ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 դեկտեմբերի 2018 թվականի N 1402-Ա

ԳՈՒՅՔ ՀԵՏ ՎԵՐՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆՆ ԱՄՐԱՑՆԵԼՈՒ ՄԱՍԻՆ

Ղեկավարվելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 7-րդ մասով, Հյուսիս-հարավ ճանապարհային միջանցքի ներդրումային ծրագիր-Ծրագիր 2-ի շրջանակներում Մ 1 Երևան-Գյումրի-Վրաստանի սահման միջպետական նշանակության ավտոմոբիլային ճանապարհի Աշտարակ-Թալին ճանապարհահատվածի վերակառուցման ընթացքում ապամոնտաժված, ծրագրի կարիքների համար չպահանջվող երկաթբետոնե կոնստրուկցիաների արդյունավետ օգտագործումն ապահովելու նպատակով Հայաստանի Հանրապետության կառավարությունը որոշում է.

1. Հյուսիս-հարավ ճանապարհային միջանցքի ներդրումային ծրագիր-Ծրագիր 2-ի շրջանակներում ապամոնտաժված գույքը հետ վերցնել Հայաստանի Հանրապետության տարածքային կառավարման և ենթակառուցվածքների նախարարությունից և ամրացնել Հայաստանի Հանրապետության պաշտպանության նախարարությանը` համաձայն հավելվածի:

(1-ին կետը փոփ. 21.05.20 N 800-Ա)

2. Հայաստանի Հանրապետության տարածքային կառավարման և ենթակառուցվածքների նախարարին և Հայաստանի Հանրապետության պաշտպանության նախարարին՝ մինչև 2020 թվականի հուլիսի 30-ը Հայաստանի Հանրապետության օրենսդրությամբ սահմանված կարգով ապահովել սույն որոշման հավելվածում ներառված գույքի հանձնման-ընդունման աշխատանքների կատարումը:

(2-րդ կետը փոփ. 21.05.20 N 800-Ա)

3. Սահմանել, որ սույն որոշման հավելվածում ընդգրկված գույքի տեղափոխման ծախսերը ենթակա են իրականացման՝ Հայաստանի Հանրապետության պաշտպանության նախարարության միջոցների հաշվին:

Հայաստանի Հանրապետության վարչապետի պաշտոնակատար	Ն. Փաշինյան
2018 թ. դեկտեմբերի 12 Երևան

Հավելված ՀՀ կառավարության 2018 թվականի դեկտեմբերի 6-ի N 1402-Ա որոշման

Ց ա Ն Կ

Հայաստանի Հանրապետության պաշտպանության նախարարությանն ամրացվող գույքի

NN ը/կ Գույքի անվանումը Չափը Քանակը Հաշվեկշռային արժեքը 1. Բետոնե խողովակաձև կոնստրուկցիաներ 1.5 մ 2 0 2. Բետոնե խողովակաձև կոնստրուկցիաներ 1 մ 5 0 3. Երկաթբետոնե խողովակաձև կոնստրուկցիաներ 2*2 մ 182 0 4. Երկաթբետոնե խողովակաձև կոնստրուկցիաներ 3*2.5 մ 264 0 5. Կամրջային երկաթբետոնե հեծան 12*0,95*0,6մ 16 0 6. Կամրջային երկաթբետոնե հեծան 9*0,95*0,5մ 26 0 7. Երկաթբետոնե սալեր 4*0.9*0.5 մ 11 0

(հավելվածը խմբ. 21.05.20 N 800-Ա)

Հայաստանի Հանրապետության վարչապետի պաշտոնակատար

Ն. Փաշինյան