ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 օգոստոսի 2011 թվականի N 1241-Ն

«ՀԱՆՐԱԿԱՑԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ, «ՀԱՆՐԱԿԱՑԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ԵՎ «ՀԱՆՐԱԿԱՑԱՐԱՆՆԵՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԼՈՒԾԱՐԵԼՈՒ ՄԱՍԻՆ

Ղեկավարվելով «Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածով և «Բաժնետիրական ընկերությունների մասին» Հայաստանի Հանրապետության օրենքի 27-րդ ու 36-րդ հոդվածներով` Հայաստանի Հանրապետության կառավարությունը որոշում է.

1. Թույլատրել «Հանրակացարաններ» փակ բաժնետիրական ընկերությանը (քաղ. Երևան, Մոլդովական 29/1) սեփականության իրավունքով իրեն պատկանող՝ 170.898.369 դրամ արժեք, 21037.02 քառ. մետր մակերես և 2.642487 հեկտար հողամաս ունեցող գույքով վճարել այդ ընկերության կողմից տեղաբաշխված՝ պետությանը պատկանող համապատասխան թվով բաժնետոմսերի` Հայաստանի Հանրապետության օրենսդրությամբ սահմանված կարգով ձեռքբերման դիմաց:

(1-ին կետը փոփ. 22.11.12 N 1462-Ն, 20.10.16 N 1070-Ն)

2. «Հանրակացարաններ» փակ բաժնետիրական ընկերության կողմից ձեռք բերված բաժնետոմսերի մարումից հետո՝ Հայաստանի Հանրապետության օրենսդրությամբ սահմանված կարգով՝ համապատասխան չափով նվազեցնել ընկերության կանոնադրական կապիտալը:

3. Ավելացված արժեքի հարկի վճարումն իրականացնել «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի 9-րդ հոդվածով սահմանված կարգով:

4. «Հանրակացարաններ» փակ բաժնետիրական ընկերության գույքի կազմից առանձնացվող գույքն ամրացնել «Հայաստանի Հանրապետության տարածքային կառավարման և զարգացման նախարարության միգրացիոն պետական ծառայության աշխատակազմ» պետական կառավարչական հիմնարկին:

(4-րդ կետը փոփ. 02.04.15 N 345-Ն, 20.10.16 N 1070-Ն)

5. Ստեղծել «Հանրակացարաններ» պետական ոչ առևտրային կազմակերպություն:

6. Հաստատել «Հանրակացարաններ» պետական ոչ առևտրային կազմակերպության կանոնադրությունը` համաձայն N 1 հավելվածի:

7. Սահմանել, որ «Հանրակացարաններ» պետական ոչ առևտրային կազմակերպության գործունեության առարկան և նպատակներն են`

1) Հայաստանի Հանրապետությունում փախստական ճանաչված և ապաստան ստացած անձանց՝ Հայաստանի Հանրապետության օրենսդրությամբ սահմանված կարգով տրված ուղեգրերի հիման վրա հանրակացարանային սենյակներում բնակեցման աշխատանքների իրականացումը, ինչպես նաև սույն որոշման N 2 հավելվածի N 2 ցանկով նախատեսված շենքերի բնակիչների սոցիալական խնդիրների դեպքում խորհրդատվության ապահովումը.

2) (ենթակետն ուժը կորցրել է 02.04.15 N 345-Ն)

3) սույն որոշման N 2 հավելվածում ընդգրկված շենքերում ընդհանուր օգտագործման տարածքների (այդ թվում՝ նկուղների և տանիքների) սպասարկումը՝ պահպանումը և ընթացիկ նորոգումը, սանիտարահիգիենիկ պայմանների, լուսավորության և էլեկտրասնուցման ապահովման, ջրամատակարարման, ջրահեռացման համակարգերի կազմակերպման սպասարկմանն ուղղված աշխատանքների իրականացումը:

(7-րդ կետը փոփ. 02.04.15 N 345-Ն, լրաց. 16.05.19 N 574-Ն)

8. Հայաստանի Հանրապետության կողմից ձեռք բերված՝ սույն որոշման N 2 հավելվածում նշված գույքը գրանցել որպես Հայաստանի Հանրապետության սեփականություն: Սույն որոշման N 2 հավելվածի N 2 ցանկով նախատեսված գույքն անժամկետ և անհատույց օգտագործման իրավունքով ամրացնել «Հանրակացարաններ» պետական ոչ առևտրային կազմակերպությանը:

(8-րդ կետը խմբ. 02.04.15 N 345-Ն, լրաց. 16.05.19 N 574-Ն)

8.1. (կետն ուժը կորցրել է 16.05.19 N 574-Ն)

8.2. Սույն որոշման N 2 հավելվածի N 2 ցանկում նշված գույքը սեփականաշնորհման ենթակա չէ:

(8.2-րդ կետը լրաց. 16.05.19 N 574-Ն)

8.3. Թույլատրել «Հանրակացարաններ» պետական ոչ առևտրային կազմակերպությանը սույն որոշման N 2 հավելվածի N 1 ցանկի 3-րդ կետում նշված շենքի N 127 սենյակը (17.4 քառ.մ) և 4-րդ կետում նշված շենքի N 313 սենյակը (18.6 քառ.մ) և սույն որոշման N 2 հավելվածի N 2 ցանկի 1-ին կետում նշված շենքի N 301 սենյակը (51.2 քառ.մ) և 2-րդ կետում նշված շենքի N 47 սենյակը (45.6 քառ.մ) օգտագործել որպես աշխատասենյակներ։

(8.3-րդ կետը լրաց. 16.05.19 N 574-Ն)

9. Սահմանել, որ «Հանրակացարաններ» պետական ոչ առևտրային կազմակերպությանը սեփականության իրավունքով չեն հանձնվում պետական սեփականություն հանդիսացող հողեր, նվազագույն աշխատավարձի 1000-ապատիկը գերազանցող գույք, պետական սեփականություն հանդիսացող շենքեր, շինություններ և պատմամշակութային նշանակություն ունեցող գույք:

10. Թույլատրել «Հանրակացարաններ» պետական ոչ առևտրային կազմակերպությանն իրականացնել ձեռնարկատիրական գործունեության հետևյալ տեսակը` տարածքների սպասարկման աշխատանքների իրականացում: Տարածքների սպասարկման աշխատանքների իրականացման դիմաց վճարի սակագները սահմանվում են «Հանրակացարաններ» պետական ոչ առևտրային կազմակերպության կողմից՝ լիազոր մարմնի համաձայնեցմամբ:

(10-րդ կետը փոփ. 02.04.15 N 345-Ն, լրաց. 16.05.19 N 574-Ն)

10.1. «Հանրակացարաններ» պետական ոչ առևտրային կազմակերպության կողմից սպասարկվող տարածքները նշված են սույն որոշման N 2 հավելվածի N 1 ցանկում և N 2 ցանկում:

(10.1-ին կետը լրաց. 16.05.19 N 574-Ն)

11. «Հանրակացարաններ» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «գ», «ե» և «է» ենթակետերով ու 14-րդ հոդվածով նախատեսված լիազորությունները վերապահել Հայաստանի Հանրապետության տարածքային կառավարման և զարգացման նախարարության միգրացիոն ծառայությանը:

(11-րդ կետը փոփ. 02.04.15 N 345-Ն, 20.10.16 N 1070-Ն, 16.05.19 N 574-Ն)

12. Սահմանել, որ «Հանրակացարաններ» պետական ոչ առևտրային կազմակերպության` Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալությունում գրանցման, կնիքի, դրոշմակնիքի ձեռքբերման, ինչպես նաև սույն որոշման համաձայն նրան հանձնվող գույքի գրանցման ծախսերը կատարվում են սեփական միջոցների հաշվին:

13. Հայաստանի Հանրապետության 2011 թվականի պետական բյուջեով «Հանրակացարաններ» փակ բաժնետիրական ընկերությանը հատկացված գումարը Հայաստանի Հանրապետության կառավարության որոշմամբ սահմանված կարգով հատկացնել «Հանրակացարաններ» պետական ոչ առևտրային կազմակերպությանը:

14. Հայաստանի Հանրապետության տարածքային կառավարման և զարգացման նախարարության միգրացիոն պետական ծառայության պետին`

1) սույն որոշումն ուժի մեջ մտնելուց հետո մեկամսյա ժամկետում ապահովել սույն որոշման N 2 հավելվածում նշված գույքի հանձնման-ընդունման աշխատանքների կատարումը.

2) մինչև 2013 թվականի ապրիլի 1-ը Հայաստանի Հանրապետության օրենսդրությամբ սահմանված կարգով լուծարել «Հանրակացարաններ» փակ բաժնետիրական ընկերությունը.

3) լուծարման գործընթացը սահմանված կարգով իրականացնելու նպատակով ստեղծել լուծարային հանձնաժողով և դրա կազմում ընդգրկել Հայաստանի Հանրապետության կառավարության 1999 թվականի դեկտեմբերի 14-ի N 752 որոշմամբ հաստատված կարգի 7-րդ կետում նշված մարմինների ներկայացուցիչներին:

(14-րդ կետը փոփ. 07.03.12 N 250-Ն, 22.11.12 N 1462-Ն, 02.04.15 N 345-Ն, 20.10.16 N 1070-Ն)

15. Սահմանել, որ «Հանրակացարաններ» փակ բաժնետիրական ընկերության լուծարման հաշվեկշիռը կազմելու օրվա դրությամբ հանձնաժողովը պարտատերերի հետ հաշվարկներն ավարտելուց հետո այդ ընկերության դեբիտորական պարտքերի ստացման և այլ պահանջների իրավունքը հանձնում է Հայաստանի Հանրապետության ֆինանսների նախարարությանը, իսկ բաժնետիրական ընկերության պարտատերերի պահանջների բավարարումից հետո մնացած գույքը՝ Հայաստանի Հանրապետության կառավարությանն առընթեր պետական գույքի կառավարման վարչության տնօրինությանը` «Հանրակացարաններ» պետական ոչ առևտրային կազմակերպությանը սեփականության իրավունքով հանձնելու նպատակով:

(15-րդ կետը լրաց. 02.04.15 N 345-Ն)

Կ Ա Ն Ո Ն Ա Դ Ր ՈՒ Թ Յ ՈՒ Ն

«ՀԱՆՐԱԿԱՑԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. «Հանրակացարաններ» պետական ոչ առևտրային կազմակերպությունը շահույթ ստանալու նպատակ չհետապնդող, իրավաբանական անձի կարգավիճակ ունեցող ոչ առևտրային կազմակերպություն է (այսուհետ` կազմակերպություն):

2. Կազմակերպությունն ստեղծվել է Հայաստանի Հանրապետության կառավարության (այսուհետ` հիմնադիր) 2011 թվականի օգոստոսի 25-ի N 1241-Ն որոշմամբ` հիմնադրման միջոցով:

3. Կազմակերպությունն իր գործունեության ընթացքում ղեկավարվում է Հայաստանի Հանրապետության օրենքներով, այլ իրավական ակտերով և սույն կանոնադրությամբ:

4. Հիմնադրի և կազմակերպության միջև հարաբերությունները կարգավորվում են Հայաստանի Հանրապետության օրենսդրությամբ և սույն կանոնադրությամբ:

5. Կազմակերպությունն ունի Հայաստանի Հանրապետության զինանշանի պատկերով և իր` հայերեն ու անգլերեն անվանմամբ կլոր կնիք:

6. Կազմակերպությունը կարող է ունենալ իր անվանմամբ ձևաթղթեր, խորհրդանիշ և այլ անհատականացման միջոցներ:

7. Կազմակերպությունն ունի ինքնուրույն հաշվեկշիռ և հաշիվներ բանկերում` Հայաստանի Հանրապետության արժույթով և արտարժույթով:

8. Կազմակերպության անվանումն է`

1) հայերեն լրիվ` «Հանրակացարաններ» պետական ոչ առևտրային կազմակերպություն.

2) հայերեն կրճատ` «Հանրակացարաններ» ՊՈԱԿ.

3) անգլերեն լրիվ` «Hanrakacaranner» State Non Comertion Organization.

4) անգլերեն կրճատ` «hanrakacaranner» SNCO:

9. Կազմակերպության գտնվելու վայրն է` Հայաստանի Հանրապետություն, քաղ. Երևան, Մոլդովական 29/1:

(9-րդ կետը փոփ. 20.10.16 N 1070-Ն)

II. ԿԱԶՄԱԿԵՐՊՈՒԹՅԱՆ ԳՈՐԾՈՒՆԵՈՒԹՅԱՆ ԱՌԱՐԿԱՆ ՈՒ ՆՊԱՏԱԿՆԵՐԸ

10. Կազմակերպության գործունեության հիմնական նպատակը սույն որոշման N 2 հավելվածում ընդգրկված շենքերում ընդհանուր օգտագործման տարածքների (այդ թվում՝ նկուղների և տանիքների)՝ պահպանման և ընթացիկ նորոգման, սանիտարահիգիենիկ պայմանների և լուսավորության, էլեկտրասնուցման ապահովման, ջրամատակարարման, ջրահեռացման համակարգերի կազմակերպմանն ուղղված սպասարկման աշխատանքների և Հայաստանի Հանրապետությունում փախստական ճանաչված և ապաստան ստացած անձանց՝ Հայաստանի Հանրապետության օրենսդրությամբ սահմանված կարգով տրված ուղեգրերի հիման վրա հանրակացարանային սենյակներում բնակեցման աշխատանքների կատարումն է, ինչպես նաև սույն որոշման N 2 հավելվածի N 2 ցանկով նախատեսված շենքերի բնակիչների սոցիալական խնդիրների դեպքում խորհրդատվության ապահովումը: Սույն կետով նախատեսված նպատակների իրականացման համար կազմակերպությունն ապահովում է՝

1) ընդհանուր օգտագործման տարածքների սպասարկումը և պահպանումը.

2) էլեկտրասնուցման ապահովումը.

3) սանիտարահիգիենիկ կանոնների պահպանման հսկողությունը.

4) ջրամատակարարման և ջրահեռացման (կոյուղի) համակարգերի անխափան գործունեության կազմակերպումը.

5) սույն որոշման N 2 հավելվածի N 2 ցանկում ընդգրկված շենքերում բնակիչներին հատկացված սենյակների պահպանումը, սպասարկումը և ընթացիկ նորոգումը (դռների, լուսամուտների, փականների անսարքությունների վերացում, վերականգնում).

6) սույն որոշման N 2 հավելվածի N 1 ցանկում և N 2 ցանկում ընդգրկված շենքերում բնակվող փախստականների և ոչ փախստական (տեղաբնակ) անձանց հաշվառումը.

7) սույն որոշման N 2 հավելվածի N 1 ցանկում և N 2 ցանկում ընդգրկված շենքերում բնակվող փախստականների և ոչ փախստական (տեղաբնակ) անձանց շենքում բնակվելու և նրանց ընտանիքի կազմի մասին անհրաժեշտ փաստաթղթերի և տեղեկանքների (նոտար, դատարան, անշարժ գույքի կադաստրի կոմիտե, բժշկական կազմակերպություն և այլն) տրամադրումը.

8) ազատ սենյակների առկայության վերաբերյալ գրավոր տեղեկատվություն ներկայացնելը Հայաստանի Հանրապետության տարածքային կառավարման և զարգացման նախարարության միգրացիոն ծառայություն.

9) անհրաժեշտության դեպքում իրավաբանական անձ հանդիսացող կազմակերպությունների և ֆիզիկական անձանց հետ իր կանոնադրական նպատակներից բխող պայմանագրերի կնքումը.

10) սույն որոշման N 2 հավելվածի N 2 ցանկում ընդգրկված շենքերում բնակվող անձանց սոցիալական խնդիրների դեպքում խորհրդատվության ապահովումը՝ համապատասխան ծառայությունների հետ կապ հաստատելու միջոցով.

11) սույն որոշման N 2 հավելվածի N 2 ցանկում ընդգրկված շենքերի բնակիչների կողմից բնակարաններում բնակությունից և գույքի օգտագործումից բխող պարտականությունների պատշաճ կատարման նկատմամբ հսկողությունը, ներքին կարգ ու կանոնի ապահովումը.

12) կազմակերպության հաշվեկշռում գտնվող գույքի տարեկան գույքագրման իրականացման ապահովումը: 

(10-րդ կետը փոփ. 20.10.16 N 1070-Ն, խմբ. 16.05.19 N 574-Ն)

11. Կազմակերպությունն իրականացնում է ձեռնարկատիրական գործունեության «տարածքների սպասարկման աշխատանքների իրականացում» տեսակը:

(11-րդ կետը փոփ. 20.10.16 N 1070-Ն)

III. ԿԱԶՄԱԿԵՐՊՈՒԹՅԱՆ ԻՐԱՎԱՍՈՒԹՅՈՒՆՆԵՐԸ

12. Կազմակերպության իրավունակությունը ծագում է օրենքով սահմանված կարգով պետական գրանցման պահից:

13. Կազմակերպության իրավունքներն ու պարտականությունները սահմանվում են սույն կանոնադրությամբ և Հայաստանի Հանրապետության օրենքներով:

14. Կազմակերպությունը, որպես սեփականություն, ունի առանձնացված գույք և իր պարտավորությունների համար պատասխանատու է այդ գույքով: Կազմակերպությունը կարող է իր անունից ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր և պատասխանող:

15. Կազմակերպությունը պատասխանատվություն չի կրում հիմնադրի, իսկ հիմնադիրը` կազմակերպության պարտավորությունների համար:

16. Կազմակերպության իրավունքները կարող են սահմանափակվել օրենքով նախատեսված դեպքերում և սահմանված կարգով:

17. Կազմակերպությունը պարտավոր է`

1) օրենքներով և այլ իրավական ակտերով սահմանված կարգով վարել հաշվապահական հաշվառում և ներկայացնել հաշվետվություններ.

2) ապահովել կազմակերպության փաստաթղթերի պահպանումը:

18. Կազմակերպության պահպանման տարեկան ծախսերի նախահաշիվը, դրանում առանձին ծախսատեսակների նորմատիվները (ներառյալ աշխատավարձը) և հաստիքացուցակը հաստատվում են լիազորված պետական մարմնի կողմից:

 IV. ԿԱԶՄԱԿԵՐՊՈՒԹՅԱՆ ԿԱՌԱՎԱՐՈՒՄԸ

19. Կազմակերպության կառավարումն իրականացնում են հիմնադիրը, նրա լիազորած պետական մարմինը և գործադիր տնօրենը:

20. Կազմակերպության հիմնադրի բացառիկ իրավասության հարցերն են`

1) կազմակերպության հիմնադրումը.

2) կազմակերպության գործունեության առարկայի և նպատակների, այդ թվում` նրա կողմից իրականացվող ձեռնարկատիրական գործունեության տեսակների սահմանումը.

3) կազմակերպության կանոնադրության հաստատումը և դրանում փոփոխությունների կատարումը.

4) կազմակերպության կառավարման համակարգի սահմանումը.

5) կազմակերպության լուծարման հանձնաժողովի նշանակումը և լուծարման հաշվեկշռի հաստատումը.

6) օրենքով նախատեսված այլ հարցերի լուծումը:

21. Լիազորված պետական մարմնի լիազորություններն են`

1) կազմակերպությանը սեփականության իրավունքով հանձնվող և (կամ) ամրացվող` պետությանը պատկանող գույքի կազմի հաստատումը.

2) կազմակերպության գույքի օտարման կամ վարձակալության հանձնման համար համաձայնություն տալը.

3) կազմակերպության տարեկան հաշվետվությունների և տարեկան հաշվեկշռի հաստատումը.

4) կազմակերպության գործունեության նկատմամբ վերահսկողության իրականացումը.

5) կազմակերպության գործադիր տնօրենի` Հայաստանի Հանրապետության օրենսդրության պահանջներին հակասող հրամանները, հրահանգները, կարգադրություններն ու ցուցումները կասեցնելը կամ ուժը կորցրած ճանաչելը.

6) կազմակերպությանն ամրացված պետական սեփականության օգտագործման և պահպանության նկատմամբ վերահսկողության իրականացումը.

7) կազմակերպության սեփականության պահպանության նկատմամբ վերահսկողության իրականացումը.

8) օրենքով և հիմնադրի որոշումներով նախատեսված այլ գործառույթներ:

22. Կազմակերպության գործադիր տնօրենը գործում է սույն կանոնադրության, հիմնադրի և լիազոր մարմնի կողմից տրված հանձնարարականների համաձայն:

23. Կազմակերպության գործադիր տնօրենը ղեկավարում է կազմակերպության ընթացիկ գործունեությունը և դրա հետ կապված`

1) Հայաստանի Հանրապետության օրենսդրությամբ սահմանված կարգով` հիմնադրի որոշումներով և սույն կանոնադրությամբ իրեն վերապահված լիազորությունների սահմաններում տնօրինում է կազմակերպության գույքը (այդ թվում` ֆինանսական միջոցները) և գործարքներ կնքում կազմակերպության անունից.

2) ներկայացնում է կազմակերպությունն այլ մարմինների և կազմակերպությունների հետ փոխհարաբերություններում.

3) գործում է առանց լիազորագրի և տալիս լիազորագրեր.

4) Հայաստանի Հանրապետության օրենսդրությամբ սահմանված կարգով կնքում է պայմանագրեր (այդ թվում` աշխատանքային).

5) բանկերում բացում է կազմակերպության հաշվարկային (այդ թվում` արտարժութային) և այլ հաշիվներ.

6) սահմանում է կազմակերպության կառուցվածքը.

7) իր իրավասության սահմաններում արձակում է հրամաններ, հրահանգներ, տալիս պարտադիր կատարման համար ցուցումներ և հսկում դրանց կատարումը.

8) Հայաստանի Հանրապետության օրենսդրությամբ սահմանված կարգով աշխատանքի է ընդունում կազմակերպության աշխատողներին.

9) Հայաստանի Հանրապետության օրենսդրությամբ սահմանված կարգով և հիմքերի առկայության դեպքում աշխատանքից ազատում է կազմակերպության աշխատողներին.

10) կազմակերպության աշխատողների նկատմամբ կիրառում է խրախուսանքի և կարգապահական պատասխանատվության միջոցներ.

11) իրականացնում է Հայաստանի Հանրապետության օրենսդրությամբ, սույն կանոնադրությամբ, հիմնադրի և լիազոր մարմնի հանձնարարականներով նախատեսված այլ լիազորություններ:

 V. ԿԱԶՄԱԿԵՐՊՈՒԹՅԱՆ ՄԻՋՈՑՆԵՐԸ

24. Կազմակերպության սեփականությունը ձևավորվում է կազմակերպության հիմնադրման ժամանակ և հետագայում հիմնադրի կողմից սեփականության իրավունքով նրան հանձնվող ու կազմակերպության գործունեության ընթացքում ձեռք բերված գույքից, ինչպես նաև՝ կազմակերպությանն ամրացված գույքի օգտագործման արդյունքում ստացված եկամուտներից:

25. Կազմակերպությունն իրավունք ունի, օրենքին, հիմնադրի որոշումներին և (կամ) իր կանոնադրությանը համապատասխան, իր հայեցողությամբ, տիրապետելու, տնօրինելու և օգտագործելու սեփականության իրավունքով իրեն պատկանող գույքը:

26. Հիմնադիրը կազմակերպությանը սեփականության իրավունքով պատկանող գույքի նկատմամբ չունի իրավունքներ` բացառությամբ կազմակերպության լուծարումից հետո մնացած գույքի:

27. Կազմակերպության սեփականության պահպանման հոգսը կրում է կազմակերպությունը:

28. Կազմակերպության սեփականության վրա կարող է տարածվել բռնագանձում` միայն դատական կարգով:

 VI. ԿԱԶՄԱԿԵՐՊՈՒԹՅԱՆ ՇԱՀՈՒՅԹԻ ՕԳՏԱԳՈՐԾՄԱՆ ԿԱՐԳԸ

29. Կազմակերպությունը, սույն կանոնադրությամբ նախատեսված խնդիրներն իրականացնելիս, ստացված շահույթն ամբողջությամբ ուղղում է իր կանոնադրական նպատակների իրականացմանը:

30. Յուրաքանչյուր ֆինանսական տարվա ավարտից հետո մնացած կազմակերպության շահույթը կազմակերպության լիազորած պետական մարմնի թույլտվությամբ ուղղվում է կազմակերպության տեխնիկական զարգացման ֆոնդին:

VII. ԿԱԶՄԱԿԵՐՊՈՒԹՅԱՆ ՎԵՐԱԿԱԶՄԱԿԵՐՊՈՒՄԸ ԵՎ ԼՈՒԾԱՐՈՒՄԸ

31. Կազմակերպությունը կարող է վերակազմակերպվել հիմնադրի որոշմամբ` Հայաստանի Հանրապետության օրենքով սահմանված կարգով:

32. Կազմակերպությունը դատական կարգով կարող է վերակազմակերպվել` օրենքով սահմանված դեպքերում և կարգով:

33. Կազմակերպության լուծարմամբ նրա գործունեությունը դադարում է` առանց իրավունքները և պարտականություններն իրավահաջորդության կարգով այլ անձանց անցնելու:

34. Կազմակերպությունը կարող է լուծարվել հիմնադրի որոշմամբ` Հայաստանի Հանրապետության քաղաքացիական օրենսգրքով սահմանված կարգով:

35. Կազմակերպությունը կարող է լուծարվել նաև սնանկության հետևանքով:

36. Կազմակերպությունը դատական կարգով կարող է լուծարվել միայն օրենքով նախատեսված դեպքերում և կարգով:

37. Կազմակերպության լուծարման դեպքում կազմակերպության պարտատերերի պահանջների բավարարումից հետո մնացած գույքը փոխանցվում է Հայաստանի Հանրապետության պետական բյուջե:

(հավելվածը փոփ. 20.10.16 N 1070-Ն, խմբ. 16.05.19 N 574-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 2  ՀՀ կառավարության 2011 թվականի օգոստոսի 25-ի N 1241-Ն որոշման

ՑԱՆԿ N 1

«ՀԱՆՐԱԿԱՑԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ՍՊԱՍԱՐԿՎՈՂ ՏԱՐԱԾՔՆԵՐԻ

NN ը/կ	Գտնվելու վայրը
1.	Քաղ. Երևան, Նոր Նորքի 2-րդ զանգվ., Մոլդովական 29/1 (չսեփականաշնորհված տարածքներ)
2.	Քաղ. Երևան, Նոր Նորքի 2-րդ զանգվ., Մոլդովական 29/2 (չսեփականաշնորհված տարածքներ)
3.	Քաղ. Երևան, Շիրակի 2 ա/7 (չսեփականաշնորհված տարածքներ)
4.	ՀՀ Կոտայքի մարզ, քաղ. Աբովյան, Հատիսի փող., ճարտարագիտական քոլեջի հանրակացարան (չսեփականաշնորհված տարածքներ)

ՑԱՆԿ N 2

«ՀԱՆՐԱԿԱՑԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՄՐԱՑՎՈՂ, ԿԱԶՄԱԿԵՐՊՈՒԹՅԱՆ ԿՈՂՄԻՑ ՍՊԱՍԱՐԿՎՈՂ ՏԱՐԱԾՔՆԵՐԻ

NN ը/կ	Գտնվելու վայրը	Շենքը, շինության մակերեսը (քառ. մետր)
1.	Քաղ. Երևան, Նոր Նորքի 2-րդ զանգվ., Մոլդովական 29/1 շենքի 1-ին հարկի մուտքից ձախ հատվածի NN 1, 2, 3, 5, 6, 7, 8, 9, 10, 11, 12 բնակարանները (201.3 քառ. մ) և 3-րդ հարկում գտնվող NN 301, 302, 303, 304, 305, 306, 307, 309, 310, 311, 312, 313, 314 բնակարանները (557.24 քառ. մ)	758.54 քառ. մ մակերեսով
2.	ՀՀ Արարատի մարզ, գ. Դարբնիկ, Անդրանիկի փողոց, N 4	2695.9 քառ. մ մակերեսով

(հավելվածը փոփ. 22.11.12 N 1462-Ն, 26.05.16 N 543-Ն, 20.10.16 N 1070-Ն, խմբ. 16.05.19 N 574-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան