Գլխավոր տեղեկություն

Համար

N 192-Ա

Տիպ

Որոշում

Ակտի տիպ

Հիմնական ակտ (13.02.2020-14.02.2020)

Կարգավիճակ

Գործում է

Սկզբնաղբյուր

Չի հրապարակվել պաշտոնական պարբերականում

Ընդունող մարմին

ՀՀ վարչապետ

Ընդունման ամսաթիվ

12.02.2020

Ստորագրող մարմին

ՀՀ վարչապետ

Ստորագրման ամսաթիվ

12.02.2020

Ուժի մեջ մտնելու ամսաթիվ

13.02.2020

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

12 փետրվարի 2020 թվականի N 192-Ա

ՄՐՑՈՒԹԱՅԻՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Կառավարության կառուցվածքի և գործունեության մասին» ՀՀ օրենքի 7-րդ հոդվածի 16-րդ մասով և հիմք ընդունելով ՀՀ կառավարության 2003 թվականի դեկտեմբերի 24-ի «Հայաստանի Հանրապետության պետական բյուջեից իրավաբանական անձանց սուբսիդիաների և դրամաշնորհների հատկացման կարգը հաստատելու մասին» N 1937-Ն որոշման հավելվածի 10-րդ և 38-րդ կետերով՝

1. Արցախի Հանրապետությունում 2020 թվականի մարտի 31-ին կայանալիք նախագահական և խորհրդարանական ընտրություններին հասարակական կազմակերպությունների կողմից դիտորդական առաքելություն իրականացնելու նպատակով ստեղծել հասարակական կազմակերպություններին դրամաշնորհ հատկացնելու մրցութային հանձնաժողով և հաստատել դրա անհատական կազմը՝ համաձայն հավելվածի:

2. Արցախի Հանրապետությունում ընտրությունների հնարավոր երկու փուլերի դիտորդական առաքելություն իրականացնելու համար տրամադրվող դրամաշնորհի ընդհանուր գումարի չափը սահմանել 160 մլն ՀՀ դրամ: Ընդ որում, մրցույթի արդյունքներով յուրաքանչյուր կազմակերպությանը տրամադրվող ֆինանսավորման չափը չի կարող 80.000.000 մլն ՀՀ դրամից ավելի լինել:

3. Մրցութային հանձնաժողովին՝

1) հանձնաժողովի առաջին նիստը գումարել 2020 թվականի փետրվարի 13-ին, ժամը՝ 15:00-ին, Հանրապետության հրապարակ, Կառավարական տուն N 1 շենքում.

2) ընդունել ի գիտություն, որ մրցույթի մասին հայտարարությունը պետք է հրապարակվի մրցույթի հայտերը ներկայացնելու համար սահմանված վերջին օրվանից առնվազն 12 օր առաջ:

Հայաստանի Հանրապետության
վարչապետ
Ն. Փաշինյան

2020 թ. փետրվարի 12

Երևան

Հավելված

ՀՀ վարչապետի 2020 թվականի

փետրվարի 12-ի N 192-Ա որոշման

ԱՆՀԱՏԱԿԱՆ ԿԱԶՄ

ՄՐՑՈՒԹԱՅԻՆ ՀԱՆՁՆԱԺՈՂՈՎԻ

Հ. Թորոսյան-վարչապետի աշխատակազմի պետաիրավական վարչության պետի պաշտոնակատար (հանձնաժողովի նախագահ)

Ս. Սահադյան-վարչապետի աշխատակազմի ֆինանսական և հաշվապահական հաշվառման վարչության պետի պաշտոնակատար

Ա. Փիրումյան-վարչապետի աշխատակազմի ֆինանսատնտեսագիտական վարչության գլխավոր մասնագետի պաշտոնակատար

Ս. Գևորգյան-վարչապետի աշխատակազմի իրավաբանական վարչության ավագ իրավաբանի պաշտոնակատար

Տ. Մուղնեցյան-վարչապետի աշխատակազմի արտաքին կապերի վարչության խորհրդական` կառուցվածքային ստորաբաժանումներում առանձին գործառույթներ համակարգող

Ն. Նազարյան-վարչապետի աշխատակազմի կադրերի և անձնակազմի կառավարման վարչության ավագ մասնագետի պաշտոնակատար (հանձնաժողովի քարտուղար)

Հայաստանի Հանրապետության

վարչապետի աշխատակազմի

ղեկավար
Է. Աղաջանյան