Գլխավոր տեղեկություն

Համար

N 1070-Ն

Տիպ

Որոշում

Ակտի տիպ

Հիմնական ակտ (11.10.2018-մինչ օրս)

Կարգավիճակ

Գործում է

Սկզբնաղբյուր

ՀՀՊՏ 2018.11.01/82(1440) Հոդ.1045

Ընդունող մարմին

ՀՀ կառավարություն

Ընդունման ամսաթիվ

20.09.2018

Ստորագրող մարմին

ՀՀ վարչապետ

Ստորագրման ամսաթիվ

01.10.2018

Ուժի մեջ մտնելու ամսաթիվ

11.10.2018

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 սեպտեմբերի 2018 թվականի N 1070-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1442-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ հոդվածի 1-ին մասը՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2013 թվականի դեկտեմբերի 19-ի «Սևանա լճում իշխանի պաշարների վերականգնման և ձկնաբուծության զարգացման համալիր ծրագրի նախագծի պետական բնապահպանական ու անկախ տնտեսական փորձաքննությունների անցկացման և Սևանի իշխանի պաշարների վերականգնման և ձկնաբուծության զարգացման հիմնադրամ ստեղծելու, հիմնադրամի կանոնադրությունը և դրա անհատական կազմը հաստատելու մասին» N 1442-Ն որոշման մեջ կատարել հետևյալ փոփոխությունները՝

1) որոշման վերնագրից, 5-րդ կետի 2-րդ ենթակետից և N 1 հավելվածի 3-րդ գլխի 3.2-րդ բաժնի առաջին պարբերության 2-րդ կետից հանել «անհատական» բառը.

2) որոշման N 3 հավելվածը շարադրել նոր խմբագրությամբ՝ համաձայն հավելվածի:

2. Հայաստանի Հանրապետության գյուղատնտեսության նախարարին՝ մեկամսյա ժամկետում ապահովել սույն որոշման ընդունմամբ պայմանավորված՝ Սևանի իշխանի պաշարների վերականգնման և ձկնաբուծության զարգացման հիմնադրամի կանոնադրության մեջ համապատասխան փոփոխությունների կատարումը և դրանց պետական գրանցումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության
վարչապետ
Ն. Փաշինյան

2018 թ. հոկտեմբերի 1

Երևան

Հավելված

ՀՀ կառավարության 2018 թվականի

սեպտեմբերի 20-ի N 1070-Ն որոշման

«Հավելված N 3

ՀՀ կառավարության 2013 թվականի

դեկտեմբերի 19-ի N 1442-Ն որոշման

Կ Ա Զ Մ

ՍԵՎԱՆԻ ԻՇԽԱՆԻ ՊԱՇԱՐՆԵՐԻ ՎԵՐԱԿԱՆԳՆՄԱՆ ԵՎ ՁԿՆԱԲՈՒԾՈՒԹՅԱՆ ԶԱՐԳԱՑՄԱՆ ՀԻՄՆԱԴՐԱՄԻ ՀՈԳԱԲԱՐՁՈՒՆԵՐԻ ԽՈՐՀՐԴԻ

Ոլորտը համակարգող փոխվարչապետ (խորհրդի նախագահ)

Հայաստանի Հանրապետության վարչապետի գլխավոր խորհրդական (խորհրդի նախագահի տեղակալ)

Հայաստանի Հանրապետության բնապահպանության նախարար

Հայաստանի Հանրապետության գյուղատնտեսության նախարար

Հայաստանի Հանրապետության արդարադատության նախարարի տեղակալ

Հայաստանի Հանրապետության տնտեսական զարգացման և ներդրումների նախարարի տեղակալ

Հայաստանի Հանրապետության Գեղարքունիքի մարզպետ

Գիտությունների ազգային ակադեմիայի Սևանա լճի պահպանության փորձագիտական հանձնաժողովի նախագահ (համաձայնությամբ)»:

Հայաստանի Հանրապետության
վարչապետ
Ն. Փաշինյան

Փոփոխման պատմություն

Փոփոխող ակտ		Համապատասխան ինկորպորացիան

Փոփոխված ակտ

Փոփոխող ակտ		Համապատասխան ինկորպորացիան