ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

26 ապրիլի 2019 թվականի N 230-Ա

«ԱՇԽԱՏԻՐ ՀԱՅԱՍՏԱՆ» ԾՐԱԳՐԻ ԻՐԱԿԱՆԱՑՄԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ, ԴՐԱ ԱՆՀԱՏԱԿԱՆ ԿԱԶՄԸ ԵՎ ԱՇԽԱՏԱԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 8-րդ հոդվածի 2-րդ մասը՝

1. Զբաղվածության խթանման, աշխատաշուկայի ուսումնասիրման և ոլորտին առնչվող ծրագրերի արդյունավետության բարձրացման նպատակով մեկնարկած «Աշխատիր Հայաստան» ծրագրի աշխատանքների իրականացման համար ստեղծել աշխատանքային խումբ և հաստատել դրա անհատական կազմը՝ համաձայն N 1 հավելվածի:

2. Հաստատել «Աշխատիր Հայաստան» ծրագրի իրականացման աշխատանքային խմբի աշխատակարգը՝ համաձայն N 2 հավելվածի:

Հայաստանի Հանրապետության փոխվարչապետ	Տ. Ավինյան
2019 թ. ապրիլի 26 Երևան

Հավելված N 1 ՀՀ փոխվարչապետի 2019 թ. ապրիլի 26-ի N 230-Ա որոշման

Ա Ն Հ Ա Տ Ա Կ Ա Ն  Կ Ա Զ Մ

«ԱՇԽԱՏԻՐ ՀԱՅԱՍՏԱՆ» ԾՐԱԳՐԻ ԻՐԱԿԱՆԱՑՄԱՆ ԱՇԽԱՏԱՆՔԱՅԻՆ ԽՄԲԻ

Հայաստանի Հանրապետության փոխվարչապետ

Տ. Ավինյան

Հավելված N 2 ՀՀ փոխվարչապետի 2019 թ. ապրիլի 26-ի N 230-Ա որոշման

Ա Շ Խ Ա Տ Ա Կ Ա Ր Գ

«ԱՇԽԱՏԻՐ ՀԱՅԱՍՏԱՆ» ԾՐԱԳՐԻ ԻՐԱԿԱՆԱՑՄԱՆ ԱՇԽԱՏԱՆՔԱՅԻՆ ԽՄԲԻ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն աշխատակարգը կարգավորում է «Աշխատիր Հայաստան» ծրագրի (այսուհետ` Ծրագիր) մշակման աշխատանքներն իրականացնող աշխատանքային խմբի (այսուհետ` Աշխատանքային խումբ՝ ԱԽ) նպատակների, խնդիրների և գործունեության կարգի հետ կապված հարաբերությունները:

2. Աշխատանքային խմբի հիմնական նպատակը զբաղվածության խթանման և աշխատաշուկայի արդյունավետ ծրագրերի մշակման նպատակով Ծրագրի հայեցակարգի և ճանապարհային քարտեզի մշակման աշխատանքների իրականացումն է:

3. Աշխատանքային խումբն իր գործունեության ընթացքում ղեկավարվում է Հայաստանի Հանրապետության օրենսդրությամբ և սույն աշխատակարգով:

4. Աշխատանքային խումբը Ծրագրի մշակման ընթացքում առանձին առաջադրանքների իրականացման նպատակով անվճար հիմունքներով կամ ոչ պետական բյուջեի միջոցների հաշվին կարող է ներգրավել մասնագետների, փորձագետների և խորհրդատուների:

II. ԱՇԽԱՏԱՆՔԱՅԻՆ ԽՄԲԻ ԽՆԴԻՐՆԵՐԸ

5. ԱԽ գործառույթներն են`

1) Ծրագրի հայեցակարգի և ճանապարհային քարտեզի մշակման աշխատանքների կազմակերպումը.

2) Ծրագրի մշակումն ապահովելու նպատակով պետական կառավարման ու տեղական ինքնակառավարման շահառու մարմինների և պետական հատվածը ներկայացնող այլ մարմինների միջև համագործակցության ապահովումը.

3) Ծրագրի մշակման նպատակով մասնավոր հատվածի հետ երկխոսության ապահովումը, հանրության մասնակցության և հետադարձ կապի ապահովման կազմակերպումը.

4) Ծրագրի մշակման ընթացքում զարգացման գործընկերների և միջազգային ֆինանսական կառույցների հետ համագործակցության ապահովումը։

III. ԱՇԽԱՏԱՆՔԱՅԻՆ ԽՄԲԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ

6. ԱԽ-ն իր աշխատանքները կազմակերպում է նիստերի միջոցով:

7. ԱԽ նիստերն արձանագրվում են:

8. ԱԽ հերթական նիստերը գումարվում են առնվազն ամիսը մեկ անգամ ԱԽ նախագահի մոտ:

9. ԱԽ արտահերթ նիստ կարող է գումարվել ԱԽ նախագահի նախաձեռնությամբ կամ ԱԽ անդամների առնվազն 1/3-ի առաջարկությամբ:

10. ԱԽ նիստը հրավիրում և վարում է ԱԽ նախագահը, իսկ վերջինիս բացակայության դեպքում՝ նրա հանձնարարությամբ ԱԽ անդամներից մեկը:

11. ԱԽ նիստի օրակարգի ձևավորման գործընթացը վերահսկում է ԱԽ նախագահը: ԱԽ նիստի օրակարգի ձևավորման գործընթացը կազմակերպում է ԱԽ քարտուղարը՝ ըստ ԱԽ անդամների ներկայացրած առաջարկությունների:

12. Նիստի օրակարգը հաստատվում է ԱԽ կողմից` նախագահի ներկայացմամբ:

13. ԱԽ նիստի օրակարգի նախագիծը կից փաստաթղթերի փաթեթով ԱԽ քարտուղարը, ոչ ուշ, քան նիստից 3 օր առաջ, ներկայացնում է հանձնաժողովի անդամներին և անհրաժեշտության դեպքում` նիստին հրավիրված անձանց:

14. ԱԽ նիստն իրավազոր է, եթե նիստին ներկա է ԱԽ անդամների կեսից ավելին: ԱԽ որոշումներն ընդունվում են ԱԽ նիստին ներկա՝ ԱԽ անդամների ձայների պարզ մեծամասնությամբ: Ձայների հավասարության դեպքում ԱԽ նախագահի ձայնը որոշիչ է:

15. ԱԽ նիստերի աշխատանքներին մասնակցելու համար կարող են հրավիրվել պետական պաշտոնյաներ, տարածքային կառավարման ու տեղական ինքնակառավարման մարմինների ներկայացուցիչներ, զարգացման միջազգային գործընկերների ներկայացուցիչներ, մասնավոր հատվածը ներկայացնող կառույցների և այլ հասարակական կազմակերպությունների ներկայացուցիչներ, փորձագետներ, զանգվածային լրատվության միջոցների և այլ շահագրգիռ կազմակերպությունների ներկայացուցիչներ։

16. ԱԽ-ն ընդունում է աշխատակարգային որոշումներ։

17. ԱԽ աշխատանքների ընթացքում գրավոր հաղորդակցության հիմնական եղանակն էլեկտրոնային փոստն է:

IV. ԱՇԽԱՏԱՆՔԱՅԻՆ ԽՄԲԻ ՆԱԽԱԳԱՀԸ

18. ԱԽ նախագահը՝

1) հրավիրում և վարում է ԱԽ նիստերը.

2) հավանության է արժանացնում ԱԽ նիստի օրակարգը.

3) իր բացակայության դեպքում հանձնաժողովի անդամներից մեկին հանձնարարում է վարել ԱԽ նիստերը։

V. ԱՇԽԱՏԱՆՔԱՅԻՆ ԽՄԲԻ ԱՆԴԱՄՆԵՐԸ

19. ԱԽ անդամը պարտավոր է մասնակցել ԱԽ նիստերին և քվեարկել:

20. ԱԽ անդամն իրավունք ունի ծանոթանալ ԱԽ նիստի օրակարգում ընդգրկված հարցերի վերաբերյալ բոլոր փաստաթղթերին։

VI. ԱՇԽԱՏԱՆՔԱՅԻՆ ԽՄԲԻ ՔԱՐՏՈՒՂԱՐԸ

21. ԱԽ քարտուղարը՝

1) անհրաժեշտության դեպքում կազմակերպում է փորձագետների և մասնագիտացված կառույցների ներգրավման, ինչպես նաև առանձին ուսումնասիրությունների իրականացումն ապահովելու աշխատանքները.

2) արձանագրում է ԱԽ նիստի քննարկումները և դրանց հիման վրա կազմում որոշման նախագծեր.

3) նախապատրաստում է ԱԽ նիստի օրակարգին վերաբերող նյութեր և կազմակերպում նյութերի տրամադրումը ԱԽ անդամներին.

4) վարում է ԱԽ աշխատանքների հետ կապված գործավարությունը:

Հայաստանի Հանրապետության փոխվարչապետ

Տ. Ավինյան