ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է Ազգային ժողովի կողմից
10 մարտի 1999 թ.
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՎԵՐԱՀՍԿԻՉ ՊԱԼԱՏԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
ՀՈԴՎԱԾ 1.
«Հայաստանի Հանրապետության Ազգային ժողովի վերահսկիչ պալատի մասին» Հայաստանի Հանրապետության օրենքի 1 հոդվածում «աուդիտ (ուսումնասիրություններ և վերլուծություններ)» բառերը փոխարինել «վերահսկողություն» բառով:
ՀՈԴՎԱԾ 2.
Օրենքի 4 հոդվածից հանել «գործադիր իշխանության մարմիններից» բառերը, և հոդվածը լրացնել հետևյալ բովանդակությամբ երկրորդ մասով`«Օրենքով արգելված միջոցներով Վերահսկիչ պալատի աշխատակցի նկատմամբ ներգործության, ինչպես նաև Վերահսկիչ պալատի գործունեությունը խոչընդոտող ցանկացած դրսևորում առաջացնում է օրենքով նախատեսված պատասխանատվություն:»:
ՀՈԴՎԱԾ 3.
Օրենքի 5 հոդվածում`ա) առաջին պարբերությունում «աուդիտ» բառը փոխարինել «վերահսկողություն» բառով.
բ) ավելացնել հետևյալ բովանդակությամբ «զ» կետ`
«զ) Հայաստանի Հանրապետության պետական բյուջեի և Հայաստանի Հանրապետության պետական պարտքի մասով` Հայաստանի Հանրապետության կենտրոնական բանկի գործունեության, մյուս բանկերի համապատասխան փաստաթղթերի նկատմամբ:»:
ՀՈԴՎԱԾ 4.
Օրենքի 6 հոդվածում`ա) վերնագրի «Աուդիտի» բառը փոխարինել «Վերահսկողության» բառով.
բ) առաջին մասը շարադրել հետևյալ խմբագրությամբ`
«Վերահսկիչ պալատը վերահսկողությունն իրականացնում է ուսումնասիրությունների և օրենքով սահմանված այլ ձևերով:».
գ) երկրորդ մասի առաջին պարբերությունը շարադրել հետևյալ խմբագրությամբ`
«Վերահսկողությունն ընդգրկում է`».
դ) երկրորդ մասից հանել «ա» կետը, և այդ կապակցությամբ «բ» և «գ» կետերը համապատասխանաբար համարել «ա» և «բ» կետեր.
ե) երրորդ մասում «Վերահսկիչ պալատի ուսումնասիրությունները» բառերը փոխարինել «Վերահսկողության արդյունքները» բառերով:
ՀՈԴՎԱԾ 5.
Օրենքի 7 հոդվածում`ա) վերնագրի «Աուդիտի» բառը փոխարինել «Վերահսկողության» բառով.
բ) առաջին մասը «պարտավոր են» բառերից հետո լրացնել «ոչ ուշ, քան մեկամսյա ժամկետում» բառերով.
գ) երկրորդ մասը «կեղծ» բառից հետո լրացնել «կամ ուշացումով» բառերով.
դ) ավելացնել հետևյալ բովանդակությամբ երրորդ մաս`
«Վերահսկողության արդյունքներին ծանոթանալուց հետո, դրանց առնչվող պետական և տեղական ինքնակառավարման մարմինների, կազմակերպությունների, ձեռնարկությունների և հիմնարկների ղեկավարները մեկամսյա ժամկետում Ազգային ժողով և Վերահսկիչ պալատ պաշտոնական տեղեկատվություն են ներկայացնում` բացահայտված խախտումները վերացնելու, պետությանը հասցված վնասը փոխհատուցելու և պաշտոնատար անձանց պատասխանատվության ենթարկելու ուղղությամբ ձեռնարկված միջոցառումների վերաբերյալ:»:
ՀՈԴՎԱԾ 6.
Օրենքի 8 հոդվածի երրորդ մասում «աուդիտի» բառը փոխարինել «վերահսկողության» բառով, իսկ «կատարված ուսումնասիրությունների» բառերը` «վերահսկողության» բառով:
ՀՈԴՎԱԾ 7.
Օրենքի 9 հոդվածում`ա) առաջին մասը լրացնել` «վեց տարի ժամկետով» ամփոփիչ բառերով.
բ) երկրորդ մասից հանել «և Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի դրական եզրակացության առկայության դեպքում» բառերը:
ՀՈԴՎԱԾ 8.
Օրենքի 10 հոդվածի «դ» կետը լրացնել «և եզրակացությունները» ամփոփիչ բառերով:
ՀՈԴՎԱԾ 9.
Օրենքի 11 հոդվածի առաջին մասը հանել, և այդ կապակցությամբ երկրորդ-վեցերորդ մասերը համապատասխանաբար համարել առաջին-հինգերորդ մասեր:
ՀՈԴՎԱԾ 10.
Օրենքի 12 հոդվածի երկրորդ մասից հանել «ֆինանսավարկային, բյուջետային և տնտեսական հարցերի մշտական հանձնաժողովին` Ազգային ժողովի հաստատմանը ներկայացնելու համար» բառերը, և դրանց նախորդող «ժողովի» բառը փոխարինել «ժողով» բառով:
ՀՈԴՎԱԾ 11.
Օրենքի 14 հոդվածում`ա) առաջին մասը շարադրել հետևյալ խմբագրությամբ`
«Վերահսկիչ պալատի տարեկան ծրագիրը Ազգային ժողով է ներկայացվում բյուջետային տարին սկսվելուց առնվազն մեկ ամիս առաջ:».
բ) երկրորդ մասում «կատարվելիք ուսումնասիրությունների» բառերը փոխարինել «վերահսկողության» բառով:
ՀՈԴՎԱԾ 12.
Օրենքի 15 հոդվածի երրորդ մասը հանել, և այդ կապակցությամբ չորրորդ մասը համարել երրորդ մաս:
ՀՈԴՎԱԾ 13.
Օրենքի 16 հոդվածը լրացնել հետևյալ բովանդակությամբ երկրորդ մասով`«Կիսամյակային տեղեկանքները կազմվում են կառավարության եռամսյակային տեղեկատվության հիման վրա: Կառավարությունը յուրաքանչյուր եռամսյակի ավարտից հետո` 40 օրվա ընթացքում, տեղեկատվություն է ներկայացնում Վերահսկիչ պալատ` Հայաստանի Հանրապետության պետական բյուջեի կատարման, այլ պետություններից և միջազգային կազմակերպություններից ստացված փոխառությունների և վարկերի օգտագործման, սեփականաշնորհման և ապապետականացման ծրագրերի կատարման և դրանց ընթացքի հսկողության վերաբերյալ:»:
Այդ կապակցությամբ հոդվածի երկրորդ մասը համարել երրորդ մաս:
ՀՈԴՎԱԾ 14.
Օրենքի 17 հոդվածում «Ուսումնասիրություններ կատարելիս» բառերը փոխարինել «Վերահսկողության ընթացքում» բառերով:
ՀՈԴՎԱԾ 15.
Օրենքի 19 հոդվածում`ա) առաջին մասը շարադրել հետևյալ խմբագրությամբ`
«Վերահսկիչ պալատի գործունեության ֆինանսավորումը կատարվում է առանձին նախահաշվով:».
բ) հանել երրորդ մասը:
ՀՈԴՎԱԾ 16.
Օրենքի 20 հոդվածում`ա) վերնագրում և տեքստում «ուսումնասիրություն կատարելու» բառերը փոխարինել «վերահսկողություն իրականացնելու» բառերով.
բ) «ուսումնասիրության հիմքը» բառերը փոխարինել «վերահսկողության» բառով:
ՀՈԴՎԱԾ 17.
Օրենքի 21 հոդվածը շարադրել հետևյալ խմբագրությամբ`
| «ՀՈԴՎԱԾ 21. | Վերահսկողություն իրականացնող Վերահսկիչ պալատի աշխատակցի իրավունքները |
Վերահսկողություն իրականացնող Վերահսկիչ պալատի աշխատակիցն իրավունք ունի պահանջել փաստաթղթեր, տվյալներ, պարզաբանումներ և այլ տեղեկանքներ, որոնք անմիջականորեն առնչվում են վերահսկողության նպատակներին: Անհրաժեշտության դեպքում սահմանված կարգով վերահսկողությանը կարող են ներգրավվել վերահսկվող մարմնի մասնագետները:»:
ՀՈԴՎԱԾ 18.
Օրենքի 22 հոդվածը շարադրել հետևյալ խմբագրությամբ`
| «ՀՈԴՎԱԾ 22. | Վերահսկողություն իրականացնող Վերահսկիչ պալատի աշխատակցի պարտականությունները |
Վերահսկիչ պալատի աշխատակիցը վերահսկողության ընթացքում պարտավոր է`
ա) վերահսկվող մարմնի ղեկավարին ներկայացնել վերահսկողություն իրականացնելու մասին հրամանը.
բ) անաչառ և համակողմանի հավաքագրել և արձանագրել վերահսկողության առարկային առնչվող տեղեկությունները և փաստերը.
գ) պահպանել վերահսկվող մարմնի` օրենքով սահմանված իրավունքները և օրինական շահերը.
դ) հնարավորինս չխոչընդոտել վերահսկվող մարմնի բնականոն աշխատանքը.
ե) վերահսկվող մարմնի պաշտոնատար անձանց ծանոթացնել վերահսկողությանն առնչվող իրենց իրավունքներին ու պարտականություններին.
զ) վերահսկվող մարմնի ղեկավարին ծանոթացնել վերահսկողության արդյունքներին:»:
ՀՈԴՎԱԾ 19.
Օրենքի 23 հոդվածում`ա) վերնագրի «պարտականությունները» բառը փոխարինել «պատասխանատվությունը» բառով.
բ) երկրորդ մասում «ուսումնասիրությունների» բառը փոխարինել «վերահսկողության» բառով, իսկ երրորդ մասում «ուսումնասիրության» բառը` «վերահսկողության արդյունքների» բառերով:
|
Հայաստանի Հանրապետության |
Ռ. Քոչարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|