ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2007 ԹՎԱԿԱՆԻ ՕԳՈՍՏՈՍԻ 17-Ի ՆՀ-193-Ն ՀՐԱՄԱՆԱԳՐՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը՝ որոշում եմ.

Հայաստանի Հանրապետության Նախագահի 2007 թվականի օգոստոսի 17-ի «Հայաստանի Հանրապետության Նախագահի աշխատակազմի կանոնադրությունը և կառուցվածքը հաստատելու մասին» ՆՀ-193-Ն հրամանագրով հաստատված 1-ին հավելվածը լրացնել 16.2-րդ կետով.

«16.2. ՀՀ Նախագահի գլխավոր ռազմական տեսչի պաշտոնը թափուր մնալու դեպքում ՀՀ Նախագահը ՀՀ Նախագահի գլխավոր ռազմական տեսչի լիազորությունները կարող է վերապահել ՀՀ Նախագահի աշխատակազմի հայեցողական պաշտոն զբաղեցնող անձի:»:

Հայաստանի Հանրապետության Նախագահ	Ս. Սարգսյան
2016 թ. փետրվարի 4 Երևան ՆՀ-158-Ն