ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

1 նոյեմբերի 2019 թվականի N 1587-Ա

ՊԱՏՎԻՐԱԿՈՒԹՅՈՒՆ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Էլեկտրաէներգիայի 19-րդ միջազգային ցուցահանդեսին մասնակցելու, ինչպես նաև համապատասխան ոլորտները համակարգող նախարարների հետ հանդիպումներ ունենալու նպատակով 2019 թվականի նոյեմբերի 1-3-ը Իրանի Իսլամական Հանրապետություն (Թեհրան) գործուղել պատվիրակություն՝ համաձայն հավելվածի:

2. Պատվիրակության անդամներից Սուրեն Պապիկյանի և Արմինե Մուրադյանի գործուղման ճանապարհածախսը և օրապահիկը կատարել Հայաստանի Հանրապետության 2019 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Սուրեն Պապիկյանի և Արմինե Մուրադյանի գործուղման հետ կապված գիշերակացի ծախսերը կատարվելու են հրավիրող կողմի միջոցների հաշվին:

4. Լիլիթ Սարոյանի գործուղման ծախսերը կատարել Հայաստանի Հանրապետության 2019 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

5. Ընդունել ի գիտություն, որ Գարեգին Բաղրամյանի գործուղման ծախսերը կատարվելու են Հայաստանի Հանրապետության հանրային ծառայությունները կարգավորող հանձնաժողովի միջոցների հաշվին:

6. Ընդունել ի գիտություն, որ Արա Սիմոնյանի գործուղման ծախսերը կատարվելու են «Բարձրավոլտ էլեկտրացանցեր» փակ բաժնետիրական ընկերության միջոցների հաշվին:

7. Հայաստանի Հանրապետության տարածքային կառավարման և ենթակառուցվածքների նախարարին` գործուղումից վերադառնալուց հետո եռօրյա ժամկետում ներկայացնել պատվիրակության՝ Իրանի Իսլամական Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:

Հայաստանի Հանրապետության վարչապետ	Ն. Փաշինյան
2019 թ. նոյեմբերի 1 Երևան

Հավելված ՀՀ վարչապետի 2019 թ. նոյեմբերի 1-ի N 1587-Ա որոշման

Կ Ա Զ Մ

ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ

Ս. Պապիկյան	- ՀՀ տարածքային կառավարման և ենթակառուցվածքների նախարար
Ա. Սիմոնյան	- «Բարձրավոլտ էլեկտրացանցեր» փակ բաժնետիրական ընկերության գլխավոր տնօրենի խորհրդական, ՀՀ տարածքային կառավարման և ենթակառուցվածքների նախարարի խորհրդական հասարակական հիմունքներով
Գ. Բաղրամյան	-ՀՀ հանրային ծառայությունները կարգավորող հանձնաժողովի նախագահ
Լ. Սարոյան	- ՀՀ տարածքային կառավարման և ենթակառուցվածքների նախարարության արտաքին կապերի վարչության պետ
Ա. Մուրադյան	- ՀՀ տարածքային կառավարման և ենթակառուցվածքների նախարարի մամուլի քարտուղար

Հայաստանի Հանրապետության վարչապետի աշխատակազմի ղեկավար

Է. Աղաջանյան