ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 հունիսի 2020 թվականի N 944-Ա

«ՀԻՎԱՆԴՈՒԹՅՈՒՆՆԵՐԻ ԿԱՆԽԱՐԳԵԼՈՒՄ ԵՎ ՎԵՐԱՀՍԿՈՒՄ» ՖԻՆԱՆՍԱՎՈՐՄԱՆ ԹԻՎ 5222-ԱՄ ՀԱՄԱՁԱՅՆԱԳՐԻ ՇՐՋԱՆԱԿՆԵՐՈՒՄ ՁԵՌՔ ԲԵՐՎԱԾ ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՆՁՆԵԼՈՒ ՄԱՍԻՆ

Հիմք ընդունելով «Պետական ոչ առևտրային կազմակերպությունների մասին» Հայաստանի Հանրապետության օրենքի 4-րդ հոդվածը, ինչպես նաև Հայաստանի Հանրապետության և Միջազգային զարգացման ընկերակցության միջև 2013 թվականի մայիսի 17-ին ստորագրված «Հիվանդությունների կանխարգելում և վերահսկում» ֆինանսավորման թիվ 5222-ԱՄ համաձայնագրի (այսուհետ` վարկային համաձայնագիր) շրջանակներում ձեռք բերված ավտոտրանսպորտային միջոցների հանձնում-ընդունումն ապահովելու նպատակով Հայաստանի Հանրապետության կառավարությունը որոշում է.

1. Վարկային համաձայնագրի շրջանակներում կորոնավիրուսային հիվանդությանը (COVID-19) արդյունավետ դիմակայելու նպատակով ձեռք բերված ավտոտրանսպորտային միջոցները սեփականության իրավունքով հանձնել Հայաստանի Հանրապետության առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպությանը՝ համաձայն հավելվածի:

2. Հայաստանի Հանրապետության առողջապահության նախարարին` սույն որոշումն ուժի մեջ մտնելուց հետո երկշաբաթյա ժամկետում ապահովել սույն որոշմամբ սահմանված ավտոտրանսպորտային միջոցների հանձնման-ընդունման աշխատանքների կատարումը:

3. Սահմանել, որ ավտոտրանսպորտային միջոցների ձևակերպման ծախսերն իրականացվելու են Հայաստանի Հանրապետության առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպության միջոցների հաշվին:

Հայաստանի Հանրապետության վարչապետ	Ն. Փաշինյան
2020 թ. հունիսի 12 Երևան

Հավելված ՀՀ կառավարության 2020 թվականի հունիսի 11-ի N 944-Ա որոշման

NN ը/կ	Ապրանքի անվանումը	Մակնիշը և համառոտ բնութագիրը	Քանակը	Նույնականացման համարը	Սկզբնական արժեքը(դրամ)	Ձեռքբերման տարեթիվը
1.	Շեվրոլե Նիվա, ամենագնաց ավտոմեքենա	L տեսակի	2	X9L212300K0681418	5,550,000	2020 թ․
				X9L212300K0681515	5,550,000	2020 թ․
2.	Ուազ Պատրիոտ ամենագնաց ավտոմեքենա	3163-185 դասական	4	XTT316300K1010098	6,550,000	2020 թ․
				XTT316300K1012135	6,550,000	2020 թ․
				XTT316300K1014308	6,550,000	2020 թ․
				XTT316300K1000476	6,550,000	2020 թ․
3.	Շտապ օգնության ավտոմեքենա	Ֆորդ տրանզիտ, 310 L2H2 2020 MY, մոդել՝ 22270A	5	X2FXXXESGXKM43234	23,550,000	2020 թ․
				X2FXXXESGXKP43358	23,550,000	2020 թ․
				X2FXXXESGXKU41046	23,550,000	2020 թ․
				X2FXXXESGXKU40498	23,550,000	2020 թ․
				X2FXXXESGXKM42875	23,550,000	2020 թ․

Հայաստանի Հանրապետության վարչապետի աշխատակազմի ղեկավար

Է. Աղաջանյան