Basic information
Number
N 833-Ն
Type
Որոշում
Act type
Հիմնական ակտ (01.07.2004-մինչ օրս)
Status
Գործում է
Source
ՀՀՊՏ 2004.06.30/34(333) Հոդ.812
Enactment organisation
ՀՀ կառավարություն
Enactment date
10.06.2004
Signing organisation
ՀՀ վարչապետ
Signing date
14.06.2004
Ratification organisation
ՀՀ Նախագահ
Ratification date
16.06.2004
Effective date
01.07.2004

«Վավերացնում եմ»
Հայաստանի Հանրապետության
Նախագահ Ռ. Քոչարյան
16 հունիսի 2004 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

10 հունիսի 2004 թվականի N 833-Ն

 

«ՔԱՂԱՔԱԿԱՆ ՀԵՏԱԶՈՏՈՒԹՅՈՒՆՆԵՐԻ ԻՆՍՏԻՏՈՒՏ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ՄԱՍԻՆ

 

«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան` Հայաստանի Հանրապետության կառավարությունը որոշում է.

1. Հիմնադրման միջոցով ստեղծել «Քաղաքական հետազոտությունների ինստիտուտ» պետական ոչ առևտրային կազմակերպություն:

2. Սահմանել, որ «Քաղաքական հետազոտությունների ինստիտուտ» պետական

ոչ առևտրային կազմակերպության գործունեության հիմնական առարկան և նպատակներն են`

ա) ընթացիկ քաղաքականության, ինչպես նաև ներքին, տարածաշրջանային և աշխարհաքաղաքական անվտանգության վերլուծություններն ու մշակումները,

բ) ռազմավարական վերլուծությունները և մշակումները,

գ) տեղեկատվության համակարգումը և վերլուծությունը,

դ) Հայաստանի Հանրապետության ներքին և արտաքին քաղաքականության վերաբերյալ առաջարկությունների ու նախագծերի մշակումը,

ե) սոցիալ-քաղաքական ու տնտեսական վերլուծությունները և մշակումները,

զ) ազգային անվտանգության հայեցակարգի մշակումը,

Է) հասարակական տրամադրությունների և նախապատվությունների բացահայտումը, կանխատեսումը և համարժեք առաջարկություններ ներկայացնելը:

3. Թույլատրել «Քաղաքական հետազոտությունների ինստիտուտ» պետական ոչ առևտրային կազմակերպությանն իրականացնել ձեռնարկատիրական գործունեության հետևյալ տեսակները`

ա) գիտահետազոտական աշխատանքների իրականացում,

բ) փորձագիտական և խորհրդատվական գործունեության իրականացում,

գ) հրատարակչական գործ,

դ) տպագրական գործ և ծառայությունների մատուցում այդ բնագավառում,

ե) գիտական վերլուծությունների իրականացում:

4. «Քաղաքական հետազոտությունների ինստիտուտ» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 8-րդ հոդվածի առաջին մասով, 13-րդ հոդվածի 2-րդ կետի «գ», «դ», «ե» և «է» ենթակետերով ու 14-րդ հոդվածով նախատեսված լիազորությունները վերապահել Հայաստանի Հանրապետության Նախագահի աշխատակազմին:

5. Հայաստանի Հանրապետության կառավարությանն առընթեր պետական գույքի կառավարման վարչության պետին` Հայաստանի Հանրապետության Նախագահի աշխատակազմի հետ համաձայնեցնելով` մեկամսյա ժամկետում Հայաստանի Հանրապետության կառավարության հաստատմանը ներկայացնել «Քաղաքական հետազոտությունների ինստիտուտ» պետական ոչ առևտրային կազմակերպությանը սեփականության իրավունքով հանձնվող և (կամ) ամրացվող` պետությանը պատկանող գույքի կազմը և արժեքը:

6. Հայաստանի Հանրապետության ֆինանսների և էկոնոմիկայի նախարարին` Հայաստանի Հանրապետության Նախագահի աշխատակազմի հայտի հիման վրա, մեկամսյա ժամկետում Հայաստանի Հանրապետության կառավարություն ներկայացնել առաջարկություն «Քաղաքական հետազոտությունների ինստիտուտ» պետական ոչ առևտրային կազմակերպության գործունեության ֆինանսավորման վերաբերյալ:

7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
վարչապետ

 Ա. Մարգարյան


2004 թ. հունիսի 14
Երևան