Գլխավոր տեղեկություն

Համար

N 565-Ա

Տիպ

Որոշում

Ակտի տիպ

Ինկորպորացիա (01.12.2020-31.03.2021)

Կարգավիճակ

Գործում է

Սկզբնաղբյուր

ԽՍՀՄԳՍՏ 1988/31(2469)

Ընդունող մարմին

ՀՀ փոխնախագահ, վարչապետ ՀՀ նախարարների խորհրդի գործերի կառավարչի պաշտոնակատար

Ընդունման ամսաթիվ

03.09.2019

Ստորագրող մարմին

ՀՀ փոխնախագահ, վարչապետ ՀՀ նախարարների խորհրդի գործերի կառավարչի պաշտոնակատար

Ստորագրման ամսաթիվ

03.09.2019

Ուժի մեջ մտնելու ամսաթիվ

04.09.2019

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

3 սեպտեմբերի 2019 թվականի N 565-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ 2019 ԹՎԱԿԱՆԻ ՀՈՒՆԻՍԻ 11-Ի N 379-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ՆՈՒՅՆ ՈՐՈՇՄԱՄԲ ՀԱՍՏԱՏՎԱԾ ԾՐԱԳՐԻՆ ՀԱՐԱԿԻՑ ԳՈՐԾԱՐՔՆԵՐԻ ՄԱՍԻՆ

Համաձայն «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 1-ին մասի և հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 3-րդ կետը՝

1. Հայաստանի Հանրապետության փոխվարչապետի 2019 թվականի հունիսի 11-ի «Հովարդ Կարագյոզյան» բժշկական բարեգործական հասարակական կազմակերպության կողմից իրականացվող «Գյումրիում նոր, ժամանակակից բժշկական հաստատության կառուցում» ծրագրի մասին» N 379-Ա որոշման 2-րդ կետում «և հեղինակային հսկողության աշխատանքների իրականացում՝ 9,000,000 դրամի» բառերը փոխարինել «, հեղինակային հսկողության և վերանախագծման աշխատանքների իրականացում՝ 11,000,000 դրամի» բառերով:

2. Սահմանել, որ «Հովարդ Կարագյոզյան» բժշկական բարեգործական հասարակական կազմակերպության (ՀՎՀՀ` 01533153) կողմից կնքված` ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված որոշմամբ հաստատված ծրագրի իրականացման հետ և դրա համար ունեն զգալի նշանակություն`

1) «ԱԼԳԱՐԵ» ՍՊԸ-ի հետ (ՀՎՀՀ` 05521865) 2019 թվականի հուլիսի 8-ին կնքված N 035/15 պայմանագրում նշված գործարքը, որով նախատեսվում է ՀՀ Շիրակի մարզ, ք. Գյումրի, Շիրակացու փողոց 181/4 ու 181-6 հասցեներում գտնվող հողատարածքների և վերջիններիս միջև գտնվող հողակտորի վրա նոր եռահարկ շինության կառուցման աշխատանքների իրականացում` 253,634,200 դրամի չափով` առանց ավելացված արժեքի հարկի.

2) «Արարատցեմենտ» ՓԲԸ-ի հետ (ՀՎՀՀ` 04000255) 2019 թվականի հուլիսի 29-ին կնքված N 38-Լ պայմանագրում նշված գործարքը, որով նախատեսվում է պորտլանդ-ցեմենտի ձեռքբերում` 8,983,333.33 դրամի չափով` առանց ավելացված արժեքի հարկի.

3) «Հայաստանի էլեկտրական ցանցեր» ՓԲԸ-ի հետ (ՀՎՀՀ` 01520882) 2019 թվականի հունիսի 14-ին կնքված N 0853349 պայմանագրում նշված գործարքը, որով նախատեսվում է ոչ կենցաղային նշանակության սպառման համակարգի միացում էլեկտրական ցանցին` 481,666.60 դրամի չափով` առանց ավելացված արժեքի հարկի:

(2-րդ կետը փոփ. 30.11.20 N 703-Ա)

Հայաստանի Հանրապետության
փոխվարչապետ
Տ. ԱվինՅԱՆ

2019 թ. սեպտեմբերի 3

Երևան