ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2005 ԹՎԱԿԱՆԻ ՀՈՒԼԻՍԻ 22-Ի N 101-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները՝ Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2005 թվականի հուլիսի 22-ի «Հայաստանի Հանրապետության գազամատակարարման համակարգի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվությունների ներկայացման կարգը հաստատելու մասին» N 101-Ն որոշման՝

1) մեջ «տեղեկատվություններ» բառը և դրա հոլովաձևերը փոխարինել «տեղեկատվություն» բառով և դրա հոլովաձևերով.

2) 1-ին կետով հաստատված հավելվածի՝ Հայաստանի Հանրապետության գազամատակարարման համակարգի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվությունների ներկայացման կարգի՝

ա. 7-րդ կետն ուժը կորցրած ճանաչել,

բ. 8-րդ կետը շարադրել հետևյալ խմբագրությամբ,

«8. Ներկայացված տեղեկատվությունում սահմանված ձևերին անհամապատասխանությունների, անճշտությունների և բացթողումների առկայության դեպքում լիցենզավորված անձը տեղեկացվում է այդ մասին և օրենքով սահմանված կարգով իրազեկվելու օրվան հաջորդող հինգ աշխատանքային օրվա ընթացքում հանձնաժողով է ներկայացնում ճշգրտված տեղեկատվություն կամ դրան առնչվող լրացուցիչ պարզաբանումներ։»,

գ. N 3 հավելվածի N 3-1 և N 3-4 ձևերը շարադրել նոր խմբագրությամբ՝ համաձայն համապատասխանաբար N 1 և N 2 հավելվածների:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հավելված N 1 Հայաստանի Հանրապետության հանրային ծառայությունները կարգավորող հանձնաժողովի 2018 թվականի հուլիսի 4-ի N 266-Ն որոշման

«Հավելված N 3 Հայաստանի Հանրապետության հանրային ծառայությունները կարգավորող հանձնաժողովի 2005 թվականի հուլիսի 22-ի N 101-Ն որոշմամբ հաստատված Հայաստանի Հանրապետության գազամատակարարման համակարգի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվության ներկայացման կարգի

Ձև 3-1

__________________________________ (ընկերության անվանումը) ԲԱՇԽՎՈՂ ԳԱԶԻ ՀԱՇՎԵԿՇԻՌԸ 20 …թվականի. ……………………….. համար (ամիս)

1. Սույն ձևով սահմանված տեղեկատվությունը ներկայացվում է ամսական կտրվածքով՝ մինչև հաշվետու ամսվան հաջորդող ամսվա 25-ը։

2. Սույն ձևի 6-րդ կետով բնական գազի սպառման ծավալները ներկայացվում են ըստ հանձնաժողովի որոշմամբ սահմանված սպառողական խմբերի և սակագների։

____________________________________________ (Ընկերության ղեկավարի ստորագրությունը) Կ.Տ. (առկայության դեպքում)

___________________________ (Անունը, ազգանունը)

«Հավելված N 3 Հայաստանի Հանրապետության հանրային ծառայությունները կարգավորող հանձնաժողովի 2005 թվականի հուլիսի 22-ի N 101-Ն որոշմամբ հաստատված Հայաստանի Հանրապետության գազամատակարարման համակարգի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվության ներկայացման կարգի

Ձև 3-4

__________________________________ (ընկերության անվանումը) ՏԵՂԵԿԱՏՎՈՒԹՅՈՒՆ ԲԱՇԽՎՈՂ ԳԱԶԻ ՎԵՐԱԲԵՐՅԱԼ 20 …թվականի. ……………………………….. համար (ամիս կամ ամիսներ)

1. Սույն ձևով սահմանված տեղեկատվությունը ներկայացվում է ամիսը մեկ անգամ՝ մինչև հաշվետու ամսվան հաջորդող ամսվա 25-ը՝ հաշվետու ամսվա համար և աճողական՝ ընթացիկ տարվա սկզբից։

____________________________________________ (Ընկերության ղեկավարի ստորագրությունը) Կ.Տ. (առկայության դեպքում)

___________________________ (Անունը, ազգանունը)