ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է Ազգային ժողովի կողմից 26 հոկտեմբերի 1999 թվականի

«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» Հայաստանի Հանրապետության օրենքի 18 հոդվածում`

ա) առաջին մասի 1-ին կետի «է» ենթակետը շարադրել հետևյալ խմբագրությամբ`

«է) գյուտի ըստ էության փորձաքննություն անցկացնելու համար		180
եթե հայտը վերաբերում է միասնական մտահղացում կազմող գյուտերի խմբի, ապա մեկից ավելի յուրաքանչյուր գյուտի համար` լրացուցիչ		140
եթե գյուտի ըստ էության փորձաքննություն անցկացնելու դիմումը ներկայացվել է սահմանված ժամկետը լրանալուց հետո 12 ամսվա ընթացքում` լրացուցիչ`
մեկ գյուտի համար		90
միասնական մտահղացում կազմող գյուտերի խմբի մեկից ավելի յուրաքանչյուր գյուտի համար		70».

 

բ) երկրորդ մասում «50» թիվը փոխարինել «30» թվով:

Հոդված 2. Օրենքի 28 հոդվածի երրորդ մասը «կապված» բառից հետո լրացնել «տուրքերը, բացառությամբ սույն օրենքի 18 հոդվածի 1-ին կետի «է» ենթակետով սահմանվածների» բառերով, հանել «և իրավաբանական անձի կարգավիճակ չունեցող ձեռնարկությունները» բառերը:

Հոդված 3. Օրենքի 18, 28, և 33 հոդվածներում «օգտակար սարքի» և «օգտակար սարքերի» բառերը փոխարինել «օգտակար մոդելի» և «օգտակար մոդելների» բառերով, իսկ օրենքի 18 հոդվածում «ժամանակավոր արտոնագիր» բառերը փոխարինել «նախնական արտոնագիր» բառերով:

Հայաստանի Հանրապետության Նախագահ	Ռ. ՔՈՉԱՐՅԱՆ
Երևան 23 նոյեմբերի 1999 թ. ՀՕ-14