ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

26 դեկտեմբերի 2017 թվականի N 1535-Ա

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ, ԴՐԱ ԱՆՀԱՏԱԿԱՆ ԿԱԶՄԸ ԵՎ ԱՇԽԱՏԱԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի՝

1. Ստեղծել միջգերատեսչական հանձնաժողով (այսուհետ` հանձնաժողով) զբոսաշրջության ոլորտին առնչվող, սակայն Հայաստանի Հանրապետության տնտեսական զարգացման և ներդրումների նախարարության և Հայաստանի Հանրապետության տնտեսական զարգացման և ներդրումների նախարարության զբոսաշրջության պետական կոմիտեի իրավասություններից դուրս հարցերի քննարկման նպատակով:

2. Հաստատել՝

1) հանձնաժողովի անհատական կազմը` համաձայն N 1 հավելվածի.

2) հանձնաժողովի աշխատակարգը` համաձայն N 2 հավելվածի:

Հայաստանի Հանրապետության վարչապետ	Կ. Կարապետյան
2017 թ. դեկտեմբերի 26 Երևան

Հավելված N 1 ՀՀ վարչապետի 2017 թ. դեկտեմբերի 26-ի N 1535-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

Ս. Վ. Սիսեռյան	- ՀՀ փոխվարչապետի գրասենյակի ղեկավար (հանձնաժողովի նախագահ)
Տ․ Խաչատրյան	- ՀՀ տնտեսական զարգացման և ներդրումների նախարարի պաշտոնակատար (հանձնաժողովի նախագահի տեղակալ)
Հ. Գրիգորյան	- ՀՀ տնտեսական զարգացման և ներդրումների նախարարության զբոսաշրջության կոմիտեի նախագահ
Ա. Արզումանյան	- ՀՀ տրանսպորտի, կապի և տեղեկատվական տեխնոլոգիաների նախարարի տեղակալ
Տ. Գալստյան	- ՀՀ մշակույթի նախարարի տեղակալ
Հ. Սիմիդյան	- ՀՀ տարածքային կառավարման և զարգացման նախարարի տեղակալ
Ա. Ղազարյան	- ՀՀ բնապահպանության նախարարի տեղակալ
Տ․Ռևազյան	- ՀՀ տրանսպորտի, կապի և տեղեկատվության տեխնոլոգիաների նախարարության քաղաքացիական ավիացիայի կոմիտեի պետ
Ա․ Մինասյան	- ՀՀ քաղաքաշինության կոմիտեի նախագահի խորհրդական
Ա. Խզմալյան	- Հայաստանի զբոսաշրջության զարգացման հիմնադրամի տնօրեն (համաձայնությամբ)
Ա. Կիրակոսյան	- Հայաստանի տարածքային զարգացման հիմնադրամի տնօրեն (համաձայնությամբ)
Տ. Ասողիկ քահանա Կարապետյան	- Մայր Աթոռ Սուրբ Էջմիածնի թանգարանների և արխիվի տնօրեն (համաձայնությամբ)

(հավելվածը խմբ. 29.11.18 N 1606-Ա)

Հայաստանի Հանրապետության կառավարության աշխատակազմի ղեկավար

Վ. Ստեփանյան

Հավելված N 2 ՀՀ վարչապետի 2017 թ. դեկտեմբերի 26-ի N 1535-Ա որոշման

ԱՇԽԱՏԱԿԱՐԳ ՄԻՋԳԵՐԱՏԵՍՉԱԿԱՆ

ՀԱՆՁՆԱԺՈՂՈՎԻ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են զբոսաշրջության ոլորտին առնչվող, սակայն Հայաստանի Հանրապետության տնտեսական զարգացման և ներդրումների նախարարության և Հայաստանի Հանրապետության տնտեսական զարգացման և ներդրումների նախարարության զբոսաշրջության պետական կոմիտեի իրավասություններից դուրս հարցերի քննարկման նպատակով ստեղծված հանձնաժողովի (այսուհետ` հանձնաժողով) աշխատանքների կազմակերպման հետ կապված հարաբերությունները:

2. Հանձնաժողովն իր գործունեության ընթացքում ղեկավարվում է Հայաստանի Հանրապետության օրենսդրությամբ և սույն կարգով:

II. ՀԱՆՁՆԱԺՈՂՈՎԻ ՆՊԱՏԱԿԸ

3. Հանձնաժողովի նպատակն է զբոսաշրջության ոլորտին առնչվող հարցերով պետական մարմինների աշխատանքների մեկտեղումը, զբոսաշրջության ոլորտին առնչվող, սակայն Հայաստանի Հանրապետության տնտեսական զարգացման և ներդրումների նախարարության և Հայաստանի Հանրապետության տնտեսական զարգացման և ներդրումների նախարարության զբոսաշրջության պետական կոմիտեի իրավասություններից դուրս հարցերի քննարկումը, լուծմանն ուղղված առաջարկությունների մշակումն ու ներկայացումն իրավասու պետական կառավարման և տեղական ինքնակառավարման մարմիններին, ինչպես նաև Հայաստանյայց Առաքելական Սուրբ Եկեղեցուն:

III. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՈՒՄԸ

4. Հանձնաժողովն իր գործունեությունն իրականացնում է նիստերի միջոցով։

5. Հանձնաժողովը ղեկավարում և հանձնաժողովի նիստերը հրավիրում է հանձնաժողովի նախագահը:

6. Հանձնաժողովի նախագահի բացակայության դեպքում հանձնաժողովի նախագահի պարտականությունները կատարում է հանձնաժողովի նախագահի տեղակալը:

7. Հանձնաժողովի նիստն իրավազոր է, եթե նիստին մասնակցում է հանձնաժողովի անդամների կեսից ավելին:

8. Հանձնաժողովում որոշումներն ընդունվում են նիստին մասնակցած հանձնաժողովի անդամների ձայների պարզ մեծամասնությամբ: Ձայների հավասարության դեպքում հանձնաժողովի նախագահի ձայնը վճռորոշ է:

9. Հանձնաժողովի նիստն արձանագրվում է: Արձանագրությունը, որը ներառում է նիստի ընթացքում բարձրացված հարցերը և դրանց լուծման վերաբերյալ առաջարկները, ստորագրվում է հանձնաժողովի նախագահի և նիստին մասնակցած հանձնաժողովի անդամների կողմից:

10. Արձանագրությունն ուղարկվում է գործադիր իշխանության հանրապետական և տարածքային մարմիններին` ի կատարումն, ինչպես նաև տեղական ինքնակառավարման մարմիններին և Հայաստանյայց Առաքելական Սուրբ Եկեղեցուն` արձանագրության մեջ նշված հարցերի լուծմանն ընթացք տալու առաջարկությամբ:

11. Հանձնաժողովի նիստերը հրավիրվում են և հարցերը քննարկվում են Հայաստանի Հանրապետության տնտեսական զարգացման և ներդրումների նախարարության զբոսաշրջության պետական կոմիտեի առաջարկությամբ:

12. Հայաստանի Հանրապետության տնտեսական զարգացման և ներդրումների նախարարության զբոսաշրջության պետական կոմիտեն հարցերը ներկայացնում է հանձնաժողովին մասնավոր հատվածից և այլ շահագրգիռ մարմիններից ստացված առաջարկությունների և նրանց հետ քննարկումների արդյունքում:

13. Հանձնաժողովի նիստի ընթացքում հանձնաժողովի անդամների կողմից քննարկվում է նախորդ նիստի արձանագրության մեջ տեղ գտած հարցերի կատարման ընթացքը, ներկայացվում են նոր հարցեր:

14. Հանձնաժողովի քարտուղարությունը Հայաստանի Հանրապետության տնտեսական զարգացման և ներդրումների նախարարության զբոսաշրջության պետական կոմիտեն է:

IV. ՀԱՆՁՆԱԺՈՂՈՎԻ ՆԱԽԱԳԱՀԸ

15. Հանձնաժողովի նախագահը`

1) հրավիրում է հանձնաժողովի նիստերը և նախագահում դրանք.

2) կազմակերպում և համակարգում է հանձնաժողովի աշխատանքները.

3) ստորագրում է հանձնաժողովի որոշումները և արձանագրությունները, հանձնաժողովի գործունեությանն առնչվող անհրաժեշտ փաստաթղթերն ու գրությունները, հաստատում է հանձնաժողովի նիստերի օրակարգերը:

V. ՀԱՆՁՆԱԺՈՂՈՎԻ ԱՆԴԱՄԸ

16. Հանձնաժողովի անդամը`

1) մասնակցում է հանձնաժողովի նիստերին.

2) իր իրավասության սահմաններում ապահովում է հանձնաժողովի և հանձնաժողովում իր կողմից ներկայացվող կառույցի միջև ընդհանուր տեսլականի ձևավորումն ու արդյունավետ համագործակցությունը.

3) ստորագրում է հանձնաժողովի նիստերի արձանագրությունները:

VI. ՀԱՆՁՆԱԺՈՂՈՎԻ ՔԱՐՏՈՒՂԱՐՈՒԹՅՈՒՆԸ

17. Հանձնաժողովի քարտուղարությունը`

1) հանձնաժողովի նախագահի հանձնարարությամբ, հանձնաժողովի անդամների առաջարկությամբ, մասնավոր հատվածի հետ քննարկումների արդյունքում ձևավորում է հանձնաժողովի նիստի օրակարգը և ներկայացնում է այն հանձնաժողովի նախագահի հաստատմանը.

2) հանձնաժողովի անդամներին տրամադրում է հանձնաժողովի նախագահի կողմից հաստատված օրակարգը և հանձնաժողովի նիստի անցկացման վայրի ու ժամկետի վերաբերյալ տեղեկատվությունը.

3) վարում է հանձնաժողովի աշխատանքների հետ կապված գործավարությունը, կազմում է հանձնաժողովի նիստերի արձանագրությունները և դրանք ներկայացնում նիստին մասնակցած հանձնաժողովի անդամների ստորագրությանը:

Հայաստանի Հանրապետության կառավարության աշխատակազմի ղեկավար

Վ. Ստեփանյան