ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ, ԿԱՊԻ ԵՎ ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՆԱԽԱՐԱՐԻ 2018 ԹՎԱԿԱՆԻ ԴԵԿՏԵՄԲԵՐԻ 20-Ի ԹԻՎ 1064-Ն ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ԵՎ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ՈՒ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» կետի և «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածների դրույթներով.

1. Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարի 2018 թվականի դեկտեմբերի 20-ի «2019 թվականի փոստային վճարման պետական նշանների թեման, գործողության մեջ դնելու ժամկետը, անվանագինը և տպաքանակը հաստատելու մասին» N 1064-Ն հրամանի հավելվածը լրացնել հետևյալ բովանդակությամբ նոր՝ «4.11» կետով.

«

4.11 Եվրոպայի խորհուրդ 1 նամականիշով բացիկ II եռամսյակ 240 1 000

»:

2. Հաստատել փոստային վճարման պետական նշանների նմուշները`

1) Մահաթմա Գանդիի ծննդյան 150-ամյակը թեմային նվիրված «1869-1948. ՄԱՀԱԹՄԱ ԳԱՆԴԻ. MAHATMA GANDHI» նամականիշի, համաձայն N 1 հավելվածի.

2) Եվրոպայի խորհուրդ թեմային նվիրված «ԵՎՐՈՊԱՅԻ ԽՈՐՀՈՒՐԴ. ՄԵՐ ԻՐԱՎՈՒՆՔՆԵՐԸ, ՄԵՐ ԱԶԱՏՈՒԹՅՈՒՆՆԵՐԸ, ՄԵՐ ԵՎՐՈՊԱՆ. OUR RIGHTS, OUR FREEDOMS, OUR EUROPE. 1949-2019. COUNSIL OF EUROPE» 1 նամականիշով բացիկի, համաձայն N 2 հավելվածի.

3) Հրշեջներ թեմային նվիրված «ՀՐՇԵՋՆԵՐ. FIREFIGHTERS» նամականիշի, համաձայն N 3 հավելվածի:

3. Գործողության մեջ դնել`

1) Մահաթմա Գանդիի ծննդյան 150-ամյակը թեմային նվիրված «1869-1948. ՄԱՀԱԹՄԱ ԳԱՆԴԻ. MAHATMA GANDHI» նամականիշը, սահմանելով անվանագինը` 650 դրամ, տպաքանակը` 40 000 հատ.

2) Եվրոպայի խորհուրդ թեմային նվիրված «ԵՎՐՈՊԱՅԻ ԽՈՐՀՈՒՐԴ. ՄԵՐ ԻՐԱՎՈՒՆՔՆԵՐԸ, ՄԵՐ ԱԶԱՏՈՒԹՅՈՒՆՆԵՐԸ, ՄԵՐ ԵՎՐՈՊԱՆ. OUR RIGHTS, OUR FREEDOMS, OUR EUROPE. 1949-2019. COUNSIL OF EUROPE» 1 նամականիշով բացիկը, սահմանելով անվանագինը՝ 240 դրամ, տպաքանակը՝ 1000 հատ.

3) Հրշեջներ թեմային նվիրված «ՀՐՇԵՋՆԵՐ. FIREFIGHTERS» նամականիշը, սահմանելով անվանագինը՝ 330 դրամ, տպաքանակը՝ 30 000 հատ:

Նախարար

Հ. Արշակյան