|
«Վավերացնում եմ» |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
26 հունվարի 2006 թվականի N 75-Ն
ՕՏԱՐԵՐԿՐՅԱ ՊԵՏՈՒԹՅՈՒՆՆԵՐԻ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ ՊԵՏԱԿԱՆ ՊԱՏՎԵՐԻ ՇՐՋԱՆԱԿՆԵՐՈՒՄ ՈՒՍՄԱՆ ԵՎ ՎԵՐԱՊԱՏՐԱՍՏՄԱՆ ԳՈՐԾՈՒՂՎԱԾ ՓՐԿԱՐԱՐԱԿԱՆ ԾԱՌԱՅՈՂՆԵՐԻՆ ԴՐԱՄԱԿԱՆ ՎՃԱՐՆԵՐԻ ՉԱՓԸ ԵՎ ՎՃԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
(վերնագիրը փոփ. 03.07.14 N 656-Ն, լրաց. 13.02.20 N 145-Ն)
«Փրկարար ծառայության մասին» Հայաստանի Հանրապետության օրենքի 34-րդ հոդվածի 4-րդ մասին և 51-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.
(նախաբանը փոփ. 09.08.12 N 1014-Ն, լրաց. 13.02.20 N 145-Ն)
1. Սահմանել օտարերկրյա պետությունների ուսումնական հաստատություններ պետական պատվերի շրջանակներում ուսման և վերապատրաստման գործուղված փրկարարական ծառայողներին դրամական վճարների չափը և վճարման կարգը` համաձայն հավելվածի:
(1-ին կետը փոփ. 03.07.14 N 656-Ն, լրաց. 13.02.20 N 145-Ն)
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ա. Մարգարյան |
|
|
|
Հավելված |
ՕՏԱՐԵՐԿՐՅԱ ՊԵՏՈՒԹՅՈՒՆՆԵՐԻ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ ՊԵՏԱԿԱՆ ՊԱՏՎԵՐԻ ՇՐՋԱՆԱԿՆԵՐՈՒՄ ՈՒՍՄԱՆ ԵՎ ՎԵՐԱՊԱՏՐԱՍՏՄԱՆ ԳՈՐԾՈՒՂՎԱԾ ՓՐԿԱՐԱՐԱԿԱՆ ԾԱՌԱՅՈՂՆԵՐԻՆ ԴՐԱՄԱԿԱՆ ՎՃԱՐՆԵՐԻ ՉԱՓԸ ԵՎ ՎՃԱՐՄԱՆ ԿԱՐԳԸ
(վերնագիրը փոփ. 03.07.14 N 656-Ն, լրաց. 13.02.20 N 145-Ն)
1. Սույն իրավական ակտով սահմանվում են օտարերկրյա պետությունների ուսումնական հաստատություններ պետական պատվերի շրջանակներում ուսման և վերապատրաստման գործուղված փրկարարական ծառայողներին դրամական վճարների չափի և վճարման հետ կապված հարաբերությունները:
(1-ին կետը փոփ. 03.07.14 N 656-Ն, լրաց. 13.02.20 N 145-Ն)
2. Հայաստանի Հանրապետության պետական բյուջեով նախատեսված հատկացումների սահմաններում օտարերկրյա պետությունների ուսումնական հաստատություններ պետական պատվերի շրջանակներում ուսման և վերապատրաստման գործուղված փրկարարական ծառայողներին վճարվում են հետևյալ դրամական վճարները`
|
NN |
Պաշտոնների խումբը |
Դրամական վճարը | |
|
Ռուսաստանի Դաշնության ուսումնական հաստատությունների ունկնդիրների համար |
այլ օտարերկրյա պետությունների | ||
|
1. |
Փրկարարական ծառայության բարձրագույն պաշտոններ |
150 000 |
200 000 |
|
2. |
Փրկարարական ծառայության գլխավոր պաշտոններ |
135 000 |
180 000 |
|
3. |
Փրկարարական ծառայության ավագ պաշտոններ |
117 000 |
162 000 |
|
4. |
Փրկարարական ծառայության միջին պաշտոններ |
108 000 |
153 000 |
|
5. |
Փրկարարական ծառայության կրտսեր պաշտոններ |
99 000 |
144 000 |
(աղյուսակը խմբ. 13.02.20 N 145-Ն)
(2-րդ կետը փոփ. 03.07.14 N 656-Ն, լրաց., խմբ. 13.02.20 N 145-Ն)
3. Հայաստանի Հանրապետության պետական բյուջեով նախատեսված հատկացումների սահմաններում` օտարերկրյա պետությունների ռազմաուսումնական հաստատություններում ուսանող կուրսանտ փրկարարական ծառայողների ամսական կրթաթոշակները սահմանել 99 000 դրամի չափով:
(3-րդ կետը փոփ. 13.02.20 N 145-Ն)
4. Ուսման և վերապատրաստման ընթացքում պահպանվում են օտարերկրյա պետությունների ռազմաուսումնական հաստատությունների ունկնդիր փրկարարական ծառայողների պաշտոնային դրույքաչափը:
(4-րդ կետը փոփ. 03.07.14 N 656-Ն, լրաց. 13.02.20 N 145-Ն)
5. Օտարերկրյա պետությունների ռազմաուսումնական հաստատություններում սովորող կամ վերապատրաստվող փրկարարական ծառայողների դրամական վճարումները և կրթաթոշակները վճարվում են Հայաստանի Հանրապետության արտակարգ իրավիճակների նախարարության ֆինանսական ստորաբաժանման կողմից` կանխիկ կամ գանձապետական համակարգի միջոցով` փոխանցումներով:
(5-րդ կետը փոփ. 09.08.12 N 1014-Ն, 03.07.14 N 656-Ն, լրաց., փոփ. 13.02.20 N 145-Ն)
6. Տվյալ ամսվա համար նախատեսված դրամական վճարումները և կրթաթոշակները փրկարարական ծառայողին վճարվում կամ նրա հաշվի համարին փոխանցվում են մինչև տվյալ ամսվա 30-ը:
(6-րդ կետը փոփ. 03.07.14 N 656-Ն)
(հավելվածը փոփ. 09.08.12 N 1014-Ն, 03.07.14 N 656-Ն, լրաց., խմբ., փոփ. 13.02.20 N 145-Ն)
|
Հայաստանի Հանրապետության |
Մ. Թոփուզյան |