1.

Ծրագրի նպատակը

Հակահրդեհային նպատակով հատուկ տեխնիկայի (ջրի բաքով, պոմպով և այլ հակահրդեhային անհրաժեշտ սարքավորումներով հագեցած պիկապ ավտոմեքենաների), հատուկ հակահրդեհային արտահագուստի ձեռքբերում և սեփականության իրավունքով փոխանցում «Խոսրովի անտառ պետական արգելոց» և «Դիլիջան» ազգային պարկ» ՊՈԱԿ-ներին:

2.

Ծրագրի բարեգործական որակման նպատակը

Ծրագրի շրջանակներում օրենքով սահմանված կարգով օգտվել հարկային արտոնություններից՝ բարեգործի պահանջով, «Բնապահպանության նախարարության, Կովկասի բնության հիմնադրամի և «Բնապահպանական ծրագրերի իրականացման գրասենյակ» պետական հիմնարկի միջև 2018 թ. մարտի 28-ին կնքված դրամաշնորհային պայմանագրի 8-րդ կետի համաձայն:

3.

Բարեգործը

Կովկասի բնության հիմնադրամ

Թուլպենհոֆշտրասսե 18, 63067, Օֆֆենբախ, Գերմանիա

4.

Ծրագիրը կատարողը

Ծրագրի իրականացնողն է Կովկասի բնության հիմնադրամը:

«Բնապահպանական ծրագրերի իրականացման գրասենյակ» պետական հիմնարկը հանդիսանում է ծրագրի կատարման օպերատորը՝ գնումների իրականացման մասով:

5.

Ծրագրի իրականացման վայրը և բնագավառը

ՀՀ Արարատի և Տավուշի մարզեր,

Շրջակա միջավայրի պահպանություն

6.

Ծրագրի բյուջեն

Կովկասի բնության հիմնադրամի կողմից իրականացվող ծրագրի բյուջեն կազմում է

59 512 000 դրամ: Ծախսերի ուղղությունները և չափերը՝ ըստ կետ 9-ի:

7.

Բարեգործություն ստացողը

«Խոսրովի անտառ պետական արգելոց» և «Դիլիջան» ազգային պարկ» ՊՈԱԿ-ներ:

8.

Ծրագրի իրականացման տևողությունը

10.07.2018 - 30.06.2019 թթ.

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Կովկասի բնության հիմնադրամի, Բնապահպանության նախարարության և «Բնապահպանական ծրագրերի իրականացման գրասենյակ» պետական հիմնարկի միջև 2018 թվականի մարտի 28-ին կնքված դրամաշնորհի տրամադրման մասին պայմանագրի շրջանակներում ֆինանսավորվող 2018 թվականի ծրագիր` 10.07.2018-30.06.2019 թթ. - 59 512.0 հազար դրամ, այդ թվում՝

1. Ամենագնաց պիկապ ավտոմեքենաների ձեռքբերում՝ հակահրդեհային ավտոմեքենա վերափոխելու նպատակով (ներմուծում)՝ 4 հատ (2019 թ., 1-2-րդ եռամսյակ) - 49 111.2 հազար դրամ:

2. Վերափոխման նպատակով համալրող տեխնիկական սարքավորումների ձեռքբերում (2019 թ., 2-րդ եռամսյակ) - 7200.8 հազար դրամ, այդ թվում՝

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Ամենագնաց պիկապ ավտոմեքենաների ձեռքբերում՝ հակահրդեհային ավտոմեքենա վերափոխելու նպատակով (ներմուծում)՝ - 49 111.2 հազար դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

2. Վերափոխման նպատակով համալրող տեխնիկական սարքավորումների ձեռքբերում - 7200.8 հազար դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

3. Հատուկ արտահագուստի ձեռքբերում՝ 16 լրակազմ /երկարաճիտ և կիսաճտքավոր կոշիկներ, համազգեստ, սաղավարտ/-2400.0 հազար դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

4. Կոնստրուկցիայի հավաքման և տեղադրման ծառայություն - 800.0 հազար դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

11.

Ծրագրի իրականացման հետ կապված կազմակերպչական ծախսերը

Ծրագրի իրականացման հետ կապված կազմակերպչական ծախսեր նախատեսված չեն:

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Բարեգործական ծրագրերի համակարգման խորհրդակցական հանձնաժողովի և Շրջակա միջավայրի նախարարության հետ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Հաշվետվություն է ներկայացվում բարեգործին, Շրջակա միջավայրի նախարարությանը, ինչպես նաև Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով լիազորված մարմնին: