Գլխավոր տեղեկություն
Համար
ՆՀ-333-Ն
Տիպ
Հրամանագիր
Ակտի տիպ
Հիմնական ակտ (27.12.2013-09.04.2018)
Կարգավիճակ
Գործողությունը դադարեցված է
Սկզբնաղբյուր
ՀՀԳՏ 2014.01.15/2(481) Հոդ.1174.7
Ընդունող մարմին
ՀՀ Նախագահ
Ընդունման ամսաթիվ
23.12.2013
Ստորագրող մարմին
ՀՀ Նախագահ
Ստորագրման ամսաթիվ
23.12.2013
Ուժի մեջ մտնելու ամսաթիվ
27.12.2013
Ուժը կորցնելու ամսաթիվ
09.04.2018

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

 

Հ Ր Ա Մ Ա Ն Ա Գ Ի Ր Ը

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2002 ԹՎԱԿԱՆԻ ՕԳՈՍՏՈՍԻ 22-Ի ՆՀ-1164-Ն ՀՐԱՄԱՆԱԳՐՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածը՝ որոշում եմ.

Հայաստանի Հանրապետության Նախագահի 2002 թվականի օգոստոսի 22-ի «Հայաստանի Հանրապետության պետական մրցանակներ հիմնելու և շնորհելու կարգի մասին» ՆՀ-1164-Ն հրամանագրում (այսուհետ՝ հրամանագիր) կատարել հետևյալ լրացումները.

1. Հրամանագիրը լրացնել հետևյալ բովանդակությամբ 3.1-ին կետով.

«3.1. Հաստատել Հայաստանի Հանրապետության պետական մրցանակի դափնեկրի կրծքանշանի նկարագրությունը և ձևը՝ համաձայն 1.1-ին և վկայագրի ձևը՝ համաձայն 1.2-րդ հավելվածների:»:

2. Հրամանագիրը լրացնել հավելված 1.1-ով և հավելված 1.2-ով՝ համաձայն հավելվածի:

3. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
Նախագահ

 Ս. Սարգսյան

 

2013 թ. դեկտեմբերի 23

Երևան

ՆՀ-333-Ն

  

 

 

Հավելված

ՀՀ Նախագահի

2013 թ. դեկտեմբերի 23-ի

ՆՀ-333-Ն հրամանագրի

 

 

«Հավելված 1.1

ՀՀ Նախագահի

2002 թ. օգոստոսի 22-ի

ՆՀ-1164-Ն հրամանագրի

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՄՐՑԱՆԱԿԻ ԴԱՓՆԵԿՐԻ ԿՐԾՔԱՆՇԱՆԻ ՆԿԱՐԱԳՐՈՒԹՅՈՒՆԸ ԵՎ ՁԵՎԸ

 

 Հայաստանի Հանրապետության պետական մրցանակի դափնեկրի կրծքանշանը իրենից ներկայացնում է 26 մմ տրամագծով սկավառակ, որի կենտրոնում պատկերված է Արարատ լեռը, իսկ ներքևում՝ գիտությունը և արվեստը խորհրդանշող գիրք և փետուր:

Կրծքանշանի կենտրոնական պատկերները եզերված են դափնեպսակով, որի վերին մասի ներքևում կամարաձև գրված են «ՀՀ ՊԵՏԱԿԱՆ ՄՐՑԱՆԱԿԻ ԴԱՓՆԵԿԻՐ» բառերը:

Կրծքանշանը պատրաստված է 585 հարգի դեղին ոսկուց:

Կրծքանշանն օղակների միջոցով ամրանում է 25 x 15 մմ չափերով՝ ծայրերում անկյունակներով երիզված ուղղանկյունաձև կախիչին: Կախիչն արծնապատված է Հայաստանի Հանրապետության դրոշի գույներով (կարմիր, կապույտ, նարնջագույն), պատրաստված է 925 հարգի արծաթից և ոսկեպատված 999 հարգի ոսկով, հակառակ կողմում ունի հարմարանք` հագուստին ամրացնելու համար:

 Կրծքանշանի դարձերեսին փորագրված է կրծքանշանի հերթական համարը և ոսկու հարգը:

 

Ներմուծեք նկարագրությունը_2474

 

ՀՀ Նախագահի աշխատակազմի

ղեկավար

 Վ. Սարգսյան

 

 

Հավելված 1.2

ՀՀ Նախագահի

2002 թ. օգոստոսի 22-ի

ՆՀ-1164-Ն հրամանագրի

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՄՐՑԱՆԱԿԻ ԴԱՓՆԵԿՐԻ ՎԿԱՅԱԳՐԻ ՁԵՎԸ

 

Ներմուծեք նկարագրությունը_2475

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ

(ստորագրություն, կնիք) ԱՆՈՒՆԸ ԱԶԳԱՆՈՒՆԸ »:

 

ՀՀ Նախագահի աշխատակազմի

ղեկավար

 Վ. Սարգսյան