլ բան նախատեսված չէ օրենքով» բառերը.

5) հավելվածի ձևի նախաբանի վերջին պարբերությունում «վարձատրության չափը» բառերը փոխարինել «հիմնական աշխատավարձի չափը, եթե ծրագիրն իրականացվում է նոր ստեղծվող կառուցվածքային ստորաբաժանման կողմից» բառերով։

2․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

 

Հայաստանի Հանրապետության
վարչապետի պաշտոնակատար

Ն. Փաշինյան

 

Երևան


13.05.2021

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

 

Պաշտոնական հրապարակման օրը՝ 14 մայիսի 2021 թվական:

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան