1.

Ծրագրի նպատակը

«Խաչմերուկ» կրթական խորհրդատվական կենտրոն հիմնադրամի ծրագիրը նպատակ ունի նպաստել Շիրակի մարզի և Գյումրի քաղաքի առավել խոցելի ընտանիքների գործազուրկ կանանց և տղամարդկանց հնարավորությունների և ներուժի զարգացմանը՝ մասնագիտական և արհեստագործական դասընթացների անցկացման և զբաղվածության ապահովման միջոցով:

Հիմնադրամի սոցիալական և կրթական ծրագիրը համայնքի զարգացման և հզորացման հիմնական միջոցն է, որի իրականացման հիմնասկզբունք է ընդունված այն դրույթը, թե այն կարող է նպաստել ոչ միայն գիտելիքների կամ մասնագիտական կարողությունների ավելացմանը, այլև անհատի սոցիալական կերպարի փոփոխությանը, զբաղվածության ապահովմանը և ուստի գործազրկության նվազմանը Շիրակի մարզում:

2.

Ծրագրի բարեգործական որակման նպատակը

Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից

3.

Բարեգործը

Իտալիայի Rete Radié Resch միջազգային համերաշխության ասոցիացիա

(էլ. Հասցե՝ rrresch.noto@yahoo.it, կայք՝ http://www.reterr.it)

4.

Ծրագիրը կատարողը

«Խաչմերուկ» կրթական խորհրդատվական կենտրոն հիմնադրամ Հասցե` Հայաստանի Հանրապետություն, ք. Գյումրի, 3104, Ռիժկովի 6

ՀՎՀՀ` 05547619

5.

Ծրագրի իրականացման վայրը և բնագավառը

Իրականացման վայրը՝ Շիրակի մարզ, բնագավառը՝ սոցիալական

6.

Ծրագրի բյուջեն

Ծրագրի բյուջե՝ 5,879,950 դրամ

7.

Բարեգործություն ստացողը

Շիրակի մարզի և Գյումրի քաղաքի առավել խոցելի ընտանիքների 45 գործազուրկ կին և տղամարդ: Մասնակիցների ընտրությունը կատարվելու է Գյումրու տարածքային զբաղվածության կենտրոնի և այլ համագործակից կառույցների կողմից շահառուների ուղղորդման ու հայտարարությունների միջոցով «Խաչմերուկե կրթական խորհրդատվական կենտրոն հիմնադրամ այցելուների ընդունման և արդյունքում հիմնադրամի սոցիալական աշխատողների հետազոտական և ընթացիկ տունայցերի կատարման միջոցով: Մասնակիցների ընտրությունը կատարվելու է նաև՝ հաշվի առնելով իրենց հետաքրքրվածությունը, համապատասխան մասնագիտական ոլորտում հետագայում աշխատելու ցանկությունը և առկա նախնական գիտելիքները:

Բարեգործություն ստացող են հանդիսանում նաև նախակրթարանի և ցերեկային խնամքի կենտրոնների 3-6 տարեկան և 10-15 տարեկան 75 սան, ովքեր օրական 1-2 անգամ սնվում են «Խաչմերուկ» կրթական խորհրդատվական կենտրոն հիմնադրամում:

8.

Ծրագրի իրականացման տևողությունը

2020 թվականի մարտի 23-ից մինչև դեկտեմբերի 31-ը

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

1. Սարքավորումների ձեռքբերում, Երևանից Գյումրի տեղափոխում և մոնտաժում՝ 2,475,950 դրամ (ապրիլ-հունիս)

2. Մասնագիտական ուսուցումների անցկացում՝ 3,404,000 դրամ (հունիս-նոյեմբեր), որից 644,000 դրամ դասընթացավարների աշխատավարձ:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Խոհարարական սարքավորման ձեռքբերում, Երևանից Գյումրի տեղափոխում և մոնտաժում՝ ՝ 2,475,950 դրամ (ապրիլ-հունիս)

2. «Խոհարարություն», «Թխվածքների պատրաստում և ձևավորում», մասնագիտական ուսուցումների անցկացում՝ 2,723,200 դրամ (հունիս-նոյեմբեր)

Դասընթացավարների աշխատավարձ՝ 644,000 դրամ

Հումքի ձեռքբերում՝ 1,320,000 դրամ

Կոմունալ ծախսեր՝450,000 դրամ

Տրանսպորտային ծախսեր՝ 219,200 դրամ

Ուսուցումների մասնակիցների սուրճի ընդմիջման կազմակերպում՝ 90,000 դրամ

Գործարքի շրջանակներում ակնկալվում է ավելացված արժեքի հարկի, տուրքերի և այլ պարտադիր վճարների վճարումից ազատում:

11.

Ծրագրի իրականացման հետ կապված կազմակերպական ծախսերը

Ադմինիստրատիվ ծախսեր՝ 680,800 դրամ

Ծրագրի ղեկավարի աշխատավարձ՝ 342,000 դրամ

Հաշվապահի աշխատավարձ՝ 270,000 դրամ

Նյութատեխնիկական ապահովում՝ 68,800 դրամ

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Նախատեսվում է համագործակցել՝

Գյումրու քաղաքապետարանի և Շիրակի մարզպետարանի հետ և շահառուներին աջակցության դեպքում ուղղորդել այնտեղ:

Գյումրու տարածքային զբաղվածության կենտրոնի հետ, ընդունել սոցիալապես խոցելի ընտանիքներին որպես ծրագրի շահառուներ և վերապատրաստված մասնագետներին ուղղորդել այնտեղ, միջնորդել թափուր աշխատատեղերի առկայության դեպքում:

Գերմանիայի ժողովրդական բարձրագույն դպրոցների միության միջազգային համագործակցության ինստիտուտի հայաստանյան մասնաճյուղի հետ և համատեղ կազմակերպել մասնագիտական ուսուցումներ

Հրուշակեղենի գործարանների, սրճարանների, ռեստորանների, գեղեցկության սրահների հետ՝ վերապատրաստված մասնակիցներին աշխատանքի տեղավորման հարցում աջակցելու համար:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Ծրագրի արդյունավետության նկատմամբ վերահսկողությունն իրականացվում է՝

«Խաչմերուկ» կրթական խորհրդատվական կենտրոն հիմնադրամի տնօրենը, ծրագրային գործունեության պատասխանատուն, սոցիալական աշխատողները, հոգեբանը և դասընթացավարները՝ զրույցների, գիտելիքների ստուգման թեստերի, դասընթացների որակի վերաբերյալ գնահատման թերթիկների միջոցով,

Իտալիայի Rete Radié Resch միջազգային համերաշխության ասոցիացիա՝ այցերի և հաշվետվությունների, ինչպես նաև լուսանկարների տեսքով,

Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ: