ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

12 հունիսի 2020 թվականի N 697-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2018 ԹՎԱԿԱՆԻ ՀՈՒՆԻՍԻ 27-Ի N 840-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածը՝

1. Հայաստանի Հանրապետության վարչապետի 2018 թվականի հունիսի 27-ի «Հայաստանի ազգային ագրարային համալսարան» հիմնադրամի հոգաբարձուների խորհրդի կազմը հաստատելու մասին» N 840-Ա որոշման հավելվածում կատարել հետևյալ փոփոխությունները՝

1) «Հիմնադրի անունից առաջադրված խորհրդի անդամներ» բաժինը շարադրել նոր խմբագրությամբ՝ համաձայն հավելվածի.

2) «Պրոֆեսորադասախոսական կազմից ընտրված խորհրդի անդամներ» բաժնում «Ջ. Գևորգյան - «Հայաստանի ազգային ագրարային համալսարան» հիմնադրամի հաշվապահական հաշվառման և աուդիտի ամբիոնի վարիչ» բառերը փոխարինել «Ա. Բաղդասարյան - «Հայաստանի ազգային ագրարային համալսարան» հիմնադրամի Ֆինանսահաշվային ամբիոնի դոցենտ» բառերով:

Հայաստանի Հանրապետության վարչապետ	Ն. Փաշինյան
2020 թ. հունիսի 12 Երևան

Հավելված ՀՀ վարչապետի 2020 թ. հունիսի 12-ի N 697-Ա որոշման

«Հավելված ՀՀ վարչապետի 2018 թվականի hունիսի 27-ի N 840-Ա որոշման

Հիմնադրի անունից առաջադրված խորհրդի անդամներ

Ս. Խանդանյան	- ՀՀ Ազգային ժողովի պատգամավոր (համաձայնությամբ)
Տ. Գաբրիելյան	- ՀՀ էկոնոմիկայի նախարարի տեղակալ
Ի. Ղափլանյան	- ՀՀ շրջակա միջավայրի նախարարի տեղակալ
Գ. Սարգսյան	- ՀՀ Արարատի մարզպետ
Գ. Մամիկոնյան	- ՀՀ կրթության, գիտության, մշակույթի և սպորտի նախարարի խորհրդական
Ա. Գիլոյան	- ՀՀ տարածքային կառավարման և ենթակառուցվածքների նախարարության տեղական ինքնակառավարման քաղաքականության վարչության պետ
Լ. Գրիգորյան	- ՀՀ կրթության, գիտության, մշակույթի և սպորտի նախարարության բարձրագույն և հետբուհական մասնագիտական կրթության վարչության պետի տեղակալ»:

Հայաստանի Հանրապետության վարչապետի աշխատակազմի ղեկավար

Է. Աղաջանյան