«Վավերացնում եմ»

Հայաստանի Հանրապետության

Նախագահ Ռ. Քոչարյան

7 հունվարի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 դեկտեմբերի 2003 թվականի N 1765-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ԱՐԳԱՎԱՆԴԻ ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ` ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԱՄԱՍԵՐՆ ԱՆՀԱՏՈՒՅՑ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՄԱՅՆՔԻՆ ՓՈԽԱՆՑԵԼՈՒ ՄԱՍԻՆ

Հայաստանի Հանրապետության հողային օրենսգրքի 34-րդ ու 56-րդ և «Տեղական ինքնակառավարման մասին» Հայաստանի Հանրապետության օրենքի 47-րդ ու 84-րդ հոդվածների պահանջներին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության Արմավիրի մարզի Արգավանդի գյուղական համայնքի վարչական սահմաններում գտնվող` պետական սեփականություն հանդիսացող 674,8 հեկտար հողամասերից 662.58 հեկտարը, որից` գյուղատնտեսական նշանակության` 489,9 հեկտար, բնակավայրերի հողերի` 32,6 հեկտար, արդյունաբերության, ընդերքօգտագործման և այլ արտադրական նշանակության օբյեկտների` 11,9 հեկտար, հատուկ պահպանվող տարածքների` 5,10 հեկտար, ջրային հողերի` 117,1 հեկտար, էներգետիկայի, կապի, տրանսպորտի, կոմունալ ենթակառուցվածքների օբյեկտների հողերի` 5.98 հեկտար, անհատույց սեփականության իրավունքով փոխանցել Արգավանդի գյուղական համայնքին` համաձայն NN 1, 2, 3 և 4 հավելվածների:

(1-ին կետը փոփ., լրաց. 26.09.19 N 1300-Ն)

2. Սահմանել, որ Հայաստանի Հանրապետության հողային օրենսգրքի 60-րդ հոդվածի պահանջներին համապատասխան`

ա) Հայաստանի Հանրապետության Արմավիրի մարզի Արգավանդի գյուղական համայնքին անհատույց սեփականության իրավունքով փոխանցվող 662.58 հեկտար հողերից 270,5 հեկտարը մասնավորեցման ենթակա չէ.

բ) Հայաստանի Հանրապետության Արմավիրի մարզի Արգավանդի գյուղական համայնքի վարչական սահմաններում գտնվող հողերից 12.24 հեկտարը համարվում է պետական սեփականություն` համաձայն N 5 հավելվածի:

(2-րդ կետը փոփ. 26.09.19 N 1300-Ն)

3. Ընդունել ի գիտություն Հայաստանի Հանրապետության Արմավիրի մարզի Արգավանդի գյուղական համայնքի հողային ֆոնդի առկայության և բաշխման մասին հաշվետվությունը` 2003 թվականի ապրիլի 20-ի դրությամբ` համաձայն NN 6 և 7 հավելվածների:

4. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` սահմանված կարգով ապահովել սկզբնական հաշվառման նյութերի տրամադրումը Հայաստանի Հանրապետության Արմավիրի մարզի Արգավանդի գյուղական համայնքի ղեկավարին` հողերի ընթացիկ հաշվառումն անցկացնելու և համայնքի հողային հաշվեկշիռը կազմելու համար:

5. Հայաստանի Հանրապետության Արմավիրի մարզպետին`

ա) Հայաստանի Հանրապետության կառավարության 2000 թվականի հոկտեմբերի 23-ի N 656 որոշմամբ սահմանված կարգով սկզբնական հաշվառման տվյալների հիման վրա ապահովել մարզի տարածքում ընթացիկ հաշվառման աշխատանքների կատարումը.

բ) համաձայն "Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին" Հայաստանի Հանրապետության օրենքի` համայնքների ղեկավարների միջոցով ապահովել Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից ներկայացված` ինքնակամ զբաղեցված հողամասերի, ինքնակամ կառուցված շենքերի, շինությունների հետագա օգտագործման կարգավիճակի մասին որոշումների ընդունումը և դրանց տրամադրումն անշարժ գույքի կադաստրի տարածքային ստորաբաժանումներին:

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2003 թ. դեկտեմբերի 29 Երևան

Հավելված N 1 ՀՀ կառավարության 2003 թվականի դեկտեմբերի 4-ի N 1765-Ն որոշման

_________________________

Սխեման չի բերվում;

(հավելվածը խմբ., փոփ. 26.09.19 N 1300-Ն)

Հավելված N 3 ՀՀ կառավարության 2003 թվականի դեկտեմբերի 4-ի N 1765-Ն որոշման

Հավելված N 4 ՀՀ կառավարության 2003 թվականի դեկտեմբերի 4-ի N 1765-Ն որոշման

(հավելվածը լրաց. 26.09.19 N 1300-Ն)

Հավելված N 5 ՀՀ կառավարության 2003 թվականի դեկտեմբերի 4-ի N 1765-Ն որոշման

(հավելվածը փոփ. 26.09.19 N 1300-Ն)

Հավելված N 6 ՀՀ կառավարության 2003 թվականի դեկտեմբերի 4-ի N 1765-Ն որոշման

Հավելված N 7 ՀՀ կառավարության 2003 թվականի դեկտեմբերի 4-ի N 1765-Ն որոշման