ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 դեկտեմբերի 2019 թվականի N 1895-Ն

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 23-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության Սյունիքի մարզի Լեհվազ գյուղի գազիֆիկացման, Մեղրի և Ագարակ քաղաքների չգազիֆիկացված տարածքների գազիֆիկացման համար Հայաստանի տարածքային զարգացման հիմնադրամին տրամադրելու նպատակով Հայաստանի Հանրապետության տարածքային կառավարման և ենթակառուցվածքների նախարարությանը Հայաստանի Հանրապետության 2019 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին 2019 թվականին հատկացնել 289,150.4 հազ. դրամ` բյուջետային ծախսերի տնտեսագիտական դասակարգման «Այլ կապիտալ դրամաշնորհներ» հոդվածով:

2. Հայաստանի Հանրապետության տարածքային կառավարման և ենթակառուցվածքների նախարարին` սույն որոշման 1-ին կետում նշված գումարը Հայաստանի տարածքային զարգացման հիմնադրամին տրամադրել նվիրաբերության պայմանագրի հիման վրա:

3. Առաջարկել Հայաստանի տարածքային զարգացման հիմնադրամի գործադիր տնօրենին՝ 2020 թվականի հոկտեմբերի 1-ի դրությամբ սույն որոշման 1-ին կետով նախատեսված նպատակով սահմանված կարգով կնքված պայմանագրով չծանրաբեռնված գումարը վերադարձնել Հայաստանի Հանրապետության պետական բյուջե:

4. «Հայաստանի Հանրապետության 2019 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակում կատարել վերաբաշխում, N 4 աղյուսակում և Հայաստանի Հանրապետության կառավարության 2018 թվականի դեկտեմբերի 27-ի «Հայաստանի Հանրապետության 2019 թվականի պետական բյուջեի կատարումն ապահովող միջոցառումների մասին» N 1515-Ն որոշման NN 3, 4, 5, 11 և 11.1 հավելվածներում կատարել փոփոխություններ ու լրացումներ` համաձայն NN 1, 2, 3, 4, 5, 6 և 7 հավելվածների:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
2019 թ. դեկտեմբերի 24 Երևան

Հավելված N 1 ՀՀ կառավարության 2019 թվականի դեկտեմբերի 24-ի N 1895-Ն որոշման

Հավելված N 2 ՀՀ կառավարության 2019 թվականի դեկտեմբերի 24-ի N 1895-Ն որոշման

Հավելված N 3 ՀՀ կառավարության 2019 թվականի դեկտեմբերի 24-ի N 1895-Ն որոշման

Հավելված N 4 ՀՀ կառավարության 2019 թվականի դեկտեմբերի 24-ի N 1895-Ն որոշման

Հավելված N 5 ՀՀ կառավարության 2019 թվականի դեկտեմբերի 24-ի N 1895-Ն որոշման

Հավելված N 6 ՀՀ կառավարության 2019 թվականի դեկտեմբերի 24-ի N 1895-Ն որոշման

Հավելված N 7 ՀՀ կառավարության 2019 թվականի դեկտեմբերի 24-ի N 1895-Ն որոշման