ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

6 դեկտեմբերի 2019 թվականի N 1828-Ա

ՀԱԿՈԲ ԱՎԱԳՅԱՆԻՆ ՌՈՒՍԱՍՏԱՆԻ ԴԱՇՆՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով՝

1. Առողջապահական և աշխատանքի տեսչական մարմնի ղեկավար Հակոբ Ավագյանին 2019 թվականի դեկտեմբերի 9-11-ը ներառյալ գործուղել Ռուսաստանի Դաշնություն (ք. Մոսկվա)՝ ԱՊՀ երկրների և Մոնղոլիայի աշխատանքի տեսչությունների տարածաշրջանային դաշինքի գլխավոր կոնֆերանսին մասնակցելու համար:

2. Հակոբ Ավագյանի՝ Ռուսաստանի Դաշնություն (ք. Մոսկվա) գործուղման օրապահիկի ծախսերը փոխհատուցել Հայաստանի Հանրապետության 2019 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Հակոբ Ավագյանի՝ Ռուսաստանի Դաշնություն (ք. Մոսկվա) գործուղման ճանապարհածախսը և գիշերակացի ծախսերը կատարվելու են Աշխատանքի միջազգային կազմակերպության միջոցների հաշվին:

4. Առողջապահական և աշխատանքի տեսչական մարմնի ղեկավար Հակոբ Ավագյանին` գործուղումից վերադառնալուց հետո եռօրյա ժամկետում Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնել Ռուսաստանի Դաշնություն գործուղման արդյունքների մասին հաշվետվություն:

Հայաստանի Հանրապետության վարչապետ	Ն. Փաշինյան
2019 թ. դեկտեմբերի 6 Երևան