ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ  

8 օգոստոսի 2019 թվականի N 1031-Ա

«ՀԱՅԱԷՐՈՆԱՎԻԳԱՑԻԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼԸ ՆՎԱԶԵՑՆԵԼՈՒ ԵՎ ԳՈՒՅՔ ԱՄՐԱՑՆԵԼՈՒ ՄԱՍԻՆ

Հիմք ընդունելով «Բաժնետիրական ընկերությունների մասին» Հայաստանի Հանրապետության օրենքի 36-րդ հոդվածի 1-ին մասի «բ» կետը և 68-րդ հոդվածի 7-րդ մասը, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ մասը՝ Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության տարածքային կառավարման և ենթակառուցվածքների նախարարության քաղաքացիական ավիացիայի կոմիտեի ենթակայության «Հայաէրոնավիգացիա» փակ բաժնետիրական ընկերությանը (այսուհետ՝ ընկերություն) սեփականության իրավունքով իրեն պատկանող` սույն որոշման N 2 հավելվածում նշված գույքով վճարել ընկերության կողմից տեղաբաշխված՝ պետությանը պատկանող համապատասխան թվով բաժնետոմսերի՝ Հայաստանի Հանրապետության օրենսդրությամբ սահմանված կարգով ձեռքբերման դիմաց:

(1-ին կետը փոփ. 20.08.20 N 1386-Ա)

2. Ընկերության կողմից ձեռք բերված բաժնետոմսերի մարման միջոցով՝ Հայաստանի Հանրապետության օրենսդրությամբ սահմանված կարգով համապատասխան չափով նվազեցնել ընկերության կանոնադրական կապիտալը:

3. Հայաստանի Հանրապետության տարածքային կառավարման և ենթակառուցվածքների նախարարության քաղաքացիական ավիացիայի կոմիտեի նախագահին՝ երկամսյա ժամկետում Հայաստանի Հանրապետության օրենսդրությամբ սահմանված կարգով ապահովել ընկերության կանոնադրական կապիտալի համապատասխան չափով փոփոխության պետական գրանցումը` առաջացող ծախսերն իրականացնելով ընկերության միջոցների հաշվին:

4. Հայաստանի Հանրապետության կողմից ձեռք բերված՝ N 2 հավելվածում նշված գույքն ամրացնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին:

(4-րդ կետը փոփ. 20.08.20 N 1386-Ա) 

5. Սույն որոշման 1-ին կետի համաձայն՝ գույքի ամրացման ժամանակ հաշվարկվող ավելացված արժեքի հարկը և շահութահարկը վճարել «Հայաստանի Հանրապետության 2019 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 3-րդ մասի «բ» կետով սահմանված կարգով:

6. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին և Հայաստանի Հանրապետության տարածքային կառավարման և ենթակառուցվածքների նախարարության քաղաքացիական ավիացիայի կոմիտեի նախագահին՝ եռամսյա ժամկետում Հայաստանի Հանրապետության օրենսդրությամբ սահմանված կարգով ապահովել սույն որոշման հավելվածներում նշված անշարժ գույքերի հանձնման-ընդունման աշխատանքների իրականացումը:

(6-րդ կետը փոփ. 20.08.20 N 1386-Ա)

 7. Սահմանել, որ սույն որոշման 4-րդ և 6-րդ կետերում նշված գործարքներից բխող գույքային իրավունքների պետական գրանցման հետ կապված ծախսերը կիրականացվեն Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի միջոցների հաշվին:

(7-րդ կետը փոփ. 20.08.20 N 1386-Ա)

Հայաստանի Հանրապետության վարչապետ	Ն. Փաշինյան
2019 թ. օգոստոսի 16 Երևան

Հավելված N 1 ՀՀ կառավարության 2019 թվականի օգոստոսի 8-ի N 1031-Ա որոշման

Ց Ա Ն Կ

Հայաստանի Հանրապետությանը պատկանող ընկերության կողմից տեղաբաշխված բաժնետոմսերի ձեռքբերման դիմաց վճարվող՝ «Հայաէրոնավիգացիա» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ սեփականության իրավունքով պատկանող անշարժ գույքի

առ 01.04.2019 թ. 

(հավելվածն ուժը կորցրել է 20.08.20 N 1386-Ա)           

Հավելված N 2 ՀՀ կառավարության 2019 թվականի օգոստոսի 8-ի N 1031-Ա որոշման

Ց Ա Ն Կ

Հայաստանի Հանրապետությանը պատկանող ընկերության կողմից տեղաբաշխված բաժնետոմսերի ձեռքբերման դիմաց վճարվող՝ «Հայաէրոնավիգացիա» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ սեփականության իրավունքով պատկանող անշարժ գույքի

առ 01.04.2019 թ.

NN ը/կ	Անշարժ գույքի գտնվելու վայրը	Անշարժ գույքի վկայականի համարը	Անշարժ գույքի անվանումը	Անշարժ գույքի տեսակը	Շենք-շինություն-ների ընդհանուր մակերեսը (քառ. մ)	Հարկայ-նությունը	Հողա-մասի չափը (հա)	Անշարժ գույքի սկզբնա-կան արժեքը	Անշարժ գույքի կուտակ-ված մաշվա-ծությունը	Անշարժ գույքի հաշվեկշռային արժեքը (մնացորդային արժեքը)
1.	ք. Երևան, Մալաթիա-Սեբաստիայի համայնք	0101717	ՄԱՌՓ 265	շենք	32.7	1		1,004,197	552,309	451,888
2.	ՀՀ Արագածոտնի մարզ, ք. Աշտարակ	2723119	ԱԱՌԿ «Աշտարակ» օբյեկտ	հողամաս			0.13164	10,104,094		10,104,094
3.	ՀՀ Արագա-ծոտնի մարզ, ք. Թալին	1611716	ԱԱՌԿ «Թալին» վարչական շենք ԱԱՌԿ «Թալին» վարչական շենք	հողամաս			0.7833	68,051,980		68,051,980
				շենք	125.5	1		7,098,834	1,246,072	5,852,762
4.	ՀՀ Սյունիքի մարզ, ք. Սիսիան	1959361	Ռադիոկայան Ռադիոկայան	հողամաս			0.3820	2,016,960		2,016,960
				շենք	67.68	1		3,184,930	938,417	2,246,513
5.	ՀՀ Արմա-վիրի մարզ, գ. Ոսկեհատ	1388773	Կառավարման կայան («ՀԱՌՓ 85») Կառավարման կայան («ՀԱՌՓ 85»)	հողամաս			0.6464	26,456,142		26,456,142
				շենք	213.1	1		17,835,583	10,081,288	7,754,295
Ընդամենը										122․934․634

(հավելվածը լրաց., փոփ. 20.08.20 N 1386-Ա)

Հայաստանի Հանրապետության վարչապետի աշխատակազմի ղեկավարի տեղակալ

Ծ. Սողոմոնյան