ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

24 դեկտեմբերի 2019 թվականի N 931-Ա

«ՋԵՐՄԻԿ ԱՆԿՅՈՒՆ» ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՋԵՐՄԻԿ ԱՆԿՅՈՒՆ» ԽՄԲԱՅԻՆ ՏՆԵՐԻ ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Ջերմիկ անկյուն» հիմնադրամի կողմից իրականացվող` 3,161,248 դրամ արժողությամբ «Ջերմիկ անկյուն» խմբային տների ծրագիրը՝ համաձայն հավելվածի:

2. Սահմանել, որ «Ջերմիկ անկյուն» հիմնադրամի (ՀՎՀՀ` 01242562) կողմից կնքված՝ ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն`

1) «Գազպրոմ Արմենիա» ՓԲԸ-ի («ՀայՌուսգազարդ» ՓԲԸ-ի) հետ (ՀՎՀՀ` 00046317) 2013 թվականի հուլիսի 7-ին կնքված` N 012.08.13 0661 պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում գազի մատակարարում` 1,012,000 դրամի չափով, առանց ավելացված արժեքի հարկի.

2) «Վեոլիա ջուր» ՓԲԸ-ի հետ (ՀՎՀՀ` 02655115) 2017 թվականի նոյեմբերի 25-ին կնքված` N 01-0017-2 պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում ջրամատակարարման և ջրահեռացման ծառայությունների մատուցում՝ 165,356 դրամի չափով, առանց ավելացված արժեքի հարկի.

3) «Վեոն Արմենիա» ՓԲԸ-ի («ԱրմենՏել» ՓԲԸ-ի) հետ (ՀՎՀՀ` 02500052) 2009 թվականի փետրվարի 20-ին կնքված պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում հեռախոսակապի ծառայությունների մատուցում` 84,000 դրամի չափով, առանց ավելացված արժեքի հարկի.

4) «Հայաստանի էլեկտրական ցանցեր» ՓԲԸ-ի հետ (ՀՎՀՀ` 01520882) 2014 թվականի դեկտեմբերի 3-ին կնքված` N 262051 պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում էլեկտրաէներգիայի մատակարարում` 345,523 դրամի չափով, առանց ավելացված արժեքի հարկի.

5) «էՅ-Ի-ՋԻ-ՍԵՐՎԻՍ» ՍՊԸ-ի հետ (ՀՎՀՀ` 00930884) 2018 թվականի հոկտեմբերի 6-ին կնքված` N Կ 01-0184 պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում գազասպառման կենցաղային համակարգի տեխնիկական սպասարկման և հրահանգավորման ծառայությունների մատուցում (2 անգամ)` 31,490 դրամի չափով, առանց ավելացված արժեքի հարկի.

6) «Գազպրոմ Արմենիա» ՓԲԸ-ի հետ (ՀՎՀՀ` 00046317) 2018 թվականի հունիսի 21-ին կնքված` N 051061812265 պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում գազի մատակարարում` 1,012,000 դրամի չափով, առանց ավելացված արժեքի հարկի.

7) «Վեոլիա ջուր» ՓԲԸ-ի հետ (ՀՎՀՀ` 02655115) 2018 թվականի դեկտեմբերի 10-ին կնքված` N 7-188-0-0-40 պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում խմելու ջրի մատակարարման ծառայությունների մատուցում` 165,356 դրամի չափով, առանց ավելացված արժեքի հարկի.

8) «Հայաստանի էլեկտրական ցանցեր» ՓԲԸ-ի հետ (ՀՎՀՀ` 01520882) 2018 թվականի հունիսի 28-ին կնքված` N 0227445 պայմանագրում նշված գործարքը, որով նախատեսվում է 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում էլեկտրաէներգիայի մատակարարում` 345,523 դրամի չափով, առանց ավելացված արժեքի հարկի:

3. «Ջերմիկ անկյուն» հիմնադրամին` մինչև յուրաքանչյուր եռամսյակին հաջորդող ամսվա 25-ը՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների մասին, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. Ավինյան
2019 թ. դեկտեմբերի 24 Երևան

Հավելված ՀՀ փոխվարչապետի 2019 թ. դեկտեմբերի 24-ի N 931-Ա որոշման

«ՋԵՐՄԻԿ ԱՆԿՅՈՒՆ» ԽՄԲԱՅԻՆ ՏՆԵՐԻ ԾՐԱԳԻՐ

1.	Ծրագրի նպատակը	«Ջերմիկ անկյուն խմբային տների» ծրագրի նպատակն է՝ միայնակ, խնամքի կարիք ունեցող, մտավոր հաշմանդամների կենսապահովման նվազագույն պայմանների և կացարանի ապահովումը:
2.	Ծրագրի բարեգործական որակման նպատակը	Ծրագրի շրջանակներում ՀՀ օրենքով սահմանված կարգով օգտվել հարկային գծով արտոնություններից:
3.	Բարեգործը	«Ջերմիկ անկյան բարեկամներ» ինկորպորացիա, հասցե` ԱՄՆ, 1037, Արիզոնա 85280
4.	Ծրագիրը կատարողը	Ծրագիրն իրականացվում է « Ջերմիկ անկյուն» հիմնադրամի կողմից: Հասցե` ք. Երևան, Սիլիկյան թաղ., 4-րդ փող., 1-ին նրբ., 14/16-1 տուն , ՀՎՀՀ՝ 01242562
5.	Ծրագրի իրականացման վայրը և բնագավառը	Ծրագիրն իրականացվում է Հայաստանում` Երևանի Աջափնյակ վարչական շրջան, Սիլիկյան թաղ., 4-րդ փող., 1-ին նրբ., 14/16-1 տուն և Կոտայքի մարզ, գյուղ Առինջ 20 փ., 6 տուն հասցեներում, բնագավառը` սոցիալական:
6.	Ծրագրի բյուջեն	Ծրագրի ընդհանուր բյուջեն կազմում է 3 161 248 (երեք միլիոն հարյուր վաթսունմեկ հազար երկու հարյուր քառասունութ) ՀՀ դրամ` առանց ավելացված արժեքի հարկի:
7.	Բարեգործություն ստացողը	1) «Ջերմիկ անկյուն» խմբային տան, որը գործում է Երևանի Աջափնյակ վարչական շրջանի Սիլիկյան թաղ., 4-րդ փող., 1-ին նրբ., 14/16-1 տուն հասցեում, բնակիչներն են` 18 տարին լրացած, հատուկ կրթահամալիրները ավարտած, մտավոր և ֆիզիկական սահմանափակումներ ունեցող անձիք: Ներկայումս խմբային տանը բնակվում են 14 երիտասարդներ (5 տղա և 9 աղջիկ), որոնք տեղափոխվել են ք. Կապանի թիվ 3 և Փարաքարի թիվ 2 կրթահամալիրներից: 2) «Ջերմիկ անկյուն» խմբային տան, որը գործում է Կոտայքի մարզի գյուղ Առինջ 20 փ. 6 տուն հասցեում, բնակիչներն են` 18 տարին լրացած, հատուկ կրթահամալիրներն ավարտած, մտավոր և ֆիզիկական սահմանափակումներ ունեցող անձինք: Ներկայումս խմբային տանը բնակվում են 8 երիտասարդներ (4 տղա և 4 աղջիկ), որոնք տեղափոխվել են ք. Կապանի թիվ 3 կրթահամալիրից:
8.	Ծրագրի իրականացման տևողությունը	Ծրագրի իրականացման ժամկետն է` 01 հունվար 2020 թ.-31 դեկտեմբեր 2020 թ. (շարունակելի):
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	«Ջերմիկ անկյուն» խմբային տան, որը գործում է Երևանի Աջափնյակ վարչական շրջանի Սիլիկյան թաղ., 4-րդ փող., 1-ին նրբ., 14/16-1 տուն հասցեում, գործունեության ընթացքում կատարվում են կոմունալ վճարումներ, որի տարեկան հաշվարկը կազմում է 1638369 (մեկ միլիոն վեց հարյուր երեսունութ հազար երեք հարյուր վաթսունինը) դրամ (առանց ավելացված արժեքի հարկի), որից` գազ-1012000 դրամ, ջուր-165356 դրամ, էլեկտրաէներգիա – 345523 դրամ, հեռախոսակապ – 84000 դրամ, գազի սպասարկում- 31490 դրամ: Ծրագրի շրջանակներում միջոցառումները նախատեսվում է իրականացնել 01.01.2020-31.12.2020 թթ. ընկած ժամանակահատվածի ընթացքում: «Ջերմիկ անկյուն» խմբային տան, որը գործում է Կոտայքի մարզի գյուղ Առինջ 20 փ., 6 տուն հասցեում, գործունեության ընթացքում կատարվում են կոմունալ վճարումներ, որի տարեկան հաշվարկը կազմում է 1522879 (մեկ միլիոն հինգ հարյուր քսաներկու հազար ութ հարյուր յոթանասունինը) դրամ (առանց ավելացված արժեքի հարկի) որից` գազ-1012000 դրամ, ջուր-165356 դրամ, էլեկտրաէներգիա-345523 դրամ: Ծրագրի շրջանակներում միջոցառումները նախատեսվում է իրականացնել 01.01.2020-31.12.2020 թթ. ընկած ժամանակահատվածի ընթացքում:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Հայաստանի Հանրապետության օրենսդրությամբ սահմանված կարգով ակնկալվում է հարկային արտոնություն ստանալ հետևյալ գործարքների մասով`  1) Պայմանագրեր կնքված գազի մատակարարման (07.07.2013 թ.-անժամկետ), որի միջին տարեկան ծախսը կազմում է 9200 խ.մ. (1012000 դրամ` առանց ԱԱՀ-ի), էլեկտրաէներգիայի մատակարարման (03.12.2014թ. -անժամկետ), որի միջին տարեկան ծախսը կազմում է 9817 կվտ.ժ. (345523 դրամ` առանց ԱԱՀ-ի), հեռախոսակապի ծառայությունների մատակարարման (20.02.2009 թ.-անժամկետ), որի միջին տարեկան ծախսը կազմում է 84000 դրամ` առանց ԱԱՀ-ի, ջրի մատակարարման (25.11.2017 թ.-անժամկետ), որի միջին տարեկան ծախսը կազմում է 1140խ.մ. (165356 դրամ` առանց ԱԱՀ-ի) և գազի սպասարկման (06.10.2018 թ.- 3 տարի ժամկետով), որի տարեկան ծախսը կազմում է 31 490 դրամ` առանց ԱԱՀ-ի. 2) Պայմանագրեր կնքված գազի մատակարարման (21.06.2018 թ.-անժամկետ), որի միջին տարեկան ծախսը կազմում է 9200 խ.մ. (1012000 դրամ` առանց ԱԱՀ-ի), էլեկտրաէներգիայի մատակարարման (28.06.2018թ. -անժամկետ), որի միջին տարեկան ծախսը կազմում է 9817 կվտ.ժ. (345523 դրամ` առանց ԱԱՀ-ի) և ջրի մատակարարման (10.12.2018թ.-անժամկետ), որի միջին տարեկան ծախսը կազմում է 1140 խ.մ. (165356 դրամ` առանց ԱԱՀ-ի) ծառայությունների հետ:
11.	Ծրագրի իրականացման հետ կապ-ված կազմակերպական ծախսերը	Կազմակերպական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Ծրագրի իրականացման ընթացքում նախատեսվում է համագործակցել ՀՀ աշխատանքի և սոցիալական հարցերի նախարարության, Երևան քաղաքի քաղաքապետարանի, Երևան քաղաքի Աջափնյակ վարչական շրջանի, Կոտայքի մարզպետարանի, Առինջի համայնքի վարչական շրջանի և այլ հասարակական ու միջազգային կազմակերպությունների հետ: Ինչպես նաև նախատեսվում է համագործակցություն սոցիալական աջակցության տարածքային մարմինների հետ՝ շահառուների ընտրության շրջանակներում:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	«Ջերմիկ անկյուն» հիմնադրամը պարբերաբար և նաև իրենց պահանջով հաշվետվություն է ներկայացնում բարեգործին:  ՀՀ կառավարության 2003 թ.-ի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով տեղեկությունների ներկայացում լիազորված մարմնին:

Հայաստանի Հանրապետության վարչապետի աշխատակազմի ղեկավար

Է. Աղաջանյան