ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 395-Ա

ՌԱՖԱՅԵԼ ՄԱՆՈՒՉԱՐՅԱՆԻ ԿՈՂՄԻՑ ԻՐԱԿԱՆԱՑՎՈՂ «ՆՈՐ ՎԱՐԱԳԱՎԱՆՔ ՎԱՆԱԿԱՆ ՀԱՄԱԼԻՐԻ ԱՆԱՊԱՏ ԵԿԵՂԵՑՈՒ (ՍԲ. ՆՇԱՆ) ՄԱՍՆԱԿԻ ՎԵՐԱԿԱՆԳՆՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել Ռաֆայել Մանուչարյանի (անձնագիր՝ AR 0206516) կողմից իրականացվող՝ 54,116,040 դրամ ընդհանուր արժողությամբ «Նոր Վարագավանք վանական համալիրի Անապատ եկեղեցու (Սբ. Նշան) մասնակի վերականգնում» ծրագիրը՝ համաձայն հավելվածի:

2. Սահմանել, որ Ռաֆայել Մանուչարյանի (անձնագիր՝ AR 0206516) կողմից «Մ. Լամբարյան» ՍՊԸ-ի (ՀՎՀՀ՝ 06800406) հետ 2021 թվականի ապրիլի 9-ին կնքված պայմանագրում նշված գործարքը, որով նախատեսվում է վերականգման աշխատանքների իրականացում` 54,116,040 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. Ռաֆայել Մանուչարյանին՝ մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարած աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետի պաշտոնակատար	Տ. ԱվինՅԱՆ
Երևան

13.05.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 395-Ա որոշման

«Նոր Վարագավանք վանական համալիրի Անապատ եկեղեցու (Սբ. Նշան) մասնակի վերականգնում»

ԾՐԱԳԻՐ

1.	Ծրագրի նպատակը	Տավուշի մարզի Վարագավան գյուղի Նոր Վարագավանք վանական համալիրի Անապատ եկեղեցու (Սբ. Նշան) փոքր գավիթի վերականգնում
2.	Ծրագրի բարեգործական որակման նպատակը	Օրենքով սահմանված կարգով օգտվել Հայաստանի Հանրապետության հարկերի, տուրքերի և այլ պարտադիր վճարների գծով արտոնություններից:
3.	Բարեգործը	Ռաֆայել Մանուչարյան (անձնագիր՝ AR 0206516, տրված 07.03.2017 006 կողմից, հասցե՝ Ավան 4-րդ փողոց, 14 տուն)
4.	Ծրագիրը կատարողը	Ռաֆայել Մանուչարյան (անձնագիր՝ AR 0206516, տրված 07.03.2017 006 կողմից, հասցե՝ Ավան 4-րդ փողոց, 14 տուն)
5.	Ծրագրի իրականացման վայրը և բնագավառը	Հայաստանի Հանրապետության Տավուշի մարզի Վարագավան գյուղ՝ մշակույթի բնագավառ
6.	Ծրագրի բյուջեն	54,116,040 դրամ, առանց ԱԱՀ-ի :
7.	Բարեգործություն ստացողը	Բարեգործություն ստացող է հանդիսանում Հայաստանի Հանրապետության ԿԳՄՍ նախարարություն (Անապատ եկեղեցին (Սբ. Նշան), դամբարանը և տապանատունը գտնվում են նախարարության հաշվեկշռում):
8.	Ծրագրի իրականացման տևողությունը	2021 թ. մայիսի 10 –ից մինչև 2021 թ. նոյեմբեր 30
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Անապատ եկեղեցու (Սբ. Նշան) փոքր գավիթի վերականգնման շինարարական աշխատանքների իրականացում ՝ 54,116,040 դրամ, առանց ԱԱՀ-ի, նախատեսվում է իրականացնել 2021 թ. մայիսի 10-ից մինչև 2021 թ. նոյեմբեր 30-ը:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Վերականգնման շինարարական աշխատանքների պատվիրման ընդհանուր արժեքը կկազմի 54,116,040 դրամ առանց ԱԱՀ-ի, որից՝ Աշխատանքերի արժեքը կազմում է 31,476,600 դրամ Ապրանքների արժեքը կազմում է 22,639,440 դրամ
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Ծրագիրն իրականացվելու է Հայաստանի Հանրապետության ԿԳՄՍ նախարարության հետ համագործակցությամբ:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Ծրագրի իրականացման հաշվետվությունը ներկայացվելու է ՀՀ կառավարության 2003 թ. հունվարի 16-ի N 66-ն որոշմամբ հաստատված` բարեգործական ծրագրերը բարեգործական որակելու և գրանցելու կարգով սահմանված՝ լիազոր մարմնին:

Հայաստանի Հանրապետության փոխվարչապետի պաշտոնակատար	Տ. ԱվինՅԱՆ
Երևան

        

13.05.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ