ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

16 փետրվարի 2021 թվականի N 122-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԲԱՐԵԳՈՐԾԱԿԱՆ ԾՐԱԳՐԵՐԻ ՀԱՄԱԿԱՐԳՄԱՆ ՀԱՆՁՆԱԺՈՂՈՎԻ 2017 ԹՎԱԿԱՆԻ ՕԳՈՍՏՈՍԻ 4-Ի N Մ-640-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Համաձայն «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 1-ին մասի և հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Հայաստանի Հանրապետության կառավարության բարեգործական ծրագրերի համակարգման հանձնաժողովի 2017 թվականի օգոստոսի 4-ի «Մայր Աթոռ Սուրբ Էջմիածնի կողմից իրականացվող «Մայր Աթոռ Սուրբ Էջմիածնի Մայր Տաճարի վերանորոգում» ծրագրի մասին» N Մ-640-Ա որոշման մեջ կատարել հետևյալ փոփոխությունները՝

1) որոշման 1-ի կետում «1,474,615,170 դրամ» բառերը փոխարինել «4,123,794,000 դրամ» բառերով.

2) որոշման 2-րդ կետում «1,474,615,170 դրամ» բառերը փոխարինել «1,266,733,060 դրամ» բառերով.

3) որոշմանը կից ծրագիրը շարադրել նոր խմբագրությամբ՝ համաձայն հավելվածի:

Հայաստանի Հանրապետության փոխվարչապետ	Տ. ԱվինՅԱՆ
2021 թ. փետրվարի 16 Երևան

Հավելված ՀՀ փոխվարչապետի 2021 թ. փետրվարի 16-ի N 122-Ա որոշման

ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ ՄԱՅՐ ՏԱՃԱՐԻ ՎԵՐԱՆՈՐՈԳՈՒՄ

1	Ծրագրի նպատակը	Ծրագրի նպատակն է Հայաստանյայց Առաքելական Սուրբ Եկեղեցու Մայր Տաճարի նորոգումը: Ծրագրի իրականացման ընթացքում պետք է հիմնովին վերանորոգվեն կառույցի հիմքերը, պատերը, տանիքը, գմբեթները, պետք է կատարվեն ներքին հարդարման աշխատանքներ, որմնանկարների վերականգման աշխատանքներ, տաճարի շրջակա տարածքի բարեկարգում, ծիսական պարագաների համալրում:
2.	Ծրագրի բարեգործական որակման նպատակները	Նախատեսվում է ծրագրի շրջանակներում, օրենքով սահմանված կարգով օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից:
3.	Բարեգործը	Հայկական Բարեգործական Ընդհանուր Միություն
4.	Ծրագիրը կատարողը	Հայաստանյայց Առաքելական Սուրբ Եկեղեցի, ՀՎՀՀ 04703401:
5.	Ծրագրի իրականացման վայրը և բնագավառը	Հայաստանյայց Առաքելական Սուրբ Եկեղեցի՝ Մայր Աթոռ Սուրբ Էջմիածին: Հոգևոր՝ եկեղեցաշինական:
6.	Ծրագրի բյուջեն	4.123.794.000 դրամ:
7.	Բարեգործություն ստացողը	Հայ Առաքելական Սուրբ Եկեղեցի, հավատացյալ ժողովուրդ:
8.	Ծրագրի իրականացման տևողությունը	11 հուլիս , 2017 թ. – 30 հունիսի, 2022 թ.:
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ծրագրի իրականացման ընթացքում նախատեսվում է Հայաստանյայց Առաքելական Սուրբ Եկեղեցու Մայր Տաճարի նորոգում, ամրակայում բակի բարեկարգման աշխատանքները, ծիսական պարագաների համալրում, որի ընդհանուր գումարը 4.123.794.000 դրամ: 1. Վերնաշերտային տեխնածին գրունտային ջրերից Մայր Տաճարի պաշտպանության և ամրակայման շին աշխատանքներ - 133.500.000 դրամ, որից 42.885.950. դրամը՝ «Հորիզոն 95» ՍՊԸ-ի կողմից կատարված աշխատանքներ: 2. Արտաքին պատերի նորոգման և ամրակայման շին. աշխատանքներ - 63.400.000 դրամ, որից 24.153.660 դրամը՝ «Հորիզոն 95» ՍՊԸ-ի կողմից կատարված աշխատանքներ: 3. Կենտրոնական գմբեթի նորոգման և ամրակայման շին. աշխատանքներ - 328.030.000 դրամ, որից 133.843.150 դրամը՝ «Հորիզոն 95» ՍՊԸ-ի կողմից կատարված աշխատանքներ: 4. Զանգաշտարակի նորոգման և ամրակայման շին. աշխատանքներ - 564.800.000 դրամ, որից 255.486.980 դրամը՝ «Հորիզոն 95» ՍՊԸ-ի կողմից կատարված աշխատանքներ: 5. Ներքին ամրակայման, նորոգման և հարդարման շին. աշխատանքներ - 638.266.000 դրամ, որից 271.184.570 դրամը՝ «Հորիզոն 95» ՍՊԸ-ի կողմից կատարված աշխատանքներ: 6. Ներկման աշխատանքներ - 198.232.000 դրամ, որից 81.685.550 դրամը՝ «Հորիզոն 95» ՍՊԸ-ի կողմից կատարված աշխատանքներ: 7. Ներքին էլեկտրամատակարարում - 55.462.000 դրամ, որից 27.731.000 դրամը՝ «Հորիզոն 95» ՍՊԸ-ի կողմից կատարված աշխատանքներ: 8. Արտաքին և ներքին լուսավորություն - 207.042.000 դրամ: 9. Թույլ հոսանքներ, ակուստիկ համակարգ, տեսանկարահանման համակարգ, ներքին ցանց, հեռարձակման կայանի միացում - 184.482.000 դրամ; 10. Հակակողոպուտային և հակահրդեհային համակարգ - 25.834.000 դրամ, որից 2.917. 380 դրամը՝ «Հորիզոն 95» ՍՊԸ-ի կողմից կատարված աշխատանքներ: 11. Բակի ամբողջական բարեկարգում և լանդշաֆտային աշխատանքներ - 874.720.000 դրամ, որից 259.178.900 դրամ՝ «Հորիզոն 95» ՍՊԸ-ի կողմից կատարված աշխատանքներ: 12.Արտաքին մալուխագծի անցկացման աշխատանքներ - 35.540.000 դրամ, որից 7.270.380 դրամը՝ «Հորիզոն 95» ՍՊԸ-ի կողմից կատարված աշխատանքներ: 13. Օդափոխություն, սառնամատակարարում և ջեռուցում - 269.232.000 դրամ, որից 110. 395.550 դրամը՝ «Հորիզոն 95» ՍՊԸ-ի կողմից կատարված աշխատանքներ: 14. Անկյունային սրահների, թաղերի և տանիքների նորոգում և ամրակայում - 322.784.000 դրամ: 15. Գոյություն ունեցող թանգարանի մի մասի ձևափոխումը ավանդատան - 103.908.000 դրամ: 16. Ներքին կահավորում (նստարաններ, ջահեր, պահարաններ, գրադարակներ և ծիսական պարագաներ (գրակալներ, մոմակալներ, Սուրբ Խորանի վարագույրներ, քշոցներ, բուրվառներ) - 118.562.000 դրամ: Կատարվելիք շին. աշխատանքների գումարը կազմում է 3.523.794.000 դրամ, 100 .000.000 դրամ չնախատեսված ծախսեր են, որից 50.000.000 դրամը «Հորիզոն 95» ՍՊԸ-ի հետ կնքած պայմանագրից բխող չնախատեսված ծախսերն են, իսկ 500.000.000 դրամ գումարի չափով նախատեսվում է նյութերի և սարքավորումների ներմուծում:
10.	Ձեռք բերվող ապրանքների, ծառայությունների համառոտ նկարագիրը, ծավալները, նախատեսվող գինը	Նախատեսվում է Հայաստանյայց Առաքելական Սուրբ Եկեղեցու Մայր Տաճարի նորոգում, ամրակայում, ներքին հարդարում, բակի բարեկարգում, որի ընդհանուր գումարը 4.123.794.000 դրամ: Կատարվելիք շին. աշխատանքների գումարը կազմում է 3.523.794.000 դրամ, 100. 000.000 դրամ չնախատեսված ծախսերն են, որից 50.000.000 դրամը «Հորիզոն 95» ՍՊԸ-ի հետ կնքած պայմանագրից բխող չնախատեսված ծախսերն են, իսկ 500.000.000 դրամ գումարի չափով նախատեսվում է նյութերի և սարքավորումների ներմուծում:
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր նախատեսված չեն
12.	Համագործակցությունը պետական կառավարման, տեղական ինքնակառա-վարման մարմինների և այլ կազմակերպությունների հետ	չի նախատեսվում
13.	Ծրագրի արդյունավետության նկատմամբ վերահսկողության մեխանիզմների նկարագրություն	Նախատեսվում է տեխնիկական հսկողություն Հայաստանյայց Առաքելական Սուրբ Եկեղեցու ֆինանսական բաժնի հետ, ինչպես նաև ՀՀ Բարեգործական ծրագրերի համակարգման խորհրդակցական հանձնաժողովի կողմից: Ծրագրի ավարտից հետո կտրվի ամփոփ տեղեկություն:

Հայաստանի Հանրապետության փոխվարչապետ

Տ. ԱվինՅԱՆ