ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 հունվարի 2019 թվականի N 8-Ա

ԳՈՒՅՔ ՀԵՏ ՎԵՐՑՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ

Հիմք ընդունելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ և 7-րդ մասերը՝ Հայաստանի Հանրապետության կառավարությունը որոշում է.

1. Հայաստանի Հանրապետության սեփականությունը հանդիսացող, Հայաստանի Հանրապետության կրթության տեսչական մարմնին ամրացված, Հայաստանի Հանրապետության կրթության և գիտության նախարարության հաշվեկշռում հաշվառված տրանսպորտային միջոցը՝ համաձայն N 1 հավելվածի, հետ վերցնել և ամրացնել Հայաստանի Հանրապետության տնտեսական զարգացման և ներդրումների նախարարության պետական գույքի կառավարման կոմիտեին՝ հետագայում օտարման նպատակով:

2. Հայաստանի Հանրապետության սեփականությունը հանդիսացող, Հայաստանի Հանրապետության կրթության և գիտության նախարարության գիտության կոմիտեին ամրացված տրանսպորտային միջոցը՝ համաձայն N 2 հավելվածի, հետ վերցնել և ամրացնել Հայաստանի Հանրապետության կրթության տեսչական մարմնին:

3. Հայաստանի Հանրապետության տնտեսական զարգացման և ներդրումների նախարարության պետական գույքի կառավարման կոմիտեի նախագահին՝

1) երկշաբաթյա ժամկետում, Հայաստանի Հանրապետության կրթության տեսչական մարմնի հետ համատեղ, Հայաստանի Հանրապետության օրենսդրությամբ սահմանված կարգով ապահովել սույն որոշման N 1 հավելվածում նշված ավտոմեքենայի հանձնման-ընդունման աշխատանքների կատարումը.

2) սույն որոշման 3-րդ կետի 1-ին ենթակետում նշված աշխատանքների ավարտից հետո երկշաբաթյա ժամկետում ապահովել սույն որոշման N 1 հավելվածում նշված ավտոմեքենայի՝ Հայաստանի Հանրապետության օրենսդրությամբ սահմանված կարգով հաշվառումը՝ դրա հետ կապված ծախսերն իրականացնելով Հայաստանի Հանրապետության կրթության տեսչական մարմնի միջոցների հաշվին:

4. Հայաստանի Հանրապետության կրթության տեսչական մարմնի ղեկավարին՝

1) երկշաբաթյա ժամկետում Հայաստանի Հանրապետության կրթության և գիտության նախարարության գիտության կոմիտեի հետ համատեղ Հայաստանի Հանրապետության օրենսդրությամբ սահմանված կարգով ապահովել սույն որոշման N 2 հավելվածում նշված ավտոմեքենայի հանձնման-ընդունման աշխատանքների կատարումը.

2) սույն որոշման 4-րդ կետի 1-ին ենթակետում նշված աշխատանքների ավարտից հետո երկշաբաթյա ժամկետում ապահովել սույն որոշման N 2 հավելվածում նշված ավտոմեքենայի՝ Հայաստանի Հանրապետության օրենսդրությամբ սահմանված կարգով հաշվառումը՝ դրա հետ կապված ծախսերն իրականացնելով Հայաստանի Հանրապետության կրթության տեսչական մարմնի միջոցների հաշվին:

Հայաստանի Հանրապետության վարչապետ	Ն. Փաշինյան
2019 թ. հունվարի 18 Երևան

Հավելված N 1 ՀՀ կառավարության 2019 թվականի հունվարի 10-ի N 8-Ա որոշման

Ց Ա Ն Կ

Հայաստանի Հանրապետության ՏՆՏԵՍԱԿԱՆ ԶԱՐԳԱՑՄԱՆ ԵՎ ՆԵՐԴՐՈՒՄՆԵՐԻ ՆԱԽԱՐԱՐՈՒԹՅԱՆ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ԿՈՄԻՏԵԻՆ ԱՄՐԱՑՎՈՂ ՏՐԱՆՍՊՈՐՏԱՅԻՆ ՄԻՋՈՑԻ

NN ը/կ	Մակնիշը, նույնականացման համարը		Պետական համարանիշը	Թողարկման տարեթիվը	Ձեռքբերման տարեթիվը	Սկզբնական արժեքը (դրամ)	Հաշվեկշռային արժեքը (վերագնա-հատված) (դրամ)
		ՀՀ կրթության տեսչական մարմին
1.	Նիսան Մաքսիմա, JN1CA31C84T732999		250LL60	2004 թ.	2011 թ.	5387865,16	5414804

          

Հայաստանի Հանրապետության վարչապետ

Ն. Փաշինյան

Հավելված N 2 ՀՀ կառավարության 2019 թվականի հունվարի 10-ի N 8-Ա որոշման

Ց Ա Ն Կ

Հայաստանի Հանրապետության ԿՐԹՈՒԹՅԱՆ ՏԵՍՉԱԿԱՆ ՄԱՐՄՆԻՆ ԱՄՐԱՑՎՈՂ ՏՐԱՆՍՊՈՐՏԱՅԻՆ ՄԻՋՈՑԻ

NN ը/կ	Մակնիշը, նույնականացման համարը	Պետական համարանիշը	Թողարկման տարեթիվը	Սկզբնական արժեքը (դրամ)	Հաշվեկշռային արժեքը (դրամ)
ՀՀ կրթության և գիտության նախարարության գիտության կոմիտե
1.	TOYOTA COROLLA NMTBTOJE50R002252	707LL60	2013 թ.	8375000	4355000

Հայաստանի Հանրապետության վարչապետ

Ն. Փաշինյան