ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

10 ապրիլի 2019 թվականի N 391-Ա

ՊԱՏՎԻՐԱԿՈՒԹՅՈՒՆ ԲՈՍՆԻԱ ԵՎ ՀԵՐՑԵԳՈՎԻՆԱ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`

1. Վերակառուցման և զարգացման եվրոպական բանկի կառավարիչների խորհրդի 28-րդ տարեկան ժողովին և «Կապակցելով տնտեսությունները հանուն ավելի կայուն տնտեսական աճի» խորագրով բիզնես համաժողովին մասնակցելու նպատակով 2019 թվականի մայիսի 6-10-ը Բոսնիա և Հերցեգովինա (Սարաևո) գործուղել պատվիրակություն՝ համաձայն հավելվածի:

2. Պատվիրակության՝ Բոսնիա և Հերցեգովինա (Սարաևո) գործուղման հետ կապված ծախսերը` համաձայն փաստացի կատարված ծախսերը հիմնավորող փաստաթղթերի, կատարել՝

1) Տիգրան Ավինյանինը և Անետա Բաբայանինը՝ Հայաստանի Հանրապետության վարչապետի աշխատակազմի պահպանման ծախսերում գործուղումների համար նախատեսված միջոցների հաշվին.

2) Ավագ Ավանեսյանինը՝ Հայաստանի Հանրապետության 2019 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Մարտին Գալստյանի գործուղման հետ կապված ծախսերը կատարվելու են Հայաստանի Հանրապետության կենտրոնական բանկի միջոցների հաշվին:

4. Հայաստանի Հանրապետության փոխվարչապետ Տիգրան Ավինյանին` ապահովել գործուղումից վերադառնալուց հետո եռօրյա ժամկետում պատվիրակության՝ Բոսնիա և Հերցեգովինա գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:

Հայաստանի Հանրապետության վարչապետ	Ն. Փաշինյան
2019 թ. ապրիլի 10 Երևան

Հավելված ՀՀ վարչապետի 2019 թ. ապրիլի 10-ի N 391-Ա որոշման

Կ Ա Զ Մ

2019 ԹՎԱԿԱՆԻ ՄԱՅԻՍԻ 6-10-Ը ԲՈՍՆԻԱ ԵՎ ՀԵՐՑԵԳՈՎԻՆԱ ՄԵԿՆՈՂ ՊԱՏՎԻՐԱԿՈՒԹՅԱՆ

Տ. Ավինյան	- ՀՀ փոխվարչապետ
Ա. Ավանեսյան	- ՀՀ տնտեսական զարգացման և ներդրումների նախարարի տեղակալ
Ա. Բաբայան	- ՀՀ փոխվարչապետ Տ. Ավինյանի օգնական
Մ. Գալստյան	- ՀՀ կենտրոնական բանկի խորհրդի անդամ (համաձայնությամբ)

Հայաստանի Հանրապետության վարչապետ

Ն. Փաշինյան