«Վավերացնում եմ»
Հայաստանի Հանրապետության
Նախագահ Ռ. Քոչարյան
 19 փետրվարի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 փետրվարի 2005 թվականի N 99-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՀՈՒԼԻՍԻ 31-Ի N 696 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2001 թվականի փետրվարի 5-ի «Հայաստանի Հանրապետության առողջապահության համակարգի օպտիմալացման աշխատանքներն իրականացնելու մասին» N 80 որոշումը` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի հուլիսի 31-ի «Հայաստանի Հանրապետության Գեղարքունիքի մարզի առողջապահության համակարգի օպտիմալացման ծրագիրը հաստատելու մասին» N 696 որոշման մեջ կատարել հետևյալ փոփոխությունները`

որոշմամբ հաստատված` Հայաստանի Հանրապետության Գեղարքունիքի մարզի առողջապահության համակարգի օպտիմալացման ծրագրի «Սպասվելիք իրավիճակը» բաժնի «Ամբուլատոր-պոլիկլինիկական (առաջնային) օղակ» ենթաբաժնի՝

ա) երկրորդ պարբերությունում «մարզում գործող ստոմատոլոգիական պոլիկլինիկաների մասնավորեցում» բառերը փոխարինել «մարզի բոլոր ստոմատոլոգիական պոլիկլինիկաների մասնավորեցում՝ բացառությամբ «Սևանի ստոմատոլոգիական պոլիկլինիկա» ՓԲԸ-ի» բառերով.

բ) աղյուսակի`

«

Սևանի պոլիկլինիկա թողնել նույն կարգավիճակով 17 ընտանեկան բժշկի գրասենյակ 35527

»

տողը շարադրել հետևյալ խմբագրությամբ.

«

«Սևանի պոլիկլինիկա» ՓԲԸ վերակազմակերպել` դրան միացնելով «Սևանի ստոմատոլոգիական պոլիկլինիկա» ՓԲԸ-ն 17 ընտանեկան բժշկի գրասենյակ 35527

»:

2. Հայաստանի Հանրապետության Գեղարքունիքի մարզպետին` մեկամսյա ժամկետում՝ Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետի պահանջների կատարումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2005 թ. փետրվարի 14 Երևան