ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 մարտի 2019 թվականի N 203-Ա

ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ «ՌԻԲԵԿ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ԱՊՐԱՆՔՆԵՐԻ ՆԵՐՄՈՒԾՄԱՆ ԴԵՊՔՈՒՄ ՄԱՔՍԱՅԻՆ ԵՎ ՀԱՐԿԱՅԻՆ ՄԱՐՄԻՆՆԵՐԻ ԿՈՂՄԻՑ ՀԱՇՎԱՐԿՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎՃԱՐՄԱՆ ԺԱՄԿԵՏԸ ԵՐԵՔ ՏԱՐԻ ԺԱՄԿԵՏՈՎ ՀԵՏԱՁԳԵԼՈՒ ՄԱՍԻՆ

Հիմք ընդունելով Հայաստանի Հանրապետության հարկային օրենսգրքի 79-րդ հոդվածի 1-ին մասը և ղեկավարվելով Հայաստանի Հանրապետության կառավարության 2017 թվականի հոկտեմբերի 5-ի N 1225-Ն որոշման պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության սահմանած կարգով ընտրված «ՌԻԲԵԿ» սահմանափակ պատասխանատվությամբ ընկերության կողմից իրականացվող ներդրումային ծրագրի շրջանակներում 2019 թվականի հունվարի 20-ից մինչև 2020 թվականի օգոստոսի 1-ը ներառյալ ներմուծվող ապրանքների` համաձայն հավելվածի, մաքսային և հարկային մարմինների կողմից հաշվարկվող ավելացված արժեքի հարկի վճարման ժամկետը հետաձգվում է ներմուծման հայտարարագրման օրվանից հաշված 3 տարի ժամկետով:

(1-ին կետը փոփ. 07.11.19 N 1544-Ա)

2. Հայաստանի Հանրապետության տնտեսական զարգացման և ներդրումների նախարարին` ապահովել «ՌԻԲԵԿ» սահմանափակ պատասխանատվությամբ ընկերության հետ Հայաստանի Հանրապետության կառավարության 2017 թվականի հոկտեմբերի 5-ի N 1225-Ն որոշման 2-րդ կետով հաստատված` ներդրումային ծրագրի իրականացման ակնկալվող արդյունքների և մոնիթորինգի համակարգի մասին համապատասխան պայմանագրի կնքումը:

3. Սահմանել, որ սույն որոշման հավելվածում նշված են ապրանքների նախնական արժեքները:

Հայաստանի Հանրապետության վարչապետ	Ն. Փաշինյան
2019 թ. մարտի 14 Երևան

Հավելված ՀՀ կառավարության 2019 թվականի մարտի 7-ի N 203-Ա որոշման

Ց Ա Ն Կ

«ՌԻԲԵԿ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐՄՈՒԾՎՈՂ ԱՊՐԱՆՔՆԵՐԻ

NN ը/կ	ԱՏԳԱԱ-ի ծածկագիրը	Անվանումը	Չափի միավորը	Քանակը	Արժեքը (դրամ)
1	2	3	4	5	6
1.	5512	Սինթետիկ մանրաթելերից գործվածքներ, դրանց 85 զանգվածային բաժին կամ դրանից ավելի պարունակությամբ	մ2	167000	133 600 000
2.	5806	Նեղ գործվածքներ, բացի 5807 ապրանքային դիրքում ընդգրկված արտադրատեսակներից. Նեղ անթեզաթել գործվածքներ սոսնձմամբ ամրացված (բոլդյուկ)	կգ	800	3 840 000
3.	5807	Պիտակներ, խորհրդանշաններ և նմանատիպ արտադրատեսակներ մանածագործական նյութերից՝ կտորներով, ժապավեններով կամ ըստ ձևի կամ չափի ձևված, բայց չասեղնագործված	կգ	500	20 000 000
4.	9606	Կոճակներ, կոճգամներ, ճարմանդ-փականներ, կոճակների ձևեր և այդ արտադրատեսակների այլ մասեր, կոճակների ձևվածքներ	կգ	500	10 000 000
5.	5210	Բամբակե գործվածքներ՝ բամբակի մանրաթելերի 85 զանգվածային բաժնից պակաս պարունակությամբ, հիմնականում կամ բացառապես խառնած քիմիական մանրաթելերի հետ, 200գ/մ2 -ից ոչ ավելի մակերեսային խտությամբ	մ2	100000	25 500 000
6.	6006	Այլ տրիկոտաժե քաթաններ՝ մեքենայագործ կամ ձեռագործ	կգ	60000	120 000 000
7.	3809	Մանածագործական արդյունաբերության մեջ կամ նույնանման ճյուղերում կիրառվող	կգ	500	650 000
8.	5204	Կարի բամբակյա թելեր մանրածախ վաճառքի համար բաժնեծրարած կամ չբաժնեծրարած	կգ	20000	60 000 000
9.	9607	Կայծակ-ճարմանդներ (ցեպեր) և դրանց մասերը	կգ	1000	10 000 000
10.	5209	Բամբակե գործվածքներ բամբակի մանրաթելերի 85 զանգվածային բաժին կամ դրանից ավելի պարունակությամբ, 200գ/մ2 -ից ավելի մակերեսային խտությամբ	մ2	30000	33 000 000
11.	6001	Քաթաններ նրբախավով, տրիկոտաժե, մեքենայագործ և ձեռագործ, ներառյալ՝ երկար նրբախավով քաթանները և խավածածկ քաթանները	կգ	10000	15 000 000
12.	5407	Գործվածքներ սինթետիկ համալիր թելերից, ներառյալ՝ 5404 ապրանքային դիրքում ընդգրկված նյութերից պատրաստված գործվածքը	մ2	250	15 000 000
13.	5508	Կարի թելեր քիմիական մանրաթելերից մանրածախ վաճառքի համար բաժնեծրարած կամ չբաժնեծրարած	կգ	10000	30 000 000
14.	5604	Ռետինե թել և քուղ, մանածագործական նյութերի պատվածքով, մանածագործական թելեր, 5404 կամ 5405 ապրանքային դիրքերում ընդգրկված հարթ և նույնանման թելեր՝ ներծծված, պատվածքով կամ ռետինե կամ պլաստմասսե թաղանթ ունեցող	կգ	10000	20 000 000
15.	5804	Շղարշ և այլ ցանցահյուս քաթաններ, բացառությամբ գործված քաթանների, տրիկոտաժե մեքենայական կամ ձեռագործ քաթանների, ժանյակներ կտորով, ժապավեններով կամ առանձին նախշազարդերի տեսքով, բացի 6002-6006 ապրանքային դիրքերում ընդգրկված քաթաններից	կգ	2500	10 000 000
Ընդամենը`					506 590 000

Հայաստանի Հանրապետության վարչապետ

Ն. Փաշինյան