ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

30 սեպտեմբերի 2020 թվականի N 567-Ա

ՀԱՅԿԱԿԱՆ ԿԱՐՄԻՐ ԽԱՉԻ ԸՆԿԵՐՈՒԹՅԱՆ ՀԱՍՑԵՈՎ ՍՏԱՑՎԱԾ ԲԵՌԻ ՆԵՐՄՈՒԾՄԱՆ ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել Շվեյցարական կարմիր խաչի կողմից` որպես աջակցություն սոցիալապես խոցելի հաշմանդամություն ունեցող անձանց անհատույց հանձնելու նպատակով, Հայկական կարմիր խաչի ընկերության հասցեով ուղարկված քայլակների և անվասայլակների (124 հատ, 2,460 կգ ընդհանուր քաշով, 9,975 եվրոյին համարժեք դրամ արժողությամբ, ներառյալ 5,650 եվրո փոխադրման արժեքը, Արարատյան մաքսատուն-վարչություն) ներմուծման և բաշխման ծրագիրը:

(1-ին կետը փոփ. 13.10.20 N 630-Ա) 

2. Հայկական կարմիր խաչի ընկերությանը` նշված բեռի համապատասխան ձևակերպումները և բաշխումը ավարտելուց հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25‑րդ կետով սահմանված կարգով ներկայացնել ամփոփ տեղեկատվություն:

Հայաստանի Հանրապետության փոխվարչապետ	Տ. Ավինյան
2020 թ. սեպտեմբերի 30 Երևան