ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 օգոստոսի 2020 թվականի N 1437-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ԱՊՐԻԼԻ 30-Ի N 718-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԱՊՐԻԼԻ 4-Ի N 349-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 34-րդ հոդվածը՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2020 թվականի ապրիլի 30-ի «Հայաստանի Հանրապետության առողջապահական և աշխատանքի տեսչական մարմնի կողմից իրականացվող ռիսկի վրա հիմնված ստուգումների ստուգաթերթերը հաստատելու մասին» N 718-Ն որոշման մեջ կատարել հետևյալ լրացումները՝

1) որոշման N 1 հավելվածը լրացնել սանիտարահիգիենիկ և հակահամաճարակային բնագավառի վերահսկողության ստուգաթերթերով՝ համաձայն N 1 հավելվածի.

2) որոշման N 2 հավելվածը լրացնել դեղերի շրջանառության և դեղագործական գործունեության բնագավառի ստուգաթերթով՝ համաձայն N 2 հավելվածի.

3) որոշման N 3 հավելվածը լրացնել բժշկական օգնության և սպասարկման բնագավառի վերահսկողության ստուգաթերթերով՝ համաձայն N 3 հավելվածի։

2. Ուժը կորցրած ճանաչել Հայաստանի Հանրապետության կառավարության 2013 թվականի ապրիլի 4-ի «Հայաստանի Հանրապետության առողջապահության նախարարության աշխատակազմի առողջապահական պետական տեսչության կողմից անցկացվող` ռիսկի վրա հիմնված ստուգումների ստուգաթերթերը հաստատելու մասին» N 349-Ն որոշումը:

Հայաստանի Հանրապետության վարչապետ	Ն. Փաշինյան
2020 թ. օգոստոսի 28 Երևան

Հավելված N 1 ՀՀ կառավարության 2020 թվականի օգոստոսի 27-ի N 1437-Ն որոշման»:

Հավելված N 2 ՀՀ կառավարության 2020 թվականի օգոստոսի 27-ի N 1437-Ն որոշման»:

Հավելված N 3 ՀՀ կառավարության 2020 թվականի օգոստոսի 27-ի N 1437-Ն որոշման»:

Պաշտոնական հրապարակման օրը՝ 1 սեպտեմբերի 2020 թվական: