ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Հ Ա Ն Ձ Ն Ա Ր Ա Ր Ա Կ Ա Ն

31 հունվարի 2017 թվականի

թիվ 4

քաղ. Մոսկվա

Եվրասիական տնտեսական հանձնաժողովի կոլեգիան, «Եվրասիական տնտեսական միության մասին» 2014 թվականի մայիսի 29-ի պայմանագրի 5-րդ և 18-րդ հոդվածներին համապատասխան և Եվրասիական տնտեսական հանձնաժողովի խորհրդի 2015 թվականի ապրիլի 23-ի «Եվրասիական տնտեսական միության ներքին շուկայի գործունեության փոխադարձ հասանելիությունը խոչընդոտող արգելքների, ինչպես նաև ապրանքների, ծառայությունների, կապիտալի և աշխատուժի տեղաշարժի հետ կապված առգրավումների և սահմանափակումների հայտնաբերմանն ու վերացմանն ուղղված աշխատանքների մասին» թիվ 7 կարգադրության 2-րդ կետի իրականացման, ինչպես նաև արգելքների հայտնաբերման և վերացման աշխատանքների արդյունավետության բարձրացման, Եվրասիական տնտեսական հանձնաժողովի և շահագրգիռ անձանց միջև տեղեկատվական փոխգործակցության զարգացման նպատակներով,

հանձնարարում է Եվրասիական տնտեսական միության անդամ պետություններին սույն հանձնարարականը Եվրասիական տնտեսական միության պաշտոնական կայքում հրապարակվելու օրվանից ֆիզիկական և իրավաբանական անձանց տեղեկացնել Եվրասիական տնտեսական միության ներքին շուկաների գործունեության շրջանակներում արգելքներին և սահմանափակումներին առնչվող հարցերով Եվրասիական տնտեսական հանձնաժողով դիմելու (այդ թվում՝ Եվրասիական տնտեսական միության տեղեկատվական ռեսուրսի միջոցով՝ https://barriers.eaeunion.org հասցեով) հնարավորության մասին:

Եվրասիական տնտեսական հանձնաժողովի կոլեգիայի նախագահ՝

Տ. Սարգսյան