ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

ՎԻԵՏՆԱՄԻ ՍՈՑԻԱԼԻՍՏԱԿԱՆ ՀԱՆՐԱՊԵՏՈՒԹՅՈՒՆՈՒՄ ԾԱԳՈՂ ԵՎ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՎՈՂ ԱՊՐԱՆՔՆԵՐԻ ՆԿԱՏՄԱՄԲ ՆԵՐՄՈՒԾՄԱՆ ՄԱՔՍԱՏՈՒՐՔԵՐԻ ԴՐՈՒՅՔԱՉԱՓԵՐԻ ԿԻՐԱՌՄԱՆ ՄԱՍԻՆ

Եվրասիական տնտեսական միության և դրա անդամ պետությունների՝ մի կողմից, և Վիետնամի Սոցիալիստական Հանրապետության միջև՝ մյուս կողմից, «Ազատ առևտրի մասին» 2015 թվականի մայիսի 29-ի համաձայնագրի (այսուհետ՝ Համաձայնագիր) 2.3-րդ և 2.4-րդ հոդվածներին, «Եվրասիական տնտեսական միության մասին» 2014 թվականի մայիսի 29-ի պայմանագրի 1-ին հավելվածի 43-րդ կետի 3-րդ ենթակետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող առանձին այն ապրանքների ցանկը, որոնց նկատմամբ կիրառվում են Եվրասիական տնտեսական միության և դրա անդամ պետությունների` մի կողմից, և Վիետնամի Սոցիալիստական Հանրապետության միջև՝ մյուս կողմից, «Ազատ առևտրի մասին» 2015 թվականի մայիսի 29-ի համաձայնագրին համապատասխան ներմուծման մաքսատուրքերի դրույքաչափեր, և այդ տուրքերի դրույքաչափերի ցանկը (այսուհետ՝ ցանկ)։

2. Սահմանել, որ Վիետնամի Սոցիալիստական Հանրապետությունում ծագող և Համաձայնագրին համապատասխան Եվրասիական տնտեսական միության մաքսային տարածք ներմուծվող ապրանքների նկատմամբ կիրառվում է ներմուծման մաքսատուրքի դրույքաչափ՝ մաքսային արժեքի 0 տոսոկի չափով՝ բացառությամբ սույն Որոշման 3-րդ կետում նշված ապրանքների, ցանկում ընդգրկված ապրանքների, ինչպես նաև այն ապրանքների, որոնց նկատմամբ կիրառվում է խթանող պաշտպանական միջոց՝ Համաձայնագրի 2.10 հոդվածին համապատասխան։

3. ԱՏԳ ԱԱ ԵՏՄ 6403 91 և 6403 99 ենթադիրքերում դասակարգվող՝ Վիետնամի Սոցիալիստական Հանրապետությունում ծագող և Համաձայնագրին համապատասխան Եվրասիական տնտեսական միության մաքսային տարածք ներմուծվող՝ թենիսի, բասկետբոլի կոշիկի, մարզումների և մարզասրահներում պարապմունքների համար նախատեսված կոշիկի և առնվազն 50 տոկոսով բնական կաշվից բաղկացած կոշկերեսով նույնանման այլ կոշիկի նկատմամբ (բացառությամբ այն կոշիկի, որն օգտագործվում է հիմնականում կամ բացառապես քայլելու, հետիոտն և լեռնային տուրիզմի, ալպինիզմի համար), սույն Որոշման 2-րդ կետին համապատասխան, մաքսային արժեքի 0 տոկոսի չափով ներմուծման մաքսատուրքի դրույքաչափը կիրառվում է հետևյալ պայմանների կատարման դեպքում՝

ա) ապրանքի ծագման հավաստագրի 8-րդ սյունակում «Սպորտային կոշիկ» («Spоrting footwear») լրացուցիչ նշման առկայություն.

բ) ապրանքի ծագման հավաստագրի լրացուցիչ թերթի վրա կոշիկի նշանակության և հետևյալ տեխնիկական բնութագրերին դրա համապատասխանության մասին հատուկ նշման առկայություն՝

անատոմիական հետքով և միջատակի կաղապարած հանգույցով կոճղակ.

կոշիկի կոշկերեսի քուղակապման համակարգ, որը պարունակում է յուրաքանչյուր կողմից առնվազն 5 օղագույց.

կաղապարման և անուղղակի ձուլվածքի (սոսնձված) եղանակով պատրաստված կոշկատակ, որն ունի հետևյալ հատուկ տարրերից առնվազն 2-ը՝ կոշտ զսպանավոր տարր (զսպակի համակարգ), բեռնաթափող ներդիր փնջավոր մասում, կրունկի հրման մեղմիչ, որը բաղկացած է կոշկատակի նյութից տարբերվող նյութից։

4. Սույն Որոշման 3-րդ կետում նշված պայմաններից որևէ մեկը չկատարելու դեպքում ԱՏԳ ԱԱ ԵՏՄ 6403 91 և 6403 99 ենթադիրքերում դասակարգվող՝ Վիետնամի Սոցիալիստական Հանրապետությունում ծագող և Համաձայնագրին համապատասխան Եվրասիական տնտեսական միության մաքսային տարածք ներմուծվող կոշիկի նկատմամբ կիրառվում է ներմուծման մաքսատուրքի դրույքաչափ՝ համաձայն ցանկի։

5. Սույն Որոշումն ուժի մեջ է մտնում Համաձայնագիրն ուժի մեջ մտնելու օրվանից, սակայն ոչ շուտ, քան սույն Որոշման պաշտոնական հրապարակման օրվանից 30 օրացուցային օրը լրանալը։